Mitti Farishta 🖇 || blogi

ОТА УЙИМ! Қалдирғочлар инини қурган, Уйимизнинг айвонларига. Арзирмикан дунё ташвиши, Онам эккан райҳонларига. Бўёқлари кўчган дарвоза, Ота ҳовлим тафти бошқача. Борсам ўпиб кетади онам, Кўзларимдан оққан ёшгача. Севинчидан елиб, югуриб, Қумғонларда қайнатади чой. Дастурхонлар тузаб мен учун, Супаларга қилишади жой. Мевасидан ширин данаги, Набирасин ҳолини сўрар. Тойчоқ ўғлим от қилиб минса. Эҳ болама, болам деб кулар. Сабзи тўғрар отам майдалаб, Ош қилишга кетади уннаб. Ўзим қилай ошни десам дер, Не қиласан жонингни қийнаб. Ўзи болам бугун келдингку, Меҳмонсан сал дамингни олгин, Совуқларда юргансан болам, Мана новвот чойингга солгин. Эҳ онамни сўзларин тинглаб, Кўзларимдан чиқиб кетар ёш. Томоғимга тиқилар жоним, Тик қарашга етмайди бардош. Ҳовлимизни тутиб кетади, Чакки эмас отамни диди. Димоғимни қитиқлар мени. Ошга солган беҳини ҳиди. Тарвуз-қовун еймиз камига, Отам қилган ошни еб бўлиб. Шу ҳовлида ўтган болалик, Ёшлигимни эслаймиз кулиб. Кўз олдимда турар жилвакор, Этигини бўёқ пастаси. Қўлларида қадоқ изидан, Ялтираган кетмон дастаси. Алишмасдим дунё бойлигин, Ярми очиқ қолган эшикка. Онажоним бармоқ излари, Тушган ўша ёғоч бешикка. Фарзандлари йўқлаб келишса, Нурсиз кўзлар нурга тўларкан. Яна келгин жоним болам деб, Ота-она мезбон бўларкан. Бу ҳаётни тўлмайди ками, Дардлар сиғмас шеърий битикка, Арзирмикан дунёни ғами, Отам кийган бир жуфт этикка.

ДАСТУРХОН. Ака бой-бадавлат эди. Ота-онасига вақти-вақти билан совғалар илиниб турар, укасининг қўлида яшаётган падари ва волидасининг дори-дармонидан хабар оларди. Кексаларга яхши овқат керак, парвариш керак. Ака ҳадеб йўқлашдан чарчадими, ота-онасини уйига олиб кетадиган бўлди. Уканинг юрак-бағри эзилиб қолди, аммо начора, қўли калталик қурсин. Қариялар катта ўғилнинг уйида бекам-у кўст яшадилар, вақти соати етиб вафот этганда ҳам сўнгги манзилга аканинг уйидан кузатилдилар. Бу пайтга келиб уканинг ҳам ишлари юришиб қолди. Уй-жойини эпақага келтирди, дастурхони ҳам тўкин бўлиб қолди, аммо энди ота-онаси йўқ... Бир куни ака казо-казо меҳмонлар орасида мамнуният билан сўз қотди. —Яхшиям ота-онамнинг хизматларини қилиб қолган эканман, армон бўлиб қолмади. Ука бошини эгди. Қўли калталик қурсин. Йиллар йилларни қувиб ўтаверди. Ака ҳам кексайиб қолди. Катта ўғли бегона юртларга кетиб дом-дараксиз бўлди, кичик келини аёли билан чиқиша олмай эрини уйдан олиб чиқиб кетди. Мана ота-онасидан хабар олмаганига ҳам бир ой бўлди. "Мен ота-онамни парвариш қилдим-ку, нега болаларимдан қайтмади!" Охирги пайтлар шуни кўп ўйлай бошлади. Укасининг болалари мўмин-қобил бўлди. Оёққа туриб олган иниси ҳозир элнинг олди. Аёли инқиллаб, гапириб-гапириб олдига овқат қўйди. —Келин олиб ёлчимадим. Ҳалиям хизматкорман. Ўзим соғ бўлсам ҳам майли эди... Эри кўп гап айтгиси келди; бир маҳаллар бу уйда хизматкорлар ишлаганини, ёшлигида сайр-у саёҳатларга олиб борганини... Ҳа, майли, мол-давлат ҳам қўлнинг кири экан, бугун сенда, эртага бошқа бировда. Бу дунё кимга вафо қилибдики... Кампирининг жағи тинай демасди. Овқат ҳам заҳар бўлди. Ўрнидан туриб, устига камзулини илди-ю, эшикка йўл олди. Негадир укаси билан гаплашгиси келди. Ота-онасидан қолган файзли уйлар кейинги пайтларда таъмирдан чиқиб замонавий тус олган. Қўш келинлар ҳовлида хизмат қилиб юрарди. Уларнинг саломига алик оларкан, ичкаридан таниш овозни эшитган укаси чиқди. Қучоқлашиб кўришдилар. Чой дамлаб келган келинлар ҳам, укасининг аёли ҳам жигарларни ёлғиз қўйдилар. —Ҳеч ота-онамизни туш кўрасанми? —Ҳа,— деди ука секин гап бошлаб —Кўп кўраман, Қуръон ҳатм қилиб якунласам, Рамазон ойларида эрталабгача дуо қилиб, истиғфор айтиб уларнинг руҳида бахшида қилсам... —Мен сира кўрмайман... Анча ўтирдилар. Ота-оналарини, болаликларини хотирладилар. Ака ҳазонларни бир-босиб ортга қайтаркан ўзи учун қачонлардан бери қидираётган бир ҳақиқатни топган эди. Ўшанда ота-онаси унинг уйида яшашни истамаган, ўз уйида ўтиришни, сўнгги йўлга ҳам ўз уйидан чиқишни истаганди. У эса қайсарлик билан қарияларни уйда тутиб турарди. Бир сафар отаси ялинчоқ оҳангда —Ўғлим, ўз уйимга олиб бор, — деди. —У ерда нима еб ичасизлар? Қандай яшаётганингизни кўрдим-ку! Иссиқ уй, тайёр овқат, ўтиравермайсизларми? Чол индамади, кейин журъатсиз оҳангда қўшиб қўйди — Бизни уйимизга олиб бориб, ўзинг хабар олиб турсанг бўлмайдими? "Ош-овқат, дори дармонимизни ҳам уйимизга олиб бориб бер", демоқчи бўлди, аммо сиртига чиқармади. " Ўшанда ота-онамни қийнаб қўйган эканман. Яхшилик қиляпман деб ўйлаганман, ўзимча. " Уйга кирди-ю, таҳорат олди кейин жойнамозини кўтариб, хонасига кирди.... Тонгга яқин кўзи илинибди. Юраги гупиллаб ўтирар экан, кўрган тушини эслашга ҳаракат қилди. "Ўғлим, юборган дастурхонинг келди, бериб юборган кўрпанг ҳам иссиққина экан, раҳмат!" Ака кўз ёшлари қуйилиб келаркан укасининг муваффақияти сабабини топгандек бўлди... Феруза Салходжаева.

Отанинг узатилаётган қизига мактуби... https://telegra.ph/Otaning-uzatilayotgan-%D2%9Biziga-maktubi-02-21

Qadoqlangan sutni muddatidan o'tib ketsa ishlatsa bo'ladimi? 5fevralda tugagan😅 hali ochilmagan

Қуш бўлсайдим, фалакларда чарху-жавлон, Ҳаёлларинг парвозимда қолса бир он. Кафтларинга қўнар эдим кўкдан кечиб. Учмоқ учун излаб эдим сенга имкон! Гул бўлсайдим, гуллар аро дилнавози, Булбулларни ҳалок этган фироқ, нози. Кўзинг тушиб, бир сония термулсайдинг, Бўлмас эди бахт деганнинг бундан сози! Баҳор бўлсам, ташрифларим этса мустар, Лоларим тўкиб, сочсам пойинг қадар. Ифорларим тўйиб-тўйиб ютсангмиди, Ҳар не қисмат минг розиман, билсанг агар! Шамол бўлсам сочинг бўлса қўнаргоҳим, Қулоғинга шивирласам ишқим, оҳим. Раҳм этсин бор тирикка Парвардигор, Васлинг истаб тўс-тўполон қилган чоғим! Ёмғир бўлсам, дунёларнинг гардин ювиб, Қочиб кетсанг, уйингача кирсам қувиб. Рози эдим бир сония яшасам ҳам, Сўнгра эса лабларингда қолсам қуриб! Ишқ бўлсайдим, Вужудингда  бўлсам пайдо, Менга бўлсанг мубталою, менга фидо. Бир онгами, бир кунгами, ё умрбод, Юрагинга мени солса бўлди Худо! Ишқ бўлсайдим... Малика Салимова

Koreyada hozir ko'p kishi elektron mashinalarga qiziqayotgan. Bizdagi mashina ham Ioniq5 elektron. Bu malibularga esa koreyslar unchalik qiziqmaydi. Koreyada moshinani turlari juda ham ko'p. Bilasiz, ko'p moshinalarni ishlab chiqadi. Shuning uchun ham narxlar arzon. Lekin yangi model va brend moshinalari qimmat doim... Yili eski yoki biron marta avariya bo'lgan bo'lsa arzon.

Hullas shunaqa... Ishonaverasizlar😁

Qaroqchilar Qo'shig'i 9/9 Davlat: Janubiy Koreya

Qaroqchilar Qo'shig'i 8/9 Davlat: Janubiy Koreya

Qaroqchilar Qo'shig'i 7/9 Davlat: Janubiy Koreya

Qaroqchilar Qo'shig'i 6/9 Davlat: Janubiy Koreya

Qaroqchilar Qo'shig'i 5/9 Davlat: Janubiy Koreya

Qaroqchilar Qo'shig'i 4/9 Davlat: Janubiy Koreya

Qaroqchilar Qo'shig'i 3/9 Davlat: Janubiy Koreya

Qaroqchilar Qo'shig'i 2/9 Davlat: Janubiy Koreya

Qaroqchilar Qo'shig'i 1/9 Davlat: Janubiy Koreya

Instagram sahifamizda 22mingdan oshiq obunachilar🥰 Instagram.com/Umr_Falsafasi