راديو قديم .📻

- إختاروا تعيشوا مع ناس حنينة ، لينة القلب عشان تعرفوا تعاشروهم ، لأن القسوة وحشة ومُنفّرة والحنية هي ألطف صفة في العالم ♥.

في أبواب بنعدي عليها ومبتفتحش علشان هيّٰ مش لينا، وفي ناس اختفوا من حياتنا علشان هما مجرد صفحة في كتاب، في فُرص كتير مُمكن تكون ضاعت مش علشان حظكَ وحش بس علشان ممكن خبرتكَ كانت أقل مِن المطلوب في التعامل معاها، وأحسن حاجة إنكَ تعيش علىٰ أمل إن كُل حاجة هتعدي وهتبقىٰ كويسة، و كدا كدا كُل حاجة مقدرة ليك هيّٰ خير بس أنت لسه مكتشفتش الخير اللي فيها فين.

الشعور اللطيف هو وجود شخص دائمًا ما يحاول يسبق الكل في ما يخص ابتسامتك، يحاول أن يثبت لك كل يوم وبكل موقف وبكل فرصة أنه أكثر شخص يحبك.🤍

موضوعنا كان جميل للحد اللي خلاني ابكي وانا بقفله، عشان مبقاش ينفع، رغم أنه جميل.

من أكتر الحاجات المبهجة إنك تلاقي حد بيشاركك كل تفاصيله من هدوم لِأكل لشرب لأغنيه لفيلم ، تلاقيه بيبعتلك فويسات تلقائية ويكلمك بعفوية ويحكيلك من غير تكلف أو خوف من إنه يكون تقيل ويسلام بقي لو الـِ يحشرك فـِ حياته يكون هوا الشخص الـمفضل بتاعك أصلا!!، وحقيقي مشاركة يومك مع حد بتحبه ويحبك دَا شعور دافي أوي.

‏اتمني يجي يوم وابقي الإختيار الأول والأخير لشخص ما، واتمني يجي يوم واقدر ابين الوحش الي جوايا ليه وانا عارف إن حُبه مش هيقل، و فكرته عني مش هتتغير، اتمني شخص يحب عيوبي قبل مُميزاتي واشوف الحب ف عيونه وأفعاله قبل كلامه ، شخص يقدر إني شخص فعلًا كويس بس مريت ب فترات سيئة.

‏غالباً كُل واحد فينا عنده شخص كده، ممكن يستغني بيه عن الدنيا كُلها، الشخص ده بيكون الدنيا ومافيها، يهربله من العالم كله، عارف اسراره كلها، ومبيستريحش غير معاه ومبيتكسفش يحكيله او يعيط قدامه شخص ممكن كده تسميه نفسك التانيه.

‏انا في مرحلة لطيفة اوي من حياتي، وهي اني ماعنديش مشاعر تجاه اي حاجة او اي حد، اطلاقاً قلبي ودماغي فاضيين مفيش انبهار بحد، مفيش افتقاد لحد، مش واخد بالي من وجود الناس من عدمه اصلاً اللي عايز يعمل حاجة يعملها، مفيش حاجة فارقة، مفيش رغبة ان حاجة تحصل او ماتحصلش، فضا جميل جداً كدة. - أمل صابر

مساء الخير. ‏من الطبيعي جداً إن الشخص اللي بيحبك يتضايق من أتفه الأسباب اللي بتعملها لأنه شايفك فـ كفة وباقي الناس فـ كفة تانية ده مش تلكيك ونكد ده حب.❤️

كُنت محتاج حد أتكلم معاه .. أتكلم معاه ويسمعنى ويطّيب بخاطرى لما أكون مضّايق .. ولاقيتك أنتِ عملتى كُل ده . - اضحك الصورة تطلع حلوة | ١٩٩٨.

‏"كلما نظرت إليها قلَّ إحباطي، أتعرف معنى أن تشعر بأنك مُنتصر على العالم بسبب عينين؟" -هدير مدحت.

اجمل هدية ممكن تقدمها لنفسك في الجو ده و الفترة دي انك تاخد دش ساقع و تحط perfume ريحته جميلة و تروح تضلم الأوضه و تشغل التكييف و تتجنب كل الآراء و الأخبار المختله و تعيش في سلام

فيه حاجة بتروح مع كسر حاجز الأمان بين أي اتنين قريبين، أيًا كانت طبيعة العلاقه فيه إحساس بالطمأنينة لو راح مبيرجعش مهما حاولت، مهما زقيت تحس إنك بتزق في حيطة راسية على عواميد من الخوف إحساس إنك عادي تتساب، عادي يتم استبدالك بشخص تاني، عادي تزعل وتتكسر وتتساب لأفكارك ووساوسك أيام لوحدك عادي، إحساس أساسه إنك بتهون عادي، زعلك بيهون والدنيا مبتقفش ولا اللي معاك وقف عشان يلتفتلك ويطمن عليك فيه إحساس بالارتكان والثقة لو راح مبيرجعش.

اللي ياخد حاجه من هنا لقناه تانيه تبقا تحويل ولو لاستوري تبقا اسكرين بدون قص اسم القناه'

"أنا كنت عايز أفضل معاكي، أوعي تنسيني، بحبكِ أوي، نفسي متنسينيش، سلام يا حبيبتي." وجد الرسالة، مراسل صحيفة نيويورك تايمز في إيطاليا، ضمن متعلقات كثيرة لشباب مصريين وعرب ماتوا غرقًا في محاولة منهم لدخول أيطاليا بطريقة غير شرعية. -زمن الرسالة ٢٠١٤.

ياريت لو حد بتحبوا يشوف الحب ف الدنيا عشان ملهوش لزوم خالص تحبوا حد لما يموت.

بيقولوا إن الحب الحقيقى مبيجيش للإنسان غير متأخر بعد ما الدنيا تجيبه و توديه، تسوحه ف مشاعره، يتكعبل ف علاقات تستنزفه صحياً ونفسياً، ف يقرر ميحبش تاني ، بس الدنيا وقتها بتبدأ تستخدم أساليبها الثُعبانيه وترميه ف طريق حد مش متوقع بالمره، حد ف الغرب وهو ف الشرق، حد مستحيل يكون هو ده، بس فجأة قلبك بيعاندك ويشبط فيه وكإن مفيش غيره ع الكوكب، فتستسلم لقلبك بكامل إرادتك وتبدأ تسمع كلمات أم كلثوم بشكل أحن و أدفي وهي بتقول: وقابلتك إنت لقيتك بتغير كل حياتي ، معرفش إزاي حبيتك معرفش إزاي يا حياتي!💙

لازم نتقبّل فكرة إني ممكن أعتذر لشريك حياتي أحيانًا حتى لو أنا شايف نفسي مش غلطان– مادام هو حاسس إنه مجروح جدًا من تفصيلة حصلت أثناء المشكلة أحيانًا بيبقى لطيف إن الأكثر إتزانًا يعتذر للأكثر إحتراقًا؛ لأن كَسب القلوب أولى من كَسب المواقف."

تخيل إن مجرد علاقة سوية واحدة تقدر تخلي الإنسان يتخلص من مشاكل نفسية كتير جدًا بل قد يتعافى منها تمامًا، علاقة صحية فيها تقبل وحب غير مشروط فيها كل طرف بيدي الطرف التاني وضعه ويحسسه إنه طول الوقت مقبول وإن حتى الرفض بيكون للخطأ لكن الشخص نفسه محبوب لذاته مش للحاجات اللي بيعملها مش لأنه مبيغلطش، علاقة واحدة بس فيها المعاني دي تغني عن الدنيا كلها

حد زي مانا بتمني بالظبط.. حد هيكون شبهي، حد هديله تحويشة حب ومشاعر هايلة ومش هيحس انه كتير ولا قليل عليه، بالعكس كل حاجه هتكون علي قده بالظبط! حد مش هحس معاه بشعور الخوف من انه يمشي في اي لحظه، حد هيحبني قد ماهحبه واكتر.. حد هيحببني في نفسي قبل ما يحببني فيه، حد هيرجعلي ثقتي في نفسي وفي الناس.. حد هيرجعلي طعم الحياة وهرجع احس بحلاوة كل حاجه فقدتها، حد هيكونلي صديق وحبيب .. حد هيكونلي العالم كله، حد هيكون بئر اسراري وهرتاح معاه اكتر ما برتاح مع نفسي، حد هيحسسني ان كل اللي مكملش قبله كان لازم ميكملش عشان ده مكانه هو! يمكن يجي متاخر شوية.. بس اللي انا متأكد منه أنه هيجي.🌿