Mitti Farishta 🖇 || blogi

🚕 "Yandex Go" Taxi CHortoq tumanida o'z ish faoliyatini boshladi 👨‍👩‍👦 Tumanimiz aholisi va mexmonlarini xizmatimizdan foydalanishni taklif qilamiz! 📑 Biz bilan hamkorlik qilish mutlaqo arzon va qulay narxlarda ko'zlagan manzilingizga tez fursatda etkazib borishni kafolatlaymiz. Eng asosiysi 💰 boshlang'ich to'lov atigi 4000 so'mni tashkil etadi. ✅Yandex Go ilovasiga ulanib butun O'zbekiston bo'ylab xizmatimizdan foydalanishingiz mumkin.

Булар пойабзал тозаловчи кишилар эмас! Аслида булар Япониядаги катта фабрикаларнинг раҳбарларидир. Улар корхонага қабул қилинган янги ишчиларнинг пойабзалини тозалайдилар. Шу тариқа ўз қалбларидаги ва янги қабул қилинган ишчилар қалбидаги кибрни синдирадилар. Японияда бошлиқлар бошқа ходимлар сингари оддий ишчидир. Бошлиқларда қўполлик ва ходимларда уларга нисбатан хушомад йўқ.

​​​​Ўзига ишонган, мустақил, кучли шахсиятга эга бўлган фарзанд тарбиялашни истайсизми? Психология ва коммуникация соҳаларида муҳим қоидага айланиб бўлган "I'm Ok, You are Ok" шиори мавжуд. Шундай номли китоб муаллифи психолог Томас Энтони Харрис 1970 йилларда хаётий позиция, одамларнинг атрофга бўлган муносабатини тахлил қилиб қуйидаги модельни таклиф этади: I'm Not OK, You're OK - Мен яхши эмас, сен эса яхши. I'm Not OK, You're Not OK - Мен хам яхши эмас, сен хам яхши эмас. I'm OK, You're Not OK - Мен яхшиман, сен эса яхши эмас. I'm OK, You're OK - Мен яхши ва сен хам яхши. Бир қараганда жуда содда ва мантиқсиз модель, бироқ ҳар бирини чуқурроқ тахлил қилса маъно келиб чиқади. Биринчи қатордаги ҳаётий позицияга эга бўлган инсон, ўзини севмайди, ўзига бўлган ишончи йўқ, хўп деб бўйсиниб туради, бошқаларга ёқишга ҳаракат қилади бир умр. Нега? Чунки кичиклигидан уни фақат уришадилар, арзимаган нарса учун уялтириб, айбдорлик хиссини берадилар. Энди юришни ўрганган, моторика жиҳатдан ҳали ривожланмаган болакай бирор нарсани тўкиб юборса, синдирса дарров уришиб, бақириб, қўлига урадиган оналар бор. Нима учун хозир онаси унга бақираётганини тушунмаган бола онгига кучли босим болади, у хали идрок эта олмайди на синган нарсанинг қийматини ва на онасининг асабийлигини, унинг онги тушинган ва қабул қилган нарса— "Мен яхши эмасман". Кейинчалик ҳам боланинг фақат камчилигига урғу бериш бошқалар билан солиштириш натижасида "бошқа хамма яхши, мен эса ношудман" хаётий шиори шаклланади. Иккинчи қатордаги одам баджахл, агрессив бўлиш эҳтимоли юқори, чунки у на ўзини ҳурмат қилади, на бошқани. Атрофдаги барча унинг назарида ёмон ва жазога лойиқ— "Улар Ок эмас!". Ички назорат вазифасини ўтовчи виждон тушунчаси ўтмаслашади, чунки ўзини яхши деб билмаган, қадрламаган инсон "менга тўғри келмайди, мен бу разилликдан устунман" дея олмайди. Бундай бўлмаслиги учун нима қилиш қилиш керак? Болага жисмоний куч ишлатмаслик керак, ёшлигидан кўп зўравонликларга дучор бўлган мурғак руҳиятда бутун атроф борлиққа нисбатан нафрат пайдо бўлади, мени уришаяпти, демак мен ёмонман деган тушунча ҳам пайдо бўлади. Учинчи ҳолат, аслида юқоридаги таърифга жуда ўхшаш, яъни агрессив муносабат кўрган болакай атрофдагиларни ёмон кўриб қолади, лекин фарқли равишда ўзнини емон кўрмайди. Бунда психикамизнинг ўзини химоя қилиш механизми ишга тушган бўлади. Мен яхшиман, фақат атрофдагилар ёмон деган кишида ўзини танқид қилиш хиссиётлари камроқ бўлади, барча муваффақиятсизликларда доим бошқалар айбдор бўлади. Ўзини севган ва бошқаларни хурмат қилмаган кишилар кучли, уддабурон бўлишлари мумкин, лекин айни дамда совуққон ва хиссиз бўлишади. Тўртинчи хаётий позиция соғлом шахсият ва руҳий мувозанатга эга бўлган кишиларда бўлади. Улар ўз қадрини билишади, ўзларини хурмат қилишади ва атрофдагиларини ҳам қадрлай олишади. Бундай инсондар одатда гўдаклигидан ота-она меҳри ва эътиборига эга бўлишган, рухияти шаклланаётган мурғак қалб ва онг кучли руҳий травмалардан ҳимояланган ҳолда тарбияланган бўлади. Коммуникацион модельларда ҳам сухбатдошларнинг айнан шу позициядан туриб гапиришлари муваффақитли суҳбат гарровидир. Унутманг! 2-4 ёшар боланинг онги ҳали тушунмайди: онаси йўқчилик ёки адолатсизликдан асабий бўлаётганини, бошқа факторлар туфайли боласига бақиргани, бу соф ва шаклланаётган онг ҳамма нарсани ўз даражасида баҳолайди. Урди, бақирди, яхши кўриб эркаламади, демак мен айбдорман, демак мен ёмонман... Меҳрингизни аяманг! Dilbar Khon

Эрталаб қуёш жудаям қизариб уфқдан бош кўтарди. Узоғи ўн дақиқалик кўриниш эди бу! Кун бўйи яна бир-икки марта деразадан қарадим. Осмон бирда булутли, бирда чарағон эди. Ҳудди баҳор осмонидек. Мана тун кирди. Иссиқ уйимизда, болаларимиз иссиқ қучоғимизда, иссиқ овқатимизни ошаб, иссиқ ўрнимизни тайёрлаб қўйдик. Бу дунёда бир неча кун қўноқмиз. Баъзан у абадийдек туюлади. Аммо дунёнинг ўзи ҳам боқий эмас. Қачондир унинг ҳам куни тугайди. Агар бугунги кунингизни яхши амаллар билан ўтказган бўлсангиз, унда солиҳлар умрини яшабсиз... Ўзингизни йўқотиб қўйманг! Чунки ўзимизга келиб олишимизни дунё кутиб турмайди... Ризқимизга қўшилган эртанги кунда янги саломгача омон бўлинг, офиятли тун тилайман. Ummu Zaynab Ummu

Mbga achinmaysiz degan umiddaman. Yig'lab tomosha qildim...

Yigirmanchi asr qizi

Bolang bilan o'ynashma deganimikin?!)

Биз қандай яшадик? Яшамадик, ё?! Умр араваси борар ғилдираб. Заминни кўтариб юрган биз гўё, Гўё биз турибмиз осмонни тираб! Биз қандай яшадик?! Елиб, югуриб, Йиққан-терганимиз бир ўт оларлик. Не бор, олиб кетсак ҳамёнга солиб, Не бор, қабримизда бизла қоларлик?! Биз қандай яшадик?! Тошиб, кўпириб, Бир мушфиқ кўнгилга бўлмайин малҳам. Кимга кекирдакни чўздик керилиб, Кимни салом бердик соясига ҳам. Биз қандай яшадик... Бугун ё эрта, Сўнги тадоракни  кўрмоқлик они. Кейин топурмизми лоақал бир марта, Ўша биз тўймаган ёруғ дунёни. Биз қандай яшадик, Тиниб-тинчимай, Гоҳо ҳасад қилдик, гоҳида ҳавас. Фақат  инсонликни йўқотиб қўймай, Фақат одамдайин якун топсак бас. Малика Салимова

Умрбод дегандинг, Умрбод бирга, Демакки умримиз тугаб бўлдими, Жуссалар тирикку, ҳаёллар тирик, Севгимиз ўлдими, кўнгил ўлдими? Умрбод дегандинг, Абадул абад, Кетмас баҳоримсан,боримсан дердинг. Айтгинчи, ёмғирдан сўнги камалак, Қизғалдоқ баргидек омонатмидинг. Гулханга айландинг, аммо зум ўтмай, Ёниб бўлган шамга ўхшадинг, қолдинг. Ишқим оловини беписанд билган, Қанотлари куйган капалакмидинг. Умрбод дегандинг, Умрдек қисқа, Иқрору, изхорлар ҳушимни олди. Олов йўқ, сен йўқсан, ҳатто кул ҳам йўқ, Куйган жароҳатлар чандиғи қолди. Малика Салимова

Qaynonamning sovg'asi (O'zingiz ishlating desam, yo'q, menda bor. Chusok(추석)da kelmadinglar. Ovsin opang olib kelgan ekan, ikkimizga bir xil qilib deb berdilar. Keyin kechroq rahmat aytib qo'yaymi desam. Men sotib oldim ikkingizga bir xil qilib, chiroyli bo'lib yuringlar deb dedilar.)

Бир инсон бир оз кўпроқ таом истеъмол қиларкан. Бироз тежамкор бўлишга харакат қилибди ва хар куни овқатга сарфлайдиган пулидан 2 тангани емасдан, тўплай бошлабди. Шу тариқа 35 йил хар куни 2 тангадан тўпланибди. Ва ўша тўпланган пулга, халқи учун жудаям баланд азон чақирадиган минора (масжид) қурибди. Баландлиги учун юртини ҳамма еридан кўриниб тураркан ва чақирилган азон узоқ масофага эшитилар экан. Шунда халиги инсон минора ёнига келиб, унга қараб, "Сал қолса сени ҳам еб қўярдим" деган экан. Бойликни, вақтни исроф қилмай, кўплаб инсонларга кўмак берувчи ишларни кўпроқ қилиш барчамизнинг бурчимиздир.

Jahon adabiyotida nisbatan yangi yo’nalishlardan biri bu flesh-fikshndir (flash-fiction). 1. Qalbda kuchli og‘riq bilan u darvoza oldida marmarga yozilgan birgina so‘z – “yashaydi” o‘rniga “yashagan” deb yozib qo‘ydi. 2. Tanish ovoz “boshqa joyga tushdingiz” deb telefonidagi qizil tugmani bosdi. 3. Eng kichik tobutlar – eng og‘ir tobutlar. 4. Dunyodagi birinchi aql va sezuvchanlikka ega sentiel robot: “Iltimos, meni o‘chirib qo‘ying.” 5. Bugun onamga yana o‘zimni tanishtirdim. 6. Pachaq bo‘lib, oynasi mayda parchalangan mashina orqa oynasidagi yozuvni amallab o‘qidim: “Men endi otaman!”. Mashinani g‘ildiragi hali ham aylanib turibdi, uni bezagan sharlar osmonga uchib ketmoqda. 7. Bugun yaxshi ko‘rgan qizimni ko‘rdim. Uning to‘yida. 8. Bolalar oyoq kiyimi sotiladi. Kiyilmagan.

Unutmang!

Дунё ўзи бори муаммо, Ғамлар бизга мудом ҳамхона. Нима бўлса бўлсину, аммо, Оғриб мени қўрқитманг она. Гоҳи бойман, гоҳи бўш ҳамён, Гоҳи шодман, гоҳида гирён, Лек бўғзимга келиб қолар жон, Оғриб мени қўрқитманг она. Хавотирда яшамоқ қийин, Безовтаман кун ўтган сайин, Дунёлари менга бир тийин, Оғриб мени қўрқитманг она. Яхши ўғил бўлмадимми ё, Кўзлар эмас, қалб йиғлар гўё, Биттагина, ёлғиз илтижо, Оғриб мени қўрқитманг она. Қадрингизни билмадим гоҳо, Жонингизни асрасин Худо, Дардларингиз топсину шифо, Оғриб мени қўрқитманг она. Малика Салимова

Мен шундай кетайки, босган изимдан, Оҳлар униб чиқсин, аламлар унсин. Ортимдан термулган нигоҳларинга, Соғинчлар ўргимчак инини қурсин. Мен шундай кетайки, тоғдек ғуруринг, Саҳрои Кабрга қумдек қўшилсин, Менсиз кунларингда киприкларинга, Пушаймон ёшлари тошдек осилсин. Мен шундай кетайки жонинг чарҳ уриб, Танангдан бир сокин маскан изласин, Сенку кулиб юриб баҳтиёрман де, Кўксингда муштдек гўшт тинмай бўзласин. Мен шундай кетайки, қилган гуноҳинг, Ҳар тун тушларинга кириб қийнасин. Бир лаҳза ҳаловот топган заҳотинг, Уволим чақалоқ бўлиб йиғласин. Мен шундай кетайки, кейин афсуслар, Изингдан эргашиб қуваверсинлар, Юрсанг ҳам, турсанг ҳам кўзинг олдида, Менинг қарашларим тураверсинлар. Мен шундай кетайки... Малика Салимова