Finlit.uz - moliyaviy savodxonlik

Tanishing — Fazilat Kariyeva! O‘zbekiston davlat jahon tillari universiteti talabasi, xalqaro yoshlar tashabbuslarining faol ishtirokchisi, Global Money Week doirasida o‘tkazilgan FinLit Network Awards 2025 tanlovining "Eng yaxshi spiker" nominatsiyasi g‘olibi hamda FinTalk sahnasida minglab yoshlarni ilhomlantirgan spiker. #FinLitNetwork #FinTalk #FinLitNetworkAwards2025 #GlobalMoneyWeek #FinancialLiteracy #YouthLeadership #Inspiration #UzSWLU #YoungLeader

2025-yil davomida FinLit Network yuzlab yoshlarni birlashtirdi. 500 dan ortiq ishtirokchilar. 20 dan ortiq spikerlar. O‘nlab uchrashuvlar va loyihalar. Lekin FinLit Network'ni raqamlar bilan ifodalab bo‘lmaydi.

Bu film — bir yil davomida ushbu loyihaga qancha mehnat, qancha ishonch va qancha qalb qo‘yilganini ko‘rsatadi.

Qolganini esa keling, birgalikda tomosha qilamiz 😊

🌙 Qurbon hayiti muborak bo‘lsin! FinLit jamoasi ushbu ulug‘ ayyomda barchangizga tinchlik, mehr-oqibat va xonadonlaringizga fayz-u baraka tilaydi. Bu bayram qalblarga yorug‘lik, oilalarga totuvlik, hayotimizga esa ezgu niyatlar olib kelsin. ✨ Bayramingiz muborak bo‘lsin!

Global Money Week 2026 doirasida FinLit Network hamda Kapitalbank hamkorligida yoshlar uchun navbatdagi uchrashuv tashkil etildi 🚀 Tadbirda bank sektori, ta’lim va biznes yo‘nalishidagi turli tashkilot vakillari spiker sifatida ishtirok etib, talabalar bilan moliyaviy tafakkur, kasbiy rivojlanish, zamonaviy iqtisodiyot va yoshlar imkoniyatlari haqida o‘z tajriba va fikrlari bilan bo‘lishdi. Tadbirning keyingi qismida esa FinLit Network Awards 2025 doirasida yilning eng faol ishtirokchilari taqdirlandi 🏆 Ochiq ovoz berishda 27 000 nafardan ortiq inson ishtirok etdi. Har bir g‘olib maxsus kubok va esdalik sovg‘alari bilan ✨ #FinLitNetwork #FinLitAwards #GlobalMoneyWeek #FinancialLiteracy #KapitalBank #YouthLeadership #Networking #YoungLeaders #CentralBankUzbekistan

Global Money Week 2026 doirasida FinLit Network hamda Kapitalbank hamkorligida yoshlar uchun navbatdagi uchrashuv tashkil etildi 🚀 Tadbirda bank sektori, ta’lim va biznes yo‘nalishidagi turli tashkilot vakillari spiker sifatida ishtirok etib, talabalar bilan moliyaviy tafakkur, kasbiy rivojlanish, zamonaviy iqtisodiyot va yoshlar imkoniyatlari haqida o‘z tajriba va fikrlari bilan bo‘lishdi. Tadbirning keyingi qismida esa FinLit Network Awards 2025 doirasida yilning eng faol ishtirokchilari taqdirlandi 🏆 Ochiq ovoz berishda 27 000 nafardan ortiq inson ishtirok etdi. Har bir g‘olib maxsus kubok va esdalik sovg‘alari bilan ✨ #FinLitNetwork #FinLitAwards #GlobalMoneyWeek #FinancialLiteracy #KapitalBank #YouthLeadership #Networking #YoungLeaders #CentralBankUzbekistan

15-may kuni Jahon iqtisodiyoti va diplomatiya universitetida University Now Talk formatidagi navbatdagi FinTalk uchrashuvi bo‘lib o‘tdi 🚀 Tadbirning asosiy qismida universitet talabalari bo‘lgan 3 nafar spiker o‘zining dolzarb va noodatiy mavzulari bilan chiqish qildi:

Odinaxon Movlonboyeva — “False Economy of “I Can’t Afford It”” Bahodir Muhammadjonov — “Raqamli so‘m” Shahzoda Normatova — “Loopholes of Economy”

Spikerlar moliyaviy fikrlash va zamonaviy iqtisodiyot mavzularida o‘z monologlari bilan chiqdilar 🎙 Tadbir ikkinchi bosqichida esa “Micro-Project Talk” challenge tashkil etildi. Unda 50+ ishtirokchi 4 ta jamoaga bo‘linib, 33 mln so‘mlik kredit asosida o‘quv markazi ochish bo‘yicha o‘z biznes-rejalarini ishlab chiqdilar 📊

Jamoalar quyidagi yo‘nalishlarda innovatsion g‘oyalarni taqdim etdi: ♟ Shaxmat akademiyasi 📚 Umumiy ta’lim markazi 💻 Data Science va AI yo‘nalishi 🚀 Zamonaviy yoshlar uchun innovatsion ta’lim loyihalari

FinTalk — where ideas become decisions 🔥 Tadbirdan lavhalar: havola

Bugun Jahon iqtisodiyoti va diplomatiya universitetida 9-sonli FinTalk bo‘lib o‘tdi 🚀

3 nafar spiker o‘z mavzulari bilan sahnaga chiqib, real tajriba va fikrlari bilan bo‘lishdi. -“33 mln so‘mga qanday biznes qilsa bo‘ladi?” degan savolga esa talabalar tayyor g‘oyalar bilan javob berdi 🧐 “Micro Project Talk” doirasida 4 ta jamoa biznes-reja tuzib, o‘zaro challenge qildi — kredit, strategiya, xarajat va daromad hisobi real keyslarda ishlab chiqildi.

Joriy yilning 4-may kuni “Zakovat Arena”da O‘zbekiston Respublikasi Markaziy banki hamda “Uzcard” milliy to‘lov tizimi hamkorligida “Global Money Week – 2026” xalqaro kampaniyasi doirasida “Zakovat” intellektual o‘yini tashkil etildi. Mazkur tadbirda “Moliyaviy savodxonlik ambassadorlari” loyihasi ambassadorlari hamda respublikadagi noqtisodiy yo‘nalishdagi oliy ta’lim muassasalari talabalari ishtirok etdilar.

Intellektual o‘yin davomida ishtirokchilar moliyaviy savodxonlik kurslarida olgan bilimlarini namoyon etib, shaxsiy moliyani samarali boshqarish, raqamli moliyaviy xizmatlardan xavfsiz foydalanish, kiberxavfsizlik va moliyaviy xavf-xatarlarning oldini olish, shuningdek, moliyaviy qarorlarni ongli qabul qilishga oid savollarda faol qatnashdilar. Shu bilan birga, ishtirokchilar tahliliy fikrlash, mantiqiy yondashuv, tezkor qaror qabul qilish hamda jamoaviy ishlash ko‘nikmalarini namoyon etdilar.

Tadbir doirasida ishtirokchilar uchun madaniy hordiq dasturi ham tashkil qilindi. O‘yin yakunida g‘olib jamoalar tashkilotchilar tomonidan esdalik sovg‘alari bilan taqdirlandilar. #MarkaziyBank #GlobalMoneyWeek #MoliyaviySavodxonlik #Zakovat #UZCARD #IpotekaBank #Uzum #Uzbekistan

🕊️ Bugun biz yurtimiz tinchligi va farovonligi yo‘lida fidokorona xizmat qilgan insonlarni chuqur hurmat bilan eslaymiz. ✨ Qahramonlar xotirasi doimo qalblarimizda yashaydi. Ularning jasorati va matonati barchamiz uchun ibratdir. 9-may — Xotira va qadrlash kuni muborak bo‘lsin! 🇺🇿 🚀@finlituzb_ru

4-may kuni Global Money Week 2026 doirasida Zakovat intellektual turniri bo‘lib o‘tdi. 🏆 Markaziy bank, UZCARD, Ipoteka Bank OTP Group va Uzumbank hamkorligida tashkil etilgan tadbir bilim, jamoaviy ruh va sog‘lom raqobatni bir maydonda birlashtirdi. Turnirda noiqtisodiy yo‘nalishdagi oliy ta’lim muassasalaridan “Moliyaviy savodxonlik ambassadorlari” loyihasi vakillari, shuningdek, moliyaviy savodxonlik kurslarini tamomlagan talabalar ishtirok etdi. Ishtirokchilar o‘z bilimlari, tezkor fikrlash qobiliyati hamda jamoa bo‘lib qaror qabul qilish ko‘nikmalarini sinovdan o‘tkazdi. O‘yin yakunida eng kuchli jamoalar qimmatbaho sovg‘alar bilan taqdirlandi. 🏅💪 #MoliyaviySavodxonlik #GlobalMoneyWeek #MarkaziyBank #UZCARD #IpotekaBank #Uzum #Zakovat

Bugun Global Money Week 2026 doirasida Zakovat intellektual o‘yiniga start berildi. ⚡️ Markaziy bank va UZCARD hamkorligida yo‘lga qo‘yilgan “Moliyaviy savodxonlik ambassadorlari” loyihasi ishtirokchilari hamda kurslarni tamomlagan talabalar bilim, mantiqiy fikrlash va jamoaviy yondashuv bo‘yicha o‘zaro bellashmoqda. 🧠 O‘yin davomida eng faol va bilimdon jamoalar aniqlanib, yakunda qimmatbaho sovg‘alar bilan taqdirlanadi. 💪🏻 #MoliyaviySavodxonlik #GlobalMoneyWeek #MarkaziyBank #UZCARD #Zakovat

🫥 “Sezilmaydigan” obunalar — bu budjetdagi kichik teshiklar. Pul birdaniga katta summa bo‘lib chiqib ketmaydi, lekin har oy avtomatik yechiladigan to‘lovlar nazorat qilinmasa, yil oxirida sezilarli xarajatga aylanadi. Bunday xarajatlarni kamaytirish uchun oyda bir marta bank ilovasidagi avtomatik yechimlarni ko‘rib chiqing, foydalanmayotgan xizmatlarni bekor qiling va har bir obuna uchun “bu menga hozir ham kerakmi?” degan savolni bering. Bepul sinov muddatlariga esa alohida e’tibor bering: eslatma qo‘yilmasa, “free trial” tezda pullik obunaga aylanib qolishi mumkin.

Yechim oddiy: obunalaringiz ro‘yxatini tuzing, ularni “kerakli”, “kam ishlatiladigan” va “bekor qilinadigan” toifalarga ajrating. Shundan keyin faqat haqiqatdan foydalanayotgan xizmatlaringizni qoldiring va obunalar uchun oylik limit belgilang.

Moliyaviy tartib katta cheklovlardan emas, aynan shunday mayda nazorat odatlaridan boshlanadi.

🇺🇿 Kredit olishdan oldin — cheklistni o'qing!

🟣Kredit shartnomasi imzolanishidan oldin bank sizga kredit tavakkalchiliklari bo'yicha cheklist taqdim etadi.

✔️ Cheklist nima uchun kerak?

🟣Bu kredit rasmiylashtirilishidan oldin to'ldiriladigan ro'yxat. Uning maqsadi — har bir band bilan tanishib chiqishingizga va hammasini to'g'ri tushunganingizga ishonch hosil qilishga yordam berish. Bu sizni kelajakda kutilmagan moliyaviy qiyinchiliklardan saqlab qolishi mumkin.

✔️Cheklist qanday topshiriladi?

🟣U qog'oz yoki elektron shaklda beriladi. Har bir band bilan tanishib, imzo bilan tasdiqlaysiz.

🎥 Batafsil — videoda! 2-qism 📃Cheklist #FinRight 🚀 @finlituzb_ru

FinTalk — endi Respublika bo‘ylab 🚀 Toshkentdagi Webster Universitetida 80 nafardan ortiq talabani bir maydonga jamlagan tadbirda spikerlar “Fond bozori” va “Qaytarib bo‘lmaydigan yagona valyuta” mavzularida nutq so‘zlab, o‘z fikr va g‘oyalari bilan bo‘lishdi - yoshlar-yoshlar uchun. Yangilangan level «Mening bankirim» loyihasi asosida tashkil etilgan Business Plan Challenge. Yoshlar uchun biznes-reja tuzish va uni to‘g‘ri rejalashtirish ko‘nikmalarini rivojlantirishga qaratilgan amaliy ko'nikmalar ushbu loyihada o'z aksini topadi. Challengeda ishtirokchilar 3 jamoaga bo‘linib, fast-food yo‘nalishida 33 mln so‘mlik kredit uchun biznes-reja ishlab chiqdi. Jarayon faol va amaliy ruhda o‘tdi — g‘oyalar muhokama qilinib, xarajat va daromad hisoblandi. Ko‘pchilik uchun bu birinchi real tajriba bo‘ldi.

Keyingi manzilni kuting — FinTalk sizning universitetingizga yo‘l olmoqda 🚀

🇺🇿 Kredit tarixi kreditni rasmiylashtirish vaqtida emas, balki uni to‘lash jarayonida shakllanadi. Bu bir martalik qaror emas, balki sizning harakatlaringiz ketma-ketligi: qanday to‘laysiz, qiyinchiliklarga qanday munosabat bildirasiz va bank bilan qanday aloqa qilasiz. ➡️Kartochkalarda ijobiy kredit tarixini qanday shakllantirish va uni saqlash yo‘llari bilan tanishishingiz mumkin. 🚀@finlituzb_ru

🚀 FinKids bilan yulduzlar sari yo‘lingizni rejalashtirishni o‘rganing! 25-aprel kuni bo‘lib o‘tadigan bolalar uchun moliyaviy savodxonlik darsida maqsad qo‘yish, budjetni rejalashtirish hamda orzular sari ilk qadamlarni qanday tashlash haqida suhbatlashamiz. Shu bilan birga, jamg‘arma nima uchun porloq kelajak sari eltuvchi muhim vosita ekanini ham birga tushunib olamiz. 🗓 25-aprel, soat 15:00 📍 ACDF huzuridagi Bolalar akademiyasi #FinKids 🌐 @finlituzb_ru

🫧 Mavjudlik illuziyasi — bu inson o‘zida hozir pul bo‘lmasa ham, uni oson olish mumkinligi sababli o‘zini go‘yoki mablag‘i bordek his qilishidir. Natijada istak ehtiyojga aylanadi: “hozir olaman — keyin to‘layman” degan qarorlar paydo bo‘ladi.

Masalan talabaning eski telefoni ishlamoqda. Lekin "hammada bor" degan fikr bilan mikroqarz olinadi. Bir necha haftadan keyin — moliyaviy bosim boshlanadi. Qarabsizki oddiy istak ehtiyojga aylanadi. Boshida telefon zo'r ko'rinadi. Asta sekin esa qarz to'lovlari, oylik xarajatlar, jarimalar yuzaga kelib bosim his qiladi. Ko'plab xollarda aksar talabalar aynan shu illuziya sababli moliyaviy tuzoqqa tushadi. Har bir "kichik" qarz keyingisini keltirib chiqaradi.

📊 Xalqaro ma'lumotlarga ko'ra, BNPL xizmatlaridan foydalanuvchilarning katta qismi kreditning haqiqiy qiymatini bilmaydi. ❓Har qanday qarordan oldin o'zingizga savol bering Bu narsa men uchun juda zarurmi? Bu shunchaki lahzaviy istakmi? Qarzni to'lash uchun mablag'im bormi? Mikroqarz — bu kelajakdagi daromadingiz hisobidan bugungi xarajat. Uni "bepul pul" deb bilmang. 💡Har bir xarid oldidan to'xtab o'ylang. Agar bu post foydali bo'lsa — do'stingizga ulashing! #MoliyaviySavodxonlik #Finlit #Mikroqarz #Talabalar #ShaxsiyBudjet

🇺🇿 Kredit shartlari har doim ham butun muddat davomida o‘zgarmas bo‘lib qolmaydi. Agar moliyaviy holatingiz o‘zgarsa yoki yanada qulay imkoniyatlar paydo bo‘lsa, kredit shartlarini qayta ko‘rib chiqish mumkin. 🔜Yuqoridagi kartochkalarda kreditni qayta moliyalashtirish va restrukturizatsiya nima ekani va ular nimasi bilan farq qilishini bilib olishingiz mumkin. ✔️Qarorni vaqtida qabul qiling— o‘z vaqtida harakat qilsangiz, to‘lovlarni boshqarish osonroq bo‘ladi. 🚀@finlituzb_ru

🇺🇿 Kredit olishdan oldin o‘zingizga savol bering: “Men buni qaytara olamanmi?” ✔️Kredit — bu qo‘shimcha imkoniyat, lekin u majburiyat bilan keladi. Qaror qilishdan oldin: 🟣 daromadingiz kredit to‘lovlariga yetadimi, 🟣 u barqarormi, 🟣 kutilmagan holatlarda ham to‘lash imkoningiz bormi — shuni baholang. 🎥 Batafsil — videoda! 1-qism #FinRight 🚀 @finlituzb_ru

FinLit Network rezidenti — Boburxo‘ja Siddiqov FinTalks mavzusi: “Biznes va marketing”

Nega ba’zi bizneslar tez o‘sadi, boshqalari esa tez yopiladi? Sabab — marketing yo‘qligi yoki noto‘g‘ri yondashuv…

Real keyslar orqali: — Nike, Coca-Cola, Apple misolida brend kuchi — oddiy mahsulotni hikoya orqali sotish effekti — kichik g‘oya ham katta biznesga aylanishi mumkinligi Xulosa: Kuchli marketing bo‘lmasa, hatto eng yaxshi mahsulot ham sotilmaydi 🚀 Axborot hamkorlar: @Kun.uz | @finance.kun.uz Ro‘yxatdan o‘tish: @finlitnetwork_bot