Multaqa-😍 الملتقى 💖

لـما تـلاقۍ الـناس بتـحبڪ وبتـستࢪيحلڪ حـتۍ لو لسه عـاࢪفينڪ متـستـغࢪبش ، ولما تـشوف حـد وتحـبهُ مـن غـيࢪ سـبب بـࢪدو متسـتغربش ، ࢪبـنا فِـ سوࢪة مـريم قـال " إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا " يـعنۍ هـيزࢪع حبُـهم فِـ قلوب الـناس من حـبهُ لـيهم ، ٱو زۍ مـ بيقولوا من حـبهُ ࢪبهُ حـبب فـيه خلقهُ 🤎📜🌿

ف كام صاحب ليا ببقا عايز اشكرهم ع تعاملهم المريح معايا اللي بيلتمسلي عذر لما يبعت مسدج او يرن ومردش أو إللي نقعد فترة طويلة منتكلمش ولما اكلمه ميغيرش معاملته معايا وغيرهم من المواقف إللي مش بتحتاج لمجهود كبير علشان ابرر حاجة أنا فعلاً مش قاصد اعملها

الجمال الخارجي مَفيش أسهل منّه، لو جسمك مليان تعرف تخس، ولو رُفيّع ينفع تتخن، لو أسمر ينفع تفتَّح بشرتك، ولو شعرك قُصيّر يطول بإكستنشن، والعين تتلون بلينسز، يعني شوية فلوس مع جُهد هتوصل لنتائج مُرضية، لكن الجمال الداخلي دا مش عند أي حد ومش سهل الوصول إليه .. الطيبة، الأدب، حُب الخير للغير، الحنيّة، العين المليانة، الجدعنة .. الصِفات دي هي الجمال الحقيقي وهي دي اللي بتلفت الانتباه وبتحلّيك في عين أي حد يشوفك، أما الشكل والجسم والحاجات دي تدخُل بيها مُسابقات جمال لكن ما تدخُلش بيها قلبي.

وقت الفجر ، هو الوقت الوحيد الذي أشعر فيه أن قلبي يتنفّس! فقط لأني شهدته.. ومن صلّى الفجر كان في ذمّة اللّٰه ومن كان في ذمّة اللّٰه ، أيّ يأسٍ قد يُصيب قلبه ، وأيّ ضُرٍّ قد ينالُ منه ؟! هنيئًا لمن صلى الفجر ، فهوَ في ذمة اللّٰه ، وخاب من ترك الفجر فقد ذُبِـحَ يومه بلا سِكّين.

تقول إحداهُن: "كنتُ ألِحُّ على اللهِ بدَعوة فترة من الزمن، ثم نَسيتُها، ونَسيتُ الدعاءَ بها.. وما لبثتُ إلا أشهرٍ يَسيرة، حتى استجابَها اللهُ لي، فنظرتُ في حالي، وتذكرتُ سالِف عهدي في الدعاء بها.. نَسيتُها، لكنَّ ربي لم ينساها،" وما كانَ ربُكَ نَسِيّا" ألِحوا، العبدُ يدُعو.. والكريمُ كريمُ."💛

إنما نحن أبناء العقيدة نُحب فلسطين نيابة عن كل من بأعوها" 🇵🇸

السلام عليكم ورحمة الله وبركاته. "وَقُرْآنَ الْفَجْرِ إِنَّ قُرْآنَ الْفَجْرِ كَانَ مَشْهُودًا" صلاة الفجر هيَ نور يومك.. في صلاةِ الفجر: •تحِلُّ عقدة الشيطان عنك: "فإنْ صلَّى انحلت عُقَدُهُ كلها، فأصبح نشيطًا طيِّبَ النَّفس" •وتؤدي فرض اليوم، فتسلم من النَّار: "لن يَلِجَ النَّارَ أحدٌ صلَّى قبل طُلوع الشَّمس وقبل غُروبها" •وتضمن أجرَ قيامِ الليلة الماضية: "ومَن صلَّى الصُّبحَ فى جماعةٍ فكأنَّما صلَّى الليلَ كُلَّه" •وتتمايز عَن المُنافِقين: "لا يَشهَدُهُمَا مُنافِق" [يعني صلاة الفجر والعشاء] •وتدخل فى ذِمَّةِ اللَّه طوالَ يومِك: "مَن صلَّى الصُّبح فهو فى ذِمَّةِ اللَّه" •وتُشعِل لكَ نورًا فى ظُلمَاتِ يوم القيامة: "بَشِّر المَشَّائِين فى الظُّلَم إلى المساجد بالنور التام يوم القيامة" فهنيئًا لأهل الفجر.💛

بجد أكتر حاجه بتشدني لأى حد وبتخلينى أعجب بيه من غير تفكير هى خفه الدم والبساطه، انا بحب الناس اللي دمهم خفيف وبيهزرو كتير جدا، الى الإبتسامه مبتفارقش وشهم ومبيعرفوش يكملو جمله على بعضها الا اما تلاقيهم بيعملو أى حاجه تجبرك انك تضحك، الى بتحس إنك مش غريب وانت وسطهم وعلى طبيعتك .

مبحبش اعلانات يوتيوب اللي بتبقى عشر ثواني بس وبتقفل لوحدها دي، بحب الكبيرة أم skip ad عشان احس اني صاحب قرار وقومت بعملية الكنسلة بإرادتي الحرة ورفضت الضغوط الاستهلاكية اللي الرأسمالية بتمارسها عليا

روحت اجيب بنتي من الحضانة وقلت للميس عايزة ادخل اشوف سلوكها من غير ماتشوفني ، دخلت لاقيت عيل شايلها وبيلف بيها وهي بتغني سطلانه لانة

أنا اللي هستناكي تنامي وهوطي التكيف عشان ماتبرديش ، وانا اللي هاخد الكوتشي الابيض بتاعك اغسله مع بتاعي بالمره ، وانا اللي مش هنتقد كونك نسيتي تحُطي الملح ف الرز وهقولك تصدقي طعمه احلى كده ….. وانا اللي هطلع افُكلك الستاير كل عيد ، وانا اللي هشتري قميص نفس لون فستانك عشان نعمل ماتشنج واحنا رايحين فرح "حبيبه" صاحبتك ، وانا اللي هاخد راسك على رجلي كل ليل واسمع حكاياتك ومغامراتك ايام شلة ثانوي .. وانا اللي هسيبلك مصروفك كل يوم تحت المفرش ، وانا اللي هستشورلك شعرك على نور الاباجورة الاصفر السهاري فـ ليالي الشتا الجميله ، وانا اللي هسحب كرسي واقعد استناكي تقيسي كل البلوزات اللي ف المحل ونختار سوا اكتر بلوزة حلتيها….. انا مش ساحر انا مسحور بيكي ومش هعرف اطلع غير قد عشمك فيا وقد احلامك وقد ما بتتمني ، فـ لو خايفه فـ معنديش ضمانات بس عندي دراعات ممكن تدخلي بينهم لما تخافي هيطمنوكي ، فـ ايه رايك؟

أحيانًا بيدفعني الفراغ اسكرول في البروفايل بتاعي، وبنبهر في كُل مرة بعبقرية الآراء وخفة الدم وبتبسط إن فيه ناس بهذا القدر من العظمة عايشة معانا ع الكوكب..😂💚

فيه كام بنت في حياتي أنا بجد مش فاكرة عرفتهم فين وامتى وازاي و سواء بشوفهم في الحقيقة أو على النتة علاقتنا قايمة بشكل أساسي على المدح المبالغ فيه لبعض فقط مفيش أي موضوع جد بنتكلم فيه تقريبًا كله كلام حلو وخلاص وحتى لو اتكلمنا في حاجة تانية أو واحدة سألت التانية على حاجة برضه الموضوع بنختتمه بوصلة من الغزل و المعاكسة وعبارات الثناء إللي بالمناسبة بتكون صادقة و طالعة من القلب مش نفاق ولا مجاملة ف بجد العلاقات المايصة دي هي التي ساعدتني على مواجهة صعوبات الحياة - مريم ابو المجد

‌ ‌⤶بَـحمد ࢪبنـا دايـماً ٱن بـِ ࢪغـم البـشـاعه اللـِ بنـشوفهـا مـن الـناس وبـࢪغم ٱستـغلالهُـم لجـدعنتنـا وطيبـتنا لسـه بنتـعامل بـِ ٱصلـنا ، وبنـقف جـنب الـمحتاج ، وبنـفࢪح لـ فـࢪحـة الـناس ، وبنـحزن لـحُـزنهـم ، الحـمدللّٰه ٱننـا لسـه علۍ تـࢪبيـتنا ومـاشيين بـِ مـبادئنـا وسـط بشـࢪ قـادࢪين يخـلّوڪ تشُڪ فـِ ڪُل حـاجه حـلوه فيـڪ بسـبب اللّـِ بتـشـوفه مِـنهُـم 💕🥯"

تلاقى الواحدة مننا ذوقها حلو في اي حاجة لبس ، الوان ، الميك اب ، music , برفيوم ، اكل ، هدايا الا حاجة وااااحدة بس كلنا طبعا عارفينها

مُستظلُّونَ نحنُ بألطافِ اللهِ التِي تُدرِكُنا ولا نُدرِكُها💙

الحمد لله على كل طريق غلط مشينا فيه عشان نعرف الطريق الصح والحمد لله علي الناس الغلط اللي قابلناهم في حياتنا عشان نعرف قيمة الناس الصح.. الحمد لله إننا لحد دلوقتي لسه بنغلط ونرجع نفوق تاني.. الحمد لله على كل مرة بناخد فيها على دماغنا لما بنبعد عن ربنا ونرجع نقرب تاني.. الحمد لله على الضلمة اللي بتخلينا نحس بقيمة النور.. والحمد لله علي نعمة الفطرة السليمة اللي بتخلينا نصحح كل الغلط اللي بنعمله بدون ما نكابر.. يا رب لك الحمد كما يليق بجلال وجهك وعظيم سلطانك 💛

معلش أصل أنا ست مجنونة في دماغي شوية لا شوية أيه؟ نقول شويتين تلاتة، خمسة ستة مليون كده. كنت مقررة أنها اللحظة الأخيرة خلاص وأنه لو آخر راجل في الكون أنا مش راجعة. خدت بعضي وقررت أروح للمحامي الخاص بتاعنا "حماتي". وصلت عندها، وكان معايا أبني. واللي دار بينا كالتالي: -أزيك يا طنط. --مالك بوزك قدامك شبرين في أيه؟ "خدت مني أبني" -أنا عاوزة أتطلق. --من أبني؟ -أومال من جوزي التاني مثلًا. ضحكت على عصبيتي. سألتني بهزار: --أجيبلك لمون.! --لا مأذون علشان أتطلق. --تمام هعملك مانجا، أهدي. دخلت المطبخ وسابتني أهري وأرغي وأكلم نفسي. خرجت ومعاها مانجا فريش. --أتفضلي المانجا. -شكرًا اسمعيني بس أنا لازم أتطلق. --هو إنتِ مستعجلة ليه هو الطلاق تذكرة لتركيا مثلًا.! أهدي حصل أيه؟ -رافض الشغل ياستي وأنا عاوزة أكون مستقلة. --نحاول نقنعه بالشغل ياستي براحة. -بقولك رافض، رافض، وحياتنا بقيت كلها مشاكل. --دلعيه وروقي عليه هيوافق، وهتتحل المشاكل. -هو أشتكالك؟ --مش بالظبط، بس جوزك من ساعة ما خلفتي وهو مش مظبوط، تحسي أنه ناقصه حاجة، أنا مرة أتكلمت معاه عرفت إنه محتاج حبة أهتمام شوية، إنتِ البيبي واخد وقتك كله. -وأيه كمان قالك أيه تاني؟ --جوزك كتوم ومش بيتكلم بس ده أبني وأنا فاهماه، أنا مش مطلعاكي وحشة لا، أنا عاوزة أفهمك تعملي في حياتك أيه، أنا اكبر منك، وأعرف عنك كتير. سكتت شوية وقولتلها: -أممممممممممم، طيب أنصحيني! بس بردو قوليلي أخليه يوافق على الشغل أزاي؟ --أشربي المانجا كلها وهقولك. شربت المانجا وكملت كلام قالتلي: --بصي أنا ربنا ما أرادش ليا بخلفة البنات بس لو معايا بنت واللهِ كنت هقولها اللي بقولهولك بالحرف الدنيا يا بنتي مش بتدي كل حاجة بس أدتك حاجة كل الستات تتمناها جوزك مش وحش وبيحبك إنتِ بس اللي من ساعة ما خلفتي والبيبي واخد وقتك فـ حاسة بمسافة بينكم إنما هو لسه بيحبك والمشاعر موجودة، فقربي منه هتلاقي المشاعر رجعت أحسن من الأول خصوصًا أنه دلوقتي بينكم حتة منكم.. وكمان يا هبلة الشغل مش كل حاجة في حاجات أهم، بس لو عاوزة تشتغلي فكري أنك تشتغلي أونلاين مثلًا! ما تبقيش مش عارفة تحتوي جوزك وتطلعي تدوري برة على شغل علشان تحلي مشاكلك والمشاكل المفروض تتحل من جوة البيت، عارفة مشكلتك أيه؟ -أيه! --طيبة! ولسه مابقتيش واعية ولا فاهمة المفروض تعملي أيه! الحياة محتاجة منك أنك توقفي صلب في كل الأتجاهات علشان تعرفي تحاربي، وأنتِ مش في حرب أنتِ في حب ودفا بس بتسوءي الأستخدام، محتاجة تفكري قبل ما تتكلمي، تسمعي الأكبر منك والأكثر تجربة عنك، تشوفي فيديوهات تفيدك في حياتك الفترة دي، تحولي بيتك لـ جنة، وهو كمان محتاج يفهم ويرسى ويعقل، أنا هرن عليه وأفهمه ونتكلم سوا، بس دي أخر مرة أتدخل بينكم، أنا لو ست وحشة كنت بهدلتك بس أنا هبقى ضهرك وهوعيكي.. وآخر وأهم نصيحة خلي سرك بينك وبين جوزك مكتوم ومافيش جوازة خالية من النكش والخلافات ومش كل شوية عاوزة أتطلق! الطلاق وحش وأنتِ مش قده، الطلاق مُر وربنا ما يوريكي ناره، أنا عاوزاكي رزينة وان كان عليه أنا هظبطهولك ما تقلقيش ويالا روحي بيتك أنا عاوزة أتفرج على المسلسل الهندي بتاعي. -ممكن أبوسك! --لا روحي بوسي جوزك يا ختي، أنا عاوزة أتفرج على المسلسل. -عارفة لو كل الحموات زيك كده ماكنش في بيت واحد اتخرب. --صوابعك مش زي بعض، وهاتي الولد الصغنن ده خليه بايت معايا النهارده وروحي ياختي روقي على جوزك وعلى نفسك، هعمل فيكي جميل وأبيتلك الولد عندي. وصلت البيت. وشه أتغير بقا بيضحك! ده أنا من زمان ما شوفتش الضحكة دي. ميل عليا وطبع بوسة على خدي مع كلمة أنا آسف. ضحكت، حضني أكتر ولبست ونزلنا أتفسحنا وكان يوم من أجمل ليالي العمر، اتأكدت أنها كلمته وأتفاهمت معاه، والحقيقة أنه مافيش أعظم من الدنيا تهاديكي راجل أمه بتحبك.. لإن في فعلًا في الجواز الأهم من الراجل أمه. وفاء الشقيري.

عايز ارجع لفترة أنى اصحى من النوم الساعه ٧ الصبح والدنيا بتمطر والاقى امى بتقولى مش هوديك المدرسة النهارده وتشغلي الكارتون وتعملى شاى بلبن ومعاه بسكويت والجو يكون فيه ريحة الشتا

أُحِبُّ مُحادثةَ حافظي القُرآن! أُحِبُّ لُغتي وهيَ تنسابُ من أوتارهمُ الصّوتية، فتراهُم يُقلقلونَ القاف فتخرجُ عربيِّةً أصيلة ليست مشوبةً بكافٍ أعجمية! تراهُم يُرقِقونَ الرّاءاتِ ويُفخِمونها، يُعطونَ الضَّادَ اِستطالةً تُعطيها ثِقلها فلا نسمعُها دالًا هزيلة! تلكَ اللاماتُ التي لا يُسقِطونها في درجِ الحديث! الجيمُ الشديدةُ حينما يُغلِقونَ المخرجَ فلا يتخللُها هواءٌ فنظُنُّها شينًا! أُحِبُّهُم.. و أُحِبُّ مُحادثتهم ومُجالستهُم ويبقىٰ حافظُ القُرآنِ أجملُ النَّاسِ نُطقًا للعربيّة.