شٓخَبِطةً - Sah5bta

صباح الخير، وجود شخص بيطمنك كل شويه انه عمره ما هيسيبك مهما حصل بينكم من خلافات وخناقات وزعل، دي حاجه لطيفه جدا، أنه مهما طال الزعل مبينكم عارفين ان انتم هترجعو وان الخلاف دا هيقوي العلاقه والحب اللي موجود بينكم مبيهدوش، لان ف كل مره بيحصل خلاف بترجو لبعض احسن من الأول، والخلاف دا مبيأثرش ع الحب والود، والصراحة دي حاجه ف منتهي اللطف يعني.❤️✨

‏عمرك ما هتحس السعادة ، قبل ما تدوق الزعل.

بمناسبة الكلام عن المشاعر وان انهاردة عيد الحب .. كانت ليا واحدة صاحبتي من فترة .. قالت لي تعبير طريف جدا .. مش قادر أنساه أبدا .. "المشاعر مينفعش تتحط في ساندويتشات يا حسين" .. لما سمعته منها الأول ضحكت .. بعدين سألتها يعني إيه .. كانت هي أصلا بتحكي لي عن ولد بيحبها جدا .. وبيعمل عشانها حاجات كتير لطيفة .. فسألتها عن مشاعرها تجاهه .. وده كان ردها .. بدأت تفهمني قصدها وقالت : يعني مثلا ممكن بنت تبقى بتحبك .. فتيجي تعزم عليك بشوكولاتة .. أو إنك تشاركها اللانش بريك بتاعها .. لمجرد إنها بتحبك عايزة تشاركك ده .. عايزة تشاركك أي حاجة .. أو تلاقي أي طريقة لفتح كلام بينكم .. هو بيعمل معايا كدا .. كل يوم .. بيروح يجيب أكل لنفسه .. يعمل حسابي معاه .. وكل مرة ببقى عايزة أرفض .. يقول لو مكلتيش مش هاكل والله .. بيقولها بلطف .. فأقبل عشانه .. برغم إني في العادي مبعملش كدا .. بس ممكن أقبل أخد منه ساندويتش .. هاكله عادي وهبلعه .. مفيش مشكلة .. لكن مشاعره مينفعش أتعامل معاها كدا .. مينفعش تكون بتحب واحدة .. وهي تاخد منك مشاعرك عشان متكسفكش .. عشان إنت شخص لطيف .. مش هتحبك عشان إنت شخص لطيف .. هتستلطفك لكن مش هتحبك .. مينفعش إنت تضغط عليها .. وتقول لها إقبلي المشاعر دي عشاني .. لإن المشاعر بتتحس لوحدها .. مينفعش تتبلع .. مينفعش تتحط في ساندويتشات ..

‏موضوع المسافات محزن جداً ، حارمنا من ناس غالية علينا كنا نتمنى وجودهم جمبنا ونشوفهم باستمرار ، حارمنا من تفاصيل وذكريات حلوة أوي كانت هتحصل لو كانوا قريبين مننا ..

قال تعالى ﴿و أن ليس للإنسان إلا ما سعى﴾ خدها قاعده في حياتك، ربك بيجازيك ع سعيك مش ع النتيجة، يعني تعبت ع حاجه أوي، سواء النتيجة كانت فشل أو نجاح، أعرف ان ربك هيجازيك ع سعيك و تعبك كله أجمل جزاء و أكرم جزاء فـ الفكره دي تخليك تنسى جملة " تعبي ضاع و مجهودي راح " ده حتى النبي قالك لو القيامه قامت وفي أيديك زرعه أزرعها، طب انا مش هشوف نتيجتها كده ؟ صح ، هو بيعلمك السعى أسعى و خلاص و ايا كانت النتيجة أو حتى لو ملحقتش تشوفها قدام عينيك، فـ أعرف ان أكرم الاكرمين تقديره لتعبك و مجهودك مش بيتأثر بشكل النتيجة، فـ أسعى و أنت مطمن إن الله لا يضيعُ أجر من أحسن عملا 💛 - مش هيضيع تَعبّك وهيراضيك 💛

هقوم اعمل شاى للرجالة اللى بتتعارك فى دماغى

صباح الخير يشباب ؛ حابب بس أفكرك تتعشم في ربنا ؛ أياً كان إلي انت عايزه هيتحقق ان شاء الله ؛ دا ربنا قايل إني عن ظن عبدي بي ؛ يعني الي نجا سيدنا إبراهيم من النار مش قادر يحققلك مرادك !❤️

- صباح الخير يا صَحب"))💛⛅️ ‏تلك التفاصيل الروحانيّة التي تختار أن تستهلّ بها يومك: كالنيّة الطيّبة لاغتنام هذا اليوم، وترديد أذكار الصباح باستشعار لمعانيها الدافئة، وقراءة وردك اليومي من القرآن؛ تنعكس على بقيّة اليوم على صورٍ من البركة والطمأنينة والسلام. -

- ‏ابدأ يومك..💛 كأنّك وَليدُ لحظتك، لا تحمل همًّا ولا تُثقِل قلبًا، تبدأ كأنها المحاولة الأولى، دون هزائم سابقة، ولا ذكريات مؤلمة، فقط كُن أمير خطوتك. -

فلانتين إيه بس يا جماعة ، أنا سينجل من أيام ما كان الكراش إسمه الجو .

انا اكتر انسانه بتكرهه التجاهل، ان يبقي ف حد اون لاين ويتجاهلني او يشوف الرساله ويعمل سكيب ليها ويرد ع اللي بعدها او يدخل ف موضوع تاني، انا بحب الرد ع كل رساله واي حاجه ببعتها ببقي مستنيه رد عليها، وبحب التفاصيل الصغيره قبل اي تفصيله كبيره، ف بلاش تجاهل عشان انا ممكن اتجاهلك انت نفسك.

‏عمري الضائع حتى الان"8"سنوات.

انا كاتبة كاذبة أدّعي القوة والثَبات، لكنني قَد أميلُ لَكَ عِندَ أوَلِ كلمَةٍ لَطيفة.

- وماذا عن اسمها؟ اسمها عائشة اينما وجدت امتلأ المكان بالبهجة والسعادة هادئة ومختلفة ولا تشبه احد روحها عالم جميل تشبه الأميرات وقلبها اغلى من الذهب 💙.

صباح الخير ‏الشخص اللي إتعرض لأذى بيكون محتاج يتكلم, بس في نوع صعب جداً من الأذى, اللي هو بالرغم من الألم اللي بيبقى جوا الإنسان لما حد بيسأله عن اللي فيه مبيقدرش يحكي عن التجربة دي, عشان بيكون فيه أذى مضاعف لما يعيد الأحداث في دماغه بيبقي بيموت إنه إزاي سمح إن حد يأذيه بالشكل ده فاهم!

وتذكرت كُل أصدقائى الذين حالت بينى وبينهم مشاغل الحياة، والذين تفرقوا بين المدن والدول والقارات ومع كُل منهم قطعة من نفسى وصباى وشبابى كأنى أوزوريس الذى مزق إله الشر جسمه ووزعه بين البلاد وشعرت باللوم لهم جميعاً.. ولنفسى أكثر لأننا استسلمنا جميعاً لمشاغل الحياة.. ولم نقاوم هذا الوحش الذى يلتهم ما بقى من أوراق العمر ويصرفنا عن لقاءات الروح القديمة. ― " صديقى ما أعظمك " لــ عبد الوهاب مطاوع.

'

صباح الخير، فكره ان ف كلام كنت هتقوله بس رد اللي قدامك وكلامه يخليك تغير كلامك وتنسحب دي بتزعل اووي.

‏وحيد انا مع شوقي .