записки сумасшедшего

Ирон адæм фынгыл цæмæн æвæрынц кусарты сæр æмæ бæрзæй? Газет «Рæстдзинад» ныммыхуыр кодта таурæгъ- Богъаты Петка йæ фехъуыста йæ фыдыфыдæй. Раджы нӕ фыдӕлтӕн сæ хуыздæр куыст уыдис цуан кæнын. Иуахæмы, стыр хъæды цуаны, кæсынц æмæ цавæрдæр æнахуыр адæм сырдтæ марынц. Бабырстой сӕм æмæ сæ æмбис фæкодтой. Дыккаг хатт куы ацыдысты цуанмӕ уæд, кæй бафхæрдтой, уыцы адæм сæ размæ бирæйæ бабадтысты æмæ сæ маст, сæ туг райстой. Уæд нӕ фыдӕлтӕ бауынаффæ кодтой, цæмæй сæ æрбахоной æмæ семæ бафидауой. Хорз сæ суазæг кодтой. Куы сæ фæндараст кодтой, уæд хистæр загъта, кæд уæ, мыййаг, фаг не сбуц кодтам, кæд истæмæй хъæстагæй цæут, уæд нын бахатыр кæнут, зæгъгæ. Уазджыты хистæр дзуапп радта: «Диссаджы адæм стут. Зæгъæн куыд нæй, афтæ нæ сбуц кодтат алы хæрд æмæ нозтæй. Стыр райгондæй уæ баззадыстæм, фæлæ иу хъуыддагæн дзуапп не ссардтам: фынгыл фыдæзгъæл бирæ, фæлæ цавæр фос аргæвстат, цæй дзидза нын бахæрын кодтат, уый нæ раиртæстам». Уæдæй фæстæмæ фæткæн баззад ирон фынгыл кусарты сæр æмæ бæрзæй æвæрын. #таурӕгь