E3dady Channel

ســلــام عــلــيكمــ، ازيكم ي شــبــابــ.❤️ إن شــاء الــلــه تــكونــوا بــخــير، و وإجــازة ســعــيدة لــكم ي ربــ.💕 إن شــاء الــلــه بــكرة الــســاعــة ١٠ بــالــلــيل هــيكون فــي مــيتــينــج عــلــي الــقــنــاة بتاعت البنين لــقــســم مــدنــي. مــع مــ/مــحــمــد الــنــجــار خــريج هــنــدســة الــأزهــر، وشــغــال فــي مــكتــب رئيس الــقــســم يعني حاجة تقيلة يعني🌚 الــلــهــم بــارك.. يعــنــي تــســمــع كويس وتــســأل بــراحــتــك. دمــتــم مــوفــقــينــ.🍂✨

https://www.facebook.com/events/1069900063377400/permalink/1072922703075136/ لايف تعريف شامل لقسم الهندسة الميكانيكية مع المهندس Mohamad Alashmawy

بنات كنت نسيت اقولكم😂😂🔥💛 ادعو للبشمهندس وادعولي ولينا كلنا ربنا يوفثنا وينجحنا يارب وادعو للثانويه ...

سلام عليكم ازيكم ي شباب ❤️ فيه تيم اسمه UranusShare هيعملنا لقاءات عن اختيار القسم والتعريف بكل قسم وبالأخص قسم كهربا عشان هو تيم من كهربا https://t.me/Ingenieros0 ودي قناتهم على التليجرام https://youtube.com/channel/UCOgfRrzCcZnAuLhRxeTIUoA ودي قناة اليوتيوب فيه فيديو هينزل قريب عن اختيار القسم كله يتأكد أنه مشترك عشان يتابع الأحداث وهيفضلوا مكملين معاكوا طول الاجازه نصايح وكورسات إن شاء الله. بالتوفيق ي شباب. ✨🍂

CUFE Cairo دي مجلة شبابية عاملينها طلاب جامعة القاهرة كانوا عاملين السنه ال فاتت بودكاست سلسلة بتتكلم عن كل الأقسام فيها معظم أقسامنا ادخلوا اسمعوا كلام جميل ومهم ❤️ https://www.cufestudentclub.com/podcast ودا لينك البيدج بتاعتهم على الفيس مفيدة ومهمه جدا وتستحق المتابعه https://www.facebook.com/CUFESTCLUB/

كتاب حلو جدا هيغير نظراتكوا في كذا موضوع بس لا أنصح به الفيمنستات 😁👍

اللي ميعرفش مين هي زها حديد دي بعض اعمالها👇

🌚🌚

البرمجة و خلاصة الي عاوز يتعلم برمجة البوست دة فية الخلاصة بدون أي شك ومكملين على كدة إن شاء الله في بوستات تانية... أتمني تستفيدو.....🤗 https://www.facebook.com/111224367233368/posts/146653490357122/

ودي ترجمة أول 5 محاضرات من الكورس بمجهود علامة واللي بالمناسبة بيوفروا بيئة تعليمية تعاونية لأي حد عايز يتعلم الكورس بحيث المتعلم يطلع بأقصى إستفادة من الكورس. https://drive.google.com/open?id=1G0My70tLJhm98AJ8XhIWJvZxji3DKxka ـــــــــــــ بالنسبة للبرمجة = ممكن تاخد طريق إنك تشوف الكورس اللي فوق (كافي دلوقتي) أو تشوف كورس CS50 (هيديك معلومات أكتر وهيوسع فكرك لكن إنجليزي وعارف إن دي مشكلة هتقابل ناس كتير) لكن متشتتش نفسك وتمشي في الإتنين. ـــــــــــــــــــــــــــ خامسا وأخيرا: لو معندكش أدنى خبرة في التعامل مع الكومبيوتر متحسش بالأزمة خالص.. أنت دلوقتي محتاج تقعد على الكومبيوتر وتتعامل وأكتر حاجة هتتعلم منها هي التجربة ومتقلقش الكومبيوتر مش هيخرب يعني اسوأ حاجة هتحصل ايه؟ هتنزل ويندوز تاني؟ اهو هتتعلم برضو ازاي تنزل ويندوز من خلال التجربة xD كلام جد بقى: الكومبيوتر كل حاجة فيه مكتوبة بالإنجليزي أو بالعربي بس عموما يعني اتعود تقرأ وتفهم (دي لغة أنت عارفها) وتجرب بايدك وعدم الخوف هيعلمك كتير.. في كورسات كتير بتشرح الأساسيات زي ICDL وأنا جبتلك 3 كورسات برضو.. الكورس دا بيشرح قدر كبير جدا من الأساسيات اللي لازم تبقى عارفها -الكورس كبير حبتين بس مش لازم تخلصه كله وخد اللي أنت عايزه منه- : https://www.youtube.com/playlist?list=PLd_0LB_wzwb83C5rEblmXjS3djeNF2BDM في كو س صغير كدة لو انت مكسل تاخد الكورس الاول https://www.youtube.com/playlist?list=PLgIQibkrZYz3S0THiKZHC-n4E8GZ5tSkE ملكش حجة صراحة مفيش حاجة هتبحث عنها في جوجل واليوتيوب مش هتلاقيها *:*:*:*:*:*:*:*:*:*:*:*:*:*:*:*:*:*:* تابعنا على التليجرام :- قناة #هندسة_ولا_هبد على التليجرام https://t.me/mecaelec تابعنا على الفيسبوك :- https://www.facebook.com/Handasawalahabed/ #هندسة_ولا_هبد #منقول

حاجة مهمة جدا لازم تعرفها: مفاهيم البرمجة واحدة! يعني لو جيت تتعلم أي لغة برمجة هتعدي على حاجة اسمها المتغيرات، الشروط، التكرار وحاجات تانية (بس هتقابل دا بالإنجليزي مش بالعربي ). أظن كدا فهمت من كلامي إنك محتاج تركز وتتقن المفاهيم أكتر وبالتالي تعلم أي لغة برمجة هيبقى سهل؟ اه مظبوط. 1-المفاهيم: في كورس خفيف خالص بيتكلم عن مفاهيم أساسية (الكورس مبسط بشكل كبير ومدته ساعة) : https://www.youtube.com/playlist?list=PL6A597A6FDE3BA976 ـــــــ 2-لغة برمجة (java): لو عايز تستفيد من خبرة اللي قبلك ركز في الإجازة إنك تبقى كويس في لغة جافا. ليه؟ لانها تعتبر من أنسب اللغات لأي حد بيبدأ عشان بتركز أكتر على المفاهيم الأساسية ومش هتلاقي حاجات تانية تشتتك. -بعد ما تخلص الكورس هتلاقي نفسك عارف المفاهيم وبتعرف تكتب كود لكن فعليا محتاج تدريب كتير عشان توظفها صح! ساعتها قول وبإذن الله هدلك على كذا طريق تخليك توظف اللي أنت اتعلمته دا عشان تتقنه =D -في ناس من دلوقتي بتسمع كلام زي أتعلم أندرويد أو ويب أو أي حاجة عشان تعمل تطبيق معين في الآخر: الكلام دا غلط ومينفعش تبدأ بيه.. ليه طيب مينفعش اتعلم اندرويد ولا ويب دلوقتي؟ لإن أنت لسه محتاج تبني الأساسيات، لازم يبقى عندك أساسيات قوية تبني عليها.. الـTechnologies بشكل عام زي الأندرويد أو الويب أو غيره: هتشتتك جامد وهتدخلك في تفاصيل كتير دا مش وقتها بالنسبة لك وهتتعب جدا وأنت بتتعلم. اللي بيبدأ يتعلم Technology وهو لسه مش كويس في الأساسيات بيكون عامل زي اللي بيبدأ يبني العمارة من السقف وبعدين بيكتشف إن مفيش قواعد ولا أعمدة، فيبدأ يبني عمود ويرجع للسقف ويكتشف تاني إن مفيش أعمدة كافية ويفضل كدا في إرهاق وتعب ما بينه إنه عايز يبني السقف وفي نفس الوقت عمال كل شوية يرجع للأساسيات.. -لو لسه متردد: شوف الفيديو دا لـ م مصطفى سعد (مدرس مساعد في كلية حاسبات ومعلومات - جامعة القاهرة وبيحضر دكتوراة في كندا) : https://www.youtube.com/watch?v=njGvWw6fSdY -في ناس هتختلف معايا شوية في لكن دي وجهات نظر وتحترم والرأي دا مبني على كلام مهندسين وناس كتيرة في مجال البرمجة وبرضو تجربتي الشخصية وتجربة كثير من أصدقائي واللي بفضل الله كويسين في البرمجة. ـــــــــــــــــــــــــــ ثالثا: أساسيات الكهرباء والإلكترونكس بما إنك طبعا في هندسة حاسبات يعني أنت بتدرس هاردوير وسوفتوير يعني مجالات دراستك وشغلك مش برمجة وبس! أغلب المواد اللي هتدرسها في القسم هي مواد هاردوير أصلا .. ممكن تستغل الإجازة في إنك تشوف أكبر قدر ممكن من كورس الإلكترونيات العملية للـ م وليد عيسى (وهتستفيد أكتر لو جبت أدوات واشتغلت بايدك): https://www.youtube.com/playlist?list=PLww54WQ2wa5rOJ7FcXxi-CMNgmpybv7ei -لما تحس إن في حاجة مش واصلالك من الفيديو ابحث عنها أو عديها وحاول تفهمها بعدين. -حاجة تانية ممكن تستغل الإجازة فيها إنك تاخد فكرة خفيفة عن مجال الإيمبدد وممكن تتعلم Arduino (ابحث واعرف تفاصيل أكتر) .. -طيب لو واحد مش حابب الهاردوير أصلا وعايز مستقبلا يشتغل في مجال كله برمجة، والله الجزء دا من البوست هيفيدك "دراسيا" أكتر. ممكن تستغل الإجازة إنك تاخد فكرة عن علم الـDigital Design (هتستمتع) ودا يعتبر مدخل كبير لمادة الدوائر التوافقية والتتابعية اللي هتاخدها الترم التاني ومواد تانية هتاخدها: https://www.youtube.com/playlist?list=PLww54WQ2wa5obq6IbRbIiql8oHaTUp3T_ شوف القائمتين دولا ممكن تشوف فيديو كل يوم وعلى آخر الإجازة هتكون استفدت كتير: https://www.youtube.com/playlist?list=PLYS_1w0FFIANdG78JyJu3tsumsXVIcXUB https://www.youtube.com/playlist?list=PLah6faXAgguOeMUIxS22ZU4w5nDvCl5gs وتابع الراجل دا xD : https://www.youtube.com/user/msadaghd ـــــــــــــــــــــــــــ رابعا: كورس CS50 كورس CS50 من جامعة Harvard هو مقدمة لعلوم الحاسب Introduction to Computer Science .. الكورس دا بيديك نبذة عن مواضيع كتيرة مهمة هيشرحلك مفاهيم البرمجة من خلال لغة الC وهيشرحلك يعني ايه خوارزميات وهياكل بيانات وازاي البيانات بتتخزن في الميموري وهتعدي على مواضي تانية زي HTTP وDP وهتعدي على أساسيات Python وDatabase وJavascript .. من الآخر الكورس دا هيلففك في علوم الحاسب وهتتعرف على حاجات كتير لو أنت معندكش خبرة مسبقة في علوم الحاسب. الكورس موجودة على منصة Edx مجانا: https://www.edx.org/course/cs50s-introduction-computer-science-harvardx-cs50x الكورس طبعا إنجليزي وفي ترجمة لنسخة 2015 تقريبا ممكن تبحثوا عنها.. أهم حاجة وأنت بتذاكر الكورس إنك تحل الProblems بعد كل محاضرة..

هندسة ولا هبد👨‍🔧: بما ان معظم اللي هنا ناويين على قسم نظم وحاسبات وتبعت لينا رسايل كتير عن هذا الموضوع. فخليني اكلمك في للبوست ده بوجه عام ازاي تستغل الاجازة صح ؟؟ ================== السلام عليكم ورحمة الله وبركاته ازاي أستغل وقتي صح في الإجازة؟ ^ _ ^ *:*:*:*:*:*:*:*:*:*:* في حاجة مهمة حابب أقولهالك: إنك تعتمد على نفسك في التعليم (Self-study) دا أصعب حاجة! بس فعلا دي أكتر حاجة هتبنيك في الكلية وفي حياتك! وأنت بتشوف أي كورس أونلاين هيقابلك مشاكل كتير أبرزها: -عدم الإلتزام (هتذاكر يومين وتكسل). -التشتت بين الكورس وحاجات تانية (الفيسبوك مثلا!). -هيقابلك حاجات كتير مش هتفهمها من أول مرة (مصطلحات إنجليزي مثلا) ومش هتقدر تسأل اللي بيشرح الكورس لإنه مجرد فيديو! -تعدد المصادر واللي هيؤدي غالبا للتشتت برضو وتضييع الوقت. كل المشاكل دي أنت لازم تحطلها حد من بدري وتعود نفسك إنك لما تبدأ تذاكر حاجة تخلصها ;) نصائح مهمة هتوفر عليك وقت كبير اوي: -لما يقف معاك حاجة وأنت بتذاكر أونلاين يا تتجاهلها لإنها في الغالب هتوضح بعدين، يا تبحث وتدور بنفسك لحد ما توصل لإجابة ترضي فضولك، وخليك واثق إنك لما تتعلم حاجة جديدة لأول مرة مش هتطلع بالفائدة المقصودة 100% من الكورس لإن دي حاجة جديدة عليك ودا طبيعي خالص ومتحسش إن في مشكلة فيك أو متقولش المجال دا مش بتاعي، لا كلنا بنتعلم وكل يوم بنعرف أكتر. -ركز! اختار مصدر واحد وذاكر منه ولما تخلصه فكر في غيره، لكن متضيعش وقتك محتار بين المصادر. -حدد أهداف صغيرة عشان تتغلب على الكسل. -البحث دا حياتك بقى لو مش بتعرف تبحث اتعود وهتتعلم. ـــــــــــــــــــــــــــ أولا: مفيش اتنين هيختلفوا إن الإنجليزي أهم من المواد الدراسية اللي عندك! ليه كدا؟! -> المواد الدراسية كلها خلال دراستك في القسم هتكون باللغة الإنجليزية (ما عدا مواد قليلة). -> المراجع والكورسات اللي هترجعلها وأنت بتتعلم أي حاجة مع نفسك هتلاقي دايما اللي أنت عايزه بصورة أسرع ومحتوى أحسن بالإنجليزي. طيب يعني اللي ضعيف في الإنجليزي ميدخلش القسم وهيعاني وكدا؟ لأ طبعا. -> اللي ضعيف في الإنجليزي يحسن مستواه في الإنجليزي في الصيف وفي الدراسة وميقفش خالص لحد ما مستواه يبقى كويس لإن اللي عايز يبقى كويس في لغة لازم يمارس كتير مش زي ما اتعلمنا في المدارس حفظ كلمات وقواعد نحوية وبس. طيب هنذاكر منين؟ -الطريق الاول: تروح تحضر كورس في مركز بس دا مش هيغنيك عن الممارسة برضو وإن الإنجليزي لازم يكون جزء من حياتك لفترة لحد ما مستواك يتحسن. ناس كتير بتروح كورسات في أماكن رخيصة أو غالية، كل دا ممكن طبعا ويفرق من واحد للتاني بس المهم تسأل كويس عن المكان اللي هتروحه قبل ما تدفع أي فلوس عشان متضيعش وقتك وفلوسك. -الطريق الثاني (واللي أنا بفضله) : إن تشتغل على نفسك بنفسك وممكن تشوف كورس أونلاين إلى جانب الممارسة. وانت ازاي تعلم نفسك انجليزي لوحدك هنتكلم عنه في بوست كامل 😅 ـــــــــــــــــــــــــــ ثانيا: البرمجة! -لو أنت معندكش أدنى خبرة في التعامل مع الكومبيوتر استنى آخر البوست.. -ليه هتذاكر برمجة؟ لأن تقريبا دي مادة عندك في الترم الأول؟ لا طبعا السبب دا مش كافي. -البرمجة هتذاكرها أولا عشان هتعلمك تشغل دماغك (هوضح دا بعدين في بوست تاني إن شاء الله)، ثانيا عشان 90% من مجالات العمل بيدخل فيها البرمجة فمفيش مهندس حاسبات شاطر مش كويس في البرمجة. -في لغات برمجة كتير جدا وفي الكلية هتتعلم لغة جافا في سنة أولى. أكيد في حد بيسأل ايه لغات البرمجة دي؟ -عادي على فكرة- -بص يا سيدي: دلوقتي الكومبيوتر اللي أنت بتتعامل معاه دا مش بيفهم إنجليزي ولا عربي، لغات البرمجة دي هي وسيلة التواصل بينك وبين الكومبيوتر بس الكومبيوتر برضو مش بيفهم لغة البرمجة! طيب ايه لازمتها بقى؟ لغة البرمجة دي شوية أوامر بلغة قريبة من لغة البشر (وبالتالي سهل جدا تتعلمها) وبعد ما تكتب الأوامر دي بضغطة زر بتمر بمراحل كتير كدا عشان في الآخر تتحول للغة الآلة اللي هي 0 و 1 زي ما درستوا، وساعتها الكومبيوتر بينفذ الأوامر دي. -طيب ليه في أكتر من لغة برمجة؟ ممكن ببساطة نقول عشان تعدد التطبيقات، كل لغة بتوفر مزايا معينة وليها نقاط قوة لو استخدمتها في تطبيقات معينة ونقاط ضعف في تطبيقات تانية. -لغات البرمجة زي ايه؟ C++, C, Java, Python, C#, Ruby وغيرهم كتير.. مثال بسيط يعني (ممكن تعديه مش مشكلة) : لو واحد عايز يعمل تطبيق أندرويد هيتعلم ايه؟ سي++ ولا سي شارب ولا جافا؟ هيتعلم Java أو Kotlin رغم إنك ممكن تعمل تطبيق أندرويد بالسي شارب والسي++ لكن جافا هي اللغة الأساسية لبرمجة تطبيقات الأندرويد وفي مميزات كتير جدا تخليك تفضلها على اللغات التانية..