Multaqa-😍 الملتقى 💖

🖤🖤!!

https://www.facebook.com/A7medbibo22 صحفة فيسبوك من أجمل الصفحات اللى تبعتها

ملامحك الجميلة دِ متخلقتش للحزن والتجعيد في سن لسه صغير ، الحياة قدامك لازم تحاربها عشان متقولش عليك ضعيف خليها تعرف إنك قدها وإنك قوي ، لو فهمت الحياة هي هتفهمك ، عيش وإتبسط الحزن م ليك ولا لأي حد كلنا نستحق إننا نعيش مبسوطين ❤️.

- كان بيقول إن من أسبابِ الأنتكاس هو اختيار "شريك حياة" غير مُلتزم ! "لا تتزوجوا الفسدَة من أجل أن تصلحوهم فيفسدوكم" تزوج عمران بن حطان امرأة جميلة من الخوارج ، و قال أنه سيردها لأهل السُنة فصار هو من زعماء الخوارج !! -د/محمد الغليظ. -

‏مع احترامي لكل معايير الجمال العقيمه بس مفيش احلي من القبول يعني ممكن متكونش الاجمل او الاحلي بس عندك حضور مميز بيحسسك انك اخدت مكانه في قلوب اللي حواليك من غير ما تبذل اي مجهود.

المشكلة مش انك بطلت تصلي ! المشكلة بجد انك مش حاسس بالذنب ومش بتحاول ترجع لربنا وتتوب !! قال تعالى : { فَخَلَفَ مِنْ بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا } .. يعني عقاب تارك الصلاة انه يلقى في وادي غي والذي قيل عنه انه من شدة حرارته بتستعيذ منه جهنم في اليوم سبعين مره .!! فما بالك بالإنسان الضعيف اللي مش بيستحمل نار الدنيا حتى ؟! ولكن ربنا غفور رحيم .. بعد ماقال : { فَسَوْفَ يَلْقَوْنَ غَيًّا } .. قال : { إِلَّا مَنْ تَابَ وَآمَنَ وَعَمِلَ صَالِحًا فَأُوْلَئِكَ يَدْخُلُونَ الْجَنَّةَ وَلا يُظْلَمُونَ شَيْئًا } .. يعني لسه قدامك الفرصه تتوب وترجع لربك من تاني.."

بتحب النبى ..؟! تعالى اعرفك عليه في وصف النبي ﷺ - كان أكحَل العين ، في عينه كحل رباني .. - واسع العينين ، شديد سواد العين ، بياض عينه شديد البياض .. - مستقيم الأنف ، أمسح الصدخين - الخدين - ، في وجهه تدوير .. - شديد سواد الشعر ، شعره ناعم مرسل يعني لو حب يسرحه بإيده يتسرح .. طويل يصل إلى كتفيه من الخلف وكان يفرقه من وسطه .. - صدره واسع أمسح - رشيق - قليل اللحم ليس بالسمين ولا بالرفيع .. - ليس بالطويل ولا بالقصير .. - طويل العنق ، أبيض أزهر شديد البياض ، عظيم الهامة .. - واسع الجبهة ، إذا ضحك أو غضب ظهر عرق في جبينه .. - لحيته كثيفة سوداء .. - لين الكف ، طيب الرائحة ، إذا صافحه أحد يظل في يده أثر رائحة طيبة .. - أبهى الناس وأجملهم من بعيد ، وأحسنهم من قريب .. - كان له جمال وجلال .. إذا رأيته تحب ألا تنزل عينك من عليه ، وفي نفس الوقت تخاف من إطالة النظر لمهابته وجلاله .. - كان لا يعبس إلا إذا انتهكت حرمة من حرمات الله .. - كان إذا تلألأ وجهه كأنه القمر ليلة البدر .. - كان إذا تكلم يحدد كلامه لا يطيله ولا يخرج عنه ، كان إذا تكلم كأنه يخرج من فمه الدُرَر .. اللهم لا تحرمنا رؤيته وارزقنا شفاعته وأدخلنا الجنة في زمرته وصحبته ، وصلي اللهم عليه وعلى آله وصحبه وسلم 💜

- بتدرسى ايه؟ = معهد فنى صحى - أنتِ مجنونة تسيبى علوم علشان حتة معهد - شعبة ايه؟ = تحاليل - يع بتاع يورا و ستول = أشعة - هيجيلك كانسر و مش هتخلفى = صيانة - سباكة يعنى - بتدرسى ايه؟ = تمريض - أنتِ مجنونة؟ هتباتى فى المستشفيات و تسيبى جوزك لوحده؟! طب ولادك هتسبيهم فين و أنتِ عندك نبطشيات كل يوم - بتدرسى ايه؟ = طب - عايزة تضيعى عمرك فى الدراسة؟! سبع سنين تدرسى و ترفضى فى العرسان لحد ما تعنسى هتفضلى تدرسى و صحابك اللى قدك يكونوا اتخطبوا و اتجوزوا و خلفوا - بتدرسي ايه؟ = هندسة - رايحة فى قلب تخصص الشباب؟! رايحة لحاجة متمشيش مع طبيعتك يا بنتى أنتِ بنت يعنى لا ليكى فى الصبة و لا الكهرباء و لا المرمطة - بتدرسى ايه؟ = إعلام - روحى غطى الحروب و تأخدى رصاصة و تجرينا وراكى فى المستشفيات و تتعرضى كل شوية لتهديدات و نخش بقى فى أكشن - بتدرسى ايه؟ = صيدلة - أم خمس سنين و فى الاخر يسموكى بياعة و كمان هطلعى عنينا لحد ما نجيب فلوس الصيدلية بتاعتك اللى هادخل فى الاخر كام مليم - بتدرسى ايه؟ = جرافيك - يعنى أخرك تلونى و ترسمى - بتدرسى ايه؟ = طب أسنان - قمة القرف تدرسى خمس سنين علشان تحطى إيدك فى بوق واحد؟! - بتدرسى ايه؟ = تربية / لغات / علوم عامة / آداب - الأساتذة مالين البلد و قاعدين من غير شغل هتلاقى أنتِ بقى شغل فى قلب كل دول؟! يعنى رايحة على البطالة علطول - بتدرسى ايه؟ = حقوق - تضيعى عمرك فى القوانين و السجلات علشان تكونى محامية؟! المحاماة مش للبنت لإنها ضعيفة بتتبهدلى من محكمة لمحكمة علشان تدافعى عن واحد ممكن يكون ظالم دى شغلة الرجالة يا بنتى - بتدرسى ايه؟ = و الله أنا اتجوزت و مكملتش دراسة - اووووووه ، ليه مستعجلة هو الجواز هيطير كنتى كملتى دراستك مفيش حد هينفعك غير شهادتك يا بلدنا يا حلوة بالناس الحلوة

س / هو انا ممكن ربنا يجازيني خير على وجع قلبي وحزني بسبب كلام الناس وتصرفاتهم المؤذية معايا ؟! ج/ عارف شوكة ثمرة التين الشوكي اللي ممكن تدخل في ايدك وانت بتاكله ومابتبقاش عارف تطلعها لإنك مش قادر تشوفها بعينك من كتر ماهي صغيرة ، بس بتوجعك وجع بسيط أوي لما تلمسها ؟! -ايوه حصلتلي كتير. =أهو ربنا هيجازيك وهيؤجرك علي الوجع البسيط اللي سببتهولك ده ، فما بالك بقى بوجعك الكبير وحزنك وكسر قلبك ! قال حبيبي رسول الله ﷺ :"مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمٍّ وَلاَ حَزَن وَلاَ أَذًى وَلاَ غمٍّ، حتَّى الشَّوْكَةُ يُشَاكُها إِلاَّ كفَّر اللَّه بهَا مِنْ خطَايَاه".

فانشف كدا ومتعيطتش👍

الحياة هتطلع عينك وعين...... وهدوس عليك وانت مش عندك رفاهية انك تعترض مفيش وقت لو وقعت غيرك هيجى يوقف عليك ويدوس ويكمل وانت ساقط فى منتصف الطريق

خسرت الناس عمرى ما كنت افكر انه سهل كدا يمشوا ، جربت وفشلت الف مرة ولسه بحارب انى استمر سقوط وضيع تعب ولسه شايف ان الوقت لا يسمح للاستسلام اعتمد على ناس ولكن فى نهاية الطريق لم ارا منهم احد بعد كل هذا أرى لطف الله دايما ف تفاصيل يومى ✨️💙

صباح اللطف يـَ لطيف❤🥺. ربنا هيجبركَ هانت وهتفرح ❤🌿. ابشر يـَ جميل🌿

في جملة علقت معايا بتقول "إمسك في اللي فاهم حقيقة قلبك بغض النظر عن تصرفاتك" وحقيقي الواحد بيبقي محتاج اللي يفهمه من جواه، اللي يمتص غضبه وقت عصبيته، اللي ميلومنيش علي حاجات عملتها غصب عنى، اللي مهما حصلى عمره مايتغير معايا ولا يسبنى لوحدي، اللي شايفنى حلو في أسوأ حالاتى❤️

•• هقولك طريقة علشان ماتسرحش وانت بتصلى وتركز فى صلاتك : _وانت بتصلى خلى كل ركعة مخصصة انك تدعى لحد فيها وتركز فى الركعة وتحضر ادعية تدعى بيها ربنا وتحضر لكل ركعة سورة او ماتيسر من القران ..ايوا حضر انت هتقول اي لربنا مش غريبة يعنى 💙 ورتب دعوة الاشخاص فى صلاتك يعنى مثلا: - الركعة الاولى مثلا هدعى ل بابا وتكون محضر السورة اللى هتصلى بيها والادعية اللى هتدعى بيها 💙. -الركعة الثانية مثلا هدعى ل صحبتى او صحبى وتكون عارف هتدعيله ب اي ومنها برضه هتاخد اجر وتلاقى صحبك او صاحبتك محتاج دعائك 💙. _وهكذا بس بتركيز وتأنى و وتدبر فى ايات القرآن 💙 ••

مع كل يوم بيفوت بتكبر أكتر، بتتعلم تجادل أقل، تشتري راحتك، وتقرا الناس أسرع.. بتستوعب إن كتر الحسابات مش هيقدم ولا هيأخر في حاجة مكتوبة عند ربنا في توقيت معين خصوصاً وأنت عامل فيها اللي عليك للنهاية.. بنعدي بسنين وتجارب عشان نوصل للقناعات دي بس طبيعي ما هو "النُضج" مش ببلاش.. ثمنه غالي بس مكاسبه أكتر.

الموضوع أشبه بإنك تروح تاخد قرض بدون فوايد من البنك وتقولهم لا معلش مش هقدر أمضيلكم ع ورق عشان ميبقاش فيه ضغط عليا لكن كلمة راجل فلوسكوا في الحفظ والصون متقلقوش! أو إنك تعرض على صاحبك يدخل بشاركك في مشروعك لأنك محتاج سيولة وبعد ما يوافق بالعافية تقوله بس معلش مش همضيلك على ورق يضمن حقك لأننا صحاب وعيب تخونني! هو هو حوار القايمة اللي مش عايزين تكتبوها والله! والحقيقة إنه مفيش أي راجل حر هيقبل التفريط دا سواء كان في بنته أو أخته أو مراته! الملخص قولته قبل كدا وكررته مرة تانية وبقوله دلوقتي وإن شاء الله تكون المرة الأخيرة.. مش عايز يابن الناس تكتب قايمة ولا تربط نفسك بحاجة يبقا تدخل على بنات الناس برضو وإنت مجهز عش الزوجية بكل ماتحتاجوه من الألف للياء وتعطيها المهر اللي يحدده ولي أمرها وكمان تشتريلها شنطة هدومها الل هتيجي بيها.. انما تدخل تطلب منهم يجهزوا معاك النص بالنص عشان التقاليد بتقول كدا وتيجي ساعة كتب القايمة تقول لا أنا مش مجبر أمضي على حاجة ساعتها وصفك مش هيكون غير في كلمة واحدة بس يارب متجبرك الظروف في يوم من الأيام إنك تسمعها.. انتهى

‏ *في جُملة عظيمة بتقول: "قد يبتليك الله ليكشف لك قلوب ادَّعت محبّتك.. فلا تحزن" والحقيقة أنا مش حزين على أي شخص خرج من حياتي لإن في كُل مرة وبمرور الوقت بفهم حِكمة ربنا في اللي حصل وبعرف إنّه ما حرمنيش ولكنّه رحمني.

كيف تريدينه؟ = أريده لله ذاكرًا، وللفجر محافظًا، ولليل قائمًا، وللقرآن قارئًا، ولارحامه واصلًا، وبأهله رحيمًا، وللخير فاعلًا، وبقلبي مقيم، ولي عاشق، ولحبي مُآمن، هكذا أريده🤎🤎

عزيزي الآخر.. شكرا انك كنت ملهم ليا بشكل ما ، قصتك ، حكاوينا ، مناقشاتنا المثمرة ، ردودك و لطفك ، اختياراتك اللي مرة بتصيب و مرة بتخيب ، اراءك و وجهة نظرك عن الحياة و الحب و الحرية ، اهتماماتك ، مازيكتك ، ماضيك و ذكرياتك. دايماً بصدق ان قعدة رايقة ب كوبايتين شاي ، او تمشية في نسمة هوا ، مع شخص دماغه حره و مرنة و ليه نظرة في الحياة ، قمة الإلهام .. و صدقني مهما اختلفنا ، ف بردو هشكرك ، لأنك ساعدتني افهمني ، و ادوّر جوايا عن نفسي و معتقداتي. لمزيد من كوبايات الشاي في نسمة هوا الليل و الكثير من الالهام.✨