آب

‏ياربِّ وأنا اللي كل ما تمضي الأيام ‏أنا الضعيف اللي رجاه سترك الضافي ‏ ‏ما تغريني دروب الملذات ولا الأحلام ‏ما دام إني بترك هالزمن كله إخلافي ‏ ‏رجعت لك تايب قبل لا ترفع الأقلام ‏من ذنوبي اللي ثقلها يتعب أكتافي ‏ ‏تقبَّلني بـ عفوك عليَّ و رضاك التام ‏رضاك أنت غاية قلبي الطيِّب الصافي

‏كيف بنسى ذكرياته وفي قلبي حنين ‏فعلًا الدنيا توقّف على فرقى أحد ‏ليت لو يرجع بي الوقت وآعيد السنين ‏والله انـي ما أخلّيه لحظة للأبد ‏كل يوم أشوف ضحكته لكني حزين ‏مايحسّ بوحشة الفقد إلا من فقد

‏لو يصير الصمت عادي .. منت عادي ‏انت ميلادي وخوفي واجتهادي ‏ليه صوتك بس اعيده بالرسايل ‏والرسايل لا تحس ولا تنادي ‏نسمع التكرار والتكرار .. قاتل ‏اقرب الاشياء للحلم الرمادي ‏يا أمان اللي فقد داره وامانه ‏للوعود احساس ودموع ومبادي ‏كيف تضحك وانت ما تضحك لـ غيره ‏ضحكة الاطفال .. قدّام العيادي ‏الهدوء ازعاج والتفكير مُزمن ‏وانت فكره .. كانت الاكثر تمادي ‏السجين اللي تركته ما يحبك ‏قال احبك وبشكل غير اعتيادي ‏تحت سقف الظلم زادت مغرياته ‏بالهوى ماكان مكتوف الايادي ‏جاك من صدر الجدار وقام يكتب ‏غربتي ما ودّها تشتم بـلادي ‏ما تنازل عن قراراته وحلمه ‏واجتمع ويّاك في سجن انفرادي

‏أنا بعيد بس أحبابي اقرب لي من الظل ‏قريبين من قلبي بعيدين عن عيني ‏وانا صدق احبك بس احب الوصل لا قل ‏اشوف ان وجودك في خيالي يكفيني ‏ياحلو العذاب اللي يجي بين خل وخل ‏وحلوك وحلو طيوفك اللي تسليني ‏جبرنا الزمن ناقف على اطلالنا ونطل ‏حلالاه يا ماضٍ مضا بينك وبيني ‏تعبت اتذكر وقتنا الاول اللي زل ‏أنا الماضي اللي فيه فرحه يبكيني ‏أبا امل من حبك ولكن عجزت امل ‏وعجزت آخذك والعجز ماهوب مرضيني ‏إذا عايفتني صدق روحي تراك بحل ‏أنا والله اني ودي انك تعافيني ‏كفاية عتب ماعاد عندي دموع تهل ‏ذبحتيني الله يرحم امك ذبحتيني ‏تقولين دوّر حل واقول مالك حل ‏لو الحل عندي كان جيتك برجليني ‏لا تستغربين ان شفتي اني بديت اختل ‏ولا طحت طيحة منهزم لا تلوميني ‏أنا ما انهزمت إلا بعد ما هزمت الكل ‏وصاروا معاديني منول محبيني - فهد قطنان

‏ما دريت إن الوله بعضه ينزّل قدري ! ‏ليت ما هليّت فيه .. وليت ما قدّرته ‏شرهتي ماهي عليه وأدري إنه يدري ‏شرهتي على الضمير وقلبي وعاطفته ‏الجروح اللي عثت بي سال منها حبري ‏ودّها في كحل عيني .. ميير ما سيِّلته ‏واللي أثقل من همومٍ تختلج في صدري ‏الكلام اللي تعدّت فرصته .. ما قلته

ليتك صباح يغيب عنا .. و يشرق ‏ما أنت بصباحٍ غاب عنا ولا عاد

‏ما وراي أهمّ من وجهك ولا قدامي ‏أبتسم وأضحك على غيباتك الممحوقة ‏مستعد أضيع في مشوارك المترامي ‏لين يفنى دمي اللي ما تجفّ عروقه ‏ما معَ وصلك وصال إلا وصال أرحامي ‏يا بعد من يفتخر بأمجاده المسروقة ‏- عبيد فهيد

‏مابعد شمس الصداقه معك غابت ‏لا تعذر لي .. بشيٍ ماطرالي ‏المعزه ثابته ، والقدر ثابت ‏والوفا .. تبطي تبدّله الليالي ‏حاجةٍ فيها سعيت ولا إستجابت ‏ابشر انك ابيض وجه فـ اول وتالي ‏لا تحسب ان الهقاوي فيك خابت ‏انت عندي جات وان ماجات غالي

‏صوت الحرية بيبقى أعلى من كل الأصوات ‏مهما تعصف ريح الظلم يغطي الليل المسافات ‏مافيك تلوّن هالكون ع بعضه بذات اللون ! ‏و تبدل نظام الأرض و تغيّر مجرى الهوا ‏أنا بتنفّس حرية..ما تقطع عني الهوا

‏صوت الحرية بيبقى أعلى من كل الأصوات ‏مهما تعصف ريح الظلم يغطي الليل المسافات ‏مافيك تلون هالكون عبعضو بذات اللون ! ‏و تغير نظام الأرض و تغير مجرى الهوا ‏أنا بتنفس حرية ما تقطع عني الهوا

‏ثِقي ‏أنَّني حين يخذُلُكِ الناسُ ‏لن أتخلَّى! ‏وحينَ يغادِرُكِ الأصدقاءُ القُدامى ‏سأبقى ‏لأُصبحَ بيتاً ‏وحقلاً وظِلَّا ‏وحينَ تتوهينَ ‏في عتمةٍ ما ‏سأُشرقُ من جهةٍ ما ‏وأسطعُ مثلَ الحقيقةِ ‏واضحةً ‏أتجلَّى! ‏وإنْ قيلَ ما لا تُحبينَ عنكِ ‏فلا تأبهي ‏إنَّني أعرفُ الناسِ ‏مَنْ أنتِ ‏سوف أُغنِّي وأصدحُ ‏كلَّا وكلَّا! ‏وإن جُرِّحَ القلبُ ‏سوف نُقطِّبُه بالقصائدِ ‏تبقى الجراحُ التي قُطِّبتْ بالقصائدِ ‏أحلى! ‏وإن نحن ‏ضِعنا عن الدربِ يوماً ‏سنقتسمُ الملحَ والجُرحَ ‏عدلا! ‏لكَم كنتُ قاسيةً ‏حينما لم أقُلْ ‏ذاتَ يومٍ ‏أُحبُّكِ! ‏فاستغفري لي ‏لقد كنتُ عبئاً عليكِ ‏وثِقلا! ‏إلى أين كنتِ تفرِّينَ لمَّا ‏أصدُّكِ عني ‏وأوصدُ بابي ‏وأبدأ لومي الطويلَ المُمِلَّا!؟ ‏ثقي ‏أنَّني سأُحبُّكِ ‏في كلِّ حالاتِ طينِكِ ‏إن صارَ نوراً ‏وإن باتَ ناراً ‏وإن عادَ طيناً ‏يموتُ ويبلى ‏فعذراً ‏تأخَّرتُ ‏يا نفسُ جداً ‏فيا ليتني ‏قلتُ ذلك قبلا!

‏عيدك مبارك يا داري واغترابي ‏لا حياة إلَّا معك .. لو هي بدونك ‏كانك من إخطائي .. أجمل من صوابي ‏الخطأ محبتي ولا جنونك؟ ‏راضي أعيشك أمل واطرد سرابي ‏لو دياري مجدبة برقب مْزونك ‏زهرةٍ أرق من زهرة شبابي ‏ولا أرق من الزهور إلّا جفونك

60,000 متبرع أوقف في #وقف_عرفة مستمرين بحملة اليوم للمساهمة https://directa.id/bd1tg 🍃 ضاعف الأجر وشارك النشر #العون_المباشر🌿

‏عَفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه ‏وعَفى الله عن همومٍ ما تخلي مستريح البال ‏يعيش أيام عمره في صفا ذهن وصفا نيّه ‏وعَفى الله هواجيسٍ توقف بي على الإطلال ‏تعيد الذكريات اللي مع الأيام منسيه ‏وعَفى الله عن عيونٍ كل ماشافت سَراب الال ‏يعلقّها الأمل عقب الظمأ بِحبْال وهميه ‏وعَفى الله عن غيابٍ كل ماليله بعيني طال ‏عرفت إن الليال السود ما فيها محنيّه ‏وعَفى الله عن وليفٍ فارقٍ زوله عن الأزوال ‏أحن لجيته ويضيق صدري لاحتجب ضيّه ‏وعَفى الله عن حروفٍ نبضها بأحلى الشعر يختال ‏تسافر بي من الواقع للأجواء الخياليه ‏وعَفى الله عن شموخٍ في عيوني يذبح العذّال ‏خذاني لـ السماء مابين الأفلاك السماويه