Iffatli ayol

Оилада тинчлик ҳар доим ким ҳақ, ким ноҳақ экани билан ҳал бўлмайди ⚠️ Баъзан тинчлик — ўз вақтида тўхтаб, нафсни жиловлаб: "Ҳозир исботлаш эмас, асраш муҳим", — дейишдан бошланади. Бу сустлик ёки ютқазиш эмас. Бу — муносабатни сақлаб қолиш учун қилинган онгли танловдир! •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Aгар бирон кишида сизга нисбатан ёмон фикр бўлса ва сиз ҳам у ҳақида ёмон гапирсангиз, ўзингизга ундан баттар ёмонлик қилган бўласиз. Ёмон қувват доирасидан чиқа олмай қолиб кетасиз. Бунинг ўрнига бу одам ҳақида қирқ кечаю қирқ кундуз фақат яхши гаплар айтинг ва яхши ўйланг. Қирқ кун ўтгач ҳаммаси ўзгаради, чунки сиз ўзингиз ичдан ўзгарган бўласиз. ✍️Шамс Табризий ─┅─═इई🌸🌺🌸ईइ═─┅─ https://t.me/iffatli_ayol

Салбий кайфият ҳам юқумли бўлади! ⚠️ Шундай экан кайфиятини асрайдиган, ичида ёруғлик олиб юрадиган инсонлар даврасида бўлишга ҳаракат қилинг. ─┅─═इई🌸🌺🌸ईइ═─┅─ https://t.me/iffatli_ayol

#Ҳидоят                                               ​Аёлим сабаб... Бир синфдошим бор. Ўзи жуда яхши йигит, аммо ибодатсиз, кайфу сафога берилган, таралла бедод йигит. Қанча гапирсам ҳам парвойига олмасди. Шу учун, ўртамиздаги ришта фақатгина синфдошлик нуқтаи назаридангина қолганди. Вақтлар ўтиб уйланадиган бўлди. Тўй дискотечний бўлгани учун бормадим. Келин тараф ҳам ўзига ўхшаган казо-казолардан экан. Тўйда роса маишатбозлик, оқию, қизилидан бўлганини тўйдан кейин билдим. Вақтлар ўтиб дўстим ўзгара бошлади ва бир кун олдимга келди. Ҳамма нарсани бошидан айтиб берди. Келинг, бўлган воқеани унинг тилидан айтиб бера қолай. Тўй тугаб, илк никоҳ кечаси куни уйга кирдим. Озгина кайфим бор эди. Дўстлар билан ичгандик. Не кўз билан кўрайки аёлим жойнамоз устида ўтирибди. Ғалати туюлди. Бир оз ўнғайсизландим. Намозини тугатгач, кайфим зўрлик қилиб тегинаман дедим. лекин: – Илтимос, бугунча ётиб уҳлайлик, деди. – Нозингдан ўргилдим, дедимда ётиб уҳладим. Шу билан эртанси куни пешинда уйғондим. Кеч кирди. Яна ёлғиз қолдик. Сўнг гап бошлади. – Илтимос, таҳорат қилиб чиқинг. Кеча айта олмадим, никоҳ намозини ўқисак дегандим, деди. – Ие, буёғи қизиқ бўлдику, сиз отин ойимисиз?, дедим. Индамади. Таажжубланганим қизнинг отаси, яъни менинг қайнотам шаҳарда катта ароқфурушлардан эди. Унинг қизи эса менга: – Намоз ўқинг, деяётганди. Ё тавба, мен эса ибодатлик аёлга уйланганимдан мутлақо беҳабар эдим. Ўша кун таҳорат қилишни билмаслигимни, кейин ўқишлигимни айтдим. Кунлар ўта бошлади. Аёлимга ота-онам қистови билан уйлангандим. Кўчадан лаззатини топадиган мендек нобакор ўғилни мажбурлаб уйлантиришганди. Тўй ҳам эҳтиёжлар устига қурилганидан ҳабарим бориди. Аёлимни оиласи бизнинг оиламизга мосиди. Ота-онамнинг қистови билан ёқмаса ҳам уйланиб юборавергандим. Лекин аҳли аёлимда ундай нарсалар йўқ, жуда содда, оддий ва камига тақводор ҳам эди. Ўзи кўримсиз бўлса ҳам одоб ва аҳлоқи билан ўзига ром эта бошлади. Меҳрим ошиб борди. Кеч юришлар камайди. Лекин ичиб келишим тўхтамасди. Аёлим билан шундай договор қилиб олгандик, ичиб келган куним уйга кирмайман. Бошқа хонада ётаман. Одатий кунларнинг бирида ичиб келдим. Бошқа ҳонага жой солинган экан... Қаердан билди экан ичганимни? дедимда, ётдим. Эрталаб турсам олдимда ўтирганча уҳлаб ётибди. Қимирлаганимни билиб уйғониб кетди. Юз қўлимни ювиб чиқдим. Бир вақт аёлим тиз чўкиб қўлимни ушлади: – Ёлвораман, Аллоҳдан қўрқинг, шу нарсани ичишни ташланг. Яқинда ота бўласиз. Фарзандимнинг отаси бундай бўлишини ҳохламасдим, деди. Кўзидан оқаётган ёш, ота бўлишлигим қувончи ичимдан бир нарса узилиб кетгандек бўлди. Озгина қотиб турдимда: Бошқа ичмайман дедим. Ўша кундан ичишни ташладим. Улфатлар ҳам ёқмай қолди. Аввалги базмлар энди йўқ, кўришиб дарров кетардим. Дўстларимнинг: Хотин қули, уйланиб ўзгарибсизу, мунча ҳотиндан қўрқмасанг, каби сўзларига аҳамият бермай, улар билан алоқани уздим. Аста секин таҳорат, намозни ҳам ўргандим. Мана энди дўстим масжидга олиб чиқиш сенга қолди, деди. Дўстим гапирарди, мен эса йиғлардим. Аллоҳ нақадар буюк зота? Сиз сўрамаган яхшиликни ҳам сизга бериб қўяди. У шунчалик меҳрибонки, золимдан олимни чиқариб қўяди. ─┅─═इई🌸🌺🌸ईइ═─┅─ https://t.me/iffatli_ayol

ИККИ ЖАННАТ Бир куни Ар-Раҳмон сурасини ўқиётсам, ёнимдаги кекса киши тиловатимни эшитиб, шундай маълумот бердики, гўё мен ушбу сурани биринчи марта қироат қилаётгандек бўлдим. У мендан бир савол сўради: –   Аллоҳ таоло ушбу суранинг 46-оятида бундай деган: “Парвардигори (ҳузурида) туришдан (сўралишдан) қўрққан киши учун икки жаннат (боғи) бордир”; 62-оятда эса: “У икковидан пастроқда яна икки жаннат бор”, деган. Демак, тўртта жаннат бўлиб, улар икки қисмга бўлинган. Уларнинг бир-биридан фарқи нимада? – деди. Мен: –  Билмайман, – дедим. У киши: – Ҳозир фарқини айтиб бераман, – деди. – Шунда бу иккисининг орасида жуда катта фарқ борлигини эшитиб, ҳангу манг бўлиб қолдим. 1.  Энг афзал икки жаннат Раббисидан қўрққан тақводорларга аталгандир. 2.  У иккиси  ذَوَاتَاۤ اَفۡنَانٍ‌ۚ “Улар шох-новдалидирлар” (48-оят). Яъни қалин шохлари орасидан ёруғлик ўтиб туради. Бу кўнгилни хушнуд қиладиган, қалбга роҳат бахш этадиган гўзал манзарадир. 3.  Кейинги икки жаннат ундан қуйироқда бўлиб, у:  مُدۡهَآمَّتٰنِ‌ۚ “Икковлари ям-яшилдир” (64-оят). Яъни шохлари шу даражада қалинки, уларнинг орасидан ёруғлик ўтмайди. Одатда бундай манзара унчалик чиройли бўлмайди. 4.  Тақводорларга аталган икки жаннат: فِيۡهِمَا عَيۡنٰنِ تَجۡرِيٰنِ‌ۚ “Икковларида оқувчи икки булоқ бор” (50-оят). Оқиб турадиган булоқнинг суви жуда ҳам тиниқ бўлади. 5.  Қуйи даражадаги икки жаннат эса, فِيۡهِمَا عَيۡنٰنِ نَضَّاخَتٰنِ‌ۚ “Икковларида отилиб турувчи икки булоқ бор” (66-оят). Яъни фаввора шаклидаги икки булоқ бўлиб, оқиб турмайди. 6.  Тақводорлар учун аталган икки жаннат  فِيۡهِمَا مِنۡ كُلِّ فَاكِهَةٍ زَوۡجٰنِ‌ۚ “Икковларида ҳар турли мевадан жуфт навлар бор” (52-оят). Яъни, ҳўлу қуруқ навлари бўлиб, бир-биридан таъмда ҳам, кўринишда ҳам кам эмас. 7. Қуйи даражадаги икки жаннатда эса, فِيۡهِمَا فَاكِهَةٌ وَّنَخۡلٌ وَّرُمَّانٌ‌ۚ‏ “Икковларида мевалар, хурмо ва анорлар бор” (68-оят). Яъни фақат бир тури бор, холос. 8. Тақводорларга аталган жаннатда  مُتَّكِـــِٕيۡنَ عَلٰى فُرُشٍۢ بَطَآٮِٕنُهَا مِنۡ اِسۡتَبۡرَقٍ‌ؕ وَجَنَی الۡجَـنَّتَيۡنِ دَانٍ‌ۚ‏ “Ичи ипак астарли тўшакларга ёнбошлаган ва икки жаннат мевалари яқин бўлган ҳоллари бор” (54-оят). Фараз қилинг, ичи шундай бўлса, таши қандай бўлади. Ҳадисда келишича: “Усти ярақлаб турган нурдан бўлган”. Ёнбошлаб ётган жойига дарахтнинг шохи эгилади, у хоҳлаган мевасини териб олади. 9. Қуйи даражадаги икки жаннатда эса, مُتَّكِــِٕيۡنَ عَلٰى رَفۡرَفٍ خُضۡرٍ وَّعَبۡقَرِىٍّ حِسَانٍ‌ۚ “Яшил болишларга ва гўзал гиламларда ёнбошлаган ҳоллари бор” (76-оят). Зоҳирининг васфи баён қилинган, ботини эса номаълум. Қуйи даражадаги икки жаннатнинг эгалари ҳам солиҳ амал қилган кишилардир. Лекин гоҳида улар холи қолганларида, ҳеч ким кўрмаяпти деб Аллоҳга осий бўладиган ишларни қилганлар. Шуни билингки, хилватда қилинган гуноҳ ишлар икки жаннат ўртасидаги катта фарққа сабаб бўлади. Орифлар шу нарсага иттифоқ қилганларки, тойилишнинг асли хилватда қилинган гуноҳлардир. Иймонда собит бўлишнинг асли хилватда қилинган ибодатлардир. Сиз ҳам тақводорлардан бўлишга ҳаракат қилинг, хилватдаги ҳолатингизга эътиборли бўлинг. ✍️Доктор Закир НАЙК. •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

ТАНБЕҲ Абадий яшайдигандек орзу қил,  лекин, шундай умр кечирки, гўё ҳаётинг эртага якун топадигандек. •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

#Ҳаёт_бу_бахт Ҳаёт - бу Бахт… Кимки буни англаб етса,ўз тақдирига ҳеч қачон ношукурлик қилмайди… Ва ҳеч қачон ўтмишидаги ҳеч бир ҳолга ачинмайди. 💧💧💧💧💧💧💧 •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

Ҳар куни тонг билан бирга сизда ҳам куч-энергия уйғонади: • тўғри қарор қилишга, • ўзингизни яхшироқ англашга, • ортиқча юк бўлган ўтмишни қўйиб юборишга. 😍 Янги кун — янги имконият. Шундай экан, кераксиз ҳаёлларга, кераксиз ишларга энергиянгизни сарфламай,  елкангиздаги оғирликларни қўйиб юбориб, бугун, ҳозир бахтни ҳис қилиб  яшанг. •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•

                        Хоҳиш қанчалик кучли бўлмасин, ҳаракат қилинмаса эришиб бўлмайди. Ҳаракат бизнинг ўзимизга бўлган ишончимизни оширади... Доимо ижобий фикрланг Қадрдон! Муваффақиятнинг асосий омили фикрлаш тарзидадир... •┈┈┈┈•🌸••✾••🌸•┈┈┈┈•      https://t.me/iffatli_ayol       •┈┈┈┈•🌸••✾••🌸•┈┈┈┈•