سكاشن حقوق القاهرة الفرقة الرابعة (أ،ب)

📌 لو حد عايز تيكت حفلة ذاجارد ١ أو محتاج مرافقين يكلمه 👇🏻 @tarek21

جدول حساب التقدير التراكمي للفرقة الثالثة والرابعة بعد خصم ترم الأبحاث. ---------------------------------------------------- ‏

نتيجة الفرقة الرابعة الان ع موقع الكلية https://law.cu.edu.eg/v1/result/portAr

خوفك وقلقك من النتيجة مش هيقدم ولا هيأخر حاجة دا هينغص عليك عشيتك ف اليومين اللي بتفكر فيهم دول🥹 عارفة انك خايف وعاوز تطمن عملت ايه ف النتيجة وتفرح بنجاحك وتفرح اهلك بنجاحك وبتخرجك 💜 بس افتكر انت عملت اللي عليك وحاولت وتعبت واجتهدت ، أما النتيجة دي والتوفيق دا من ربنا ، وتعبك واجتهادك دا ربنا هيراضيك عنه 💜🌿 ربنا بيختار لينا احسن حاجة🍃 واحب افكرك أن..... كانَ رسُول الله يُحب الفألَ الحسن ويُكثر من قول: أبْشِر! صلُّوا عليهِ وأبشِروا..💜

نتيجة حقوق قسم الدراسة باللغة الانجليزية https://law.cu.edu.eg/v1/result/portEn قريبا نتيجة حقوق قسم الدراسة باللغة العربية الفرقة الرابعة

ازيكم ي شباب عاملين ايه ان شاء الله تكونوا قاعدين في اجازه سعيده و بتستثمروا وقتكم فيما يفيدكم ♥️ كنت عايز اقولكم بخصوص الدراسات العليا ع كام نصيحة كدا علشان تكون في الاذهان مبدئيا اكيد بعدما النتيجه تطلع كدا هنزلكم بوست مجمع فيه كل حاجه بخصوص الدراسات العليا ايه احسن كليات حقوق ليها و ايه نظام الدراسه في كل حاجه فيها علشان نفيدكم بقدر الامكان ♥️ تاني حاجه التقديمات في الهيئات القضائيه ان شاء الله مجرد ما التقديم يفتح في مجال كل هيئه هنوافيكم بكل المعلومات ♥️ طب ايه النصحية اللي عايزه اقولها كأخ ليكم اولا الدراسات العليا ديه سواء دبلومه ماستر دكتوراه هي علم تاني خالص غير اللي شوفتوه في الكليه نفس المجال بس ع اوسع و تعمق و تحبر كبير في المعلومات و تخصص في مجال معين هتعمل فيه حسب اختيارك الشخصي ثانيا متبقاش متسرع اووي في اختيارك للمجال اللي هتعمل فيه الدبلومة فمتدخلش دبلومه او تعمل ماجستير إلا إذا اشتغلت في مجال معين الأول عشان ممكن لو خدت دبلومه في مجال معين هتتربط بمعني مش هتحاول تشتغل في مجال تاني فالأفضل تجرب الأول عجبك المجال الي انت بتشتغل فيه تاخد الدبلومه فيه معجبكش تشوف مجال تاني وربنا يوفقكم في اختياركم ان شاء الله ♥️ ثالثا الدراسات العليا لو لم تستفيد منها فهي مضيعة للعمر والوقت والمال والجهد لأن العلم في طبيعته وسيلة وليس غاية و بالاخص الكلام دا للبنات و بالاخص اللي هتتجوز و تكون ربه ننزل فالدراسات العليا مش هتفيدها اطلاقا لان العلم بطبيعته بيحتاج التطبيق و المسايره الدوام ع تحصيله فهيكون ياما تكلفه عليكي لو متكفلة بنفسك او ع والدك او ع زوجك اخيرا هدفك و نيتك علشان تعمل دراسات عليا يكون علشان تكمل حلم او هدف بتسعي ليه و عاوز توصله  وعاوز توصل لمبلغ حلو من العلم و تواكب التطور في الواقع العملي اننا لو الهدف بس ان ينضاف لاسمك لقب دكتور او حاصل ع دبلومه كذا او ماجستير كذا يبقا ملهاش اي لازم بالتوفيق ليكم كلكم و اتمني اكون افدتكم ♥️

- كل عام وانتم بخير يا رِفاق 🥺🤍 أدام الله عليكم بهجة أعيادكم بقرب مَن تحبون🤍🤍 اعاده الله علينا وعليكم بالخير واليمن والبركات 🤍🤍 كل عام وانتم اللي الرحمن اقرب 🤍🌸 عيد اضحى مبارك 🐑🤍✨

قَالَ رَسُول الله  ﷺ : خَير الدُعاء دُعَاءُ يَوم عَرفَه وَخيرُ مَا قُلتُ أَنا والنَّبيُّونَ مِن قَبلي : ‏لا إلَهَ إلَّا اللَّهُ وحدَهُ لا شريكَ لَه، لَهُ المُلكُ ولَهُ الحَمدُ وَهوَ علىٰ كلِّ شَيءٍ قَدير. اذكرونا في دعائكم لعل احدكم اقرب منا الى الله 💜🌿

**🤍🩵 *اللهم اكتبنا من المغفور لهم في يوم عرفه و اخرجنا منه مجبورين و كاننا لم يصيبنا ضر من قبل ، اللهم توفيقك لنا في كل شيء ، اللهم ارزقنا الخير كله عاجله و اجله الذي سألك به عبدك و ابن عبدك محمد صلي الله عليه و سلم ، و نعوذ بك من الشر كله عاجله و اجله الذي اعاذك به عبدك و ابن عبدك محمد صلي الله عليه و سلم ♥️🩵🪻*

📌 تنبيه - المواعيد الجديدة لامتحان الفرنساوي التكميلي كلية الحقوق جامعة القاهرة

انا عارفة انك مش مستحمل اي حاجه دلوقتي بس انا هقولك حاجه بسيطه اوي . { وَأَن لَّيْسَ لِلْإِنسَانِ إِلَّا مَا سَعَىٰ (39) وَأَنَّ سَعْيَهُ سَوْفَ يُرَىٰ (40) ثُمَّ يُجْزَاهُ الْجَزَاءَ الْأَوْفَىٰ (41) } [ سورة النجم : 39 إلى 41 ] . ديما عارفين ان ربنا ليه حكمه في كل حاجه و ان ترتيب الآيات بالشكل ده مش صدفة حاشا لله ، الله سبحانه و تعالي بيقولك مترهقش نفسك و تفكيرك و تبذل مجهود في طريق انت ملكش دعوة بيه ، النتائج علي الله و السعي عليك ، وربنا سبحانه وتعالي بيقولك انا شيفك متقلقش تعبك مش هيضيع هدر لا و كمان بيوعدك في لحظتها اني هجبرك بالجزاء الي تستحقه علي قدر سعيك ، المسأله واضحه جدا ، سعيت ⬅️ ربنا شافك = جزاء اوفى مباشراً . ف احنا عملنا اللي علينا و مقصرناش ...✨ افتكر انت مطالب بالسعي ... اما النتيجة دي لربنا بس لازم وانت بتسعى تبقى مقتنع تماما ان كل اللي بيكتبه ليك ربنا فهو خير ، وشرط الوصول السعي ، وشرط التوفيق التوكل على الله .فتوكل على الله ثم اسعى 💜 ربنا يوفق الجميع في آخر امتحان لينا انهاردة و يجبر بخاطرنا جميعا في نتائجنا و يرزقنا الخير و الرضا في امرنا هذا 💜 دفعة 155 بتتخرج🎓💪🏻💜

مع آخر ملخص لاخر مادة في مسيرتنا التعليمية اللي كلها ساعات معدودة و تنتهي حقيقي كنت شغوف جدا جدا اني اكون جزء من التيم الكبير اللي موجود في القناة واللي من سنة اولي حتي اللحظة ديه متأخرش لحظة او تردد في انه يقدم المساعدة بشتي الطرق و الحمدالله ان القناة ديه من وقت ما اتعملت لحد دلوقت نجحنا اننا نقدم الهدف منها وكنا دايما بنحاول نيسر و نسهل الدنيا ع الكل سواء من حيث الريكوردات الملخصات الكويزات الملازم كل حاجة كنا بنحاول نخليها متاحة وحقيقي مفيش اجمل من كون الواحد ربنا جاعله سبب في مساعدة غير ولو بقدر بسيط جدا جدا حقيقي انا اتشرف اني كنت جزء من دفعة 155 حقوق القاهرة و اتشرفت بمعرفتكم كلكم سواء اللي حالفني الحظ وعرفتهم ع المستوي الشخصي او اللي مكنش الحظ حليفي وكانت علاقتنا مقتصرة ع الزمالة كلكم حقيقي بدون استثناء بكن ليكم كل الاحترام وان كنت ضايقت حد في وقت من الاوقات ع مدار الاربع سنين فانا بعتذر اكيد وحقه او حقها عليا صعب الوداع اكيد صعب الشعور المتضارب بين فرحة ان خلاص مفيش امتحانات وضغط تاني ولا زنقة الكلاب وبين زعل ع ان لمة الجامعة والمحاضرات و الصحبة الحلوة هتبقا بالنادر هتحصل لكون كل واحد فينا هيكون ليه مشاغله وحياته اللي بينيها لنفسه وايا ما كان اتمني لكل واحد او واحدة فيكم كل التوفيق و النجاح وان ربنا يحققلكم كل طموحاتكم واحلامكم كلكم ❤️ واتمني تجمعنا صدفة خير في سوق العمل ❤️ بالتوفيق في امتحان بكرا ي احلي واحسن دفعة مرت ع حقوق القاهرة ❤️❤️ نشوفكم بكرا في الممر الشرفي علشان نختم ذكرياتنا بحاجة حلوة تفضل معانا واخر حاجة احب اقولها شكرا ليكم سواء مني او من تيم القناة كله ع ثقتكم فينا ❤️🫶🏻

طبعا نظرا لان الناس اللي بتساعد كتييير وجدا سواء ناس معروفين او ناس بتساعد من غير ذكر اسمائهم وكلهم حقيقي يجزيهم الله كل الخير و كل الدعم ليهم فاحنا هنقول بس اسماء الناس المعروفة واللي الشخص اللي اقترح الفكرة رشحهم و واي حد كان بيساعد ومتذكرش اسمه يجيي و يتكرم زي البقيه لان في الاول و في الاخر الممر الشرفي لكل اللي ساعد كنوع من الشكر ليهم او التكريم ع مجهودهم معانا و بصراحة مش هنوفيهم حقهم فالناس اللي اتقال عليها من مجموعة أ ( احمد سالم - رحمة البرقي - أميرة اشرف - أية اشرف - اسراء رمضان -سيف علاء الدين - احمد خيري - احمد مدبولي - احمد خالد - احمد عطية - احمد اسامة - اسلام قطب - السيد سامي - ادهم عبدالهادي - احمد رمضان - احمد عزت - احمد علي جمعة - نور هشام - ابتسام نصر) اما بخصوص مجموعة ب ( هاجر عبدالعزيز - مريم عبالخالق - فريدة وائل -هدير احمد دياب - محمد بيومي - علي الخولي - عبدالرحمن رمضان ابو شامه - محمد هارون -علا سمير - يوسف رضا - محمد الصفتي - مدحت رمضان - يسرا هاني - نور جمال - محمد قدري - ندي وحيد " خديجة " - وعد كيال ) و ان شاء الله زي ما قولنا التجمع هيكون 3:30 عند المكتبة المركزية لحد قبل امتحان مجموعة ب وان كان حد بيساعد ومتذكرش بردو بنقول انه مش حكر ع الناس ديه يقدر يجيي و يساهم عادي جدا ❤️❤️