Multaqa-😍 الملتقى 💖

إني يَالله بين الحلَال وَالحرام قد أَمِيلُ هُنَا وَهُنَا، فَإن لِي زلَاتي وَلِي حمَاقَاتي، وَلَكني يَا إلَهِي أرجُوكَ بَأن تدُلنِي على الطرِيق الصحِيح.💙"

"فكرة الجواز تتلخص في إن ربنا يرزقك بشخص عينه مليانة، حنين، سَوي، مش غلاط، تتحب من أهله، القليل مِنك يكفي والكتير من غيرِك مايكفيهوش ولا يحبُه"

كله هيتحاسب من اول شئون الطلبه اللي قبلوا الملف بتاعي لحد قره عيني اللي سايب مراته تكمل تعليمها

أشياء تخطف القلب : • التّلميحات " في حال كُنتَ متأكداً أنّك المقصود " . • أن تُنصت لشخص يتحدّث عنك و كأنّك أهمّ إنجازاته . • سرقة القُبلات . • الرّسائل غير المتوقّعة . • اللّقاء الأوّل . • أن تتبع خطوط كفّ من تحبّ بإصبعك . • عِناق الوداع . • عناق اللقاء. • اللّيلة الأولى من الحبّ . • أن يحبك الشخص الذي تحب.♥️

ثم سجد سجدةً طويلة اتسع طُولها للقاء ربّه اللهم حسن الختام 🥺♥️

‏"سلامٌ على الذين إذا ما رأوك مُنطفئًا لم يرحلوا عنك إلا بعد أن يعيدوا لك نورك"❤️.

يسطا يعني انت داخل تسال عليا وتقولي عامل ايه وبعدها متردش طب انت عبيط ولا عايز تعلي ريتش الواتس

تقولُ إحداهنّ: - لقَد قمتُ مُؤخّرًا بِفتحِ حسَاب فَايسبُوك لِوَالدتِي ، مِن أجلِ تَسليةِ نفسِها من حينٍ لآخر فلَاحظتُ أنَّهُ كلَّما نشَر أحد أفرادَ العَائلَة صُورةً لهُ أو لأحدٍ منَ أفرادِ أسرتهِ ، تقُوم والدَتِي بوَضع أَضحَكنِي ! - فَقلتُ لهَا: "يَا ماما لَا يصح هذا؛ سيَغضبونَ مِنك" ! قالت لِي: "لماذَا يَغضبُوا !!! فأنا سَعيدةٌ برُؤيتهم

يقول أحدهم:- " بنت عندها 4 سنين وهي في الأتوبيس فجأة رفعت صوتها و قالت لمامتها و اخواتها الكبار : " يلا يا جماعة أذكار المساء " و بدأت تقولها كلها بصوت عالى عن ظهر قلب ، فى البداية الناس استغربوها و بعدين بدأوا يقولوا معاها 💙. و هى نازلة قالت لهم : " أشوفكم فى الجنة 💙." - فاللهم املأ أرضك بمثل هذه الذرية.💙

ان شاء الله هنرشح كل يوم فديو لازم تسمعه ومش هيكون اكتر من ١٠د بإذن الله 💙 https://youtu.be/sDfwiy8dLYY

بحس بحاجة عبيطة لما اعرف ان في واحد كان متقدملي اتجوز او خطب، امممم يعني انت مكنتش عايز تتجوزني انا كنت عايز تتجوز وخلاص؟ اممممم

مره حد قالي ماتندفعش وتدي كُل الحلو اللي فيك لحد لإن مفيش حد بيُشكر وفي الآخر هتُبقا عملت زي ماعملتش ، بتمُر الأيام والسنين وأنا متجاهل كلامه وبضَحي وبتنازل وبتمسِك وباجي على نفسي مرة واتنين وألف وفي النهاية اكتشفت إن من بين كل العلاقات والتجارب اللي دخلتها طلعت فعلاً عملت زي ماعملتش . وكله بيتنسي 🤝

دايماً بقول ان التقديرات و gpa عمرهم ما قدروا انهم يعبروا عن حقيقتنا، مش شوية ارقام هتقول كل الي عملته من سهر ومذاكرة وامتحانات واسايمنتات و عيادات ورايح جاي وفلوس وعدم نوم وتعب نفسي وأرق ، الارقام دي مش هتطلع في حفلة التخرج تقول ده كان بيذاكر وبيروح العيادات وشغال ٢٤ ساعة لا خالص ، دي ما هي الا نقطة من بحر تعبك ، انت لازم تعرف انك شخص عظيم وقوي انك بتكمل وبتعافر لوحدك وممكن تكون بعيد عن اهلك وممكن تكون الناس اصلاً بصالك انك مرتاح مع انك اكتر شخص حزين وبترجع كل يوم كمية تعب وحزن رهيبة ، فلازم انا او انت او اي حد لازم نكون فخورين على الي وصلناله والي هنوصله مهما كانت نتيجك تعبنا طالما عملت الي عليك وان الواحد مييأسش ، الحياة مش هتقف على شوية ارقام ! احنا اكبر من كدا بكتير اوي اوي

شاب عنده ٢٤ سنة قاعد جنب الشباك في القطر وفجأة زعق بصوت عالي.. "بص يا بابا الشجر بيمشي عكسنا !" الأب ابتسم وفي اتنين قاعدين قريب منهم بصوا على الولد نظرة شفقة على إنه كبير وعمل تصرُّف طفولي زي كده .. وفجأة الولد صوته طلع تاني.. "بص يا بابا السحاب بيجري معانا !" اللي قاعدين جنبهم مقدروش يستحملوا وقالوا لوالد الشاب ده... "ليه مبتاخدش ابنك تكشفوا عند دكتور كويس ؟" والد الشاب في ابتسامة هادئة جميلة يرد عليهم يقولهم: "احنا عملنا كده فعلاً ولسة جايين من المستشفى دلوقتي، أنا ابني أعمى من يوم ما اتولد وكان بيعمل عملية والحمد لله نجحت انهارده أول مرة يشوف بعينيه" كل شخص في الكون ده ليه قصة ، متحكمش على الناس قبل ما تعرف حقيقة قصتهم ، علشان الواقع ممكن يفاجئك !

توثيقاً لليوم ♥️🫂 كان ليا اعاده كشف والدك طلبت مني اطلع أحلل شوية تحليلات كدا . والدريس كان فتحت الايد ضيقه يعني مش هقدر اني ارفع فالي هتسحب الدم قالت خلاص هناخد من كف الايد ؛ "انا اصلا بترعب من الابر " فقلت تمام وعماله اقولها امانه عليكي براحه والحركات الي بنعملها دي 😂 بعد ما عذبتها شويه . كان في طفل مع مامته متابع كل دا ، لقيته جاي عليا ومسك ايدي وطبطب عليها وقالي متخافيش إن شاء الله هتبقي أحسن واخد من الممرضه اللزقه وقالها إنه بيعرف يلزقها ولزقهالي وطبطب تاني علي ايدي وهو بيقولي الف سلامه عليكي ♥️ انا كنت في حالة زهول من لطافته والله العظيم وحقيقي دا ألطف موقف حصلي من فتره طويلة🥺♥️♥️♥️🫂

‏عمرك حبيت شاورما وخانتك؟ أو بيتزا وقالتلك عندها ظروف؟ أو بُرجر واتغير عليك؟ الأكل يا جماعة هو اللي يستحق كل مشاعرنا .