خمسة شرعي 🤍

لَو صلّىٰ العبد على النبي ﷺ بِعَدَد أنفاسه لم يكن موفّيا لِحقِّه! -ابن القيّم.

‏"أحب كثرة الصلاة على النبي عليه الصلاة والسلام في كل حال، وأنا في يوم الجمعة وليلتها أشدّ استحبابًا" -الإمام الشافعي.

وهمّ الأمة عظيم، أثقل قلبي.. والشعور بالذنب والتقصير اشتد عليٌ.. - صلي على النبي، يُكفى همك ويُغفر ذنبك بإذن الله اللهم انصر إخواننا المستضعفين في كل مكان ويسرلنا وأعنا على المشاركة في كل خير يا كريم

شمسُ الخميس إذا تغيب، فزد من الصلاة على الحبيب🤍 عارف يعني إيه النبي صلى الله عليه وسلم بنفسه يوصيك إنك تصلى عليه يوم الجمعة! لا ويحفزك بإن صلاتك معروضة عليه (فأكْثِروا عليَّ منَ الصَّلاةِ فإنَّ صلاتَكُم معروضةٌ عليَّ..) كيف تُعرِض!

الجروب ليه شرط انضمام واحد سهل جدا، ابعتيلي هنا عشان ابعتلك الشرط 🤍 https://wa.me/+201283473462

بسم الله، ليالي الخميس ونيسة، وكل أنسها في كلام رسول الله صلى الله عليه وسلم 🤍 نبدأ إن شاء الله تعالى مشروعنا الصغنون في بناء عادة قراءة حديث رسولنا يوميا 🤍 هنعمل جروب نقرأ فيه الأحاديث، هنقسم ورد الأسبوع على عدد الطالبات ف الجروب وكل واحدة تسجل وتبعت على الجروب وهيبقى مطلوب منها تسمع قراءات إخواتها مش هنحفظ، مش هناخد إجازة، مش هنعمل أي حاجة غير القراءة وبناء عادة قراءة كلام رسول الله صلى الله عليه وسلم يومياااا واقرأو دة تفهمو أكتر 🤍 https://t.me/khamsasharey5/5053

اقرأو البوست كويس جدا، وانتظرو مفاجأتنا قريبا بإذن الله 🤍

وأخيرا .. لو مش معك الكتب دة مش سبب لعدم البدء بالنسبة دي قراءة الكتب عن طريق التطبيقات أيسر كثيرا من نسخة الـ PDF النسخ دي مريحة جدا في التعامل تقدر تكتب ملاحظات فيها وتبحث ع الحديث بسهولة وإضافة الحديث أو الباب إلي المفضلة دي نسخة صحيح البخاري وهتلاقي شبهها لبقية الكتب http://play.google.com/store/apps/details?id=com.reda.sahihbukhari

ومن الحاجات الي بتعين إن شاء الله على الانتظام في هذا الأمر: - تسجيل القراءة صوتيا .. ف تقدر تتابع أخطاءك وتراجعها أو تعرضها على حد مُجاز في القراءة يجيزك ويفيدك في هذا الأمر - تقسيم الكتاب على مجموعة ، اختار صحبة تقدر تعمل معها كدة وقسم الورد عليكم بدل ما تقرأ ف اليوم ١٠٠ حديث اقرأ ٥٠ واسمع ورد صاحبك الـ ٥٠ الباقيين - سماع الحديث برضه مهم جدا ، كتب السنة متسجلة صوتي هتلاقيها يوتيوب أو تليجرام ، هتساعدك على القراءة ف البداية واستمر على السماع نافع جدا جدا - وضع جدول للأوراد ففي بداية أي كتاب شوف هو كام حديث وتقدر تقسمهم كل يوم كام حديث ف تعرف المفروض تخلصه ف مدة تقريبا قد إيه عشان الشيطان لا ينسيك

- طيب بالنسبة لشرح الحديث .. فكرة إن فتح الباري في شرح صحيح البخاري حاجة وعشرين مجلد دي صدمة بالنسبالي، وكل ما أدخل ع أي بلاي ليست لشرح كتاب منهم برضه عدد المحاضرات كبير جدا شرح الحديث متدرج على مرحلتين ١) تدرج الكتب، أبدا بالأيسر والأجمع والأقصر الأربعين النووية ثم مثلا رياض الصالحين مع دراسة الفقه الميسر (وحفظ الأحاديث برضه بنفس التدرج) ٢) تدرج في شرح الكتاب الواحد .. في مختصر للكتب دي وفي شرح للمختصر ، ف تدرج في شرح الكتاب بين السماع والقراءة والتدرج في الكتب والسلاسل وتاني: حفظ الحديث غير قراءته، شرح الحديث غير قراءته .. قراءة الحديث دة ورد يبقي يومي زي ورد القرآن كدة عشان تمر على كلام النبي صلى الله عليه وسلم وشرح الكتب الستة كاملة= دينك كله وشرح الحديث متفرع في علوم الدين كلها ف هيحتاج شهور وسنين ودة طبيعي .. ف ما تربطش دة بدة أبدا

نصيحة وتنويه في نفس الوقت:- *ما تقرأش كتب السنن الأربعة علي الأقل منغير تحقيق ، أنه يتكتب جنب الحديث هو صحيح ولا حسن ولا ضعيف .. وآه في أحاديث ضعيفة فيهم لكن نسبتها للصحيح قليلة لكن موجودة .. ف عشان ما تحسش إن في تعارض أو تستند لحديث ضعيف اقرأ نسخة تكون محققة * الخلاف مش موجود من أول الأئمة الأربعة فقط ، في خلاف بين الصحابة والتابعين عادي، دة عشان اختلاف الروايات وغيره .. ف ممكن تتلغبط شوية خصوصا في أبواب الفقه . *الكتب زي البخاري مثلا جواه كتب زي مثلا (كتاب الصلاة وكتاب الصيام - الحج/المناسك - الفرائض) وغيرهم .. دول تقرأهم لهدف الصلاة والسلام على رسول الله صلى الله عليه وسلم وأنك تمر عليهم لكن لو عايز تفهمهم لازم فيهم سماع الشرح عشان تعرف لو في خلاف أو ترجيح لمذهب معين وهكذا.

-كم وِردك من سنة رسول الله صلى الله عليه وسلم ؟! بسم الله.. بفضل الله انتشر الوعي نحو فكرة "ورد القرآن" ونحاول الانتظام عليه.. وسبحان الله من أول يوم ف الورد تجد ثمرته بداية بالبركة والشعور بالراحة مع الانتفاع بآيات الله عز وجل وبقينا كلنا متفقين إن العيش بسلام في دنيانا بدون "الوحي" أصبح مستحيلا.. طيب وورد الحديث ؟! .. مش الوحي هو القرآن والسنة مش القرآن بس؟ - أحفظ أحاديث يعني؟ = ورد القراءة غير الحفظ زي القرآن.. اقرأ لمجرد القراءة في كتب الحديث -اقرأ منين ؟ = أصح كتاب بعد القرآن الكريم هو صحيح البخاري .. أبدا به وممكن تكرره زي ما تحب ومعك مسلم (كدة الصحيحين) ثم أصحاب السنن (أبي داوود - الترمذي - النسائي - بن ماجة) - طيب أنا هستفيد إيه من قراءة الحديث فقط وماعنديش وقت إني اقرأ شرح البخاري مثلا = أقل إفادة من قراءة الحديث ومافيها قليل: ١) الصلاة والسلام على رسول الله صلى الله عليه وسلم.. الحديث الواحد فيه على أقل تقدير واحد أو اثنين صلاة على النبي ٢) معرفة لسان العرب .. ودة عن تجربة بيظبط اللسان جدا وبيخلي عندك خلفية لغوية كويسة جدا ٣) بتبقي مريت على الحديث الصحيح في أقوي صوره الصحيحين ثم السنن .. ف هتقدر بسرعة لما تسمع حديث تحدد إنت مريت عليه قبل كدة فهو صحيح ولالا.. وعندك غُنية بالصحيح مش هتلتفت لأي حديث ضعيف وإنت تعلم اقوي الروايات.. ٤) الأنس بسيرة النبي صلى الله عليه وسلم 🤍 .. الكتب مافيهاش أحكام فقط .. ممكن قصة، ممكن جملة في حديث ما تبينلك مدى رحمة النبي صلى الله عليه وسلم أو تديك فكرة عن حياة الصحابة ، هتحس إنك معهم لأنك بتتعرض لكلامهم وأفعالهم يوميا ٦) يخدمك في جميع مجالات العلم الشرعي ، أحاديث الفقه إنت مريت عليها، عارف أسماء رجال السند المتكررين ف مش هتحس بغربة لما تقرأ أسماءهم في دراسة التاريخ الإسلامي أو علم المصطلح ٧) كَم العبادات الي هتعرف إنها سُنة ، كمية الأجور الي هتلاقي نفسك كنت مفوتها .. ف هيأثر طبعا على طاعتك -طيب لو في حديث مش فاهمه؟ = معظم الأحاديث هتبقي مريت عليها قبل كدة أو هتفهمها لأن الكلام يسير .. ولو كلمة وقفت معك يسير تكتب الحديث ع جوجل أو ابلكيشن الدرر السنية أو الباحث الحديثي وتعرف معناها -اقرأ كام حديث ف اليوم الـ ٥٠ حديث تقريبا من ١٠ لـ ١٥ صفحة وياخدوا قراءة سريعة من ربع لنصف ساعة .. ولو قرأت ١٠٠ حديث يوميا تنهي الكتب الستة كلها في اقل من عام .. وما تتخضش م الرقم الأحاديث بتتكرر في الكتاب الواحد أكثر من مرة وبين الكتب وبعضها.

هذه ليلةٌ ونيسة.. أول ليلة جمعة في عام هجري نسأل الله أن يكون العام الذي فيه يسقى الناس وفيه يغاثون.. اللهم أغث سائر المستضعفين في كل مكان وهي ليلة جمعة في شهر حرام وهذه فضيلتي زمان؛ فاحشد لهذا طاعة تظفر بها ويستحب هذه الليلة وغدا كثرة الصلاة والسلام على رسول الله صلى الله عليه وسلم.... بل إن المسلمين في كل مكان يعانون اليوم من كثرة الهموم، وقلة التوفيق، وتأخر الفَرَج، وقلة البركة في الأرزاق، والكسل في الطاعات، وعدم الفتح في الدعاء والصلوات، وتمرد النفس وعدم ضبطها... كل هذه المشاكل مع هموم الآخرة كفايتها أيضًا بِـ الصلاة والسلام على رسول الله صلى الله عليه وسلم فَـ استقبل عامك الجديد بما يكفيك الهم ويقيك الذنب الذي يعيق توفيقك، ويبعثك للطاعات، ويهذب نفسك والنيات اللهم صلِ وسلم على نبينا محمد وعلى آله وصحبه أجمعين

لَو صلّىٰ العبد على النبي ﷺ بِعَدَد أنفاسه لم يكن موفّيا لِحقِّه! -ابن القيّم.

‏"أحب كثرة الصلاة على النبي عليه الصلاة والسلام في كل حال، وأنا في يوم الجمعة وليلتها أشدّ استحبابًا" -الإمام الشافعي.

وهمّ الأمة عظيم، أثقل قلبي.. والشعور بالذنب والتقصير اشتد عليٌ.. - صلي على النبي، يُكفى همك ويُغفر ذنبك بإذن الله اللهم انصر إخواننا المستضعفين في كل مكان ويسرلنا وأعنا على المشاركة في كل خير يا كريم

شمسُ الخميس إذا تغيب، فزد من الصلاة على الحبيب🤍 عارف يعني إيه النبي صلى الله عليه وسلم بنفسه يوصيك إنك تصلى عليه يوم الجمعة! لا ويحفزك بإن صلاتك معروضة عليه (فأكْثِروا عليَّ منَ الصَّلاةِ فإنَّ صلاتَكُم معروضةٌ عليَّ..) كيف تُعرِض!

هذه ليلةٌ ونيسة.. كم من هم قد قض مضجعك، وسلب منك طعم الحياة ولونها كم من ذنب أنذرك بقصم الظهر، وخراب الديار وتعطيل الحال كم من أمل وألم تعلقت بهما رغمًا عنك علاج هذا ودواؤه بل شفاؤه بالصلاة والسلام على رسول الله صلى الله عليه وسلم وهذه ليلة بعدها يوم يستحب فيهما الإكثار من الصلاة والسلام على رسول الله صلى الله عليه وسلم، وسكب العبرات تضرعًا للنجاة، حتى تطيب في غد إن شاء الله تعالى ووفق في ساعة الإجابة الدعوات اللهم صلِ وسلم على نبينا محمد وعلى آله وصحبه أجمعين.

عارف يا صاحبي، أنت لو عندك حال مع الاستغفار بجد وبضمير، يعني لسانك مابيقفش عنه، وبتدعي ربنا بحرقة أنه يوفقك ليه، ولما تعمل ذنب يصرفك عنه تجري وتوقفه خوفا بس على وردك من الاستغفار أنك تفقده لو أنت فعلا كدة عمر ما هيكون دة حالك ولا طاقتك ولا همتك، كنت هتبقى أحسن نسخة من نفسك، مافيش ذنب ساحلك ولا هم في قلبك هتبقى قوي، مُرزَق وسعيد