ИБРАТЛЫ СӨЗЛЕР...

АССАЛАЎМА ӘЛЕЙКУМ, ҚАДИРДАНЛАР!     Атқан таң бәршеңизге қайырлы болсын. Шаңарағыңызға аманлық, ҳәр бириңизге денсаўлық, басыңызға бахыт, ислериңизге әўмет тилеймен.    Бахыт пенен байлықтың молшылығы сизлерди ҳасла тәрк етпесин!     ҚАЙЫРЛЫ ТАҢ!

ТУЎҒАН ТОПЫРАҚ ТОРЫҚСА Туўған топырақ торықса, Азаматлар теңселер, Көкиреклер кенарын, Сирестирген сен келер.       Бас көринип жағадан,   Қоллар шыққан жең келер... Гәде жаяў, жаўтаңлап, Жорғаға да минилер.                Қыйын күнде кимлердиң, Ким екени билинер. Ағаларды түсинип,      Уға бермес инилер. Тәрезиден жегенлер, Алдадым деп мақтанар. Соңыра жүрек-баўыры, Дәрт дузына қақланар. Арашалап алтандай, Дәлил таппас ақланар. Тәрбиясыз, тыйыўсыз, Ғоддаслаған еркелер.  Доныз сыпат, ийт минез, Бет бактырмас өр келер. Халықшыл арзыў, туйғыдан, Көкиреги гөр келер. Ғарғыс болып кайтады, Жеткизилген азарлар. Тарқап кетер бир демде, Ығбал,–деген базарлар. Тергеўлер жер астында,             Тек, ғаўқыйсар мазарлар. Ет байлаған бийкелер, Семирдим деп қуўанар. Жиңишкерип намысы, Бел-бөксеси жуўанар. Бир-биринен қарызға, Тиллерине уў алар. Гүна деген уймаға, Белшеринен батқанлар, Маңлайына арылмас, Қалың сорды шатқанлар. Кесеўи ҳеш көгермес, Елин-халқын сатқанлар... Х.Дәўлетназаров “Ашық болып жасаң” китабынан (295-296-б) Нөкис. “Билим” 2011. Канал: @X_Dauletnazarov https://t.me/ibratli_sozler

Егер сиз өмириңизде  қуўанышқа себеп болатуғын нәрсе қалмады десеңиз қәтелесесиз. Таңды қарсылағаныңыздың өзи-ақ қуўаныўға арзырлы себеп емеспе? Қалғанына болса өзиңиз ерисиң. Ассалаўма әлейкум кеўиллери мехир-мухаббатқа, жақсылыққа толы заманласлар! Бүгинги күн сиз ушын өзгеше болып келиўин тилеймен. Нийетлериңиз әмелге ассын. Шаңарағыңызға бағ-дәўлет, мол ырысқы несийбе тилеймен. ҚАЙЫРЛЫ ТАҢ !!!! Каналымыздан узақласпаң....

# Жеффри Амхерст: Тарийхтағы ең қара нийетли шахслардың бири Жеффри Амхерст инсаният тарийхындағы ең жаман ҳәм ең қорқынышлы шахслардан бири есапланады. Бул европалы командир Америка континенттиниң жаңа аймақларын отарлаў (мустамлака етиў) имканиятларын үйрениў мақсетинде ҳиндулар (жергиликли халық) алдына келген еди. Ҳиндулар болса оны үлкен миймандослық ҳәм сақыйлық пенен күтип алды; түрли-түрли әжайып мийўелер, қуслар ҳәм оның көзин қуўантатуғын алтынлар саўға етти. Әдеттегидей, ол да «саўға» менен жуўап қайтарды — қыстың суўығынан қорғайтуғын адъяллар (жамылғышлар). Бирақ, ол бул адъяллар арасына шешек (оспа) кеселлиги менен зәҳәрленген адъялларды жасырын түрде қосып қойған еди. Бул буйымлар жабық жерлерде сақланған еди. Бийшара халық бул «саўғаны» үлкен қуўаныш пенен қабыл етти, Амхерст болса олар саўғаны ашпастан алдын аймақты тәрк етти. Нәтийжеде, кеселлик ҳиндулар арасында лаўлаған жалын сыяқлы тез пәт пенен тарқалды ҳәм шама менен бир жарым миллион адамның өлимине себепши болды. > Бул ўақыя инсаният тарийхындағы дәсләпки биологиялық қурал қолланылған урыс мысалларынан бири сыпатында қаралады. > Қосымша мағлыўмат: Тарийхый дереклерге көре, Амхерст 1763-жылы Понтиак көтерилиси дәўиринде өз қол астындағыларға жазған хатларында шешек пенен зәҳәрленген адъялларды тарқатыў арқалы «индецлерди қырып таслаў» идеясын ашықтан-ашық қоллап-қуўатлаған. Бул ҳәрекет бүгинги күнде геноцид ҳәм әдеп-икрамлылыққа жат ең аўыр қылмыс деп баҳаланады.

ЕГЕР АДАМНЫҢ ДОСТЫ АЗ БОЛСА, ДЕМЕК ОНЫҢ ӨМИР ТӘЖИРИЙБЕСИ ҮЛКЕН. 🌟 Сёрен Кьеркего (Даналықлар).