صوره و كابشن

حاسة إني أول مرة أشوف شعوري بعيني بجد

"يا سامعًا صوتَ الضعيفِ إذا شكى ما لي سواكَ لدمعِ قلبي؛ فاستَجِب!"

زوال الرغبة في الحصول على الشيء تشبهُ لذّة الحصول عليه

يأتي على أهل الحق لحظة يظنون أنهم مجانين من فرط الوقاحة التي يتحدث بها أهل الباطل

يوم الخميس الجاي بالليل الساعة 12 ، التوقيت الشتوي هيرجع ، والساعة هتتأخر 60 دقيقة. ودي هتكون المواعيد الجديدة للصلوات الخمس بتوقيت القاهرة: الفجر: 04:41 صباحًا الشروق: 06:09 صباحًا الظهر: 11:39 صباحًا العصر: 02:44 مساءً المغرب: 05:08 مساءً العشاء: 06:26 مساءً خليهم على صفحتك وذكر غيرك ، فالدال على الخير كفاعله.

ـ من الحاجات الجا.مدة في مسلسل ـطالع نازل- هو المشهد إللي قدامك ده.. . . = لما نورا مسكت أصيص الزرع ور.مته فجأة بكل قوة، وقالت لجوزها أم محمود الغـ. بية ـ مديرة المنزل- مصرة تسقي الزرع كل يوم لحد ما ما.ت خليها بقى تيجي تنضف طيـ. نتها..!!☠️ . . = نورا مكنتش تقصد أم محمود بالكلام ده، ولكن كانت تقصد نفسها أنها فضلت تسقي "علي" كل يوم حب واهتمام وتناز.لات مبالغ فيها، لحد ما علاقتهم ما.تت.. وهي شايفة دلوقتي أنها لازم تصلح غلـ. طتها وتنز.ل علي سابع أرض زي ما طلعته سابع سما.. . . = والحقيقة أن الاهتمام المبالغ فيه جدا في العلاقات بيد. مرها زي الاهما.ل بالضبط.. لأن الاهتمام ده يا بيخلي الطرف التاني يتعود أنك انت بس إللي بتهتم ويمو.ت التقدير، لأنه بيشوف ده حق مكتسب!! أو الاهتما.م ده بيكون ناتج من الخو.ف من الفقـ.د، فبتتحول العلاقة لحصا.ر وبتبقى علاقة مر.هقة للطرفين..!! . والحقيقة أن نورا وافقت على كل قرارات العلاقة بمزاجها، أو بضغـ. ط من عقـ. د طفولتها.. وحقيقي انتقا.مها مش هيحل مشكـ. لة العلاقة دي🤷

في ناس اتصدمت فيها صدمة عُمري وما كُنتش أتخيّل إن الناس دي بالتحديد مُمكن تعمل فيا أنا كدا، ولكن الواقع بيقول إنّي هُنت عليهُم، الغريب إنّي مش عايز أعاتبهُم، مش حابب أقف قُدامهُم تاني ولا أبص في وشهم، والواحد في اللحظات دي بتصعب عليه نفسه جدًا، وما بيبقاش على لسانه غير جُملة واحدة: "بقى أنا أستاهل يحصل فيا كدا؟". وما أدراك بوجع الجُملة دي لما يقولها الواحد لنفسه.

ما تسيبش حد يبيع ويشتري فيك، ولا تسمح لحد يشوف نفسه عليك ويقلل منّك، اللي يتجاهلك مرّة عن عمد تجاهله ألف مرة، واللي ينفّض لرسايلك ما تعبّروش تاني، ما تقرّبش من حد رافضك، وما تمشيش ورا لحظات ضعفك وتكلّم حد مش حاسس بقيمتك .. وخُدها منّي قاعدة: "اللي تقّلان عليك شبعان ذُل عند غيرك".

الست لو بطَّلت تعاتبك تأكّد إنّك خسرتها؛ ومُجرّد ما تلاقيها سكتت خاف، لإنها بتبقى خلاص رمت طوبتك، أو بالبلدي كدا إنتَ نزلت من نظرها، ساعتها بس هتفهم قيمة عِتابها، هتفتقد خوفها وحنيّتها، وهتتمنّى لو تشوف غيرتها ولهفتها عليك من تاني، حتى خِناقاتكو هتوحشك، لكن للأسف ندمك مش هيفيد .. الست لو مشّيَت ورا عقلها مرّة مش هترجع تسمع لقلبها تاني حتى ولو كانت روحها فيك.

لو فاكر إن الشخص الساكت مرتاح تبقى ما تعرفش حاجة؛ أغلب الساكتين فقدو الأمل من الكلام، ولما اتكلمو ما حدّش فهمهُم، ولما سكتو ما حدّش استغرب سكوتهُم وفكّر يتطمن عليهُم، وفي اللحظة اللي إنتَ شايفهُم ساكتين وهاديين بتكون في خِناقة كبيرة جوّاهُم، في لوم وعِتاب وحُزن وزعل وحاجات تانية كتير ما حدّش فاهمها ولا حاسسها غيرهُم .. فما تحسدش الساكت على سكوته لإن الهموم اللي جوّا القلوب لا يعلمها إلا الله.

أنا عايزك تبطّل الاسطوانة بتاعت دا بيحبّني ومُستحيل يعمل فيا كدا، ودا بيخاف عليّا ومش هيأذيني، ودا سندي ودا ضهري ودا مش عارف إيه! فلو إنتَ جديد معانا ومش متابع فخليني أقول لك إن 100% من خوازيق الحياة ما بتجيش غير من أقرب الناس ليك .. وكُل اللي راهنت عليه وقولت إنّه مُستحيل يأذيك فهو دا بقى بالتحديد اللي هيأذيك، فاِصحى كدا وبطّل سذاجة.

زمان كان زعلنا من الناس اللي حوالينا مقسوم لجُزئين؛ يا زعلانين منهُم عشان ما خدوش بالهُم إنّهُم زعلونا، يا زعلانين منهُم عشان ما كلّفوش خاطرهُم وحاولو يصالحونا، لكن دلوقتي ظهرت موضة جديدة وهي إن اللي بيزعلنا بيتباجِح وبيعاتبنا عشان إتجرأنا وقررنا نزعل منّه لما هو زعلنا وغلط في حقنا! يا حلاوة يا ولاد!

كانت نقلة في حياتي وفي اِستقراري النفسي لما قررت أخلّي زعلي حاجة كبيرة، يعني مش هينفع طول الوقت أبقى زعلان وأي عابر سبيل يعدّي في حياتي يعكنن عليا، لأ أنا راحتي غالية وسلامي النفسي غالي وزعلي نفسه غالي فمش هزعل غير على الغالي واللي يستحق، لكن السذاجة اللي كُنت فيها زمان دي ما فادتنيش بحاجة غير حرقة الأعصاب والعكننة على روحي طول الوقت.

قال: مفيش حد بيوصل الثلاثينات إلا وبتكون الدنيا علمت عليه. #جلسات_الخميس

قالت.. إزاي أرتاح و أنا الشخص الوحيد في حياتي اللي أقدر أعتمد عليه؟!

الواحد محتاج كمادات باردة يحطها على قلبه.

هو عاوز يتسلّى لأنه ملّان وحياته بلا إثارة..وهي واخداها بجدّ. مشكلة كبيرة متكررة. والنتيجة..عدد مهول من الاكتئابات والصدمات للنساء بتروح للأطباء والمعالجين النفسيبن وغير النفسيين.

النُبْلُ إنّك ما تسرقش حد من حياته إلا إذا كنت ناوي تحتفظ بيه.