Настаўніцкая

Карэспандэнт "Настаўніцай газеты" пабываў у Горках, знакамітых сваёй сельгасакадэміяй 📚 Настаўніца 2-й школы Горак Святлана Харламава расказала, як ствараўся летапіс школы, работа над якім працягваецца.

Дарэчы, 2-я школа вядзе свой летапіс яшчэ з ХІХ стагоддзя, стваралася разам з акадэміяй і была першай у горадзе. Для таго каб збіраць матэрыялы, дакументы, фотаздымкі, у школе пад кіраўніцтвам Святланы Міхайлаўны працуе цэлы пошукавы атрад з ліку зацікаўленых у такой рабоце вучняў. Добрыя словы ў адрас руплівай працаўніцы сказалі дырэктар школы Іван Леснік, кіраўнік раённага аддзела па адукацыі Уладзімір Лебедзеў — ён таксама быў дырэктарам 2-й школы.

Каб сустрэцца з журналістам, доктар сельскагаспадарчых навук прафесар Іван Серакоў адарваўся ад спраў "на хутары" — так ён называе сваю прыватную сядзібу непадалёк акадэміі. У ліку летніх клопатаў вядомага навукоўца і догляд пчол. Некаторыя вуллі на ёй — яшчэ дзедавы, бо Іван Сцяпанавіч — патомны пчаляр.

Гутарылі з ім пра вітаміны і мінеральныя рэчывы, іх карысць для ўсіх жывых арганізмаў. Іван Сцяпанавіч выкладае для будучых зоаспецыялістаў асновы пчалярства, праводзіць з імі практычныя заняткі на акадэмічным пчальніку. Аднак для будучых аграномаў, на жаль, такой дысцыпліны ў вучэбнай праграме няма. І ў школьных агракласах, на факультатывах на іх не звяртаюць увагі, хоць пчолы — важны элемент розных экасістэм. На думку прафесара, пчолы — гэта прыродныя селекцыянеры, вельмі патрэбныя і ў сучаснай сельгасвытворчасці.

🐝 Як "падняць прэстыж пчол", а не толькі мёду ў грамадстве? Як лепш перадаваць наступнікам, аграспецыялістам каштоўныя веды? Меркаванні прафесара Івана Серакова, спадзяёмся, зацікаваць чытачоў. Дарэчы, хутка ў прафесара, паведамілі яго калегі, 80-гадовы юбілей. Тэксты з камандзіроўкі шукайце на старонках "Настаўніцкай газеты".