Multaqa-😍 الملتقى 💖

"ربما انا ابن سيئ وأخ سيئ وصديق سيئ ، ربما انا شخص سئ كما يخبروني .."

" في حد نصيبه اب حنون، و في حد نصيبه زوج صالح، و في حد نصيبه ابن بار، و في حد نصيبه اهل كويسين، كل واحد فينا له نصيب من حاجه و اتحرم من غيرها لان دي دنيا و ليست جنه، فـ استحاله هتاخد كل حاجه نفسك فيها، انت متعرفش اللي معاه حاجه نفسك فيها اتحرم من ايه قصادها ولا شاف ايه في حياته، وربنا عوضه بالشئ ده، فاحسن ظنك بالله و اتمني الخير للناس .. ''خليك متاكد ان الشئ اللي مش مكتوبلك، مش هتاخده بقوتك .. و ان الشئ المكتوبلك مش هتحرم منه بضعفك .." بل برحمه الله

الامراض النفسية بتبان خلال من ٦ شهور لسنة، ف اوعوا تقللوا مدة التعارف عن كدة ولازم وضروري تختبروا مروءة وشهامة واصالة اللي معاكم فى اى علاقة وبطلوا ترضوا بالاقل منكم، لازم يبقى فيه توازن مش حد فوق اوى فى كل حاجة، وحد واقع اوى فى كل حاجة .. أي شيء هتطلبوه.. هيمثلوه، وحتى لو هما صدقوا تمثيلهم، اصبروا، لان الطبع بيغلب التطبع ومع الوقت كله هيبان. اختلفوا معاهم بقصد. عصبوهم مرة ولا اتنين. اقعوا ف مشكلة بتعمد وشوفوا رد فعلهم. المزيف مع الوقت كل الجديد فى حياته من ساعة وجودكم مع بعض هيختفى، المشكلة انه لما بيختفى بتكونوا اصلا حبيتوا بعض، وهنا المشكلة، الفرق بين ال like وال love , نأجل بس ال love لبعد ال٦ شهور علشان بيعمى. متسمحوش لحد يسرح بيكوا ويبيعلكوا الوهم، متسمحوش لحد يسمعكوا كلام ووعود ليها مفعول السحر و يغمي عنيكوا عن شوفة حقيقة عجزهم عن تحقيق ابسط الحقوق مش تحقيق احلام وطموحات. فرقوا بين اللي بيتقال وهما نفسهم يعملوه ودي طموحات وأماني و أحلام، و بين اللي يقدروا فعلا يعملوه. - اللي مش نافع نفسه مش هينفعك - اللي مبيصونش اهله مش هيصونك - اللي مبيرحمش الحيوان مش هيرحمك - اللي ملوش صاحب مش هيصاحبك. - اللي ملوش كبير ميتعاشرش - اللي بيكدب ويحور ويلف ويدور مبيجيش وراه خير

جميل راتب: أول ما اتخرجت كنت عايز أروح أبارك لصديق ليا كان لسه متجوز ومكنش معايا يومها فلوس .. حطيتله ٥٠ جنيه في ظرف مع كارت كتبت عليه : الله يعلم والأيام تعلمنا .. أنّا كرامٌ ولكنا مفلسين صديقي بيقولي إن الكارت ده الوحيد اللي لسه محتفظ بيه بعد ما يقرب من ٢٠ سنة جواز أول ما اتجوزت .. كل الأقارب والأصدقاء اللي جم زاروني جابوا معاهم تورتات و شيكولاتات.. وفي الغالب كنا ناكل حاجة بسيطة ونديهم للحارس يوزعهم .. ماعادا صديق واحد .. لقيته جايبلي كيس مليان زيت وسكر وتونة ومكرونة وحاجات كتير من حاجة البيت .. قالي معلش مقدرتي مش كبيرة.. دي حاجات انت هتحتجها دلوقتي أنا مش فاكر كل الناس اللي جاتلي .. لكن مستحيل أنساه هو والد أحد أصدقائي طبيب مشغول جداً بالتزامات لا نهائية بدعيله ديماً في صلاتي ..لو سألتني عن أكتر حاجة مميزة فيه .. ..هقلك عمري ما كلمته او بعتله رسالة أو واتس اب إلا ورد عليا . ولو مردش يرجع يتصل بيا .. مفيش مرة واحدة نسي كنت بسافر بالقطار في موعد متكرر وكان في واحد بشوفه كتير بس معرفوش .. انطباعي عنه انه حد تنك .. في مرة في عز الشتاء واحنا مستنيين القطر الصبح لقيته نادى على عمال النظافة وجابلهم شاي وطبطب على ضهر واحد منهم ودعالهم ربنا يقويهم ومشي .. لحد دلوقتي بحاول أكرر الحاجة دي اللي اتعلمتها منه وبدعيله وانا عمري ما اتكلمت معاه ولا شفته تاني من ١٥ سنة أسهل وأجمل حاجة ممكن تقدمها لنفسك و للي حواليك إنك تكون انسان لطيف .. دي مش محتاجه فلوس ولا تكاليف .. الابتسامة لطف إنك ترد على حد باعتلك رسالة لطف إنك ترد بذوق لطف .. إنك تدي وقت لحد محتاج من غير ما يطلب لطف إنك تدعي لحد بسيط وتحسسه إنك حاسس بيه لطف .. يمكن أنت تحس إن دي حاجات بسيطة .. لكنها حاجة كبيرة جداً .. عند ربنا أولاً .. ثم عند الناس

= حد فيكم شاف ربنا قبل كدة!! " برغم بساطة السؤال إلا إنه خد مني وقت كبير في التفكير" وبعد شوية بصيت للسما وابتسمت - أيوة أنا شوفته قبل كدة كتير. "كل الناس اللي كانوا قاعدين حواليا بصوا عليا بـ استغراب" "غمضت عيني وقُلت: شوفته لما قلبي كان بردان وبيرتعِش من الخوف وبعد دعيته حسيت بـِ دفا وأمان فـ عرفت إنه بيقولي أنا هنا جمبك. شوفته لما كنت خايف علي حبايبي وهما تعبانين، وكان رحيم بيهم ودلوقتي بقوا كويسين. ولما وقعت في مشكلة كبيرة وقُلت إن النهاردة يوم صعب ومستحيل يعدي بس بستر ربنا ولُطفه عدا علي اليوم ده سنين وسنين وكان يوم طبيعي جدًا. شوفته في لمعة عيون أمي بعد ما نجحت وكانت فرحانة بيا. وفي كل يوم بيعدي عليا وأصحي فيه سليم ومعايا تمن الرغيف في جيبي. شوفته وبشوفه وهفضل أشوفه في كل مكان وكل ثانية.. وجوايا يقين تام إن ربنا هو السند الوحيد لينا مهما حبينا أو إتعلقنا في الدنيا. وفجأة. "حطيت إيدي اليمين علي قلبي وقُلت: = "ربنا بيتشاف بِـ القلوب وبس، والقلوب بصيرة أكتر مِن العيون". فـ أيوة كل واحد فينا شاف ربنا قبل كدة وهيفضل يشوفه دايمًا لآخر يوم في عُمره❤️ #أيمن_أمين

اختي لما خطيبها كان يجي يديها فلوس كانت بتتحرج وطبعا بترفض بأسلوب كويس وأقسم بالله ماكانتشي بتاخدها الا بطلوع الروح لما تحس بزعله علشان كده كان بيحاول يجبلها ما لا تتخيلوه لانه شاف فيها القناعه وكانت دايما تقوله وفرهم لحاجه في الفرح أو خليهم معاك علشان عارفه مصاريفك كتير لكن أنا هاخدهم مش بعمل بيهم اي حاجه والله ، وكنت بروح ابوس رأسها لما بعرف منه موقف زي كده كان يجي يقوللها معاكي فلوس تقول ايوه معايا 300 جنيه جوه فايقوللها طب وريهوملي فا تيجي تاخد مني الفلوس وتوريهومله وده كله علشان مش تاخد منه فلوس وهي عارفه أنه محتاجها في حاجه اهم من اللي اي بنت بتجيبها والحمد لله من مواقفها دي كنت اعرف هايديها كام وبعد ما يمشي كنت اديها انا الفلوس اللي رفضتها من خطيبها في بعض المرات تقديرا ليها علي احترامها معاه واحساسها بيه . وفي مره مكانشي معايا فلوس في الوقت ده وقالتله ايوه معايا قالها طب وريهوملي فجت طلبت مني ( قلتلها مش معايا والله ) اتحرجت اوي وطلعت قالتله مش لاقياهم ، طلع راجل عاقل ، ضحك وقالها طبعا اخوكي مش معاه 😂 وضحك 😂 وهي اتكسفت جدا والله ، وهو كان سعيد بيها والله ومن مواقفها معاه وطبعا في بعض المرات كانت بتاخد ولكن باحراج ودائما تقوله ده مش فرض عليك ، دا من كرم اخلاقك بس . فلما تيجي متحسسشي نفسك انك لازم تديني لان اهم حاجه انك تكون موجود . ومتفكرشي كتير هديها كام ومش عارف ايه والكلام اللي ملوش لازمه ده .وسعات يديها 200 أو اكتر ، تروح واخدها ربعها أو نصها وتقوله خلي معاك الباقي اصل مش بصرف والله ، اخر ما زهقت بدأت تاخد منه كل لما يديها وهو عادي عنده جدا مش استغرب من تغيرها لانه انسان عاقل جدا وبعد ما دبقت 3000 جنيه من الفلوس اللي بيدهملها راح علشان يدفع فلوس الفستان بتاع الفرح والمكياج راحت مطلعاله 3000 جنيه هو استغرب جدا ورفض وهي فهمته أنها كانت بتحوشله الفلوس دي ، ومفيش اي فرق ما بينهم .طبعا خدهم بعد كلام كتييييير ورفض منه كتير وهو في امس الحاجه ليهم لكن ضغطت عليه لحد ما وافق وعلي فكره ده زواج صالونات أو بمعني اصح ( ماصونات ) دي مش عرض مشكله لكن حبيت اوصل حاجه ربما كتير من البنات محتاجينها في الوقت ده والشباب بيتمناها في شريكة حياته اللي هي الراجل طول ماهو شايفك قنوعه هيبحث عن لبن العصفور علشان يجبهولك حتي لو مش في مقدروه ولو عينك فارغه ومعاه مال قارون مش هيعبرك لانه عارف انك مش بيكفيكي حاجه ومش بيملي عينك حاجه ويارب تكون المعلومه وصلت وشكرا

" ماهانش عليا " ؟ بحِس اللي دائما بيقول الجُملة دي شايل جواه حُب كبير ! ماهانش عليا أشوفك متضايق وأسيبك مِن غير ما أراضيك، ماهانش عليا أعرف أنك بتحب الحاجة الفُلانية و مجبهاش، مهانش عليا أسيبك تروح المشوار ده لوحدك عشان أكون معاك أشجعك، ماهانش عليا أكُل وانتَِ مُش موجود فـَ قُلت أستناك لما تيجي ناكُل سوى ! شعور حِلو لما يكون في حياتنا أشخاص مانهونش عليهُم، والحقيقة أن الشخص الحنين هوا اللي بيكسب دائمًا ! ♥️⁩

امبارح ماما كانت راجعه من فرح ناس قرايبنا وقعدنا نتكلم انا وهيا المهم بصتلى وانا قاعد وسط اخواتى وغمزتلى وقامت واقفه وراحت على الاوضه اللى جوا وقالتلى تعالى عوزاك فى حاجة وبصراحه فرحت اوى وعملت نفسى انى محروج وكدا وقولتلها حاضر يا ماما جاى وراكى وقومت جرى وانا رايحلها قاعد بتخيل صورة العروسه اللى انا عاوزها وشكلها عامل ازاى وأكيد بنت واحده شافتها فى الفرح وبدأت أفكر هلبس اى لما نروحلهم وهتعامل مع اخواتها الصغيرين ازاى وحطيت فى دماغى قايمة المعازيم المهم فى وسط هذه المخيلات العبقريه دخلت الاوضه لماما قولتلها في اى فتحت الشنطة وأنا قلبى بيدق مش قادر ومستنى تورينى صورتها وابتسمت فى وشها ابتسامة الابن النقى وبعد ما فتحت الشنطة طلعتلى علبه فيها حتتين جاتوه وقالتلى كلها هنا ومتوريهاش لاخواتك عارفة انتى لو مش امى كنت عملت اى 😡

كنت زمان بستغرب الناس الكبيره الي ف وسط القعده كده تقول يارررب وترجع تسكت بس فجاه لقتني بعمل زيهم وممكن ف وسط القعده قلبي غصب عني بيخليني انطق اقول لا اله الا الله او لا حول ولا قوه الا بالله اكتشفت ان كل ما بنكبر بنأمن ان ملناش غير ربنا سامعنا وساعات الضغط الي جواك بيخليك عاوز تكلم ربنا دلوقت فبتنطقها بصوت عالي وانت مش عامل حساب القعده اصلا

راكب ميكروباص من شويا وجنبي اتنين مهندسين رايحين الكلية .. فواحد بيقول للتاني المشكلة الدينية اللي موجودة في مصر حلها إن واحد مهندس يقرأ كل كتب الدين ويحل المشاكل الخلافية لأن عقلية المهندس بتقدر تحلل المشكلة غير عقلية الناس.. فالتاني كان واحد ملتزم كدا وقاله.. ربنا أول علم عمله في الكون هو علم الهندسة.. خلق السماوات والأرض ده هندسة.. فربنا ولله المثل الأعلى أفضل المهندسين زي أحسن الخالقين كدا .. فأنا بصيت لهم وقلتلهم يا شباب.. ما ربنا بردوا أحسن الأطباء وأحسن الصانعين والمقارنات دي ما تنفعش يعني.. كما إن لو بكلامكم ده الهندسة مش أول علم .. المفروض أول العلوم هو الكيمياء لأن الله عز وجل خلق المادة قبل التصميم الهندسي.. فلقيت الواد الأولاني قالي وهو محموق كدا.. التركيب الكيميائي للمواد في الأصل هندسة.. وكمان عندنا في الكلية قسم كيمياء.. يبقي بردوا إحنا أسياد العلوم.. فقلتلهم المفروض بكلامكم ده يبقي أعظم العلوم هو علم الكيمياء.. أو حتي علم الخيمياء( تحويل المواد من مادة إلى أخرى).. لأنها كانت الخطوة الأولى.. فالواد المحموق أوي ده بصلي وقالي والله انت لو كنت دخلت كلية هندسة كنت عرفت إنها غير أي كلية.. ابتسمت ليه ابتسامة خفيفة وقلتله أنا مهندس أصلا.. قالي شفت.. طب والله لو ماكنتش مهندس ماكنت عرفت كل الكلام اللي بتقوله ده.. مافيش حد غير المهندسين بيكلم كدا.. فبهزر معاهم بقولهم في الحرب العالمية التانية كانوا بيعملوا غسيل مخ للجنود الاسري عن طريق انهم يعرضوا الجنود لضغط نفسي رهيب يخليهم يستقبلوا معلومات جديدة على إنها هي المعلومات الصح وينسوا كل حاجة عملوها في حياتهم أو عاشوها لدرجة إنهم بيفقدوا ذكرياتهم طواعية منهم وحتي بعد ما اطلقوا سراحهم ما قدروش يتخطوا المرحلة دي.. واتسمت العملية دي غسيل مخ.. والكلية بتعمل فيكم كدا.. لقيت نفس الواد ما اهتمش بالقصة و قالي انا عارف الكلام اللي بتقوله ده.. بس عارف مين اللي اخترع النظام ده.. ده مهندس ألماني أصلا.. بصيت للواد المحترم الملتزم ده بقوله إيه رأيك في الكلام ده.. قالي بص حضرتك دكتور ابراهيم عندنا في الكلية بيقول، ربنا خلق النور والظلام.. الكفر الايمان.. الشئ ونقيضه.. وخلق كمان مهندسين وغير مهندسين.. ودول غير دول.. وشتان ما بينهم.. ده حتى الناس أصلا بتقول في المواصلات يا باشا للتعظيم.. وبيقولوا يا هندسة ما بيقولوش يا ضكترة.. فده عشان لما بنحب نعظم حد نقوله يا هندزة.. بقولهم انتوا في سنة كام يا شباب قالولي ده أول أسبوع في الكلية إحنا في إعدادي.. فبقولهم خلي بالكم للفكرة تسيطر عليكم وتحسوا إنكم زي الجنس الآري بتاع هتلر ويبقي بعدها ما ينفعش تتقبلوا انكم ناس عادية تاني.. وقلتهم بيت شعر.. ولو نارا نفخت بها أضاءت.. ولكن انت تنفخ في الرمادِ فخدوا بالكم انا أصغر البذور عملت أعظم الشجر.. وان أعظم الحرائق من مستصغر الشرر.. الواد المحموق أوي بصلي وقالي.. أقسم بالله ده كلام مهندسين فعلا.. احنا هنبقى زيك كدا اصبر علينا.. الشيخ جرجس

"اطمئن هناك من يحبك بصمت دون أن تدري، يحبك سرًا ربما يخشى الإعتراف بما يشعر به لكنك دومًا تسكن قلب أحدهم.''

لما تلاقي زوجة بتقول انها مش هتقدر تاخد قرار في حاجة إلا لما ترجع لجوزها أو تلاقي زوج بيعمل نفس الحاجه ويقول هتكلم مع مراتي الاول واخد رأيها .. دا مش معناه ان الست دي مقهورة بقي ولازم تستأذن جوزها وإنه ممشيها عالعجين ،، ولا معناه ان الراجل ضعيف الشخصيه وإنها مشبشباله وماشي بكلام مراته .. لكن دا معناه ان الأتنين فاهمين ومحترمين ان قراراتهم بتأثر علي بعض وعلي بيتهم وأي قرار هياخده اي حد فيهم لازم يكون بالتشاور عشان محدش يتضرر أو يتضايق أو علي الأقل يكون مرتب حاله ومواعيده وهكذا ... هو الموضوع مش حرب .. الموضوع انه بيت ♥️♥️ - Ebtihal N. Younis

● البساطة دايمًا بتكسب.. البساطة في التعبير عن المشاعر، وفي الأسلوب، وفي التفكير ..انما التكلف، والمبالغة، والحرص على الكمال؛ حاجات منفرة وبتجيب أثر عكسي وبتهدر وقت.. البساطة مش معقدة، ومش بينفع تتقلد، وبتخطف العيون، وطريق صاحبها سالك للقلوب.. الفيلسوف "فريدريك نيتشه" قال: (كن بسيطًا، فإن البساطة بذاتها جمالًا) ♥️

بعد ما الحاله طلعت من العمليات بنص ساعه ، لقيت ممرضه القسم جيالي علي العمليات إلحق يا دكتور الحالة بتلهوس ومبهدله الدنيا !! فروحت أوضة المريضة عشان أطمن عليها و أول ما دخلت لقيتها بتقول - يا زييناااب بتظلميني لية ؟ دا أنا بحبك يا زييناااب = أنا : إهدي شوية يا مدام - لية يا زيينااب يا ظالمة ده أنا بحب إبنك وبحافظ علية وفي ركن الأوضة ست عجوزه عمالة تعيط ، فسألتهم مين دي يا جماعه ؟ قالولي دي الحاجه زيينب حماة المريضة جبت جهاز الضغط وقربت من ودن المريضة و أنا بقيسلها الضغط وقلتلها علي فكرة إنتي واخده بنج نصفي يعني مفيش هلوسه أنا هديكي حقنة مية دلوقتي ولو مظبتيش هقول لزينب علي الحقيقه وعبيت أمبول مية وإديته للعيانه في الكانيولا وقولتلهم هتفوق دلوقتي ... * بعد دقيقة * - المريضة : إيه دا أنا فين ؟!! = أنا : حمد لله علي السلامة إنتي خلصتي العملية و وفقتي من البنج - المريضة : بصت لحماتها وقالتلها إزيك يا ماما زينب .. متعيطيش يا حبيبتي أنا كويسه

مش دايما النااس هتبقي كويسه معاك وتعاملك زي ما بتعاملهم ولا هتقدملك الخير زي م انت قدمته ليهم بس مش معنى كدا انك تعمل زيهم وتعاملهم بمعاملتهم والا ف ايه اللي يميزك عنهم؟! خليك دايما بطبيعتك واتعامل مع النااس ب أصلك حتى لو مش هتكسب غير سلامك الداخلي ورضا الذات، متحاولش تنزل بمستواك عشان تعاملهم بالمثل لان دي مغامرة المكسب فيها خسارة بس هتبقى خسارة ف صورة قيم ومبادئ ، متعاملش العباد عامل رب العباد لانه استحالة يضيع تعبك واكيد هيجازيك خير 🤍✨

- بتعمل إيه في وقت فراغك؟ = براقب'♡ - غريبة! أنا في وقت فراغي باكل وبقرأ روايات... = عارف."🤎🦋

انا من الناس اللى مش بتعرف تقعد ساكته بس من جوه من بره هادى ومش بتكلم كتير بس صوت العقل مش بيسكت يمكن علشان اغلب الوقت مع نفسى بس من الحاجات الحلوة اللى فيا انى مشغول بالناس اللى فى طريقى حد مهموم "ربنا يفرحك ويزيل همك ويفرجها عليك " حد مقبلنى مبسوط فى عيونه فرحة كدا ولمعه "ربنا يفرحك دايما ويتمها على خير ويرزقك خيرها " طفل مع مامته "ربنا يبارك فيك ويقر عين امك بيك ويجعلك من أهل القرآن " زوج وزوجته بدعى بالبركة وهكذا حاجات بقيت عادى عندى لدرجة انى بحس ان كل الناس دى سمعنى وانا بدعى بالخير ..... بفرح بتفاصيل اللى محدش بيركز فيها ابتسامة رجل عجوز وضحكة مستخبى وراه حدوته عمرها ٧٠ سنة مثلا ، فرحة أهل بطفل او لعبه قدامهم ، طفل بيحكى عن حاجة ل مامته بشغف الطفولة وان قد اى شايف الحاجة دى واو وهل انا كنت ف سنة كنت قد وتركيز مامته معه وباهتمام اكنه بيشرح فيزياء الكم وهكذا من الحاجات الكتير اوووى اللى صوت عقلى دايما بيحكها جو نفسى ودلوقتي انتم كنتوا معى فى جولة من الجوالات اللى بتفضل شغالة وبصوت محدش بيسمعه طلع بشوية كتابة #دوشة_مش_مسموعة

صباح الخير نَصِيحَةٌ أَظُنُّهَا تَنفعكَ: إِيَّاكَ وَ أَذيَّةُ الآخَرِين، كُن مُحبًّا لِلْخَيرِ، أَحِبَّ لِغَيرِكَ مَا تُحِبُّ لِنَفسِكَ، كُن عَدلًا، لَا تُفسِد بَينَ اثنَينِ، وَ لَا تَنسَ بِأَنَّ الجزَاء مِن جِنسِ العَمَلِ 💙.

أحب أن أسمع أصوات أصدقائي بعد أن ينعم الله عليهم بنعمة الخطبة أو الزواج بمن يلتمسون فيهن الخير لهم في الدنيا والآخرة، أحب أن أراقب ملامحهم، وأن أرى الذي خلف قسمات وجوههم، أن أرى أعينهم تفيض من الفرح، والجبر، والأمل، أن أراهم يقولون اللهم سدد، اللهم اجعلها هي، اللهم إن كانت الخير فبارك لي فيها، يستخيرون ويختارون، أراهم وهم يتوسلون في صمت، يبدلون النظر بين السماء، ووجوه حبيباتهن -باعتبار ما سيكون إن شاء الله-، كأنهم يسرّون إلى السماء بأمرٍ ما؛ أجل هذه هي التي أقصدها. .. أحب لحظات الفرح، الارتباط، الخطبة وعقد القران والزواج والإنجاب، كل حدث مهيبٍ يوطد ركنًا جديدًا في القلب، يدق وتدًا لا ينفلت حبلٌ وُثق به، يثبت عمودًا يحمي الخيمة من الانهيار في شديد العواصف، يبني حصنًا لا ينهدّ بضرب الرماح ولا برمي السهام، أرى أبطال هذه اللحظات أقمارًا في السماء، لا يشغلهم من الدنيا إلا أعلى ما فيها، يطيرون وليس في بالهم إلا كلام العيون، وأمَل السباح المبتدئ في قوة يديه ولطف الله، ومتانة طوق النجاة، وفي صدورهم الكثير من الحديث الذي لا يبوحون به، وإنما تثبته لهم، وبهم، الأيام. .. أحب أن أرى العصافير، حين ينقلون إلى أحد فروع الشجر، قشتهم الأولى.

تذهب لخطبة فتاة على سنة الله و رسوله و معك أهم الشخصيات في العائلة ، أبوك ، أمك ، أخوك ... تدخل إلى بيت غريب فتُستقبل إستقبال الرجال و تدخل من الباب معزز مكرم تدخل و تجلس في صدر البيت و في أحسن مجلس فيُقدّم لك أشهى و أغلى المأكولات و المشروبات و الكل يتحدث معك بوقار و احترام .. ثم تأتي لحظة مقابلة العروس .. الكل يسمح لك برؤية البنت (الرؤية الشرعية) تراها و تكلّمها أمام الكل ، أبوها ، و أمها ، و إخوتها .. هل تعلم لماذا ؟ لأنك الصهر و حامي العرض و الظهر نعم الصهر الذي يرفع الرأس و ليس الفتى الطائش الذي يتسلى في الخفاء الكل يفرحون بك و يشجعونك ، يشجعونك لأنك رجل ، و قصدت الحلال و أرْضَيْتَ الله ثم شهد لك الجميع بذلك أليس الحلال أجمل ❤