ِ

لعيونك الله خلق خفّاق محسوبك ‏يا طيب حظٍ تثنّى بك على بابي

وإن تطرّقت القصايد ولا وفّت غلاك ‏يكرم البيت المسكّت من البيت الركيك ‏أنت لو تطلب ما ضمّت ضلوعي قلت جاك ‏اسهج الضلع الموالي واخذ ممّا يليك

هرجك رذاذٍ على الصحراء وصمتك عجاج سولف و إذا زانت علومك يطيح بردي

ولك فياضٍ ورا حدب الضلوع وخباري ‏يا سحابٍ عليّ أرخى غشاين ثعوله

لقيتك مثل همّال السحايب في سنين عجاف ‏وخذيتك غيث يسقي هالجفاف ويأمن جزوعي

أحنّ شعورها وأدرى عليها من هبوب النود ‏و أجيها والظما يرعى حشاي وعمري خلافي ‏يقولون الهوى سيفٍ صقيل وقاطعٍ مجرود ‏و أنا أقول الهوى اللي قد جرحني ماهو بـ كافي ‏ماكنت أظنها تقدر تليّن قلبي الجلمود ‏بعد مالت تحت وبل السحاب ولانت أطرافي

يلاعب فؤادي رمشك الناعس المصفوف وعينٍ سهمها يسلب الحيّ عافيته وأنا يا عذابي كل ما ألد فيك الشوف وإذا احمّر خدك والحيّا منك حسيته ‏تقولين في صدري حرايب وضرب سيوف عذابٍ ما اشد من اوّله غير تاليته ‏تسوين بي في كل لحظة وصل معروف جميلٍ أخاف العمر يمضي ما رديته

سولف أنت اللحظة اللي معك تشرى ‏وهرجةٍ ما هي من شفاك مملوله

سولف أنت اللحظة اللي معك تشرى ‏وهرجهٍ ما هي من شفاك مملوله

حاضر حضور الشمس في كبد السماء مشهد كافٍ يلخص مكانته الشارقة في حنايا القلب

‏غديرٍ عليه الناس صادر وورّادي ‏أعيفه لو إنه من زلال المطر يسقى ‏أنا غايتي ‏ومناي ودواي ومرادي مذاقٍ على غيري صعيبٍ ولا يلقى

أنا ذاك الصغير اللي نسى عمره بنصف الحي ‏كبرت وباقي ظلال الطفولة بيني وبيني ‏ألوح للسنين اللي تروح وكنها بيديّ ‏وأرحب في مدى عمرٍ خفى من منطلق ديني ‏أنا يا رب ما ودي أموت وما أجيك بـ شي ‏وأنا حتى مخاليقك أجيها مالي يديني

و أنا عبدك اللي يحتويه الرجا و الخوف ‏ يقصر و يستغفر إليا شاف تقصيره ‏تحت كف غيثك مارتجي للبشر معروف ‏لو تنوشه صدوف الزمان و مقاديره

الآدمي ما ينقذه غير دعواه ‏لو كل شي يعرِّضه للمخافة ‏ما زال إيمانه وحلمه وتقواه ‏الله ينتظره لو الكل طافه