IV Notes 💉

بخصوص إختياراتك لأدوية علاج الضغط في العيادة , بإختصار شديد وغير مخل هتتصرف كالتالي : ⬇️ 1️⃣ أولا حدد سن المريض وتحديداً إذا كان فوق 55 ولا تحتها 2️⃣ حدد ال Comorbidities اللي عند المريض وخصوصاً ال DM 3️⃣ وخلي معاك serum electrolytes للمريض هتحتاجها في وقت ما ⏬⏬⏬ وزي ما أنت شايف قدامك في الدياجرام : 💹 1- لو العيان Diabetic في المطلق بغض النظر عن سنه هتبدأله ACEI أي حاجة فيه pril زي ramipril or enalapril في السوق Tritace or Ezapril أو ابن عمه ARBs أي حاجة اخرها sartan زي Omlesartan or Valsartan في السوق Erastapex or Tareg ( وده في حالة إن ال ACEI العيان مش مستحمله للعرض الجانبي الأشهر Dry cough إنما في الأساس ال ACEI مقدم عن ال ARBs ) 🫀 2- لو العيان مش Diabetic بص على سنه لو تحت ال 55 هتمشي معاه بنفس النظام اللي حكينا عليه في النقطة رقم 1 وهو ACEI or ARBs 🫀 3- لو العيان مش Diabetic وسنه فوق ال 55 هتبدأ معاه CCB ال peripheral اللي بيشتغلوا على ال Blood vessels زي ال amlodopine في السوق Norvasc ( وليس ال Central اللي بيشتغلوا على ال HR زي ال Verapamil في السوق Isoptin ) 🫀 4- لو كان النظام المستخدم غير كافي في تظبيط الضغط مع أي عيان من اللي فوق هنعمل تباديل وتوافيق , يعني لو بياخد ACEI or ARB هنضيفله CCB ولو كان بياخد CCB هنضيفله ACEI or ARB وممكن نستخدم خطة بديلة إننا بغض النظر هو بياخد ايه كـ 1st line نضيفله Thiazide diuretic على علاجه يعني لو بياخد ACEI نخليه ACEI + Thiazide لو بياخد ARB نخليه ARB + Thiazide لو بياخد CCB نخليه CCB + Thiazide ( ال Thiazide زي Indapamide في السوق Natrilix 🫀 5- لو كان النظام حتى الأن غير كافي في السيطرة على الضغط هنمشيه على ال 3 أنواع اللي اتكلمنا عليهم حتى الأن CCB + ACEorARB + Thiazide 🫀 6- لو كان النظام حتى الأن غير كافي السيطرة على الضغط هنحتاج نعرف ال serum K كام وتحديداً 4.5 فوقها ولا تحتها , لو تحت 4.5 ممكن أضيفله potassium sparing diuretic زي ال spironolacton في السوق Aldacton , لو كان البوتاسيوم فوق 4.5 مش هقدر أضيف spironolacton لأنه هيعلي البوتاسيوم أكتر ساعتها ممكن أضيف Beta blocker or Alpha blocker زي Bisoprolol or Doxazocin في السوق Concor or Cardura 🫀🫀🫀 وفي كل مرة هتنقل فيها من خطوة للتانية هتتأكد إن الضغط مش متظبط من جدول فيه أكتر من قياس مش مجرد قياسة واحدة وتتأكد إن المريض ملتزم على علاجه ميكونش هو مكبر دماغه بس منتظر ضغطه يتظبط عشان هو نيته كويسة وجدع وصاحب صاحبه 😁 #By_Dr_Mo #iv_notes

ال Primperan ولا ال Zofran 🙄 أنا مقدر والله الظروف الإقتصادية اللي الناس فيها ومعدش حد مستحمل حاجة 😞 بس انت دورك تقدر المكاسب والخسائر بميزانك كويس عشان تقدر تفيد العيان بتاعك لأقصى درجة 👌 انا عارف إن فرق السعر ما بينهم كبير بس تعالى نشوف فرق الشغل ما بينهم عامل إزاي في عيان ال Gastroenteritis اللي هو انت بتشوفه كل يوم تقريباً 🤢 القصة بدأت بعيان Nausea, Vomiting, Diarrhea خدت History وعملت Examination وتوصلت إن دي GE بسيطة إن شاء الله Supportive ttt وهتروح لحالها ✅ طيب الراجل أو الست أو الطفل أو أي كان مين المريض ده محتاج anti emetic عشان نوقفله الترجيع اللي مبيقوفش ده نديله ايه ❗️ أشهر Two options عندنا كلنا هما ال metoclopramide وال ondansetron وعادة فرق السعر ما بينهم بيخلينا نميل لل metoclopramide عشان نخفف من على جيب العيان ظناً مننا إنها محصلة بعضها , بس الحقيقة خالص ‼️فرق السما والأرض بينهم في التأثير والعيان بتاعك لو جرب الإتنين هيقولك على الفرق بنفسه 🤌 ال ondansetron هو ال 1st line anti emetic drug في وضعك ده وبلا منازع , ليه !! لأن ال GIT irritation اللي حصل بفعل ال GE أدى إلى إنتاج كمية كبيرة من ال serotonin في ال GI mucosa وده لوحده يعمل inflammation في ال GIT ويروح إلى 5HT receptors ينشطها ويعمل ال Vomiting وبالتالي لو انت قفلت الطريق ده كله بـ ondansetron يبقى انت حليت مشكلته centrally & peripherally يعني مش مجرد وقفت إشارات الترجيع انت كمان عالجتله إلتهابات ال GIT وده العيان هيحسه بنفسه مش مجرد إن الترجيع وقف لأ احساس ال GI irritation هيتحسن عنده 👏ودي حاجة ال metoclopramide ميقدرش يعملها ❌ وأقولك على حاجة تانية بصراحة لو حاولت تشوف للعيان براند سعره حنين شوية من ال ondansetron مش هتلاقي فرق كبير زي ما انت متخيل لأن أصلا هو بيدفع معظم الفلوس في الخدمة نفسها مش في ثمن الأمبول .. فالحقيقة لو حطيتها على الميزان هتلاقي ondansetron يكسب وبفرق محترم جدا كمان في ال Vomiting (( اللي بسبب مشاكل ال GIT )) 👉 وعشان محدش يقول عليا متحيز هقولك على سر تاني لل Primperan يكون فيه هو أعظم anti emetic ألا وهو حالة ال MIGRAINE الصداع النصفي الـ Primperan كـ Dopamine antagonist هو مش مجرد anti emetic ده كمان analgesic لأن ال Dopamine مشارك في الصداع الناتج عن ال Migraine لدرجة إن التوصيات بتقولك في حالة ال severe migraine استخدم ال metoclopramide حتى لو مفيش nausea or vomiting 😁 صحصح واعرف كل واحد بيستخدم فين وليه 😉 #By_Dr_Mo #IV_Notes

~ بوست بلدي بزيادة ~ إمبارح إتكلمنا عن ال Leukemoid reaction و فـ وسط الكلام قولنا مثل بلدي بردو كدة عن ال Leukemia نفسها إنها زي الفريك مبتحبش شريك .. وبالتالي بنلاحظ وجود Anemia & thrombocytopenia , عايزين دلوقتي بقى نفسر بالبلدي ليه ده بيحصل ‼️ - دلوقتي اللي أعرفه إن اللوكيميا يعني زيادة جنونية في WBCs , صح ؟ -صح ✅ طيب واللي أعرفه بردو إن WBCs دي هي جنود المناعة بتوع الجسم , صح ؟ صح ✅ طيب واللي أعرفه بردو إن اللي عنده لوكيميا بتبقى مناعته ضايعة , صح ؟ صح ✅ طب إزااااااااااااي ‼️ دلوقتي الـ WBCs اللي اتجننت دي بتنقسم بشكل جنوني متواصل مش راضية تقف وبتنتج خلايا جديدة , ده يهيألك في البداية إن هما كدة كتير فالمفروض مناعتي تكون عالية ولكن اللي بيحصل على العكس تماما لأن أي خلية في جسم الإنسان وهي بتنقسم متقدرش تعمل اي حاجة تانية غير الانقسام لأن في مرحلة ال Mitosis كل المعاملات الحيوية بتتوقف من أجل إنقسام ناجح للخلايا وبالتالي مينفعش تطلب من الخلايا اللي عمالة تنقسم ليل نهار إنها تدافع عنك هي مش فضيالك بصراحة 🤷 - طيب أنا أعرف بردو إن بيجيله Anemia , صح ؟ - صح✅ - طيب والأنيميا دي بتحصل لما RBCs بتقل , صح ؟ - صح✅ - طيب وهي مال الـ RBCs دلوقتي بالموضوع .. ما الـ WBCs هي اللي فيها المشكلة ‼️ - طيب خلينا نضربلك مثال توضيحي تاني عندنا مصنع بيصنع تيشيرتات وعنده مخزن المخزن ده سعته يشيل 100 كرتونة فيها تشيرتات والمخزن ده مليان حاليا ب 80 كرتونة تيشيرتات بيضاء و 10 حمراء و 10 صفراء ينفع حضرتك تطلب منه إنه يخزنلك كل يوم في المخزن 80 كرتونة تيشيرتات حمرا زي البيضا ؟ ما هو إذا أردت أن تطاع فاؤمر بما يستطاع , نخاع العظام اللي هو مكان تصنيع خلايا الدم في جواه تصنيع وانقسام جنوني لخلايا الدم البيضاء مالية نخاع العظام وزاحمة الدنيا جوة وبناء على ذلك معدش في مكان لخلايا الدم الحمراء وبناء على ذلك هيحصل نقص فيها وبناء على ذلك هيحصل أنيميا وكذلك نفس الكلام هيحصل مع ال platelets 👌 وبس كدة ... #By_Dr_Mo #IV_Notes

مش كل TLC في السما تبقى Leukemia ❌ هو ايه اللي حصل ؟! 🤔 اللي حصل إنك استلمت عيان في المستشفى بتراجع تحاليله النهاردة لقيت ال TLC ستين ألف !!! 😨 اترعبت و كلمت بتاع الأورام عشان العيان بتاعك بقى عنده لوكيميا خلاص ⏪ قالك طيب ما تديني هيستوري ⏪ وبعد ما وصفتله وضع العيان ⏪ لقيته هو أكثر هدوءاً و طلب منك شوية حاجات تعملها عشان نتأكد ⏪ قومت انت قولتله ليه هو انت مش متأكد ده ستييييين ألف !! ⏪ فقالك هو أنا متأكد أه بس متأكد انه مش لوكيميا بس هنعمل التحاليل احطياتي 🤨 - هو العيان بتاعك ماله ❓ - عيان جاي بـ sepsis (( أياً كان الـ Source )) بس ال TLC عالي جداً أنا عمري ما شوفت عيان كدة ممكن يبقى 20 الف 30 الف انما 60 !! 🧐 - أنا معاك انك ممكن تخاف إنها تبقى لوكيميا ولكن في سيناريو العيان بتاعك فهي في أغلب الظن حاجة اسمها leukemoid reaction , ده ريأكشن مش شرط يحصل في كل العيانين بس أحيانا يحصل إن بيتم تجنيد عدد مهول من ال WBCs أثناء ال Infection فتشوف أرقام أعلى من 50 ألف فساعتها لو عدت خمسين ألف تقول عليه Leukemoid reaction لأنه الرقم فعلا بقى مش طبييعي انه يبقى من ال leucocytosis الطبيعية لل Infection ✋ - طيب وأنا هتأكد ازاي ؟!❗️ - أولا من خلال السيناريو عيان كانت ال CBC بتاعته منطقية من يومين والنهاردة ضربت مرة واحدة وزي ما انت عارف الأورام بتاخد وقت لأن ال WBCs بتعلى فيها بفعل process الورم نفسه إنما ال Infection سريعة جدا لأن ال WBCs بتعلى فيها بفعل الجهاز المناعي للجسم اللي هو أصلا mature ومدرب ومجهز إنه يفور الجسم كله في ظرف ساعات ويعلن الطوارئ عشان يواجه ال infection دي .. كمان عندك source of infection وباقي ال inflammatory markers ممكن تبقى عالية من ال CRP and pro-cal مثلاً 🤚 - طيب أنا هنا بحاول أثبت إنها infection ازاي بقى هحاول أنفي إنها أورام 🙄 - طيب بص يا سيدي .. أولا زي ما ال sepsis ليه أرقام منطقية تحت ال 50 ألف ولو زاد عن ال 50 ألف ساعتها هسميه leukemoid rection فكذلك ال leukemoid reaction ليه أرقام منطقية ولو زاد عنها فلازم تدور بإجتهاد شديد على لوكيميا .. الرقم ده هو 100 ألف صعب جدا ال leukemoid reaction يعدي ال 100 ألف كذلك لو العيان مفيهوش signs of infection لازم تشك بتبص على السونار بتاع العيان ال splenomegaly هتشكك أكتر في ورم بتبص كذلك على باقي ال CBC وزي ما انت عارف اللوكيميا زي الفريك متحبش شريك , فلو فيه لوكيميا ممكن تلاقي مصاحبها Anemia & thrombocytopenia وده عادة ميحصلش في ال Infection إلا في ظروف خاصة , كذلك ال infection تلاقي فيها band cells كتيرة عكس اللوكيميا هتلاقي فيها blast cells كتيرة لما تعمل صورة peripheral smear 🩸 - طيب مفيش حاجة حلوة كدة تجيب من الأخر عشان مبقاش محتار 😵‍💫 - أقولك , اعمله تحليل Leukocyte Alkaline Phosphatase لو لقيته عالي ده infection لو لقيته واطي فده tumor في الأغلب وساعتها هنخش بقى في قصة ال bone marrow aspiration وحاجات كبيرة كدة .. وخد بالك في النهاية كلها كام يوم والمضادات الحيوية هتجيب نتيجة ان شاء الله وتلاقي ال TLC نزلت طبيعية تاني وهتطمن ان شاء الله 🙌 Leukemia Vs Leukemoid reaction #By_Dr_Mo #IV_Notes

عايزك تبقى واعي بقى الله يكرمك وتعرف إن مفيش حاجة في الطب بتتاخد بحد السيف ( في أغلب الأمور يعني ) فلما بنقول إنه ممنوع في حالة كذا يبقى يفضل عدم استخدامه , ما لم يكن هناك سبب أقوى لإستخدامه .. طيب إزاي ؟ - بنقول انه ممنوع في عيان ال HF بس هنمنعه في ال acute لأن ده هيقلل ال COP والدنيا مش ناقصه اصلا , القلب دلوقتي مش قادر يزق شوية دم لقدام هقوم أنا أقلل كفاءته أكتر مينفعش ! .. ولكن ممكن استخدمه في حالات ال chronic بدون acute attack عشان أقلل الجهد الحركي على العضلة شوية فمتتعبش بسرعة لو كانت الدنيا compensated فخلاص الأمور تمام - بنقول إنه بيعمل Bronchoconstriction فممنوع في ال COPD , طيب افرض عندي سبب مهم جدا مخليني محتاج استخدم BB وأنا عندي COPD ساعتها هستخدم حاجة highly selective B1 blocker زي ال Nevilob مثلاً ساعتها هيكون بعيد عن ال bronchi وبردو خد بالك ميكونش عندي Acute exacerbation of COPD نفس مبدأ ال HF - بنقول انه بيعمل Hypoglycemia فمينفعش في عيان السكر .. ده كلام مظبوط , بس افرض بردو عندي indication قوي لل BB في عيان سكر ! ساعتها ممكن استخدمه بس العيان ميكونش عنده high risk of hypoglycemia وكذلك اختار حاجة selective B1 الطب بيبدأ انك تعرف المعلومة (( مش هنألف )) بس بيكمل بإنك تكون فاهم فتعدل على المعلومة المبدأية بفهمك هتلاقي الدنيا سهلة وبسيطة وماشية معاك حلاوة 👌🏼

بخصوص ال Beta blockers والحالات اللي مينفعش استخدمها فيها .. من غير حفظ وبالمنطق كدة تعالى نفكر : ال B1 receptors موجودة على ال heart & kidney هي أصلا بتزود ال Rate & contractility of heart و بتزود ال renin release , وبالتالي لو قفلتها هيقل ال HR & contractility & Blood pressure وده يعمل مشكلة لو أنا بالفعل عندي hypotension , bradycardia , heart block , Acute heart faliure وبالتالي هو ممنوع مع الحالات دي ال B2 receptors موجودين على ال Blood vessels بيعملوا VD وموجودين على ال Bronchi بيعملوا Dilation وموجودين على ال Liver بيزودوا إنتاج ال Glucose وبالتالي قفل ال B2 بال Beta blockers هيعمل Vasoconstriction فممنوع مع عيانين ال PAD وهيعمل Bronchoconstriction فممنوع مع عيانين ال COPD وهيعمل Hypoglycemia فممنوع مع عيانين ال Diabetes #By_Dr_Mo #IV_Notes

معلومة في الوريد 💉 مش كل عيان مش مرتاح في النوم على ظهره يبقى pulmonary edema ⛔️ عيان ال Obstructive sleep apnea مش هيرتاح وهو نايم supine لأن ده وضع بيساعد في قفل ال airways هيرتاح لو نام في lateral or prone positions ✅ #By_Dr_Mo #IV_Notes

معلومة في الوريد 💉 دور ال steroid في ال Bell's palsy مقتصر فقط على أول 3 أسابيع لأن كل وظيفته إنه يحسن ال Edema وال Edema بتنتهي بعد 3 أسابيع , فلو جالك بعد 3 أسابيع ووصفت steroid يبقى كدة عك . 💊💊 #By_Dr_Mo #IV_Notes

معلومة في الوريد 💉 عيانين ال asthma ممنوع عنهم المسكنات لأنها بتزود ال attack عشان بتقفل طريق ال cox وبتوجه كل ال mediators ناحية طريق ال lox اللي بيعمل ال asthma طيب بعيدا عن ال paracetamol هل كل المسكنات ممنوعة ؟ لأ ال selective cox2 inhibitors زي ال celecoxib مفيش منهم مشكلة لأن ال asthma بتشتغل على cox 1 فقط 💊💊 #By_Dr_Mo #IV_Notes

Facebook channel http://www.facebook.com/dr22mo Telegram group https://t.me/IVNOTESCHAT WhatsApp channel https://whatsapp.com/channel/0029Vb2Y2Ar6mYPUasG18r37 WhatsApp group https://chat.whatsapp.com/IAK38a28tqFJgBxolG3ZM1 YouTube www.youtube.com/@IVNotesMo

معلومة في الوريد 💉 لو لقيت Microcytic anemia وحاولت تعالجها بال iron ملقتش استجابة، روحت مديها pyridoxine اللي هو vitamin b6 لقيتها اتحسنت اعرف ان دي sideroblastic anemia 🩸🩸 #By_Dr_Mo #IV_Notes

معلومة في الوريد 💉 السبانخ حديدها مغشوش 😑 أو بمعنى أخر non heme iron إمتصاصه ضعيف , ده غير إن الأكل اللي فيه phytate & oxalate بيمنع إمتصاص الحديد زي السبانخ والطماطم والفشار والبليلة ❌ #By_Dr_Mo #IV_Notes

ال febrile reaction بتحصل عشان كرات الدم البيضاء بتفرز مواد (Cytokines) أثناء تخزين الدم. دي من أكتر المضاعفات اللي ممكن تحصل بعد نقل الدم، وبتظهر وقت أو بعد النقل بشوية كحرارة عالية مع رعشة. التحاليل والأشعة بتكون طبيعية. عشان نقلل الخطر ده، ممكن نشيل كرات الدم البيضاء من الدم قبل التخزين، وده بيقلل إفراز السايتوكينات اللي بتسبب المشكلة. فيما يعرف بالدم المفلتر العلاج بيكون بوقف نقل الدم، و إعطاء خافض حرارة، والتأكد إن مفيش سبب تاني للحرارة. في الحالة دي، أفضل حل هو باراسيتامول ليه البروفين غلط ! مسكن ومضاد التهاب بيستخدم لعلاج الألم والحرارة، لكنه ممكن يسبب التهابات وقرح في المعدة والاثنى عشر. والمريض ده أصلاً عنده أنيميا بسبب نزيف من قرحة في الإثنى عشر، فالأفضل له باراسيتامول بدل إيبوبروفين. ليه ال steroids & antihistaminics غلط ! لأنهم بيستخدموا في علاج الحساسية الشديدة (Anaphylaxis)، اللي ممكن تحصل مع نقل الدم ومعاهم ال adrenaline طبعا، الحساسية دي بتيجي مع dyspnea or wheezing, urticaria, flushing, nausea and emesis, edematous lips and tongue, and hypotension with tachycardia. ده غير أن ال Anaphylaxis دي بتحصل بسرعة جدا مش بتنتظر ساعة على ما تظهر زي ما حصل هنا

Febrile nonhemolytic transfusion reactions occur due to cytokine release from leukocytes during blood storage. They present with isolated fever and possible rigors. Risk factors include platelet or red blood cell transfusions, especially in children, and prolonged storage time. Prestorage leukoreduction reduces the risk. Treatment involves stopping the transfusion, managing fever with antipyretics like paracetamol, and ruling out other fever causes.

Ali is 40y old man , his medical history includes only osteoarthritis , he was hospitalized due to bleeding duodenal ulcer , he has never received a blood transfusion in the past.  1 hour after transfusion of packed red blood he developed fever and chills he  is pale and flushed , pulse is 99/min and regular, and blood pressure is 120/180 . Examination shows no abnormalities.