فَإِنَّكَ بِأَعْيُنِنَا

لما جيت أدوَّر على الأسباب اللي بتخلّي الإنسان يتحوّل لنُسخة أقوى، اكتشفت إن الوحدة هي العامل الأساسي. الواحد بيتغيّر لما يلاقي نفسه لوحده في أزمته، لما يعدّي أصعب لياليه من غير ونس، ومن غير حد يسمعه ويقوله: «أنا جنبك، ما تخافش». أغلب الناس اللي خرجت من صدمتها لوحدها، من غير سند ولا كتف، هما النهارده أقوى النُسخ اللي بنشوفها. ناس بتحس بيك من غير ما تحكي، وتسمعك من غير ما تطلب، وأول إيد بتتمد ليك لما تقع… لأنهم شافوا وعاشوا اللي ما يحبّوش حد تاني يشوفه أو يمرّ بيه.