УМР ЙЎЛЛАРИ!

Ёдга олсам кўз ёш тўлдирар, Ярим очиқ парданг бўларди. Кўриб қолса отам ўлдирар, Кетинг деган зарданг бўларди. 🎙-Дилшод Умаров 📙-Камронбек Исмоилов. https://t.me/Sani_sevamanko

Мени адо қилдингга адо кредит. 🎙-Фурқон. 📙-Камронбек Исмоилов.

4-Sentyabr soat 20:00 da Axror Madrahimov ijrosida SHER NARASI nomli yangi qo‘shiq premyerasi. Matn muallifi:-Kamronbek Ismoilov

Бугун мана шу қизни туғулган куни. Чин юракдан дуо қилийлар, хеч қачон ғам ташвиш кўрмасин. Қўшгани билан қўша қариб, дунёдаги энг бахтли ёр, энг мехрибон она бўлиб, фарзандларини орзу ҳавасини кўрсин. Аллоҳ берган Умрини яхши амаллар ила ўтказсин. Жаннатларда ҳам ўзини жуфти ҳалоли билан бирга бўлишлик насиб қилсин.

Янги қўшиқ кутаётганлар борми? Тез кунда Шер нараси деган тарбиявий қўшиқни ҳавола қиламиз.

Устозлар ижросида. Жонингдан.

САЛОМ ЭЙ УМРИМИЗ ЯНА БИР КУЗИ! Юрагим синган бир новдадек титраб, Ўқ каби қадалди отамнинг сўзи. Тўкилган баргларга қараб айтарди, Салом эй умримнинг яна бир кузи. Ичимдан узилар, минг битта толам, Ҳайқирмоқ истадим, чиқмади нолам, Қўлимдан тутганча хайратда болам, Салом эй умримнинг яна бир кузи. Эртанги аёздан бергандек дарак, Эзилган хурмодек, эзилган юрак, Бу олам қонуни кўникмоқ керак, Салом эй умримнинг яна бир кузи. Бир қадам қўйишга йўқдек мадорим, Қулоққа чалинар Отамнинг сўзи. Оппоқ соқолларин силаб айтарди, Салом эй умримнинг яна бир кузи. Дарвоза ортидан қарайман беун, Кўз ёшга тўлганча онамнинг кўзи. Отамнинг ортидан қайтарар тинмай, Салом эй умримиз яна бир кузи. (Деворлар ортидан акс садо қайтар. Салом эй умримиз яна бир кузи.... Салом эй умримиз яна бир кузи..) 📙-Камронбек Исмоилов. 2026.02.09. https://t.me/Sani_sevamanko

Отаси билан онаси интернетдан бўшамаган фарзанд керак бўлса ўзини ўзи ухлатади😂

Хайрли тун 😁😁

КРЕДИТ! (Хозирги замон дарди) Банкларга бордиму, балога қолдим, Ўзим ҳам билмайман нимага олдим, Кўзимга ёш тўлиб, Худога солдим, Мени адо қилдинга, адо кредит. Рўзғорим, боламни қўллашим учун, Бордимми балога йўллашим учун, Умрим етармикан тўлашим учун, Мени адо қилдингга, адо кредит. Сойларинг оқаркан билдим сойингга, Бойларинг боқаркан кўрдим бойингга, Амаллаб етаман ойма ойингга, Мени адо қилдингга, адо кредит. Қудалар олдида кўрмайин эп ман, Билмаган ҳолимда ўзимни ебман, Хеч кимдан кам қилмай қизимни дебман, Мени адо қилдингга, адо кредит. Мифчилар келишган мен кимдан сўрай, Фойизинг осмонда айт қандай тўлай, Уй олмай мен ўлай, уй олмай ўлай, Мени адо қилдингга, адо кредит. Қадри бир қоғоздан арзонман арзон, Ўзга бир юртларда сарсонман сарсон, Сен сабаб хору зор инсонман инсон, Мени адо қилдингга, адо кредит. Кечалар уйқусиз яшайман мудроқ, Ўйласам танамга киради титроқ, Оҳ, бўйнимга бевақт солинган сиртмоқ, Мени адо қилдингга, адо кредит. Томи чала ўша уйим яхшийди, Увада кўрпаю, туним яхшийди, Қаттиқ нон еб юрган куним яхшийди, Мени адо қилдингга, адо кредит. Бошимга ёққан бу қорни курашга, Ор номус йўл қўймас ёрдам сўрашга, Умрим етармикан сени тўлашга, Мени адо қилдингга, адо кредит. Дўст душман олдида бўлмай деб кулгу, Тунлари келмайди кўзимга уйқу, Елкамда оғир юк қарз деган туюғу, Мени адо қилдингга, адо кредит. Шу қарзни олдиму, балога қолдим, Ўзим ҳам билмайман нимага олдим, Хее ўша Мифингни Худога солдим, Мени адо қилдинга, адо кредит. (Мени адо қилдингга, адо кредит...) 📙-Камронбек Исмоилов. 2026.30.08. https://t.me/Sani_sevamanko

ВАТАН! Бугун хар шахаринг кўкка чўзар бўй, Самарқанд, Хоразм жамолига тўй, Андижон, Наманган, Фарғонани қўй, Бир сиқим тупроғинг биз учун ватан. Бунда бир хикмат бор бежизга эмас, Минг йиллик тарихинг, минг йиллаб ўлмас, Пойингга тиз чўкиб айтмасам бўлмас, Бир ховуч тупроғинг биз учун ватан. Меҳнатга яралган ширин жонимиз, Меҳмондўст аталган Ўзбек номимиз, Миллат танламаган дастурхонимиз, Бир ҳовуч тупроғинг биз учун ватан. Эгнида қалқони, номус ила ор, Бошини тик тутган, тоғлардек виқор, Ер ўпмас кураги, полвонларинг бор, Бир ховуч тупроғинг биз учун ватан. Асли бу юртдаги тинчликнинг сеҳри, Дуогўй оналар, бергани меҳри, Нолисак келмасми Аллоҳнинг қаҳри, Хар қарич тупроғинг биз учун ватан. Деҳқонларинг бисёр олов сўндирган, Кетмонин бир уриб чўлни кўндирган, Қуруқ чўп ташласанг, чўпни ундирган, Бир ҳовуч тупроғинг биз учун ватан. Минг бир эпкинда ўчмаган шамми? Ўн икки юлдузинг байроқда жамми? Хар қарич тупроғинг жаннатдан камми? Бир ҳовуч тупроғинг биз учун ватан. Бугун хар шахаринг кўкка чўзар бўй, Сурхонинг, Жиззахинг жамолига тўй, Сирдарё, Навоий, Бухорони қўй, Хар қарич тупроғинг биз учун ватан. (Жонимдан азизсан Ўзбекистоним, Бир ҳовуч тупроғинг мен учун ватан, Бир ҳовуч тупроғинг биз учун ватан) 📙-Камронбек Исмоилов. 2026.30.08. https://t.me/Sani_sevamanko