Bhumi Suneel భూమి సునీల్

నిన్న ఏరువాక - రైతు బిడ్డల పొలం బాట కార్యక్రమంలో పాల్గొని రైతులతో మాట్లాడి వారితో సెల్ఫీ దిగి సామాజిక మాధ్యమాలలో పెట్టిన అందరికి హృదయ పూర్వక కృతజ్ఞతలు. రైతు బిడ్డలందరు ఈ కార్యక్రమాన్ని రాబోయే ఏరువాక పండుగ దాకా కొనసాగించాలని మనవి. ఏరువాక - రైతు బిడ్డల పొలం బాట కార్యక్రమంలో భాగంగా వచ్చే శనివారం (4 జులై 2026) నాడు రైతు కుటుంబాల నుండి వచ్చిన లాయర్లు, లా విద్యార్దుల పొలం బాట కార్యక్రమం నిర్వహించబోతున్నాము. వివరాలు తెలియజేస్తాము. భూమి సునీల్

#SelfieWithFarmer #రైతుతోసెల్ఫీ ఏరువాక రైతు బిడ్డల పొలం బాట లో భూమి సునీల్ కొండపాకోని గూడెం నార్కెట్ పల్లి మండలం నల్లగొండ జిల్లా 29.06.2026 #SelfieWithFarmer #Eruvaka #RythyBiddalaPolamBata #SelfieWithFarmer #FarmerFirst #BackToRoots #CelebratingAgriculture #Farmers #Villages #Students #Professionals #LEAFS #CLAP #BhumiSuneel

నీ జాతివారలు రాజులై యుండియు కనజాలరైరి నీ కష్టమెల్ల నీ కొలమందు జన్మించిన యాజమిం దారులు గనరు నీ తాపమెల్ల నీ శాఖలో ధననిలయులౌ కొందరు పరికింపలేరు నీ బాధలెల్ల నీ తెగలో విద్యనేర్చిన బియ్యేలు లిఖించరైరి నీ లేములెల్ల గీ||న్యాయవాదులు నీవార లడుగరైరి న్యాయమూర్తులు నీవార లరయరైరి ఇంక పెఱవారి ముచ్చట లెందుకయ్య కర్షకా! నీదు కష్టముల్ గాంతురెవరు? రైతు కులానికే చెందిన వారు పెద్ద పెద్ద జమిందారులుగా ఉంటారు, అయినా రైతాంగం ఇబ్బందుల్ని వారు పరిగణనలోకే తీసుకోరు. రైతు వర్గీయులే మహా ధనికులై ఉండి కూడా సాటి కర్షకులెదుర్కొనే బాధల్ని లెక్కచేయరు. రైతు కుటుంబాల నుంచే వచ్చి పెద్ద చదువులు చదివిన వారు కూడా రైతుల లోటుపాట్లేంటో తెలుసుకొని పై వారికి రాయరు. నీ వారే అయినా న్యాయవాదులు అడుగరు, నీ వారై కూడా న్యాయమూర్తులు తెలుసుకోరు. అయినవాళ్లే ఇలా ఉంటే, ఇక పరాయివారెలా ఉంటారో మాట్లాడటం అనవసరం. మరి రైతు కష్టాల్ని పట్టించుకునేదెవరు? అని వందేండ్ల క్రింద గంగుల శాయిరెడ్డి అనే కవి ప్రశ్నించారు. ఇప్పటికి పరిస్థితి మారిందా? ఏరువాక, రైతు బిడ్డల పొలం బాట కార్యక్రమం ద్వారా మనవంతు సమాధానం ఇద్దాము. పదండి పల్లెకు పోదాం. రైతుల తో మాట్లాడుదాం. మేమున్నాం, నీ వెన్నంటి నడుస్తాం అని రైతుకు చెబుదాం. ఈ కవితను మార్చి రాద్దాం. భూమి సునీల్

రైతు బిడ్డల పొలం బాట మనకు ఉన్న రైతుల తో అనుబంధం సాగుతో సంబంధం మట్టి పై మమకారం పల్లెతో పేగుబంధం మనవంతుగా సేవచేసి నిలుపుకుందాం రైతు బిడ్డలందరం రాబోయే ఏరువాక నుండి పొలం బాట పడదాము. మన జ్ఞానాన్ని, హోదాలను, డిగ్రీలను, పరిచయాలను కొంతన్నా సాగు కోసం, రైతుల బాగు కోసం ఉపయోగిద్దాము. భూమి సునీల్

రైతు బిడ్డల పొలం బాట ఏరువాక నుండి ఎవుసాయం మొదలు అదేరోజు నుండి మన పొలం బాట కూడా రైతు కుటుంబాల నుండి వచ్చి వ్యవసాయం, న్యాయశాస్త్రం, ఇంజినీరింగ్, వైద్యం, మేనేజ్మెంట్, జర్నలిజం, ఇలాంటి వృత్తి విద్యా కోర్సులు చదివిన లేదా చదువుతున్న అందరు ఓ సారి గ్రామాలకు వెళ్లి మీ జ్ఞానాన్ని రైతులకు పంచండి. వారి సమస్యలు వినండి. సలహాలు అందించండి. ఆ సమస్యల పరిస్కారానికి మీవంతు ప్రయత్నించండి. మనకు ఉన్న మట్టితో అనుబంధం సాగుతో పేగుబంధం పల్లెతో ఋణానుబంధం మనవంతుగా సేవచేసి నిలుపుకుందాం భూమి సునీల్ #RythuBiddalaPolamBata #PolamBata #BackToRoots #LEAFS #GramaSeva #BhumiSuneel

రైతు బిడ్డల పొలం బాట వ్యవసాయ కుటుంబం లో పుట్టి ఉన్నత చదువులు చదివిన లేదా చదువుతున్న అందరం ఓ సారి పొలం బాట పడుదాం రండి. మన చదువును, మన హోదాలను కొన్ని రోజులైన మన మూలాల కోసం ఉపయోగిద్దాం. రైతుల తో మాట్లాడుదాం. వారి సమస్యలు, కష్టాలు విందాము. మనం ఇవ్వగలిగే సమాధానాలు ఇద్దాము. చెయ్యగలిగే సాయం చేద్దాం. రైతును ఆదుకుందాము, వ్యవసాయాన్ని కాపాడుకుందాం. ఏరువాక నుండి సాగు మొదలు. అదేరోజు నుండి మనం కూడా పొలం బాట పడుదాం. భూమి సునీల్

భూమి పన్ను వసూలు చేసే బదులు, ప్రతి సంవత్సరం రైతులకు భూమి రికార్డుల నకలును (కాపీని) ఇంటింటికి ఉచితంగానో లేదా కనీస రుసుముతోనో అందించడం మేలు. ఉమ్మడి వరంగల్ జిల్లాలోని మూడు గ్రామాల్లో మేము ఒక దశాబ్దం క్రింద ఆ విధంగా భూమి రికార్డుల కిట్లు అందించాము. నాలుగేళ్ల క్రితం కర్ణాటక ప్రభుత్వం ఇంటింటికీ భూమి రికార్డులను పంపింది. భూమి సునీల్ Instead of collecting land tax, governments should consider giving a copy of land records to the farmers every year at their doorsteps either free of cost or on payment of minimum fee. We have given land records kits to farmers in three villages of combined Warangal district a decade ago. Four years ago Karnataka government has sent land records to people's doorsteps. Bhumi Suneel

At RDO office Hanmakatonda హన్మకొండ ఆర్డిఓ కార్యాలయం లో

ప్రపంచ పర్యావరణ దినోత్సవం సందర్భంగా... On the World Environment Day...