غلاي

نخسر بشر بس ما نخسر مبادينا ‏ودروبنا صوب فعل الطيب مندفعه .

عرفنا مفاهيم الليالي جميل وسي ‏تموت الآوادم بس تبقى جمايلها .

قوي العزايم ما يهمه كلام الناس  ‏يسوق الطموح لغايته لين يدركها .

ماني على درب المقفين مجبور ‏لا حبهم سُنه ولا وصلَهم فَرض .

شطّبت في بعض العلاقات تشطيب ‏وكسبـت منـها راحـتي في حـياتي ‏أنا عشقت الطيب ومـزارق الطيب ‏وأهل الوفاء ربعي من اربع جهاتي .

طردٍ ورى الي فات مايغني الحي  ‏اعـرف مسافـات الحـيـاه القصيره ‏ٰ ‏لا عـاد تندم فـي حياتك علـى شي  ‏مـاراح راح وجعل في الامر خيره .

‏احلى الكلام اللي تقوله ورى الناس ‏الله يوفقهم و " يستر عليهم " .

أعامل الناس بأسلوبي وباخلاقي ‏والناس بأسلوبها نعرف معادنها ‏وسلم على المحترم بأسلوبه الراقي ‏وجنب عن اللي علومه ما يثمنها .

ان زانت ظروف الليالي ضحكنا ‏وان كانها شانت ضحكنا عليها .

ننشد عن الخلان ونعز الاصحاب  ‏« و اللي شرانا بـ الغلا م نبيعه » .

سجّ القدم دام العمر مايعوض ‏الوقت ماياتي على الكيف دايم .

ترى الكلام الزين مثل المفاتيح  ‏يفتح لك أبواب القلوب الصعيبه .

مالي على سود الليالي ملامه  ‏انا مشاريهي على بيض الايام .

ماعاد لي خاطر ولا عاد لي نفس ‏ولا قمت ادوّر وصل من لا يجيني .

اللي يدنق راسه لـ خاطر الناس ‏لا ينصدم لا داسوا الناس راسه .

بعض البشر نادر تعين له أشـباه ‏مـثل الأصـابـع تخـتلــف فالأيـادي ‏ ‏أحــدن ليا منـه تـوارى فـقدنــاه ‏وأحدن إلا غاب أو حضر شي عادي .

خلك قوي لا يكسرك جور الأيام  ‏منصاك ربك لا نصتك الشدايد .

والله اني للمشاكل ما سعيت ‏ولا تبعت الواردة و الصادره ‏ٰ ‏من كثر ما شفت فالناس و لقيت ‏القلوب البيض .. عمله نادرة .

من لا يراعي خاطري ساعه " الضيق " ‏مابيه في وقت الفرح " صاحب لي " .

بعض البشر مثل الأشجار الصناعيه ‏مهما سقيته من المعروف مايثمر .