Finote Hiwot የቀጨኔ ደብረ ሰላም መድኀኔ ዓለምና ደብረ ትጉሃን ቅዱስ ገብርኤል ቤተ ክርስቲያን ፍኖተ ሕይወት ሰንበት ትምህርት ቤት

https://youtu.be/MffdMJUplYg?si=MsnFUHzpnHOIj5Ac በዩቱዩብ ቻናላችን ይመልከቱት

የአርሲ ሰማእታት እና የጋምቤላ ሀገረ ስብከት ሊቀ ጳጳስን አስመልክቶ ወቅታዊ መልእክት። የሰንበት ት/ቤቶች አንድነት ፤በአርሲ በሚገኙ ኦርቶዶክሳውያን ላይ ሊገታ ያልቻለ እና ከልካይ የሌለው ተከታታይ ግድያ ምክንያት እጅግ አዝነናል ። በዚህም ለኦርቶዶክሳውያን ይልቁንም ለሰማእታት ቤተሰቦች መጽናናትን እንመኛለን። የአርሲ ኦርቶዶክሳውያን ሞት ፣ መፈናቀልና ስደት ከመቼውም ጊዜ በላይ ከፍቶ ይገኛል። በቀቢፀ ተስፋ ውስጥ የወደቁትን፤ የሚታደጋቸው ሸተው በጭንቀት ያሉትን ቤት ይቁጠራቸው። ሃይማኖታቸው ምክንያት ሆኖ ግድያ ፣ ጥቃት ፣ ዛቻ እና ማስፈራሪያ የሚደርሰባቸው ወገኖቻችን ጩኸት ተበራክቷል። ቅዱስ ሲኖዶስ ተደጋግሞ እየተፈጸመ ያለውን የኦርቶዶክሳዊያን ሞት ፣ ስደት እና የአቢያተ ክርስቲያናት ቃጠሎን አስመልክቶ የወግዘትና የሐዘን መግለጫ ቢያወጣም መከራውን አልቆመውም ። ተጨባጭ መፍትሔ ማምጣትም አልተቻለም። በመሆኑም የቅዱስ ሲኖዶስ ምልዐተ ጉባኤ ይኸን ተከታታይ ማቆሚያ የሌለው ዕልቂት አስመልክቶ ዘላቂ መፍትሔ ለማምጣት ሊቃውንት ፣ ምዕመናን እና ወጣቶች ያሳተፈ የምክክር ጉባኤ በመሰየም በአርሲና በሌሎችም አካባቢዎች የተፈጸሙትን ኢሰብዓዊና ሰይጣናዊ ድርጊቶችን በጥናት በመለየት ፤ ምክንያታቸውን በመተንተን የአደጋ መከላከልና የተጎዱትን የማበርታት ሥራ እንዲሁም የአንድን ዜጋ በነጻነት የመኖር እና የማምለክ ህገ መንግሥታዊ መብቱን ባላስጠበቁ የመንግስት አካላት ላይ ተገቢው እርምጃ እንዲወሰድ መንግስትን በመጠየቅ እና ኃላፊነትን ባለመወጣት ተጠያቂነት እንዲሰፍን በማድረግ መንፈሳዊ ግዴታውን እንዲወጣ በትህትና በልጅነት መንፈስ እናሳስባለን ። ከዚህም በተጨማሪ ብፁዕ አቡነ ሩፉኤልን የሚመሩት ኢህጉረ ስብከት አስመልከቶ የቅዱስ ሲኖዶስ ምልዐተ ጉበኤ ጥቅምት 16 እና 17 ቀን 2019 ዓ.ም በሰፊው መወያየቱንና በርካታ ማስራጃዎችን ጉባኤው ማዳመጡን ተረድተናል። በብፁዕ አቡነ ሩፋኤል ተፈጸሙ የተባሉ የቀኖናና የአስተዳደር ጥሰቶች ለመስማት የሚዘገንኑ እንኳን አማንያኑን ኢአማንያንን የሚያስደነግጡ ፤ አንገትን የሚያሰደፉ እኩይ ተግባራት መሆናቸውን በሚገባ ተገንዝበናል ። የተፈጸመውን አስተዳደራዊ እና ቀኖናዊ ጉዳዮች ጥሰት አስመልክቶ የቅዱስ ሲኖዶስ ምልዐተ ጉበኤ ያለ ልዩነት ሕገ ቤተ ክርስቲያን የማስጠበቅ ግዴታውን ሊወጣ ይገባል። ጥቂት የሀሳብ ልዩነቶች መፈጠራቸውን ታዝበናል። ይኸ የሀሳብ ልዩነት ቀኖና እና ህገ ቤተክርስትያንን ከመጠበቅ አንጻር የቀረበ እንዳይደለ ተረድተናል ። በተፈጸሙ አሳፉሪ ድርጊት አንገታችንን የደፋነው ሳያንሰን የአደባባይ ምስጢር በሆነው ጉዳይ ላይ ከሕገ ቤተ ክርስቲያን አንጻር ያለ ልዩነት አልመወሰን ራሱን የቻለ የቀኖና ጥሰት ነው ። ይህን ጉዳይ በሕገ ቤተክርስትያን መሠረት አድርጎ አለመወሰን ለነገም የሲኖዶስን ልዕልና ያሳጣል ሥርዓት አልበኝነትን ያነግሳል ። ስለሆነም ምልዐተ ጉባዔው ሕገ ቤተ ክርስቲያንን የማስጠበቅ ፍጹም የማይሽራረፍ መንፈሳዊ ግዴታውን በምልዐት እንዲውጣ በትህትና እናሳስባለን ። የሰንበት ት/ቤቶች አንድነት

https://youtu.be/A6IelhlWw0Q በዩቱዩብ ቻናላችን ይመልከቱት

🔷አለሁ እኔ ለወገኔ🔷 ማኅበረ ቅዱሳን በአርሲ ሕይወታቸውን ላጡና ለተፈናቀሉ ቤተሰቦች እንዲሁም በድርቅ የሚገኙ ወገኖችን ለመደገፍ አስቸኳይ ጊዜያዊ ድጋፍ እያሰባሰበ ነው። ክርስቲያናዊና ወገናዊ ድጋፍ ለማድረግ በማኅበረ ቅዱሳን የማኅበራዊ ድጋፍና መልሶ ማቋቋም ሒሳብ ቁጥሮች፡- 👇👇👇 CBE - 1000309803648 Ahadu - 0025393810901 Wegagen - 0837331610101 Abysinia - 37235458 Awash - 01329817420400 Dashen- 5171156335011 Telebir 0975005994 Wegen Fund https://Www.wegenfund.com/mknu መጠቀም ይችላሉ። ለበለጠ መረጃ • 0943000403 / 0962171717/0966636363 🔷ያደረጉትን ድጋፍ🔷 👇👇👇 https://t.me/ArsiSupport ይላኩልን።

# ዜና ዕረፍት በደብራችን በቀጨኔ ደብረሰላም መድኃኔዓለም እና በደብረ ትጉሃን ቅዱስ ገብርኤል ቤተክርስቲያናት ለረጅም ዓመታት #በትሩፋት ሲያገለግሉ የኖሩት መምሬ ግዛዉ ከበደ ከዚህ ዓለም ድካም አረፉ ። ለቅድስት ቤተ ክርስቲያን እና በአገልግሎት ለሚመስሏቸው እንዲሁም ለመንፈስ ልጆቻቸው መጽናናትን ያድልልን ።

# ዝክረ ኪዳነ ምሕረት

በአርሲ ሀገረ ስብከት በሺርካ ወረዳ በርካታ ክርስቲያኖች እየተገደሉ፣ ከቀዬአቸውና ከንብረታቸው እየተፈናቀሉ ይገኛሉ ሲል ሀገረ ስብከቱ አስታወቀ። የሚመለከታቸው አካላት ለመፍትሔው እንዲሠሩ ሀገረ ስብከቱ አሳስቧል። (#EOTCTV ጥቅምት 14 ቀን 2019 ዓ.ም) በአርሲ ሀገረ ስብከት በሺርካ ወረዳ በርካታ ክርስቲያኖች እየተገደሉ፣ ከቀዬአቸውና ከንብረታቸው እየተፈናቀሉ ይገኛሉ ሲል ሀገረ ስብከቱ አስታወቀ። በአርሲ ሺርካ ክርስቲያኖች ላይ በታጠቁ ሃይሎች እየተፈጸመ ያለው ግድያ ከጊዜ ወደ ጊዜ እየባሰ መጥቷል። ይህም ትልቅ ሀዘን ፈጥሮብናል። ይህንን ችግር ለመፍታት ብፁዕ አባታችን አቡነ ኤልሳዕ የአርሲ እና የሶማሌ ክልል ጅግጅጋ ሊቀ ጳጳስ እና የቅዱስ ሲኖዶስ አባል ከሚመለከታቸው አካላት ሁሉ ጋር በመሆን በተደጋጋሚ ውይይቶችን ሲያደርጉ ቆይተዋል ብሏል ሀገረ ስብከቱ ። ​ይሁን እንጂ ችግሩ ሊቆም አልቻለም። ከጊዜ ወደ ጊዜ በአርሲ ሀገረ ስብከት ወረዳዎች ውስጥ ተመሳሳይ ችግር እየተከሰተ ይገኛል። በዚህም በርካታ ክርስቲያኖች ተገድለዋል፤ አሁንም እየተገደሉ ይገኛሉ። ሌሎቻቸውም ከቀዬአቸውና ከንብረታቸው እየተፈናቀሉ ነው። ይህም ችግሩን ለመፍታት ብዙ ጥረቶች ቢደረጉም ዘላቂ መፍትሔ ማግኘት አልተቻለም ያለው ሀገረ ስብከቱ  ዛሬም በሺርካ ወረዳ በተመሳሳይ መልኩ ችግሩ ተባብሶ ቀጥሏል። ​ብፁዕ አባታችን አቡነ ኤልሳዕ ለዚህ ችግር ከፍተኛ ሀዘን ተሰምቷቸዋል፤ ለዚህም ሲሉ ከታች ካሉት የመንግሥት አካላት እስከ ሰላም ሚኒስቴር መስሪያ ቤቶች ጉዳዩን በተደጋጋሚ እያሳወቁ ይገኛሉ፤  እስካሁን ድረስ ግን የተሰጠ መፍትሔ የለም ብሏል ሀገረ ስብከቱ። ​የአርሲ ሀገረ ስብከት ሥራ አስኪያጅ  ለዚህ ከፍተኛ የጸጥታ ችግር ከባድ ሀዘን ውስጥ በመግባት ማነጋገር የሚገባቸውን አካላት ሁሉ በማነጋገር እና ችግሩን ለመፍታት ከፍተኛ ጥረት እያደረጉ ይገኛሉ ብሏል። የአርሲ ሀገረ ስብከት  ፣  ቅዱስ ሲኖዶስ ለችግሩ መፍትሔ እንዲሰጠው  የመንግስት አካላትም ይህንን የከፋ የጸጥታ ችግር በመቆጣጠር ለችግሩ እልባት እንዲሰጡት ሀገረ ስብከቱ ጠይቋል ። © Arsi Diocese ​የአርሲ ሀገረ ስብከት

የአባታችን የአቡነ አረጋዊ ክብረ በዓል ማስታወሻ ፎቶ

# ዝክረ ኪዳነ ምሕረት

በዓለ ቅዱስ ገብረክርስቶስ ወአቡነ አረጋዊ ወሙሴ ብእሴ እግዚአብሔር | ወረብ | Finote hiwot sunday s... https://youtube.com/watch?v=q4gFD0k3_dg&si=D5NqbZwu6cMHkGT7

#አርብ_ጉባኤ