EEP Communication

ጳጕሜን 03 ቀን 2015 ዓ.ም. - የበጎነት ቀን

ጳጉሜን 2 ቀን 2015 ዓ.ም. - የመስዋዕትነት ቀን መስዋዕትነት በሚጠይቁ ፈታኝ ሥራዎች ላይ በመሰማራት የተቋማችን ተልዕኮ እንዲሳካ ያልተቋረጠ ጥረት የምታደርጉ የተቋማችን ሠራተኞች እና የሥራ መሪዎችን ዛሬ በሀገርአቀፍ ደረጃ የሚከበረውን የመስዋዕትነት ቀን ምክንያት አድርጌ በራሴና በከፍተኛ ሥራ አስፈፃሚ ቡድኑ ስም ማመስገን እፈልጋለሁ። የኃይል ማመንጨትና የከፍተኛ ኃይል ማስተላለፊያ መስመር ዝርጋታ የግንባታ፣ ኦፕሬሽንና ጥገና ሥራዎች በአብዛኛው በአስቸጋሪ መልክዐምድር እና በፈታኝ የአየር ንብረት ውስጥ የሚከናወኑ ከመሆናቸው ባለፈ የአካል እና የህይወት መስዋዕትነት የሚጠይቅ መሆኑ ይታወቃል። በሰሜን ኢትዮጵያ በተካሄደው ጦርነት በትግራይ፣ በአማራ እና በአፋር ክልሎች የተጎዱ የኤሌክትሪክ መሰረተ ልማቶችን መልሶ ለመጠገን የተቋማችን ሠራተኞች የፀጥታ ኃይሉን ተከትለው ከፍተኛ መስዋዕትነት በመክፈል ለወራት የተቋረጠውን ኃይል መልሶ በማገናኘት ህብረተሰቡ ኤሌክትሪክ እንዲያገኝ ከማድረግ ባለፈ የተቋሙን ገፅታ በመገንባት አመርቂ ውጤት አስመዝገበዋል። በታሪክ ሲታወስ ለሚኖረው ለዚህ ተግባር ተቋማችን በድጋሚ ምስጋናውን ያቀርባል። ስለኢትዮጵያ አስፈላጊውን መስዋዕትነት እንከፍላለን! አሸብር ባልቻ(ኢንጂነር) የኢትዮጵያ ኤሌክትሪክ ኃይል ዋና ሥራ አስፈፃሚ

ለመላዉ የተቋማችን ሠራተኞች እና የሥራ መሪዎች በሙሉ ዛሬ ጳጉሜን 1 ቀን 2015 ዓ.ም. በሀገር አቀፍ ደረጃ ለሚከበረው የአገልጋይነት ቀን እንኳን በሰላም አደረሳችሁ፡፡ የዛሬዋ ዕለት “ኢትዮጵያን እናገልግል” በሚል መሪ ቃል ተሰይማለች፡፡ ይህች ዕለት በቀን 24 ሰዓት፣ ሳምንቱን ሙሉ ሰባቱንም ቀናት፣ እንዲሁም ዓመቱን ሙሉ የኃይል አቅርቦት ሳይስተጓጎል ለማቅረብ ለሚተጋው ለተቋማን ትልቅ ትርጉም አላት፡፡ ኃይል የማመንጨት እንዲሁም የመነጨውን ኃይል በማስተላለፊያ መስመሮች የማጓጓዝና ወደሚፈለገው ቦታ የማድረስ ሥራ ለአፍታ እንዳይስተጓጎል ለማድረግ የሚሰራው ሥራ ቀን ከሌሊት በአስቸጋሪ መልክዓምድር እና የአየር ሁኔታ ውስጥ በማለፍ የሚሰራ ሥራ መሆኑን አብዛኛው ሰው እንደሚረዳው እምነት አለኝ፡፡ ይህን አስቸጋሪ እና ፈታኝ በሆነ ሁኔታ ውስጥ የከናወን አገልግሎት በዓመት አንድ ቀንም ቢሆን እንዲታሰብ መደረጉ መልካም ጅምር ቢሆንም አንዷን ቀን እንደ ዓመት አንዱን ዓመት እንደ አንድ ቀን በማድረግ ያልተቋረጠ የኦፕሬሽንና ጥገና ሥራ የምስትሰሩ ሠራተኞችን በተቋማችን ከፍተኛ የሥራ አመራር ቡድን ስም ለማመስገን እወዳለሁ፡፡ እያንዳንዱ ዜጋ በቤቱ ውስጥ የዕለት ተዕለት ተግባሩን በብቃት እንዲከውን፣ እያንዳንዱ ተቋም የተሰጠውን ተልዕኮ ማሳካት እንዲችል፣ ማህበራዊ አገልግሎት የሚሰጡ ተቋማት ለህብረተሰቡ የሚፈለገውን አገልግሎት መስጠት እንዲችሉ ዓመቱን በሙሉ ያለማቋረጥ ኤሌክትሪክ ለማቅረብ የምትተጉት ለእውነተኛ የህዝብ አገልጋይ የተቋማችን ሠራተኞች እና የሥራ መሪዎች እንኳን አደረሳችሁ ስል በታላቅ ኩራት ነው፡፡ የሰው ልጆች በዚህ ዓለም የመኖር ተልዕኮና ምስጢር ለሀገር እና ለህዝብ ፋይዳ ያለው አስተዋጽኦ አበርክቶ ማለፍ ነው፡፡ ስለሆነም ራሳችንን በዕድሜያችን ምን ሰርተናል? ለማህበረሰባችን ምን አበርክተናል ብለን ልንጠይቅ ይገባል፡፡ የዚህን ጊዜ የምናገኘው መልስ ድርሻችን የተለያየ ቢሆንም ለተቋማችን፣ ለህዝባችንና ለሀገራችን አንዳች ፋይዳ ያለው አስተዋጽኦ እንዳበረከትን ያለጥርጥር መናገር እንችላለን፡፡ እውነት ነው - የእያንዳንዳችን አስተዋጽኦ ነው ተቋማችን የተሰጠውን ተልዕኮ በአግባቡ እንዲወጣ የሚያደርገው፤ የእያንዳንዳችን ሥራ ነው የህዝብን ጥያቄ የሚፈታው፡፡ በመሆኑም የጀመርነውን ህዝባዊ አገልግሎት ከደመወዝ ባሻገር እያሰብን ለህዝባችንና ለሀገራችን የበለጠ የምንሰራበት እንዲሆን የተሰጠንን ኃላፊነት በትጋት እንድንወጣ አሳስባለሁ፡፡ በኢትዮጵያ ውስጥ እኛ አለን፤ በኢትዮጵያ ውስጥ ቤተሰቦቻችን አሉ፤ በኢትዮጵያ ውስጥ ያስተማረንና ያሳደገን ማህበረሰብ አለ፡፡ “ኢትዮጵያን እናገልግል” በሚል መሪ ቃል የሚከበረውን የአገልጋይነት ቀን የተለየ ትኩረት የሰጠነው በዚህ ምክንያት ነው፡፡ ፈጣሪ ኢትዮጵያንና ህዝቦቿን ይባርክ! አሸብር ባልቻ(ኢንጂነር) የኢትዮጵያ ኤሌክትሪክ ኃይል ዋና ሥራ አስፈፃሚ

የተቋሙ አመራሮችና ሠራተኞች በሀገሪቱ ወቅታዊ ጉዳዮች ላይ ተወያዩ .......///........ በአማራ ክልል የተከሰተውን አለመረጋጋት ለመፍታት ሁሉም የመፍትሄው አካል ሊሆን እንደሚገባ የኢትዮጵያ ኤሌክትሪክ ኃይል የሥራ መሪዎችና ሠራተኞች ተናገሩ። የሥራ መሪዎቹና ሠራተኞቹ በአማራ ክልል ወቅታዊ ሁኔታ ላይ ውይይት አካሂደዋል። በውይይቱ ላይ የተገኙት የተቋሙ ዋና ሥራ አስፈፃሚ አቶ አሸብር ባልቻ እንደተናገሩት ውይይቱ ለሠራተኛው በክልሉ ስላለው ወቅታዊ ሁኔታ መረጃ በመስጠት የጋራ መግባባት ላይ ለመድረስ ያለመ ነው። በክልሉ የተፈጠረውን አለመረጋጋት ለመፍታት ጥረት እየተደረገ መሆኑን የጠቀሱት ዋና ሥራ አስፈፃሚው ችግሩን ለመፍታት ሁሉም የመፍትሄው አካል ሊሆን እንደሚገባ አሳስበዋል። የውይይቱ ተሳታፊዎች በበኩላቸው በክልሉ የሚነሱ ጥያቄዎች መልስ እንዲያገኙ ከኃይል ይልቅ የሠላም አማራጭን መከተል እንደሚገባ  ተናግረዋል። ሠላም በአንድ አካል ብቻ ሊመጣ ስለማይችል የክልሉን ብሎም የሀገሪቱን ሰላም ለማስፈን በሚሰራው ሥራ ላይ ሁሉም ኃላፊነቱን እንዲወጣ ጥሪ አቅርበዋል። "ንፁህ ኢነርጂ ለተሻለ ህይወት!”          የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ      ፌስቡክ↠  https://www.facebook.com/Ethioelectric     ቴሌግራም↠ https://t.me/EEPCommuication     ትዊተር ↠ https://twitter.com/EEPethiopia     ዩትዩብ ቻናል↠ https://www.youtube.com/@Ethiopianelectricpower     ድረ - ገፃችንንም ይጎብኙ   www.eep.com.et     ነሐሴ 25 ቀን 2015 ዓ.ም

ተቋሙ ከ10 ሚሊዮን ብር በላይ የሚገመት ወጪ የትምህርት ግብዐቶች ድጋፍ አደረገ ..........///........ የኢትዮጵያ ኤሌክትሪክ ኃይል በማዕከላዊ ኢትዮጵያ ክልል የም ዞን ለሚገኘው ፎፋ አዳሪ 2ኛ ደረጃ ትምህርት ቤት የተለያዩ የትምህርት ግብዐቶችን ድጋፍ አድርጓል። ድጋፉን የተቋሙ የኃይል ማመንጫዎች ኦፕሬሽ ዘርፍ የክላስተር 1 ኦፕሬሽንና ጥገና መምሪያ ዳይሬክተር አቶ ጌትነት በቀለ ለዞኑ ዋና አስተዳዳሪ አቶ ሳሙኤል ገ /ሚካኤል አስረክበዋል። የዞኑ ዋና አስተዳዳሪ አቶ ሳሙኤል ገ/ ሚካኤል በርክክብ ሥነ ሥርዓቱ ወቅት እንደተናገሩት ትምህርት የድህነት ተራራን ለመናድ የሚያግዝ መሳሪያ በመሆኑ በዕውቀት ግንባታ ላይ ትኩረት ሰጥቶ መስራት ይገባል። ተቋሙ ያደረገው ድጋፍ "ጥራት ያለው ትምህርት ለትውልድ " በሚል መሪ ቃል የትምህርት ቤቶችን ደረጃ ለማሻሻልና በግብዐት እንዲሟሉ ለማድረግ የተጀመረው ሀገር አቀፍ ንቅናቄ አንድ አካል መሆኑን ጠቅሰው ለተደረገው ድጋፍም ምስጋና አቅርበዋል። ተቋሙ ያደረገው ድጋፍ የትምህርት ጥራትን ለማረጋገጥና ሀገር በቀል ዕውቀቶችን ለማዳበር እየተከናወነ ያለውን ሥራ እንደሚደግፍም አመልክተዋል። የትምህርት ጥራትን ለማረጋጋጥ እና በትምህርት ቤቶች ላይ የተጓደሉ የትምህርት መሳሪያዎችን ለማሟላት ሁሉም ድጋፉን አጠናክሮ እንዲቀጥል ጠይቀዋል። የተቋሙ የኃይል ማመንጫዎች ኦፕሬሽ ዘርፍ የክላስተር 1 ኦፕሬሽንና ጥገና መምሪያ ዳይሬክተር አቶ ጌትነት በቀለ በበኩላቸው እንደተናገሩት ተቋሙ ከተሰጠው ተልዕኮ በተጨማሪ በተለያዩ ምክንያቶች ጉዳት ለደረሰባቸው የህብረተሰብ ክፍሎች የሰብዓዊ ዕርዳታ እና በሀገሪቱ ለሚከናወኑ የልማት ሥራዎች የተለያዩ ድጋፎችን እያደረገ ይገኛል። ተቋሙ የማህበረሰብ አቀፍ ድጋፎችን ከማድረጉም ባሻገር በማመንጫ ጣቢያዎች አካባቢ ለሚገኙ የህብረተሰብ ክፍሎች ኃይል እንዲያገኙ የማድረግና የሥራ ዕድሎችን እንዲፈጠርላቸው በማድረግ በኩል በርካታ ሥራዎች ማከናወኑን ጠቁመዋል። ለፎፋ 2ኛ ደረጃ አዳሪ ትምህርት ቤቱ የተደረገው ድጋፍ ለተለያዩ አገልግሎት የሚውሉ ጠረጴዛዎች፣ የጥቁር ሰሌዳ፣  የቤተ መጻህፍት መደርደሪያዎች፣ የላብራቶሪ ዕቃዎች፣ ቁም ሳጥን፣ ወንበሮች፣ ለተማሪዎች መተኛ የሚያገለግሉ አልጋዎች እና ሌሎች የትምህርት ግብዐቶችን ያካተተ ሲሆን ለዚህም ተቋሙ ከ10 ሚሊዮን ብር በላይ ወጪ ማድረጉን ተናግረዋል። ተቋሙ በትውልድ ልማት ሥራዎች ላይ አሻራውን በማሳረፉ ደስተኛ መሆኑንም አመላክተዋል። ከዚህ በፊት ዞኑ ከጊቤ II የኃይል ማመንጫ ጣቢያ ጋር በመተባበር ጣቢያውን ከሰው ሰራሽ  አደጋዎች ለመጠበቅ  ህብረተሰቡ ላደረገው ድጋፍ አመስግነው በቀጣይ የዞኑ ነዋሪ በአካባቢው የሚገኙ የማስተላለፊያ መስመር ተሸካሚ ብረቶችን ከስርቆትና መሰል ወንጀሎች መጠበቅ እንዳለበትም አሳስበዋል። በርክክብ ሥነ-ሥርዓቱ ላይ የዞኑና የወረዳው የሥራ ኃላፊዎች፣ የኢትዮጵያ ኤሌክትሪክ ኃይል ተወካዮች፣ የሀገር ሽማግሌዎች እንዲሁም የፎፋ ከተማና የአካባቢው ነዋሪዎች ተገኝተዋል። "ንፁህ ኢነርጂ ለተሻለ ህይወት!”          የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ      ፌስቡክ↠  https://www.facebook.com/Ethioelectric     ቴሌግራም↠ https://t.me/EEPCommuication     ትዊተር ↠ https://twitter.com/EEPethiopia     ዩትዩብ ቻናል↠ https://www.youtube.com/@Ethiopianelectricpower     ድረ - ገፃችንንም ይጎብኙ   www.eep.com.et     ነሐሴ 24 ቀን 2015 ዓ.ም

ለዛሬ ምን ቀጠሮ ይዘዋል? ተቋማችን የሚሳተፍበት የውሃና ኢነርጂ ዘርፍ አውደርዕይ በኢፌዲሪ ጠቅላይ ሚኒስትር ዐቢይ አህመድ በይፋ መከፈቱ ይታወሳል። አውደርዕዩ ከሰኞ እስከ እሁድ ከጠዋቱ 2:30 እስከ ምሽት 1:00 ሰዓት ድረስ ለዕይታ ክፍት ሆኗል።ዛሬ ነሐሴ 22 ቀን 2015 ዓ/ም በኢነርጂ ዘርፍ የተሰማሩ ተቋማት ሠራተኞች የሚጎበኙበት ቀን እንዲሆን ስለተመቻቸ በአዲስ አበባና በዙሪያዋ የምትገኙ የተቋማችን ሠራተኞችና የሥራ መሪዎች አውደርዕዩን እንድትመለከቱ እንጋብዛለን። የኮርፖሬት ኮሙዩኒኬሽን መምሪያ

እንኳን ደስ አለን!! እንኳን ደስ አላችሁ !!! ......////....... በሀንጋሪ ቡዳፔስት እየተካሔደ ባለው የዓለም አትሌቲክስ ሻምፒዮና በሴቶች ማራቶን ኢትዮጵያዊያን አትሌቶች አንደኛ፣ ሁለተኛ እና አምስተኛ በመውጣት አሸናፊ ሆነዋል።                   አትሌት አማኔ በሪሶ 1ኛ በመሆን ለሃገሯ የወርቅ ሜዳሊያ ስታስገኝ፣ የኢትዮ-ኤሌክትሪክ ስፖርት ክለብ አትሌት እና የአምናው ሻምፒዮና የወርቅ ሜዳሊያ ባለቤት አትሌት ጎይተቶም ገ/ስላሴ 2ኛ በመሆን የብር ሜዳሊያ አግኝታለች። ሌላኛዋ የኢትዮ-ኤሌክትሪክ ስፖርት ክለብ አትሌት ያለምዘርፍ የኋላው 5ኛ በመውጣት የዲፕሎማ ተሸላሚ ሆናለች።                                    እንደሀገር በተገኘው ውጤት እና የኢትዮ-ኤሌክትሪክ ስፖርት ክለብ አትሌቶች ባመጡት ውጤት በድጋሚ እንኳን ደስ አላችሁ እንላለን። "ንፁህ ኢነርጂ ለተሻለ ህይወት!”          የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ      ፌስቡክ↠  https://www.facebook.com/Ethioelectric     ቴሌግራም↠ https://t.me/EEPCommuication     ትዊተር ↠ https://twitter.com/EEPethiopia     ዩትዩብ ቻናል↠ https://www.youtube.com/@Ethiopianelectricpower     ድረ - ገፃችንንም ይጎብኙ   www.eep.com.et     ነሐሴ 20 ቀን 2015 ዓ.ም

ለመላው የኢትዮጵያ ኤሌክትሪክ ኃይል ሠራተኞች እና የሥራ መሪዎች ተቋማችን የሚሳተፍበት የውና ኢነርጂ ዘርፍ አውደርዕይ ባለፈው ሳምንት መጨረሻ በኢፌዲሪ ጠቅላይ ሚኒስትር ዐቢይ አህመድ በይፋ መከፈቱ ይታወሳል። በመሆኑም አውደርዕዩ ከሰኞ እስከ እሁድ ከጠዋቱ 2:30 እስከ ምሽት 11:00 ሰዓት ድረስ ለዕይታ ክፍት መሆኑን እየገለፅን የፊታችን ሰኞ ነሐሴ 22 ቀን 2015 ዓ/ም ደግሞ በኢነርጂ ዘርፍ የተሰማሩ ተቋማት ሠራተኞች ብቻ የሚጎበኙበት ቀን እንዲሆን ስለተመቻቸ በአዲስ አበባና በዙሪያዋ የምትገኙ የተቋማችን ሠራተኞችና የሥራ መሪዎች በተጠቀሰው ቀን የጉብኝት መርሃግብሩ ላይ እንድትሳተፉ እንጋብዛለን። የኮርፖሬት ኮሙዩኒኬሽን መምሪያ

የኢትዮጵያ ኤሌክትሪክ ኃይል የሚሳተፍበት የውሃና ኢነርጂ አውደርዕይ ተከፈተ .........///....... የኢትዮጵያ ኤሌክትሪክ ኃይል የሚሳተፍበት የውሃና ኢነርጂ አውደርዕይ በኢፌዲሪ ጠቅላይ ሚኒስትር ዐቢይ አሕመድ እና በተባበሩት አረብ ኢመሬቶች ፕሬዝዳንት ሼክ መሀመድ ቢን ዛይድ አል ናህያን ተከፍቷል። በኢትዮጵያ ሳይንስ ሙዚየም ትናንት በይፋ የተከፈተው የውሃ እና ኢነርጂ አውደ ርዕይ ለቀጣዮቹ አራት ሳምንታት እንደሚቆይ የውሃ እና ኢነርጂ ሚኒስትሩ ዶ/ር ሀብታሙ ኢተፋ ገልፀዋል። አውደርዕዩ በውሃ፣ ሳኒቴሽና ኢነርጂ ዘርፍ የተሰማሩ የግልና የመንግስት ተቋማት የተሳተፉበት ሲሆን በእያንዳንዱ የአውደርዕይ ቡዝ ላይ የተቋማቱን ሥራ የሚያሳዩ ሳቢና አስተማሪ መረጃዎችን ለዕይታ ቀርበዋል። የኢትዮጵያ ኤሌክትሪክ ኃይልም የታላቁ ህዳሴ ግድብን ሞዴልን ጨምሮ በግንባታ እና በኦፕሬሽን ላይ ያሉ የውሃ እና የንፋስ ሞዴሎች እንዲሁም ተቋሙ የሚሰራቸውን ሥራዎችና የወደፊት ዕቅዶች የሚያሳዩ መረጃዎች ለዕይታ አቅርቧል። አውደ ርዕዩ የኢትዮጵያን የውሃ እና የኢነርጂ ሀብቶች እንዲሁም እምቅ አቅምን ለማሳየት ያለመ ሲሆን ለቀጣዮቹ 30 ቀናት ለህዝብ ክፍት ይሆናል። "ንፁህ ኢነርጂ ለተሻለ ህይወት!”          የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ      ፌስቡክ↠  https://www.facebook.com/Ethioelectric     ቴሌግራም↠ https://t.me/EEPCommuication     ትዊተር ↠ https://twitter.com/EEPethiopia     ዩትዩብ ቻናል↠ https://www.youtube.com/@Ethiopianelectricpower     ድረ - ገፃችንንም ይጎብኙ   www.eep.com.et     ነሐሴ 13 ቀን 2015 ዓ.ም

የፈተና ውጤት ማስታወቂያ

ከኢትዮጵያ ኤሌክትሪክ ኃይል የተሰጠ ማሳሰቢያ ቅዳሜ ሐምሌ 29 እና እሁድ ሐምሌ 30 ቀን 2015 ዓ/ም የቦሌ ዓለምአቀፍ አውሮፕላን ማረፊያ ጂ አይ ኤስ ማከፋፈያ ጣቢያን ከቃሊቲ ኮተቤ ከተዘረጋው ባለ132 ኪሎ ቮልት የማስተላለፊያ መስመር ጋር የማገናኘት ሥራ ይሰራል። በመሆኑም ለሥራው ሲባል ቅዳሜ ከማለዳው 11:30 ሰዓት እስከ 12:30 ሰዓት ድረስ መስመሩን የማለያየት እንዲሁም ከምሽቱ 12:00 እስከ 1:00 ሰዓት ድረስ መስመሩን የማገናኘት ሥራ ስለሚሰራ ከዚህ በታቸ በተዘረዘሩት አካባቢዎች ኃይል ተቋርጦ የሚቆይ መሆኑን እናስታውቃለን። ከወረገኑ ማከፋፈያ ጣቢያ ወደ ኢትዮጵያ አየር መንገድ በተዘረጋው መስመር፣ በብሔራዊ ሜቲዮሮሎጂ፣ በስካይ ላይት ሆቴል እና በአካባቢው፣ በዩኒቲ ዩኒሸርሲቲ፣ በ24 ቀበሌ፣ በኮሪያ ሆስፒታል፣ በፓርላማ ተመራጮች መኖሪያ፣ በገርጂ፣ በቦሌ ክፍለከተማና በአካባቢው፣ በጆኒ ገራዥና በአካባቢው፣ በሰሚት ለስላሳ ፋብሪካ፣ በፍየል ቤት፣ በዋጄ ጊዮርጊስ፣ በፍሊንት ስቶን ሪል ስቴት እና በአካባቢው፣ በኢትዮ ፕላስቲክ ፋብሪካና በአካባቢው፣ በጃክሮስ ሪል ስቴት፣ በጎሮ እና በአካባቢው በተጠቀሱት ቀናትና ሰዓታት ኃይል ስለሚቋረጥ ተገቢውን ዝግጅት እንድታደርጉ ከወዲሁ እናሳስባለን። የኢትዮጵያ ኤሌክትሪክ ኃይል