Multaqa-😍 الملتقى 💖

لما أتجوزت قعدت فتره كبيره جوايا رهبه من البيت الجديد ، مكنتش بنام كويس ، كنت بتكسف أنام نومتي الطبيعيه او أني أكل قدامه علي طبيعتي أو أدخل الحمام 🙂 تاني يوم جواز أهله جوم عندنا ، قعدوا وكان المفروض أعمل أكل فدخلت أجهزه ، لقيته دخل ورايا طلع العصير وصب الكوبيات وشال الصنيه وخرج. لما أخته اللي مسافره حبت تدخل تشوف البيت من جوه ، قالها "ثواني" ودخل أتأكد أن البيت من جوه نضيف ، دخل اوضه النوم عدلها ع السريع لأنهم جوم الصبح بدري ، ونضف أي حاجه شافها قدامه ، وبعدين طلع قالها "أتفضلي" ♥👑 كانت حرارتي بترتفع دايما وأغلب الوقت مصدعه صداع "نصفي" ، لما حس إني تعبت وبدأت أمسك راسي وأنا واقفه في المطبخ دخل بعدني عن حراره البوتيجاز ووقف مكاني وقالي "شاوريلي ع الحاجه وأنا هعملها" 💜🌹 متكسفش من مامته اللي دخلت علينا فجأه ولقيتني واقفه بعمل الصلطه وهو اللي بيحمر الرز ، ضحك قدامها وقالها "أبنك بقي ست بيت شاطر" ، قالتله "في بيتنا مكنتش بترضي تنضف مكانك" ضحك في وشها وسألني "أحط شربه تاني ولا كدا كفايه"💖💖💖 حطيت الأكل وكنت لابسه عبايه "أستقبال" أتبهدلت من الواقفه في المطبخ بس أنا مكنتش حاسه بحاجه غير أني دايخه ومضطبره جدا أستأذني جوه ، دخلت لقيته مطلع عبايه وماسكها "العبايه دي أحلي عليكي ، ألبسيها " أستناني لما لبست وطلعنا سوي وقعد جنبي ، بعد ما خلصنا ، قام شال معايا الأكل واتأكد أن الصداع خف شويه 🤕 في مره كنت معاه في بيت عيلته ، ومامته كانت مطلعه مرهم بتدهن بيه رجليها ، مسكت منها المرهم عشان أحطهولها أنا ، قومني وأستربع قدام رجلها ومسك المرهم ودعكلها رجليها ❣️ حسيت أنه مبسوط وهو بيعمل كدا فسألته ليه قومتني من قدامها ، قالي "انتي كنتي هتعملي كدا عشان حسيتي إنه من الواجب تعمليه ، أنا مش عايزك تعملي حاجه غير وانتي حابه تعمليها فعلا"✨ أتخانقنا مع بعض في مره وكنت مجهزه شنطتي عشان أروح عند بيت أهلي ، كنت قاعده في أوضتي بعيط وقافله الباب علي نفسي 😭 باب الشقه خبط وكان أخوه ومراته جايين عندنا ، فتحلهم وقعد معاهم وبعدين دخل خبط عليا وقالي أطلعي سلمي عليهم وماتحسسهمش أن احنا متخانقين أو زعلانين من بعض 😇 مسحت دموعي وظبطت نفسي وطلعت مبتسمه في وشهم وقعدت معاهم ، قعد جنبي وهزر معايا وكان بيوجهلي كلام كتير عشان ارد عليه ، ويحط إيده ع كتفي ويبتسملي😊 سابني قاعده معاهم ودخل فضي شنطه اللبس ، وأكتشفت بعدها أن هو اللي رن ع اخوه ومراته وعزمهم عندنا عشان يعرف يصالحني بالحجه دي لأني كنت مصممه أمشي 😔 وحقيقي مافيش أنجاز أكبر من انك تختاري شخص صح ، ماتهونيش عليه ويعرف يعظمك قدام الناس ويحطلك أعذار 💖 "كانت تليق بي ، وأنا خلقت خصيصآ لأليق بها" ♥

اختاري رشيد الفكر، قوي المسؤلية،هين، لين الطبع، جميل الصُّحبة، سهل المُعاشرة. اختاري وسيع الصدر،حليم، متين، لا ينظُر لغيرك، لا يمَل منكِ، لا يخون، لا يكذِب، لا يحتملُ بُعدك، لا يُمازح غير محارمه، يحترمُ غيابك قبل حضُورك. اختاري من يحمِل لكِ الحب في قوله وقلبه وأفعاله، من يُهذبه علمه ودينه وليس كـ الحمار يحملُ أسفارًا، مَن يشدُد عليكِ حين تميلِين، مَن لا يهزّ ثقتك في نفسك، من يُؤمِّن خوفك، من لا يلمِس جُرحك، مَن لا يستغلَّ نقطَة ضعفك! اختاري رجُلًا يكُن لكِ ولـ ذُريَّتك قائدًا ومُعلِّما، مَن يحفظ قلبه ودينه من فِتن الدنيا، مَن يجعلكِ عزيزة في قلبه وبيته وبين أهلك وأهله، مَن تثقينَ به وأنتِ على يقين أنه لن يرمِي بكِ إلى الهاويَة، مَن يحفظ حُبك وودّك وأسرار بيتك، اختاري مَن إذا أتتهُ إحداهُنَّ يقول-معَاذ الله- ويغضّ بصره وقلبه عن غيرك ولا يمِيل لـ شهوته أو يرى بكِ نقصًا، مَن يحفظ جميل ما قدمتِّيه ويعفُو عن أخطائك. اختارِي رجُلًا!

‏ولا ساحِراً إلا أخزيته ولا مسحوراً إلا عافيتهُ ولا ساعيًا للسحر إلا أهلكته وأمرضته

أسأل الله أن أكون يومًا -أُمًا لشيخٍ- يحبه الله ورسوله تقيًا زكيًا نقيًا، باراً صالحًا، صوّامًا، قوّامًا، زاهداً، عابداً، ربانيًا حسن الصوت بتلاوة القرآن. أسأل الله أن يخرج من أرحامنا ذُرية صالحة تتباهىٰ الملائكة بعلمهم وعملهم وصنيعهم.

زوجكن الله رجالآ يخافون أن يسألهم الله عن أذي تركوه في قلوبكن

اللهم كما رزقكم روية الهلال 🌙 يرزقكم بروية ابن الحلال 🚶‍♂️💛

دخلت محل اشترى كوتشى وانا من طبعى متردده جدا ف موضوع اللبس ، الراجل من كتر مزهق منى وانى واقفه ساعه قدام المرايه ببص للكوتشى، قالى طب متصلى استخاره ياانسه ع الكوتشى

البنت اللي بتنزل بوستات او تتكلم علي شاب اتقدم لخطبتها وتتكلم عليه من غير احترام محتاجه تتربي من جديد حرفيا 👌

من أول رمضان وكل يوم في الفطار العائلي امي تتخانق مع مرات أخويا على التليفزيون وإحنا بنفطر ، مرات أخويا عايزه رامز ، وأمي عايزه مسلسل الكبير وكل يوم نفس المشكلة .. فأنا حبيت أدلو بدلوي في الموضوع وقلت لمرات أخويا إن رامز ده يعني تشوفي منه حلقة وباقي الحلقات هي هي.. فقالتلي بقولك إيه يا أحمد انت خليك في كتبك ومسلسلاتك الوثائقية.. فقلتلها ان فريدريك نيتشه قال كلما ارتفعنا إلى الأعلى بدونا أصغر حجما لاولئك الذين لا يستطيعون الطيران.. في إشارة مني أن تهكمها عليا ده يقلل من شأنها مش شأني وإن القافلة تسير والكلاب تعوي.. قامت مهمشاني وعملت بايديها كدا ، وقعدت تتكلم مع أمي وتقولها هو عشان بنتجمع عندكم يعني يبقى نتفرج على المسلسل وكمان المسلسل وحش ودمه تقيل السنادي.. فأنا قلتلهم يا جماعة بلاش تشدوا سوا دي اختلاف أراء ولولا اختلاف الآراء لبارت السلع.. ونيتشه بردوا قال.. الذين شوهدوا وهم يرقصون كانوا معتوهين في نظر الذين لم يستطيعوا سماع الموسيقى.. أمي قالتلي بقولك ايه ما تطفح يابني وانت ساكت هلاقيها منك ولا من اخواتك ولا من مرات اخوك.. قلتلهم يا جماعة تكمن المشكلة إن ماحدش بيشوف عيب نفسه.. وحكيت لهم قصة جحا لما راح للدكتور النفسي وقاله مراتي يا دكتور عامله نفسها فرخة ومقتنعة بده بقالها سنتين ومش عارف اعمل معاها ايه.. الدكتور قاله طيب وليه استنيت سنتين ما جتش من بدري ليه.. قاله عشان هي اللي بتبيض ليا.. في إشارة مني يعني إني اقول ان الانسان قد يرى تصرفات الآخرين مريبة لكنه هو اللي عنده مشكلة.. فلقيت عماد أخويا قال لأمي انت عارفه الواد أحمد ابنك ده شبه مين بالضبط.. قالتله مين.. قالها نفادي اللي في مسلسل الكبير.. الاتنين بيحبوا يقولوا قصص مش مفهومه.. ولقيت عماد قام جاب تاب ووصله بسماعه بلوتوث وجايب لمراته يتفرجوا على رامز في شاهد.. وبيقول لمراته اتفرجي هنا احسن من الإعلانات وقال لأمي يا ستي اتفرجي انتي على التليفزيون.. أمي بعد ما طلعوا شقتهم بتقولي لو تبقى زي اخوك وتسمع كلام امك وتراضيني.. شفت ما ارضاش يسمع كلام مراته ازاي وسابلي التليفزيون.. لو تسمع كلامي وتتجوز بقى وتفكك من دماغك دي.. قلتلها يا ماما ماهو فتح لمراته التاب من غير اعلانات انتي غلبانه دي ممشياه بمزاجها ، وحكيت لها قصة عمران بن حطان انه تزوج امرأة من الخوارج وقيل إنه سيردها إلى أهل السنه فصار هو من زعماء الخوارج.. أمي بصتلي وقالتلي صدق عماد أخوك.. والنبي انت نفادي..

مراتي حامل وأعصابها تعبانة، وأنا جاي من الشغل جسمي متكسر ومش قادر، فدخلت سلمت عليها كعادتي وقعدت جمبها نتفرج على التلفزيون وشوية وقولتلها حبيبة أنا جعان أوي.. إنتي عاملة إيه للأكل النهاردة ومقولتش غير كده وإتقدمت ولا إتأخرت!، لقيتها إتعصبت عليا وقالتلي أكل إيه اللي هعملُه وأنا تعبانة كده وقعدت تزعق أكتر من يجي خمس دقايق وقامت معيطة!، قومت مبتسم ومطبطب عليها وبايسها من راسها ومتأسفلها، وقايلها تحبي تاكلي إيه؟ قالتلي مليش نِفس وبصَّت على التلفزيون وفضلت مُندمجة معاه، ففضلت قاعد جمبها بدون ما أفاتحها في شيء وشوية لقيتها بتقولي بزهق قوم هات ريتال بنت نرمين صاحبتي أتوحم عليها، فبصتلها وإبتسمت وسكت لمدة دقيقة وبعدين قولتلها هو إنتي مبتبصيش في المراية؟! فقالتلي مش فاهمة!، قولتلها أعتقد إن مفيش أحلى منك تتوحمي عليه بالنسبالي، وبجد بجد لو ربنا هيرزقنا ببنوتة فأنا بتمنى إنها تشبهك وتبقى بنفس تفاصيل جمالك عشان أحبك مرتين، ويادوب قولتلها كده وببص لقيت البوز المدود شبرين إتحوِّل لإبتسامة من الودن للودن ولقيتها حضناني وقيلالي ربنا يخليك ليا وما يحرمني منك يارب وسابتني وقامت.. وحاليًا واقفة في المطبخ بتحضر الغدا! - أحمد هيبه

مقياسي للنضج هو درجة تقبلك لتريقة العيلة في التجمعات العائلية عليك يعني اول ما تلاقي نفسك مروحتش تعيط فالحمام لما خالك يتريق على نفس الحاجة اللي انت انسكيور منها من انت عندك سبع سنين كدة انت خلاص مؤهل تتجوز أو تبقا قائد جيش

عشت طوال حياتي أظن أن الصلاة، الذكر وكثرة الإستغفار، التسبيح، الطريق إلى الله عمومًا سيجلب لي المعجزات مثلما أسمع من الشيوخ، وصرت أستغفر في كل ضائقة، وأهرع إليه في كل محنة، أدعوه.. وأتوسل إليه بكل الطرق، لكن شيئًا بداخلي كان ساخطًا فـ هأنا أدعو، ولا تحدث المُعجزات! قد كنت أمُر بآيةٍ ﴿وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ ﴾ وهكذا بقيت أُردّدهم، ومع المداومة على الذكر والتسبيح تلمست بنفسي المُعجزة الأكبر.. وهي الرضا!! كل مرةٍ تخِفّ وطأة الأحداث داخلي كأن شيئًا لا يحدث! أجدني هادئة.. صبورة.. مُتيقنة أن ثمة نهاية سعيدة لكُل هذا تنتظرني، وأرى الشدائد تمُر عليّ بلُطف وإيمانٍ عجيب! ﴿لَعَلَّكَ تَرْضَىٰ﴾ نعم يا الله رضيت، وأشهدك أنك نعم الرّب، وأؤمن بنجاتك ولو كانت الرضا فقط في كُل شدّة، فلقد نجوت، ف الحمدلله يارب على ما منعت وعلى ما أعطيت.

هيبدأ بقي موسم البوستات الملزقه بتاعت العيد ، بوستات من نوعيه نفسي اكوي جلابيه مش عارفه مين.. وقال ايه الحلويات باين عند حماتي ، و لازمتها ايه حياتي وخالتك مش حماتي.. يا جماعه بطلوا الهبل والكلام اللي ميأكلش عيش دا اصل بصراحه كدا هيفيد بإيه العيد واللي ف بالي بعيد.!!

اللهم لا ينقضي رمضان إلا وقد هديت الشباب من الإباحية، وعافيتهم من العادة السرية.

قَالَ تَعَالَىٰ : ﴿ كُلُوا وَاشْرَبُوا هَنِيْئًا بِمَا أَسْلَفْتُمْ فِيْ الأيَّامِ الخَالِيَةِ ﴾ قَالَ مُجَاهِدٌ وغَيرُه : " أَيَّامُ الصَّوْمِ ؛ أَيْ : بَدَلَ مَا أَمْسَكْتُمْ عَنِ الأَكْلِ وَالشُّرْبِ لِوَجْهِ اللّٰهِ تَعَالَىٰ " .

- ‏" إن استثقلت الطاعة في رمضان💛 ‏فأكثر قول "لا حول ولا قوة إلا بالله" ‏فلا حركة ولا استطاعة ولا حيلة ولا قوة لأحد على إقامة طاعة الله والثبات عليها إلا بتوفيق الله ومشيئته سبحانه وتعالى "

الانتصار الحقيقي إن لما سيرتك تتذكر وسط قاعدة تلاقي الناس بتقول إنّك شخص مُحترم وكويس وعُمرك ما اتأخرت على حد، وكُل واحد منهم يحكي على موقف شخصي عاشه معاك بيبين أد إيه إنتَ إنسان لطيف وشخص يُعتمد عليه. من قلبي بتمنى إنّي أبقى من الناس دي ودايمًا سيرتي تيجي بالخير.

بنت متزوجة من فترة ﻗﻠﻴﻠﺔ ﻭﻛﺎﻧﺖ دايمًا ﺗﺤﺚّ ﺯﻭﺟﻬﺎ ﻋﻠﻰ ﺻﻼﺓ ﺍﻟـﻔﺠﺮ ﻭﻓـﻲ ﻳﻮﻡٍ ﻣـن ﺍﻷﻳّﺎﻡ ﺃيقظته للصلاة ﻓـ اتأخر لحد مـا ﻓﺎﺗﺘﻪُ ﺍﻟﺠﻤﺎﻋﺔ ﺍﻷﻭﻟﻰ ﻭﺻﻠّﻰ ﻣﻊ ﺍﻟﺠﻤﺎﻋﺔ ﺍﻟﺜﺎﻧﻴﺔ ، ولما ﺍﻧﺘﻬﻰ ﻣﻦ ﺻﻼﺗﻪ جاله ﺍﻹﻣﺎﻡ ﻭﻗﺎﻝ ﻟﻪ : ﺃﻧﺖ ﺯﻭﺝ ﻓﻼﻧﺔ ! فالراﺟﻞ اتصدم ﻭﻗﺎﻝ ﻟﻪ " وعرفت اسم مراتي منين !! " 💛 فالإمام قاله " شوفت ﻓﻲ ﻣﻨﺎﻣﻲ إمبارح كل ﺃﻫﻞ ﺻﻼﺓ ﺍﻟﻔﺠﺮ ﻓﻲ ﺍﻟﺠﻤﺎﻋﺔ ﺍﻷﻭﻟﻰ ﻓﻲ ﺍﻟﺠﻨّﺔ ومعانا اﻣﺮﺃﺓ ﻭﺍﺣﺪﺓ " 💛 ﻓﺴﺄﻟﺖُ ﻋﻨﻬﺎ فقالولي : ﻓﻼﻧﺔ مرات ﻓﻼﻥ ، ﻓﺮﺟﻊ ﺍﻟﺮاﺟﻞ لبيته عشان يبشَّر ﺯﻭﺟﺘﻪ بكلام الإمام ولما ﺩﺧﻞ ﺍﻟﺒﻴﺖ لقاها ﺳﺎﺟﺪﺓ ﻭﻗﺪ ﻓﺎﺿﺖ ﺭﻭﺣﻬﺎ ﺇﻟﻰ بارئها 💛 ابن القيم قال حاجة جميلة جدًا وهي 💛 " ‏إذا كنت تنام متى ماشئت ، وتقوم متى ما شئت دون أي مراعاة للصلاة في وقتها فستبقى والله في دائرة الأحزان ، مادامت الصلاة ليست في دائرة اهتمامك والله إنها الراحة والخير في الدنيا والآخرة " 💛 لن تجد أحنّ من اللَّه عليك ، فوالله لو يعلم الساجد ما يغشاه من الرحمة بسجوده لما رفع رأسه 💛 أهل الفجر فئة موفقة ، وجوههم مسفرة ، وجباههم مشرقة ، وأوقاتهم مباركة ، فإن كنت منهم فاحمد الله على فضله ، وإن لم تكن منهم فادعو الله أن يجعلك منهم 💛 " الفجر بتفاصيله مبهر " 💛 فريضته : تجعلك في ذمة الله 💛 وسنته : خير من الدنيا وما فيها 💛 وقرآنه : مشهود ( إِنَّ قُرْآنَ الْفَجْرِ كَانَ مَشْهُودًا ) 💛 وتذكر أنَّ من عاش على شىء مات عليه ومن مات على شىء بـُعِثَ عليه 💛