1 755
订阅者
无数据24 小时
-57 天
-1830 天
帖子存档
1 755
هب يابعض الطواري ويابعض الهجوس
تدفع النفس لشجنها وهي ماودّها
من ضمَن دنيا العنا حطته بين الضروس
لاتثق فيها ولكن لاتاقف ضدّها
قبل تصبح عِبره وقصتك توخذ دروس
لاتجي في وجهها وانت مانت بقدّها
شي يوخذ بالمحايل وشي ٍ بالفلوس
وشي يوخذ بالمصاقل وشي ٍ بالدها
كل روس الخلق في هيّن الايام روس
لين صلفات الليالي تبيّن جِدّها
ذاخرينٍ ضحكة السن لليوم العبوس
كل ماوصلت صروف الحياة أشدها
ذا قدرنا نصبر وتقتدي فينا النفوس
ولااقتدت فيك العرب لاتزعزع .. قّدَّها
ندري ان بقعا ماعادت مثل مبطي عروس
لو جديلتها لنا كل يوم تكدّها
ماسكين ٍ شعرة معاويه لو هي ملوس
نوب نرخيها تغافل ، ونوب نشّدها
إن كتمنا كلمة الحق نبلع حدّ موس
وإن نطقناها جرحنا عزيز بحدّها
