مريم المنشاوي || بين السطور ღ.

إنت لازم تعيش في العتمة الأول وتتأثر، تمر بتجارب متوقعتش إنك تكون فيها، تجيلك الضـ ربة من الأشخاص اللي كنت بتقول إنهم مستحيل يكونوا سبب في ندبة لقلبك كل ده لازم تمر بهِ علشان لما تتنقل للنور تقدر قيمته وتحافظ عليه "" .. هتقابل بعدين الأشخاص اللي أفضل معاملة ليك هي بالنسبة لهم الـ bare minimum وإنك تستاهل أحسن من ده بكتير! هتلاقي جهازك العصبي بيهدا، عقلك بيتعمله shut down بكل هدوء لإنك مش خايف، مش دايمًا في حالة دفاع، مش دايمًا قلقان ومضطر تشغل دماغك وتفكر كتير! بعد كل العتمة اللي مريت بيها في حياتك، هتقدر قيمة النور اللي هينور حياتك بجد 🙏🏻♥.. #مريم_المنشاوي

من رسائل روزالي التي لم تنته.. عزيزي إلياس، أعلم أن وجودك الآن يشبه النجاة، كأنك يدٌ امتدت لي في اللحظة التي كنتُ أغرق فيها. أنا خائفة .. ليس منك، بل من نفسي حين تُحب، ومن قلبي حين يمنح بلا حدود، ثم يُترك ليواجه الخسارة وحده. لا أطلب منك أن تُصلح ما أفسده غيرك، ولا أنتظر منك أن تتحمل ما لم ترتكبه، كل ما أريده - أن تكون رحيمًا بقلبي، أن تُربّت على أفكاري حين تثور، أن لا تُحمّلني أكثر مما أحتمل. إن أحببتني، فلا تجعلني أشعر أنني في اختبار، ولا تضعني في مقارنة مع أحد، ولا تدفعني لأحارب مخاوفي وحدي. أنا أحبك نعم أحبك، لكنني أخاف أن أعود لذلك العالم، أن أُسلم نفسي لموج لا أعرف إن كان سينقذني هذه المرة أم سيُغرقني أكثر. ولكني أتمنى ألا أصيب بالخذلان منك ♥"" #مريم_المنشاوي

استوقفتني إليانا كريستي حين قالت: "ماذا أفعل أكثر يا دانيال؟ إن الذي أحبه يرى عيناي عادية!" تذكّرتُ أن من أحب لم يراني مميزة عنهن بل يرى غيري الأجمل في كل شيء. لم يرَ محاولاتي، ولو بقدر ذرة، وكأنّه كان عليّ أن أفعل ما لم يفعله هو. أتيتُه منكسرةً فزادني انكسارًا. أخبرته عن زلّاتي، عن انكساراتي، وعن وجع ما مررت به، انتظرت أن يحتويني، لكنه لم يفعل، بل عاتبني لأنني لم أمنحه الحب الذي يريده. للمرة الأولى شعرت أنني لست مرغوبة، وأن أحدهم لم يحاول كفاية من أجلي. كلما نظرت إلى عينيه، أتمنى أن يفهمني، أتمنى احتضانه لكنني، ولو للحظة، أتذكر أنه لم يحاول من أجلي، لم يحبني كما أحبّه، بل يراني عادية، ويراني غيره مُبهرة بلا حدود! 🤎. #مريم_المنشاوي

سيأتي ذلك الرجل ليس ليُبهرك، بل ليُطمئنك. سيمنحكِ الأمان حتى تتوقفي عن الكثير من الأسئلة التي سببها الخوف لكِ حتى يهدأ ذلك الصوت الداخلي الذي اعتاد القلق. معه، لن تُطالبي بحقوقكِ بل ستجدينها تأتيكِ دون طلب، دون نقاش، وكأنها حق بديهي لا يحتاج إثباتًا. سيمنحكِ ما يجعلكِ سعيدة، ويُعيد لكِ قيمتك من جديد ربما شككتِ فيها يومًا. سيأتي من يُسكن فوضى عقلكِ، فقط لأنه حاضر، ثابت، واضح، قوي وشجاع. سيجيب عن أسئلة لم تنطقي بها، لأنه يرى خوفكِ، ويفهم ما مررتِ به دون شرح. سيأتي من يعطيكِ الكثير ولا يكتفي، من يتمنى أن يراكِ لامعةً في كل شيء، كأن نجاحكِ جزء من قلبه. وحين يأتي لن تحتاري في معرفته، بل ستعرفينه عندما يسكن الهدوء قلبكِ، وعندما تصبحين أكثر طمأنينة، فقط لأنه بجواركِ 🩷🎀. #مريم_المنشاوي

حتى وقت الزعل هتلاقيني شخصية مسالمة ميتخافش منها"" مش هكشف سر عنك، مش هقلل من شعورك في حاجة حكيتهالي قبل كده، مش هضـايقك وأسبب لك الزعل في حاجة مضايقاك، حاجة افتقدتها، حاجة سببت ليك خذلان واستغلها ضدك "بمبدأ إني زعلان منك، لأنك زعلتني" .. مش هستغل أمانك وثقتك فيا في يوم من الأيام وأي حاجة فضفضت فيها في يوم من الايام ضدك "" هتلاقيني مسالمة في كل الأوقات، ومهما يحصل خلافات سرك واحساسك كانوا وما زالوا في أمان ❤️‍🩹. _ مريم ""

¶حبي للكتابة بجد مش هيكون له حدود، بسبب إني بلاقي نفسي فيها جداً، بكتب براحتي، كل اللي جوايا بعبر به من غير ما افكر ولو بحرف واحد! ∆وبما إن الكتابة غيرت تفكيري في حاجات كتيرة فـ حبيت اشاركم بإن أي عادة أو فعل بنعمله بشكل متكرر، كلمة نكررها لعقلنا دايمًا فـ هي هتثبت وهنصدقها. ∆مريت بفترة من زمان اوي كان كلها يأس، تشاؤم، تصرفات غلط ولما غيرت فكرتي تجاه حاجات كتيرة لاقيت ان كل حاجة بتتحسن فعلاً . ∆بتتحسن لأني أدركت معنى حُسن الظن واليقين بالله فعلاً مش مجرد كلام وخلاص، لا كنت عندي يقين بيها اوي وبرددها وبإن اللي دايما هصدقه هو اللي هيحصل، لما غيرت طريقة تفكيري كل حاجة حواليا اتغيرت لصالحي حرفيًا ∆والانسان لما بيبقى ايجابي، يتوقع الخير دايمًا وناخد طبعاً بالاسباب لأي حاجة عكسية ممكن تحصل علشان نعرف نتعامل هتلاقي حاجات كتيرة بتتغير لصالحك! لاقيت ان كل حاجة كنت بكتبها أثرها بيحصل معايا بالظبط سواء كانت وحشة او حلوة من وقتها قررت مش هكتب اي كلمة ولا موقف وحش في النوت بوك بتاعتي ابدا، ولو كتبت حاجة زي كده هكتب اني ازاي عديت منها وتعافيت وكله بقى أحسن لكن مش هكتب سلبيات واخزنها في عقلي .. - حاليًا بقيت بكتب كل حاجة حققتها ووصلت بيها وفخورة بنفسي فيها. - بكتب الامتنان لحاجات حلوة حصلت معايا، مواقف من أشخاص معينة، هدايا مثلا، كل حاجة بسطتني بكتبها وبرجع من وقت للتاني اقراها وبتبسط من تاني وبلاقيني تلقائي بحمد ربنا على اللحظات دي. 📌 من تجارب ومواقف كتيرة مريت بيها مكنتش سهلة، وقدرات تحملنا مختلفة وانا مدركة ده، بس حقيقي اللي عايز يعيش دور الضحية هيفضل فيه، واللي عايز يطلع أحسن نسخة من نفسه هيتشقلب ويعمل ده ويرمي كل حاجة ورا ضهره ويركز يبني نفسه من جديد بشكل صح، مش هنفضل مضيعين عمرنا في الندم والماضي وننسى ان ترتيبات ربنا كانت منقذة بشكل مُبهر ♥🙏🏻.. مريم المنشاوي

إلى نفسي، أعدك أن أكون دائمًا إلى جانبك، أن أراكِ عندما لا يراكِ أحد، أن أصدقكِ عندما يشك الجميع، وأن أحبك كما أنتِ، كما كنتِ، كما ستصبحين ♥🎀. _ مريم المنشاوي

اذا حسدوك وتغيرت حياتك.. قل: اللهم أطفئ حر العين، وبرد الحسد. بسم الله أرقي نفسي، بسم الله أحصن بيتي، بسم الله الشافي المعافي. اللهم أطفئ حر العين، وبرد الحسد، وأزل ما أصابني من ضر. اللهم أطفئ حر العين، وبرد الحسد، وأزل ما أصابني من ضر. اللهم أطفئ حر العين، وبرد الحسد، وأزل ما أصابني من ضر. أعوذ بكلمات الله التامات من شر كل عين لامة، ومن كل نفس حاسدة، ومن كل حاقد إذا مكر. اللهم إني أستودعك نعمك التي أنعمت بها عليّ، فاحفظها بحفظك، واكفني شر من يترقب زوالها، ومن يستكثرها عليّ. اللهم رد كيد الحاسدين في نحورهم، واشغلهم بأنفسهم عني. 1- اللهم يا من يُحيي العظام وهي رميم، أحيِ ما مات في حياتي بسبب الحسد، وأعد لي ما فقدت من راحة وبركة. اللهم أبطل أثر كل عين أصابت رزقي فقللته، وأصابت جسدي فأمرضته، وأصابت روحي فأحزنتها. اللهم أخرج كل عين وحسد من جسدي وبيتي كما يخرج السهم من الرمية. 2- اللهم حصني بحصنك الحصين، وحبلك المتين. اللهم اجعل بيني وبين عيون الخلق سداً، واجعلني في ودائعك التي لا تضيع. اللهم لا تمكن مني حاسداً، ولا تفرح بي عدواً، واكفني شر ما لا أطيق. 3- اللهم صب عليّ الخير صباً صباً، ولا تجعل عيشي كداً كداً. اللهم عوضني خيراً، وارزقني من حيث لا أحتسب رزقاً يتعجب له أهل الأرض والسماء. اللهم بارك لي في قليلي وكثيري، واجعل حياتي في زيادة ونماء، ولا تجعلها في نقصان وشقاء. 4- اللهم أزل عني الثقل والكسل، والضيق والملل. اللهم اشرح صدري، ويسر أمري، واجعلني خفيف النفس، مرتاح البال. اللهم إني أسألك العافية في الدنيا والآخرة، والعفو في الدين والدنيا والأهل والمال. 5- اللهم صلِّ على سيدنا محمد وعلى آله وصحبه وسلم، صلاةً تقينا بها شر العيون، وتحفظنا بها من الظنون، وتصرف عنا بها كل مفتون. اللهم صلِّ عليه صلاةً تكون لنا شفاءً وحصناً ونجاةً يوم لا ينفع مال ولا بنون. اللهم من قرأ هذا الدعاء ونشره بنية التحصين والشفاء، فاحفظه من كل عين، واشفه من كل داء، وأعد عليه نعمك ظاهرة وباطنة، ولا تره مكروهاً في نفسه أو أهله.. آمين آمين آمين. منقول..

في الوقت اللي هتقعد تنتقد فيه فلان، تبص لحياته، تتكلم من ورا ضهره، تدخل في خصوصياته وحاجات ملكش دخل فيها في حاجات أولى تعملها وتشتغل بيها على نفسك علشان تبقى أحسن، لأن مفيش حد ناجح وسوي فعلاً هيكون فاضي يدخل نفسه في حاجات مش بتاعته! عندك مثلا .. - اسمع بودكاست عن أي حاجة تفيدك، سواء في العلاقات، الحياة المهنية، الشخصية، الدينية، اسمع حاجات تشتغل بيها على نفسك وتخليك شخص سوي. - اقرأ حاجة في مجالك، حاجة بتحبها، تجرب تقرأ لون جديد يمكن تلاقي نفسك فيهِ. - اقرأ قرآن، اختار سورة بتحبها وتدبر معانيها. - اتعلم لغة جديدة، يا تتقن اللغة الاساسية اللي بتتعلمها. - ارسم، لون، اكتب .. حاجات كتيرة متاحة إنك تستفاد بيها في وقتك وتصلح بيها عقلك بدل انشغالك بفلان وبحياته ♥✨

عزيزي إلياس، الذي لم يأتِ بعد، أكتب إليك وكأنك تسمعني، وكأن المسافات بيننا مجرد وهمٍ عابر. لم يجمعنا القدر بعد، لكنه لم يستطع أن يمنعك من التسلل إلى تفاصيل أيامي في كل ما أتخيله، في كل ما أتمناه، في كل حلمٍ أؤمن أنه سيأتي يومًا ويصير حقيقة. أردد في داخلي ما كان يقوله أبي: "تمني المزيد، فما ذلك على الله بعزيز"، فأطلبك رغم غيابك، وأنتظرك رغم أنني لا أعرف متى تأتي! أعلم أننا لم نصل إلينا بسهولة، وأن كلًّا منا خاض معارك صامتة، وذرف دموعًا لم يرها أحد، أعلم أننا تأخرنا لا لأننا لم نكن نريد اللقاء، بل لأن الحياة كانت تُعدّنا لبعضنا، كانت تصقل أرواحنا بالألم حتى نصبح جديرين بهذا اللقاء. قد نصل متعبين، مثقلين بالخذلان، محاطين بذكرياتٍ لا تُنسى، لكنني أؤمن أن كل ذلك سيسقط عن أكتافنا في اللحظة التي تتلاقى فيها أعيننا، كأن الطمأنينة خُلقت خصيصًا لتلك اللحظة. سنلتقي .. صدفةً، أو هكذا سيبدو لنا، في وقت لا يشبه التوقعات، وفي مكان لم نضعه في الحسبان، وسيبدأ كل شيء بكلمة عادية لكنها لن تكون عادية أبدًا. سنتحدث .. ونطيل الحديث، كأننا نحاول تعويض كل هذا الغياب، كأن أرواحنا كانت تعرف بعضها منذ زمن، وتنتظر فقط الإذن لتلتقي. ومن بين تلك الكلمات، سيولد شيء أكبر من مجرد لقاء، شيء يشبه العودة إلى وطن لم نزره من قبل لكنه يشبهنا تمامًا. ومن هناك لن تبدأ حكاية عابرة، بل ستبدأ حياة كاملة، حياة كُتبت لنا منذ زمن بعيد، وظلت تنتظر حتى نصل ♥🫶🏻.. من رسائل روزالي التي لم تنتهِ. _ مريم المنشاوي

إزاي إتحولت مِن لـ إلى! من شخصية مُستهلكة لـ مُنتجة! ▪️بطلت ارمي اللوم على حد غيري أو على الظروف لو مريت بفشل.. بحاول من تاني وبغير الطريقة! ▪️بطلت اضيع وقتي من الابليكشن ده للتاني ومن غير اي استفادة واجي اخر اليوم مقدرش اعمل اللي ورايا لان طاقتي استنفذت. ▪️بخلص اللي ورايا أول بأول وابدع وابتكر فيه، مش بستنى الـ deadline علشان اضغط في الوقت وافكاري. ▪️ببدأ يومي بالأهم حتى لو كان صعب، علشان انجزه واحط فيه كل طاقتي ويطلع أحسن، وبعدين بكمل بالسهل. ▪️بجهز كل حاجة لشغلي من بدري، كل حاجة تكون مترتبة مش عشوائية! ▪️بكتب أي فكرة جات في دماغي، وفي الوقت الفاضي او المناسب برجع لها واشوف تستاهل تتعمل ولا استنى شوية! ▪️استغليت وقت الشكوى المبالغ فيها لوقت فضفضة عادي مع حد بحبه، وبرضه بشوف اللي ورايا واتغير للاحسن.. ▪️اي صاحبة هتعطلني عن مستوايا، اهدافي، شغلي بشكل متعمد فـ دي مش صاحبة فبالتالي مش هدي حد منهم وقتي بشكل كافي ويرجعني خطوات لورا. ▪️مش بقارن نفسي مين اشتغل وسبقني ومين لأ، ومين عمل كذا ومين لأ.. متفهمة إننا شخصيات وطاقات مختلفة! ▪️لما ادركت إن ربنا هيحاسبني على الوقت، قـ استغليته صح! ▪️يهمني أكون شخصية سايبة أثر ايجابي في حياة غيرها، ولما يعملوا حاجة يفتكروني بيها وإني كنت بشجعهم عليها. #مريم_المنشاوي

عزيزتي روزالي، أحببتك في اللحظة التي أغلقتُ فيها قلبي إلى الأبد، في اللحظة التي قلتُ فيها لمن حولي: لن أحب مجددًا، سأبقى بمفردي، أهتم بعلمي ومستقبلي فقط. حتى رأيتكِ في وقتٍ غير متوقع، نظرتُ إليكِ، فإذا بكِ فريدةٌ من نوعك. شعرتُ للحظة أنني أريد أن أعرف كلَّ ما يحمل اسمك، وتساءلتُ: من هي روزالي التي يتردد اسمها على ألسنة الجميع؟ حتى رأيتكِ لم تكوني كما وُصفتِ: امرأة حادّة، لا تبتسم، ولا تفتح الأحاديث مع أحد. رأيتكِ ناعمة، فاتنة، وابتسامتكِ جميلة. أحببتُ أن أكون إلى جوارك، وكنتُ أردد في داخلي: بل هي امرأة مختلفة تمامًا عمّا سمعتُ عنها. انجذبتُ إليكِ حتى بحثتُ عن كل اهتماماتك، بدأتُ أتابع كل ما تحبينه لأواكب عالمك، شاهدتُ الأفلام التركية، وتابعتُ مسلسلاتكِ المفضلة التي رأيتكِ تكررين نشرها، وبدأتُ أستمع إلى موسيقاكِ المفضلة، وأقرأ الكتب والروايات التي تحبينها. لا أعلم متى وأين تكوَّن مني شخصٌ آخر، وأنا الذي عزمتُ ألّا أعود إلى الحب مجددًا ولكنها أنتِ! أنتِ من صنعتِ الفارق يا روزالي، امرأة عظيمة مثلكِ جعلتني مفعمًا بالحياة من جديد ♥. _ من إلياس | مريم المنشاوي |

" كل اللي حصل ده د مرني وخلاني رجعت لنقطة الصفر "! _ لما يحصلك تجربة سيـئة، حاول تطلع منها ناجي مش ضحية وتغير شخصيتك للأفضل! _ اللي بيحصل مش بيد مرك على قد ما بيعلمك وبيخليك تركز للتجارب الجاية علشان تبقى أحسن من اللي راح! _ كل شخص في حياتك له فترة مؤقتة، سواء هيسيب أثر حلو تفتكره أو وحش" كلها تجارب ودروس لا مفر منها " - لو قعدت تندم على اللي فات! حاجة هتتحل؟ أبدًا فـ بدل الندم، استغل كل ده لصالحك، لشخصيتك تتغير للاحسن، تنجح اكتر، تتعلم حاجة جديدة مثلا! - في جملة بحبها اوي كنت سمعتها في اغنيه "I took the pain and made it art" دي بقيت جملة ماشية بيها حرفيًا _ انا هاخد كل حاجة فيها ألم لصالحي وهحولها لفن ♥.. - حقيقي ندمك على اللي فات هيضيع منك كتير، جرب تفكر ازاي تخلي حياتك الجاية أحلى وتسثتمر وقتك فيها صح!>> ♥✨ _ مريم المنشاوي

في لحظات التعب والمرض.. لازم تحمد ربنا على وقـت الصحة والنعيم اللي كنت فيه.. شوية تعب بسبب البرد وتقلبات الجو بيخلي الانسان مش شايف قدامه، وحاسس انه خلاص يومه واقف، مش قادر يشوف المهام اللي حواليه.. وأحيانا يرقد في السرير من التعب.. بس وقت التعب ده بيخليك تقعد مع نفسك شوية وتفكر.. يا ترى كنت بستغل وقت ما قبل التعب ازاي! كنت بدرك قيمته فعلاً وبحافظ عليه ولأ.. كنت بذاكر! بشتغل.. بسعى وبجتهد ولأ كنت بتكاسل وبضيع وقـت! فـ بالتالي وقتي كله محصل بعضه! 📎 لـو إنت مبتستغلش وقتك كويس.. 📍 حط قدامك إن ربنا هيسألك قضيت وقتك في إيه.. 📍 عمل يُجهد خير من فراغ يُفسد - الأمام على بن أبي طالب. 📎 أما لو إنت بتستغل وقتك كويس جداً وبتدرك قيمة الثانية في حياتك.. 📍 احمد ربنا وقت التعب، اللي في خلاله هتدرك قيمة الصحة، وإنه كان ساندك ومقويك تقدر تشتغل وتنتج وتنجز وتخلص كل اللي وراك.. 📍 اعتبر فترة التعب ما هي الا استراحة محارب، علشان تريح نفسك ذهنيا شوية وتقدر ترجع أحسن مما كنت في حالة لو انت حريق مذاكرة وشغل ومبتريحش نفسك.. فـ كلا الأحوال ، الحمدلله على كل حالة ربنا بيكتبها علينا. الحمدلله على المرض والصحة وعلى كل حكمة من ربنا بندركها.. حبيت بس أقولك طول ما أنت بصحة كويسة، اوعى تتجاهل ده، اوعى تضيع وقتك في التافهات ويومك يخلص على ولا حاجة، حوش رصيد لنفسك واستغل وقت صحتك علشان على الأقل وقت اما تتعب متندمش على وقتك اللي ضاع هدر في اللاشيء.. وتبقى واخد الوقت ده استراحة استعداد للي جاي.. وحط الآية دي قدامك 📎 ‏"وَأَنْ لَيْسَ لِلإِنسَانِ إِلَّا مَا سَعَى ۝ وَأَنَّ سَعْيَهُ سَوْفَ يُرَى".. والسلام لكَ ولقلبكَ.. ~ مريم المنشاوي

Mistakes are not shameful; they are the building blocks of the successful people we become. 🌱 📌 لو بتأجل كل حاجة لحد ما الفرصة المناسبة تيجي، فالفرصة مش هتيجي إلا وانت جاهز، والفرص مبتستناش حد! "هتعلم انجلش لما الاقي فرصة شغل كويسة!" الفرصة لما تيجي وإنت مش جاهز، غيرك هياخدها لأنه اشتغل من بدري وساعد نفسه وأنجز وقته! 📌 "مش هشترك في أي نشاط إلا لما أكون متمكن" " مش هقدم في مكان ما، إلا لما أكون ولا غلطة "! كل دي حجج فارغة بنحاول نسكن بيها نفسنا، ولكن الحقيقة إنه مش هتتحسن في حاجة إلا لما تجرب، تتعلم، تفشل، تتعلم تاني. ¶كل الناجحين اللي بتشوفهم، مكنش بدايتهم النجاح! كانت تعليم، فشل، تعليم تاني. الموضوع كله! ∆ممارسة ∆ إرادة ∆ثقة بنفسك لكن طول ما انت خايف تغلط، مش هتتعلم! وطول ما إنت بتتكاسل، بتتساهل، مش هتوصل! غلطت؟ مش نهاية العالم يعني! المُهم إنك بتحاول ♥✨ _ مريم المنشاوي

"" A quiet moment with myself before the busy day begins ✨🩷 "" حابة اشارك حاجة معاكم! 📌 إن اللي عايز يعمل حاجة هيخلق وقت علشانها، هيرتب كل حاجة علشانها بجد، هيسهر، هياخد من طاقته ووقته في حاجات تانية قصاد هدف قدامه! مفيش حاجة هتوصلها إلا وإنت مقدم تنازلات وتضحيات قدامها - لأ لصحابك مش هتعرف تخرج النهاردة! - لأ لوقت كنت هتتفرج فيه على مسلسل أو حاجة تانية. طبعاً كل ده مينفعش يكون طول الوقت، لأنه لازم يكون في وقت لنفسنا علشان نعرف نشحن طاقة ونرجع نشتغل ويكون في إنتاجية أحسن من الأول، بس الفكرة إنك توازن ما بين كل حاجة بشكل صح على الأقل! وتعرف تتحكم أمتى ده يتعمل وأمتى يتأجل لوقت تاني .. 📌 لو اعتمدت على مزاجك، وسيبت الحاجات اللي وراك تتراكم، مش هتعمل حاجة! - مكسل! هتتعلم امتى الانضباط! - تعبان! هتتعلم امتى المقاومة! - مش مبسوط! هتتعلم الالتزام امتى! طبعا في ظروف طارئة بتبقى خارجة عن ارادتنا، بس في حاجات كتيرة اوي احنا نقدر نتحكم فيها ونكون ملتزمين بس احنا اللي بنختار السهل وإننا مش عايزين نتعب والحاجة تيجي على الجاهز بس Guess what! مفيش حاجة هتيجي وإنت قاعد مكانك مبتحاولش تبذل مجهود! الشخص الملتزم بخطته، أهدافه! هتلاقيه في عز حزنه، ضيقته، وكل تفاصيل تانية غريبة كده ممكن يكون قاعد بيعيط وهو بيشتغل أو بيذاكر وبعدين بيطلع من اللي هو فيه تدريجيًا، ما هي To be or not to b be بالنسبة لي، يا تعافر بجد علشان تاخد حاجة عايزها يا متجيش بعدين تقول ليه غيري عمل كذا وأنا لأ ♥.. #مريم_المنشاوي