غلاي

عندي قناعه ما يكررني الوقت ‏وتبطي بك الدنيا ولا تشوف مثلي .

لا صار قلبك نظيف ونيتك زينه ‏خل البشر حكيها ياكل حسانيها .

حنا مع الطيب مثل سهيل في حلّه ‏نجـمٍ ليّا بان كل ، النـاس تـدري به

سو الجمايل وازرع الطيب بالناس ‏ترى طريق الطيب ما به حسايف

يدور الزمان وكل يوم يطيح قناع ‏وتظهر لك وجيّه الناس وطبايعها ..

ما يعزك الا اللي بالافعال يبين لك ‏ولا الـكلام الـزيــن كلـن يـقولـه .

هني الغشيم اللي لا جته العلوم العوج ‏« تمر وتعدّى ما درى ويش مغزاها » .

مانيب ألد العين فالضلع القريب ‏عينيِ على النجم البعيد وترصده .

نفسي عزيزه واظنك تعرف وداري ‏النفس ماتحشم إلا من يحشمها .

ياعين هلي صافي الدمع هليه وإلى قضى صافيه هاتي سريبه ياعين شوفي زرع خلك وراعيه هذي معاويده وهذي قليبه امنول خلي قريب ونرجيه واليوم جيتهم علينا صعيبه

دايم المنّه لا جت من عقب معروف لا غدت مكسب جماله ولا دفعت بلا

وان جفت عروق المواصل وصديت ‏ماني على الماضي كثير الحسايف

راحو بلا موعد وغابت ملامحهم ‏مايوجع الصد لكن توجع الذكرى .

" ماتربينا على ترك الرفيق " ‏وماتعودنا على سب الخوي ‏بالجبال السود نفتح له طريق ‏ونلوي ذراع الليالي له لوي .

اذا انجحد طيبنا عند الاوادم فدا  ‏مدام رب الاوادم شاهد لـ طيبنا .

يالله برزقٍ ما حسبنا له حساب ‏ولا وقفو قطاعة الرزق دونه ‏تفتح لي البيبان لا قفل الباب ‏وتبسط لي الراحه بكفٍ حنونه .

خلوني اسج في جو الخلا الخالي ‏ارتاح والنفس تلقى مايسليها .

مالي ذرى لا هبت رياح الايام ‏الا انت يارب السماوات والارض .

من لايقدر ضيقتك كل ماضقت ‏« لاتعده الا ذنب تبت وتركته » .

لا تزعج الناس في كثر انتقاداتك  ‏ويضيع عمرك ما غير اتدور الزله  ‏ان شفت لك شي وفر رايك لـ ذاتك ‏ان جاز لك خذه وان ما جاز لك خله .