الرياضيات عالمي الجميل للصف الثاني

السلام عليكم وأسعد الله ايامكم لفت إنتباهي شغله صايره خصوصا بقنوات التليغراف وحبيت أتكلم عنها والله بداعي الأجر المطلق لله أستاذتي اللآتي ينزلن دروسهن والعرض التقديمي للدرس سواء بالكينونة او بالبوار بوينت جزاكم الله خير الجزاء وفع الله بكم العباد حنا في ساحه واحده وهي إيصال المعلومه للتلميذ لاحظت إن بعض الاستاذات يسون التحضير بالبي دي اف لا يعدل والغرض منه العلامه المائيه لإسمها وحتى الوسائل بالبي دي اف بصراحه وكل شفافيه حرقتي تعبك اللي تبين منه أجر لله لأن مافيه معلمه بتأخذه والاسم موجود سواء تحضير او وسيله وأغلبكم لامستم سهوله طباعه وسائل مدرسه هديه لان لم يميزونها بعالمه مائيه والله إني أقول هالكلام لما شفت بعض الوسائل او العروض مكتوب بكل شريحه اسم المعلمه الاسهل نسوي ولا نشيل الاسم اتمنى محد يزعل علي وعلشان تآخذون أجر العلم النافع وهو من الصدقات التي تظل بعد مماتنا اللهم إجعله حجة لنا لا علينا والسلام عليكم ورحمة الله وبركاته 💐💐💐💐💐💐💐💐💐💐

وسائل الصف الثاني

مهما أتكلم عن تميز وعطاء مدرسه هديه عندما كانت رئيسة قسمهم الاستاذه الفاضله أبله شيمه المطيري أعجز عن الوصف معلمات الرياضيات الرابط السابق كنز من كنوز الرياضيات للمرحلة الابتدائيه إفتحوا المدونه بها من الخيرات الوفيره والعلم النافع

مساء الخير ، عساكم بألف خير💐 حابه أتذكر معاكم على إحتياجاتنا كمعلمين ومعلمات الكمبيوتر - الطابعه - الأيباد - الداتا شو - توصيله للداتا بالكهرباء - وصله الايباد للداتا - أوراق A4 بيضاء وملونه - جهاز تغليف حراري A3 علشان ينفع لجميع المقاسات - ورق تغليف حراري - مقص مناسب ومريح للقص - قطاعة ورق طبعا هذى الاجهزه الواجب توافرها علشان ترتاحون من المكاتب وخدمة الطالب بالنسبه للقرطاسية خمي كل شي 🤣 لاتنسون تسون فورمات للابتوباتكم علشان ما تعلق وياكم وفيه اذكر قبل سنه حطيت رقم واخد بالرقعي يسوي فورمات واذا جهازكم بطئ يحط قطعه تسرع الجهاز وكل عام وانتم بألف خير وعوده سعيده على الجميع