ИБРАТЛЫ СӨЗЛЕР...

Қарақалпақ руў-қәўимлериниң мәмлекетшилиги болған ба? ҚЫПШАҚ арысы — Қыпшақ ханлығы (11—13-әсирлер). ҚОҢЫРАТ арысы — Қоңырат ханлығы (Хорезмдеги суфийлар династиясы, 14—16-әсирлер) МАҢҒЫТ арысы — Ноғай Ордасы (ямаса Маңғыт журты, 14—17-әсирлер) ҚЫТАЙ арысы — Қарақытайлар мәмлекети (ямаса Киданлар, 12—13-әсирлер) МҮЙТЕН арысы — Мүйтен бий патшалығы (13-әсир) КЕНЕГЕС арысы — Кенгерес, Кангар, Кангху, Кангха патшалығы ҚЫЯТ қәўими — Монғол империясына тийкар салған Шыңғызхан қыят кәўиминен болған САМАТ-МҮЙТЕН руўы — Сарматлар мәмлекети (Эрамыздан алдын 6-әсир — эрамыздың 1-әсирлери) САҚУ—АШАМАЙЛЫ руўы — Сақ хәм Массагет патшалықлары (Эрамыздан алдын 6-әсир — эрамыздың 1-әсирлери) ТЕЛИ—МҮЙТЕН руўы — Уллы Түрк ханлығы патшалары теле/тели кәўиминен болған ЯБЫ/ЖАБЫ—ҚЫПШАҚ руўы — Оғузлар мәмлекети ханлары джабгу ямаса ябгу деген титулға ийе болған НАЙМАН-БАЙМАҚЛЫ руўы — Найман патшалығы (12—13-әсирлер) ҚАРАСЫЙРАҚ—ҚОЛДАЎЛЫ/МАҢҒЫТ руўы — Сарматлар мәмлекети ханлары Сыйрақ қәўиминен болған) КЕРДЕРЛИ—МҮЙТЕН руўы — Кердер патшалығы (8—13-әсирлер) КАҢЛЫ қәўими — Кангху, Қанғар, Қаңлылар мәмлекети ҮЙҒЫР руўы — Үйғыр патшалығы (9—12-әсирлер) @Karakalpak24 https://t.me/ibratli_sozler

#МЫҢ_СОРАЎ 📜 Малика: Қаяқтан киятырсаң? Абилда: Әлемсақтан киятырман. Мәлика: Қаяққа барасаң? Абилда: Ламәканға бараман. Мәлика: Соңғы турағың қайда? Абилда: Қәбирде турақлайман. Малика: Не жейсең? Абилда: Ел-халқымның ғамын жеймен. Мәлика: Жәннетте не жоқ? Абилда: Қудайдың қазасы менен жазасы жоқ. Малика: Адамды кәмбағаллық пенен қорқытатуғын ким? Абилда: Шайтан. Ол жүректен жай алады. Ойдың арнасына тумсығын тығады. Жүрек ийеси ғапыл болса, кеўилдеги нурлы ойды сорып алады. Оның орнына былай деп уас-уас салады. "Жыллық закатыңды берип тыныш отыр! Гүнаң көбейсе, өлерде бир ҳажылыққа барарсаң. Мийримли Алланың кеширмейтуғын гүнасы, жарылқамайтуғын бендеси жоқ. Заманың түлки болса, тазы бол. Дин таратыў, адасқан халықты туўра жолға салыў пайғамбардың иси. Ҳикмет таратыў - әўлийлердиң ўазыйпасы. Оларға усаўға тырыспа! Қуры босқа өсекке илинесең.  Достың күлер, душпаның табалайды. Ҳадал адамға мал питпейди. Кәмбағаллар садақа сорайды. Байлығыңды босқа шашпа, жарлы боласаң. Бала-шағаң аштан өледи". Мәлика:  Пайғамбарымыз бир исти буйырды. Ол ҳәм дүния, ҳәм ақырет азығы. Ол не? Әбилда: Алланы көп зикир ететуғын дәрўишлердиң сәўбетинен қалмаў. Малика: Жумыс ислесе де, ислемесе де шаршап жүретуғын бендени Қудай Куранда қандай ҳайўанға теңейди? Абилда: Ийтке. Үстине жүк артсаң да, артпасаң да тили салбырап жүреди. Мәлика: Қайсы кийимниң қалтасы жоқ? Әбилда: Кебинниң қалтасы жоқ. Барлық дүньяның байлығына ийе болсаң да, ақыретке бир сабақ жип алып кете алмайсан. Малика: Адамның өлип, ақыретте қайта тирилиўин еске салатуғын не нәрсе? Абилда: Қурт ҳәм гүбелек. Алма ишиндеги қурт ушаман деп ойламайды. Өз кепинин өзи тиккенин сезбейди. Бирақ өлип тирилгенде гүбелек болып ушады. Малика: Ақырзаманға шекем не өзгермейди? Абилда: Ол - муқаддес нур ардағы, кәлам шәрип - Қураны Кәрим. Бир ҳәрипти жетпис мың периште қорғайды. Түсинип оқыған, кеўлине сиңдирген инсанға Алла берекети ҳәм нурын жибереди. Аятына әмел қылған адамның арзыў-мақсети орынланады. Күндиз-түни Ҳақтың ҳәмири ҳәм мийримин ойлайды. Малика: Қуранның басы не? Абилда: Қуранның басы - ғусыл-тәҳәрет. Бул әмел аяттың жүрекке кирип, кеўилге терең орналасыўы ушын керек. Ғусылсыз қәдем баспа. Болмаса, периштелерди қуўарсаң, дүньяны ҳарам қыларсаң. Қуранның мәнисине сүңгигенде, тазалықтың қәдирин уғарсаң. Денеңди бәрҳа ыластан тазартып отыр. Ойыңды көркейтип, ел-журтыңның тилеп өт. Даўамы бар... https://t.me/ibratli_sozler

#ИБРАТ Нураный - БЕКМУРАТОВ Султамуратты "Даңқлы ел ардағы" медалы менен ҚУТЛЫҚЛАЎ !!! ~~~ Ассаламу алейкум !!!  Султанмурат, Дуўа еткил Алладан, "сабыр" сорап, Дуньяның ислери "сынақ" деседи, Ең абзалы Аллаға "шукир" қылмақ. Көп жыл ислеп тәжрийбе топлады, Қанлыкөлде Шоманайда қалмады, Қоңырат, Кегейли, "Хожели" елде, План толтырмаған айың болмады. Алды менен, Саўда жолын баслады, Пайғамбар кәсибин, дурыс таңлады, Саўда кәсибиниң маманы болып, Шәкиртлерге Ўстазлықты атқарды. "Финанс" тараўда, хызмет атқардың, Салық хызметине, өтип басқардың, Отчёт қабыллаўда жаңалық ашып, Өзбекстән көлемге "улги" тасладың. Ҳайт мубарек "Рамазан" байрамы, Және келди "Наўрыз"дың ҳайямы, "Ўстаз жолы" мийнетиңди баҳалап, Қутлы болсын, Сизге таққан медалы. "Даңқлы ел ардағы" медал- жоқары, Барлық касибиңде болдың қырағы, Алған атағыңыз, мубәрек болсын. Сиз боласыз, жигитлердиң суңқары. *** "Ардаклы нураный, Данклы ел ардагы" медалларынын ийеси; Нур Иман хажы Иманалиев. Хожели. https://t.me/ibratli_sozler

Бәхәр қосығы. Қыс тамамланып музлар ерип, Гүл шығарып алмурт,ерик, Барлық журтқа сәлем берип, Сулыу келиншек бәхәр келди. Қолына алып кетпен,белин, Дийхан тазалап қыйтақ жерин, Түрли мийуе нәл отырғызып, Абат қылажақ тууған елин Әл хауада қуслар топары, Ушып келмекте тыррыуласып, Билгенимде ме хәр сапары, Қуслардың тилин жуғырласқан. Жаплардан тынық суулар ағып, Хауасы жанымызға жағып, Шайырлар зор қосық дөретер, Бәхәр мәусиминен йош алып. Хамид Хожамуратов. https://t.me/ibratli_sozler

Шыпакерге тынышсызланыўдан шағым еткен наўқас келди. Орынлаўы зәрүр болған бир дүнья жумысы барлығын, бирақ үлгере алмай атырғанын, ал жумыслар болса күтип турмайтуғынын өкинип айтты. Шыпакер сорады: - Бул жумысларды басқа биреў ислей алмай ма ямаса биреў жәрдем берсе ше? - Жоқ, оларды тек өзим еплей аламан. Басқасының еплейтуғынына көзим жетпейди. - Сизге бир рецепт беремен, - деди шыпакер. Оған толық әмел қылсаңыз, шыпа табасыз. Наўқас рецептти оқып, ҳайран қалды. Онда ҳәр күни еки саат сейил етиў ҳәм ҳәптеде ярым күнди қәбирстанда өткериў усыныс етилген еди. - Сейилди түсиндим, бирақ қәбирстан неге керек? - деп сорады шыпакерден. - Қәбирстанға барып, қәбирлерге қараң. Ол жер өзин ҳәммеден керекли деп билген адамлар менен толы. Сиз де қәбирге киргеннен кейин, тек өзим ғана қолымнан келеди деп ойлаған ислериңизди басқалар даўам еттиретуғынына исенесиз... "Қәлбге тәселле жазыўлар" китабынан. https://t.me/ibratli_sozler

Көклем қосығы Шуғла ойнар бәлент-пәсте, Жадыратар әтирапты. Самал тербеп әсте-әсте, Сылдыратар жапырақты. Тәбият дүр төккен бүгин, Көклем бүгин, көклем бүгин! Жазық жайлаў қуяшында Қозы ойнар, ылақ ойнар. Қара таўдың жырасында, Жылт-жылт етип булақ ойнар. Нур қуйылған көктен бүгин, Көклем бүгин, көклем бүгин! Күн шығыстан қулақ қарар, Мийнет сүйгиш дийқан баба. Жап жағалап мурап барар, Нәзер салып суў салмаға. Дийқан үмит еккен бүгин, Көклем бүгин, көклем бүгин! Төрт мүйешли атызларға,ё Суў сиңеди жымбыр-жымбыр. Қәне, достым, лапыз бар ма? Шерт дуўтарды тындыр-тындыр, Кеўил тарын шерткен бүгин, Көклем бүгин, көклем бүгин! Дәптеримди самал шашқан, Гейде тынып қалар тағы. Қабақ үйип ашық аспан, Қуйып-қуйып алар тағы. Талларға суў бүрккен бүгин – Көклем бүгин, көклем бүгин! Ҳәй, ҳәй, самал, ҳәй, ҳәй, самал, Неге қақтың дегелейди? Қаңбақ емес ол бир саған, Қалай басқа шегелейди. Самал ойын еткен бүгин, Көклем бүгин, көклем бүгин! Ҳәмме қәддин тик тутады, Тек мәжнун тал еңкейиўде. Жапырақлар терек путағы, Ғыр-дөгерек көркейиўде... Туқым жерде бөрткен бүгин, Көклем бүгин, көклемң бүгин! Жүр парадқа, заманласым, Май байрамы сондай ҳәсем. Толқыр жаслар колоннасы, Төгилген тек нур ма десем, Шадлықларды төккен бүгин – Көклем бүгин, көклем бүгин! Төлепберген МӘТМУРАТОВ «Ашылысыў» топламынан (1977) Каналымыз:👇 @Tolepbergen_Matmuratov https://t.me/ibratli_sozler