Namangan TV | Rasmiy kanal

#Хушхабар #Зафарнома ҒАЛАБА МУБОРАК,  ВАЪДАСИГА ВАФОДОР НАМАНГАНЛИК ҒАЛЛАКОРЛАР! Бугун эрта тонгдан Наманган вилояти узра яна бир хушхабар тарқалди - Давлат қабул омборларига 211 000 тоннадан зиёд сара дон топширилиб, белгиланган шартномавий режа 100,3 фоизга бажарилди. Албатта, бу рақамлар замирида омилкор ғаллакорлару, уларга мададкор бўлган соҳалар ходимларининг фидойи меҳнати турибди. Таъкидлаш жоиз, Наманган вилоятида 2026 йил ғалла ҳосили учун 64 410 гектар майдонга дон экилган эди. Ўтган йил кузида уруғ сепишдан бошлаб, ниҳолларни агротехник талаблар асосида парваришлаш, етиштирилган ҳосилни уюшқоқлик билан йиғиштириб олишгача бўлган жараёнлар ўз самарасини берди. Катта хирмонга режани пешқадамлардан бўлиб бажарган Мингбулоқ, Учқўрғон, Норин, Чортоқ, Тўрақўрғон, Поп, Наманган, Чуст, Уйчи туманлари ғаллакорлари муносиб улуш қўшдилар. Жорий йилги ғалла мавсумида 40 дан зиёд фермерлар юқори натижага эришиб, гектаридан 100 центнердан ошириб ҳосил олишга эришдилар. Жумладан, Мингбулоқ туманидаги “Яккактол олтин замини” (102,5 ц), Учқўрғон туманидаги “Қўғай тола Раҳимжон” (100,3 ц), Норин туманидаги “Алишер ҳожи замини” (100,0 ц), Тўрақўрғон туманидаги “Раҳимберди ҳожи” (100,3 ц), Поп туманидаги “Нуриддин Рауф” (102,5 ц), Наманган туманидаги “Сойбўйи ҳосили” (100,3 ц), Чуст туманидаги “Азамат Азиз” (100,3 ц), Уйчи туманидаги “Қумтепа ниҳоли” (100,3 ц) фермер хўжаликлари кўрсатган самарадорликни алоҳида эътироф этиш лозим. Умуман, бу улкан ғалабада қишлоқ хўжалиги тармоғида фидойи меҳнат қилаётган барча-барчанинг муносиб улуши бор. Яна бир бор зафар муборак бўлсин, Наманган вилоятининг лафзи ҳалол ғаллакорлари! __ #Xushxabar #Zafarnoma GʻALABA MUBORAK, VAʼDASIGA VAFODOR NAMANGANLIK GʻALLAKORLAR! Bugun erta tongdan Namangan viloyati uzra yana bir xushxabar tarqaldi - Davlat qabul omborlariga 211 000 tonnadan ziyod sara don topshirilib, belgilangan shartnomaviy reja 100,3 foizga bajarildi. Albatta, bu raqamlar zamirida omilkor gʻallakorlaru, ularga madadkor boʻlgan sohalar xodimlarining fidoyi mehnati turibdi. Taʼkidlash joiz, Namangan viloyatida 2026-yil gʻalla hosili uchun 64 410 gektar maydonga don ekilgan edi. Oʻtgan yil kuzida urugʻ sepishdan boshlab, nihollarni agrotexnik talablar asosida parvarishlash, yetishtirilgan hosilni uyushqoqlik bilan yigʻishtirib olishgacha boʻlgan jarayonlar oʻz samarasini berdi. Katta xirmonga rejani peshqadamlardan boʻlib bajargan Mingbuloq, Uchqoʻrgʻon, Norin, Chortoq, Toʻraqoʻrgʻon, Pop, Namangan, Chust, Uychi tumanlari gʻallakorlari munosib ulush qoʻshdilar. Joriy yilgi gʻalla mavsumida 40 dan ziyod fermerlar yuqori natijaga erishib, gektaridan 100 sentnerdan oshirib hosil olishga erishdilar. Jumladan, Mingbuloq tumanidagi “Yakkaktol oltin zamini” (102,5 s), Uchqoʻrgʻon tumanidagi “Qoʻgʻay tola Rahimjon” (100,3 s), Norin tumanidagi “Alisher hoji zamini” (100,0 s), Toʻraqoʻrgʻon tumanidagi “Rahimberdi hoji” (100,3 s), Pop tumanidagi “Nuriddin Rauf” (102,5 s), Namangan tumanidagi “Soyboʻyi hosili” (100,3 s), Chust tumanidagi “Azamat Aziz” (100,3 s), Uychi tumanidagi “Qumtepa niholi” (100,3 s) fermer xoʻjaliklari koʻrsatgan samaradorlikni alohida eʼtirof etish lozim. Umuman, bu ulkan gʻalabada qishloq xoʻjaligi tarmogʻida fidoyi mehnat qilayotgan barcha-barchaning munosib ulushi bor. Yana bir bor zafar muborak boʻlsin, Namangan viloyatining lafzi halol gʻallakorlari! Sayt | Telegram | Instagram | Facebook | X | YouTube

Prezident Shavkat Mirziyoyevning yoshlar bilan uchrashuvdagi nutqidan eng muhim iqtiboslar Prezident.uz|Facebook|Instagram|YouTube|X

Prezident Shavkat Mirziyoyevning yoshlar bilan uchrashuvdagi nutqidan eng muhim iqtiboslar Prezident.uz|Facebook|Instagram|YouTube|X

Prezident Shavkat Mirziyoyevning yoshlar bilan uchrashuvdagi nutqidan eng muhim iqtiboslar Prezident.uz|Facebook|Instagram|YouTube|X

Eng faol va tashabbuskor yoshlar davlatimiz rahbari tomonidan taqdirlandi. — Самая активная и инициативная молодежь получила награды от главы нашего государства. Prezident.uz|Facebook|Instagram|YouTube|X

Prezident Shavkat Mirziyoyev Yangi Oʻzbekiston taraqqiyotiga munosib hissa qoʻshayotgan bir guruh yoshlarga davlat mukofotlarini topshirdi. — Президент Шавкат Мирзиёев вручил государственные награды молодым людям, вносящим достойный вклад в развитие Нового Узбекистана. #Mirziyoyev #marosim #yoshlar #mukofotlash Prezident.uz|Facebook|Instagram|YouTube|X

Prezidentimiz yoshlar bilan muloqot qilib, ularning taklif va tashabbuslarini tingladi. — Президент нашей страны провел диалог с молодежью, выслушал ее предложения и инициативы. Prezident.uz|Facebook|Instagram|YouTube|X

Prezidentimiz bugun futbolchilarimizni qo‘llab-quvvatlash, ruhini ko‘tarish har qachongidan ham muhimligini ta’kidladi. Prezident.uz|Facebook|Instagram|YouTube|X

Prezident Shavkat Mirziyoyev 30-iyun – Yoshlar kuni munosabati bilan yoshlar bilan uchrashuv oʻtkazdi. — Президент Шавкат Мирзиёев провел встречу с молодежью по случаю 30 июня – Дня молодежи. #Mirziyoyev #uchrashuv #yoshlar #muloqot Prezident.uz|Facebook|Instagram|YouTube|X

O‘zbekiston aholisining 89,4 foizini o‘zbeklar tashkil etadi 2026-yil boshidagi dastlabki ma’lumotlarga ko‘ra, mamlakat aholisining milliy tarkibi quyidagicha:

• ​O‘zbeklar – 34,9 mln (89,4%); • ​Tojiklar – 1,2 mln (3,27%); • ​Qoraqalpoqlar – 841,3 ming (2,15%); • ​Qozoqlar – 707,3 ming (1,81%); • ​Ruslar – 606,5 ming (1,55%); • ​Qirg‘izlar – 219 ming (0,56%); • ​Turkmanlar – 194,7 ming (0,50%); • ​Boshqalar – 300 ming (0,77%).

​Shuningdek, aholining 35,7 mln nafari (1,3 foizi) o‘zbek tilini ona tili sifatida ko‘rsatgan. Bu ko‘rsatkich etnik o‘zbeklar ulushidan 1,9 foiz punktga yuqori.

#Axborot24 | 30.06.2026 Uch avlod uchrashuvi mtrk.uz | Instagram | Youtube | Facebook | Telegram

“Aziz o‘g‘il-qizlarim! Men sizlardagi shijoat, bilimga tashnalik va yangilikka intilishni ko‘rib, doim ruhlanaman. Siz – aziz farzandlarimdan bir narsani so‘rayman: katta-katta marralar sari olg‘a qadam tashlang, o‘qing, yangi bilim, yangi kasb va zamonaviy texnologiyalarni egallang, qiyinchilikdan cho‘chimang, mehnatdan qochmang! Shuni bilingki, ortingizda sizlarni katta umidlar bilan voyaga yetkazgan ota-onangiz bor, sizlarga bilim va tarbiya bergan, kasb o‘rgatgan ustoz va murabbiylaringiz bor, sizlarga hamisha tayanch va suyanch bo‘ladigan, ishonadigan va doim qo‘llab-quvvatlaydigan Prezidentingiz bor! Yo‘lingiz ochiq, niyatingiz ulug‘, qaddingiz baland bo‘lsin!”

– dedi Prezidentimiz yoshlar bilan muloqot yakunida. Davlatimiz rahbari yoshlar bilan muloqot qilib, ularning taklif va tashabbuslarini tingladi. Facebook|Instagram|X

Bugun narkotik va psixotrop moddalar bilan bog‘liq jinoyatlar aholi genofondiga katta tahdid solyapti. Bunday jinoyatlarning uchdan biri yoshlar tomonidan sodir etilayotgani esa juda xavotirli. Shu bois, O‘zbekistonda giyohvandlik va narkojinoyatlarga qarshi kurashish masalasi umummilliy harakatga aylantirilib, barcha kuch va vositalar safarbar qilinmoqda. Yaqinda ushbu jinoyatlarga nisbatan javobgarlikni keskin kuchaytirish bo‘yicha qonun qabul qilindi.

“Bu illatni yoshlarimiz orasida ildiz otishiga aslo yo‘l qo‘ymaymiz, buni tag-tomiri bilan quritmaguncha to‘xtamaymiz. Giyohvandlik insonning eng qimmatli boyligi – sog‘lig‘i, aql-irodasi, orzu-maqsadlaridan ayiradi. Unutmang! Hayot insonga bir marta beriladi. Bunday illatlarga nisbatan murosasiz bo‘ling, umrning har bir daqiqasini ezgu ishlarga sarflang!”

– deya yoshlarga murojaat qildi Prezidentimiz. Davlatimiz rahbari ota-onalarga yuzlanib, farzand oilada kamol topishi, voyaga yetishi, uning yorqin kelajagi uchun mustahkam poydevorni, eng avvalo, ota-onalar yaratishini ta’kidladi. Ularni kun sayin o‘zgarib borayotgan o‘ta nozik sharoitda farzand tarbiyasiga har qachongidan ham e’tiborli bo‘lishga, mas’uliyat bilan qarashga chaqirdi. Ayni paytda Prezidentimiz yoshlar bilan muloqot qilmoqda, ularning taklif va tashabbuslarini tinglamoqda. Facebook|Instagram|X

“Biz yoshlarga yaratib berayotgan imkoniyatlardan hech bir o‘g‘il-qizimiz chetda qolmasligi kerak”,

– dedi Prezidentimiz. Yoshlar ishlari agentligi va Ijtimoiy himoya milliy agentligiga bu yil “Vatan mehri – ijtimoiy tashabbuslar” tanlovini o‘tkazib, aholi muammolari bo‘yicha eng yaxshi yechim bergan volontyorlar va 50 ta ijtimoiy loyiha muallifini taqdirlash topshirildi. Ijtimoiy himoya milliy agentligi, Ichki ishlar vazirligi, Maktabgacha va maktab ta’limi vazirligi, Yoshlar ishlari agentligi ijtimoiy xavf guruhidagi bolalarni qo‘llab-quvvatlash uchun “Qanot” loyihasini ishga tushiradi. Ushbu loyiha bunday yoshlarni ijtimoiy xizmatlar, ta’lim, sport, musiqa va san’atga yo‘naltirib, qayta huquqbuzarliklar sodir etilishining oldini olishga xizmat qiladi. Iyun oyida o‘tkazilgan “Yoshlar tashabbuslari marafoni”da yigit-qizlar tomonidan ilm-fan, madaniyat, biznes, startap, sun’iy intellekt yo‘nalishlarida minglab loyiha takliflari ilgari surildi. Yoshlar ishlari agentligiga “Tashabbuslar ofisi”ni tashkil qilib, har bir g‘oyani loyihaga, mahsulotga va xizmatga aylantirish bo‘yicha ishlarni boshlash topshirildi. Buning uchun 50 milliard so‘m ajratiladi. Facebook|Instagram|X

Ikki yil avval Xorazmda “Al-Xorazmiy vorislari” loyihasi boshlanib, 4 mingdan ortiq iqtidorli o‘quvchilarni xorijiy til va axborot texnologiyalariga o‘qitish yo‘lga qo‘yilgan edi. Mazkur loyihani joriy yildan viloyat markazlari va Qoraqalpog‘istonning barcha tumanida, keyingi yillardan barcha tuman va shaharlarda ishga tushirib, 50 ming yoshni qamrab olish topshirildi.

“Biz yoshlarimiz qalbida milliy ruhni shakllantirish, Vatanga muhabbat, el-yurtga hurmat hissini singdirish to‘g‘risida ko‘p gapiryapmiz. Bu juda dolzarb masala. Ochiq aytishimiz kerak, bugun yoshlarimiz asosiy vaqtini raqamli makonda o‘tkazyapti”,

– dedi Prezidentimiz. Birgina misol, o‘tgan yili 84 million dollarlik kompyuter va mobil o‘yinlar eksport qilindi. Mutasaddilarga barcha 15 ta AT park hududida kompyuter va mobil o‘yinlar yaratuvchilari uchun inkubatsion markaz ochib, milliy ruhdagi o‘yinlarni ko‘paytirish bo‘yicha yangi tizimni yo‘lga qo‘yish topshirildi. Shu bilan birga, har yili milliy ruhdagi kamida 20 ta kompyuter va mobil o‘yin yaratish bo‘yicha davlat buyurtmasi berib boriladi. Facebook|Instagram|X

Endilikda AT va sun’iy intellekt sohalari uchun kadr tayyorlaydigan oliygohlarning 3-kurs talabalari AT parkda “dual ta’lim” asosida o‘qishni davom ettiradi. Mazkur yo‘nalishlardagi iqtidorli talabalar uchun “Muhammad al-Xorazmiy” nomidagi davlat stipendiyasi joriy etiladi. Iqtidorli qizlar uchun muhandislik, axborot texnologiyalari va sun’iy intellekt yo‘nalishlari bo‘yicha “Muhandis qizlar” stipendiyasi ta’sis etiladi. Yangi o‘quv yilidan to‘lanadigan ushbu stipendiyalar xususiy oliygoh talabalariga ham beriladi. Bugungi kunda kimyo, biologiya, fizika, matematika va informatika fanlari bo‘yicha nufuzli xalqaro olimpiadalar g‘oliblari 1 milliard so‘m, ustozlari 200 million so‘m mukofot olmoqda. Endi bu rag‘bat sun’iy intellekt bo‘yicha xalqaro olimpiada g‘oliblariga ham tatbiq etiladi. Facebook|Instagram|X

“Raqamli hukumat” markazida birinchi superkompyuter klasteri ishga tushirildi. Keyingi yil klaster quvvati 3 karra oshiriladi. Joriy yilda 20 ta oliygohda sun’iy intellekt laboratoriyasi tashkil etiladi. Yoshlar tarmoq va hududdagi masalalarga sun’iy intellekt orqali yechim topishda ushbu superkompyuter va laboratoriyadan bepul foydalanadi. So‘nggi yillarda Toshkent, Nukus, Qarshi, Termiz, Urganch, Farg‘ona shaharlarida zamonaviy AT parklar ishga tushirildi. O‘tgan hafta Yangi Namanganda yana bir yirik loyihaga start berildi. Andijon, Samarqand, Jizzax, Buxoro, Guliston, Chirchiq, Nurafshon, Navoiy shaharlarida ham umumiy maydoni 100 ming kvadrat metr bo‘lgan yirik AT parklar barpo etish boshlanyapti. Bular hisobiga 20 mingdan ziyod o‘g‘il-qizlar uchun yuqori daromadli ish o‘rni yaratiladi. Shuningdek, “Mening birinchi kompyuterim” dasturi boshlanadi. Ehtiyojmand oiladagi 10 ming yoshga noutbuk olish xarajatining yarmi Raqamli texnologiyalar jamg‘armasidan qoplab beriladi, qolgan qismiga esa uch yilda bo‘lib to‘lash sharti bilan foizsiz ssuda ajratiladi. Facebook|Instagram|X

“Biz 2030-yilgacha iqtisodiyot hajmini 240 milliard dollardan oshirishni reja qilganmiz. Bunga erishish uchun barcha sohalarga yangi g‘oya olib kiradigan innovatsion startaplar kerak”,

– dedi davlatimiz rahbari. So‘nggi to‘qqiz yilda mahalliy startap ekotizimi 15 barobar o‘sib, 4 milliard dollardan oshdi. Venchur jamg‘armalar soni 23 taga, ularning umumiy kapitali 200 million dollarga yetdi. O‘tgan davrda 1 ming 200 dan ziyod istiqbolli startap loyihalar paydo bo‘ldi. Ayni yo‘nalishda 3 mingdan ziyod yoshlar yuqori daromad topyapti. Ushbu yo‘nalishdagi ishlar xalqaro tashkilotlar tomonidan ham e’tirof etilmoqda. “Global startap indeksi”da O‘zbekiston 31 pog‘ona ko‘tarilib, dunyoda eng tez rivojlanayotgan startap ekotizimi, “2026-yil mamlakati” deb e’lon qilingani ham buning yaqqol isbotidir. Hali bu sohada juda katta imkoniyatlar borligi ta’kidlandi. Endi har bir vazir, tarmoq rahbari va hokimlar “1 mingta masalaga – yoshlardan 1 mingta yechim” loyihasini ishga tushiradi. Bunda har bir rahbar o‘z tizimidagi dolzarb muammolarni ochiq platformada joylashtirib, eng yaxshi yechimlar uchun mukofot e’lon qiladi. Buning uchun har bir vazir va hokim kamida 10 milliard so‘mlik venchur jamg‘arma tashkil etadi. Ushbu mablag‘lar g‘oliblarni mukofotlash va 20 tadan eng yaxshi startapni g‘oyadan amaliyotgacha barcha bosqichlarni moliyalashtirishga sarflanadi. Yoshlar agentligi biznes, AT, kreativ iqtisodiyot yo‘nalishida 100 ta eng yaxshi loyihani tanlab, ularga 1 milliard so‘mgacha investitsiya kiritadi. Facebook|Instagram|X

“Yurtimizda odamlarni ishli qilib, yuqori iqtisodiy o‘sishni ta’minlashga xizmat qilayotgan eng asosiy qatlam, bu – tadbirkorlar. Ularning orasida bilimli va tashabbuskor yoshlarimiz bor ekan, bizni hech kim hech qachon rivojlanishdan to‘xtata olmaydi”,

– dedi Prezidentimiz. Hozirda yillik aylanmasi 500 milliard so‘mdan oshgan yosh tadbirkorlar soni 15 nafarga, 100 milliard so‘mdan oshgani 194 nafarga, 50 milliard so‘mlik marradan o‘tganlari esa 68 nafarga yetgani ta’kidlandi. Endilikda yoshlarni muvaffaqiyatli biznes sari yetaklaydigan yangi tizim yo‘lga qo‘yiladi. Bank-moliya akademiyasi yoshlar tadbirkorligini rivojlantirish bo‘yicha “aql markazi” sifatida belgilanadi. Bundan buyon akademiya tinglovchilari hududlarda yoshlar va tadbirkorlar bilan uchrashadi va tayyor biznes loyihalarni shakllantiradi. Yoshlar tadbirkorligi jamg‘armasi tayyor loyihani biznes rejasi bilan qulay shartda yoshlarga taklif qiladi. Jamg‘arma yoshlarning yuqori daromad keltirib, ko‘plab ish o‘rni yaratadigan loyihalariga 5 milliard so‘mgacha investitsiya kiritadi. Eng yaxshi loyihalar akademiya tinglovchilarining magistrlik dissertatsiyasi sifatida qabul qilinadi. Bunday loyiha mualliflari hududiy bank rahbari va hokimlarning iqtisodiyot bo‘yicha o‘rinbosari lavozimlariga eng birinchi nomzod bo‘ladi. Ushbu tizim kamida 300 ming yoshga o‘z biznesini boshlashi uchun yo‘l ochadi. Facebook|Instagram|X