AJ.

البارحه ليلها ماهو بـ ضيفً خفيف ‏لين اقبل النور و ادّا واجبه وانصرف ‏ ‏رسمت وجه المليحه في خيال الكفيف ‏و ابحرت به فالوصوف الين شاف و عرف ‏فيها طهور النزيه اللي مقامه شريف ‏ودك تطهّر بدمع عيونها لا ذرف ‏ ‏من شاف وجه القمر فـ الارض حطه وليف ‏حتى لو انه على حد الصراط انحرف مضارب رموشها اللي حدها حد سيف ‏مكانها الصدر واللي غيرها فـ الطرف ‏ ‏في مثل هذي العيون اللي هدبها كثير ‏تسّلم الروح ويموت الشجاع بشرف ‏ ‏راحت بقلبي مثل ما راح حكم الشريف ‏مراح غرسً جرفه السيل يوم انجرف وان مال ذاك القوام المنصهر يالطيف ‏غصنً لا هب النسيم يميل منه طرف ‏ ‏اطيح طيحة قوي ماهي بـ طيحة ضعيف ‏" طيحة شجاعً هزمه الحب لين اعترررف ". لـ جابر النشيرا.

ثقيلة غلا ،،وتقوم لرضى هلي وتطيح ‏وادبها ذكى وارهى لها الرب واعطاها ‏شريفة طريق وقايدة ثورة التصحيح ‏ولها عقل حتى انها علي تفرض اراها ‏عطاني اللذي يعطي العطايا مهوب شحيح ‏ وداعة رفيق ن احسن الها ورباها ‏على الدين والحشمه وعلى كل هبة ريح ‏لو لا حاضر ولبيه ماتسمع حكاها شريفة طريق وقايدة ثورة التصحيح ‏ولها عقل حتى انها علي تفرض اراها عطاني اللذي يعطي العطايا مهوب شحيح ‏ تنافس بنات امي على رضاي ورضاها وبمووت ماجاها قصور ن ولاتجريح ‏وداعة رفيق ن احسن الها ورباها على الدين والعزه وعلى كل هبة ريح ‏لو لا حاضر ولبيه ماتسمع حكاها ‏- علي بن حمري .

اي والله تمون وزين وجهك جعلك تمون ‏" يا اجمل من عبير الورد و الطف من النسمه ". ‏احبك بمنظور الغلا اللي بدون عيون ‏من مقبلات الحب ل الوجبه الدسمه ‏انا مثل راعي السكر اللي معه مخزون ‏ما يبغي العلاج يبين الضعف في جسمه. ‏- عبد الله الحول .

يابعد من مابعد جا ومن عدّا ‏ويابعد من ساج روض الحشى نَشره ‏ ‏يوم كان الشعر جِزيه ولك تِدّا ‏والقصيد اسهل من كتابته نَشره ‏ ‏اخذ قصيدي ياشذا الورد لا نَدّى ‏وانتبه لي، واستمع موجز النَشره؛ ‏ ‏"والله إنّك بالغلا فارقٍ جدّا ‏مثل فرق الإبتسامه عن الكَشره" ‏ ‏ - ضيدان بن قضعان.

كل هذا الجمال أمام قلبٍ وحيد ليه يا مذهل العالم محد يذهلك ‏انت لو ترفع الغطوة يذوب الجليد ‏ويخجل البدر ياخذ دورته فالفلك ‏تدري ان الشروق.. بجيّتك من بعيد ‏وتدري ان اجمل الاشجار.. شجرة هلك ‏أنت يا فاتن النظرات.. خلقٍ جديد ‏منت بـ إنسان ولا جنّ ولا مَلَك ‏ما تشوف الغصون وفارعات الجريد ‏تنثني لك تقول انها تبايع .. ملك ‏إن كتب ربي اطيح بعيونك شهيد ‏وين ابهرب وليه اهرب .. وليه أسألك. -جمال بندر.

‏افهم علي خل المشاريه .. والراي ‏رجعت اوضح ما رجعت استشيرك ‏لا تنفعل ولا تغرك . . سواياي ‏هذا مصيري وانت هذا مصيرك ‏حظي واعرفه ما يساعد وانا اياي ‏دورت شرك وانت كفيت خيرك ‏طلعت من جنة وصالك بيمناي " وانا ادري ان متلاتها . . نار غيرك " ! سعيد ال نوره " قرينيس"

‏لا تشوف الناس ضعفك و إنكسارك ‏لو عظامك تنّكسر .. ما جبّروها ‏انّتصب كنّك طلعت من المعارك ‏ماخذٍ ثار القبيلة .. كل ابوها. ‏-ناصر الحمادين

‏" حاكني لبى معاليق الفواد ولبى " ‏كل شي ودك اضيفه معه واضيفه ‏فيك زينٍ واضحٍ جدا وزين مغبا ‏يالاليف اللي تضاريسك ماهيب اليفه ‏انت مايحتاج لك خطة ورسم اطبا ‏الله اللي راسم زينك كذا من كيفه ‏بس يوم تقول ماعندي عسل و مربا ‏شفتها تلميح وانت تشوفها تصريفه شاعرك ضيفٍ لامر أسمه ماهوب يهبّا ‏والعرب ماترحم اللي مايوجّب ضيفه ‏لاتقول الليل حده .. والديار جنبّا ‏قلت لك ياما سرينا والديار مخيفه ‏-صالح النشيرا.

ادري ان العمر خيله تسابق ركابه ‏بس ابي .. ودّي اسابق ركابه وخيله يا وجودي على انّه زيد يرجع شبابه ‏ويتنقّى معه عشره من عيال جيله ‏كم جميلٍ يسجّل لي وهو من حسابه ‏جعلني ما اعدم هوماته المستحيله ‏يوم حتى كبير القوم رزقه هبابه ‏مجلسه دارجٍ بنه و عوده و هيله لا تغارب لاشفته طالع من ثيابه ‏من كثر ما يشوم من الردى والفشيله ‏لا نصوه الضيوف يحطّهم في ضبابه ‏وكرمته من عيال الابل لو انها قليله ‏ما تراخت عزومه للعيال الذيابه ‏غير عاده على الامجاد راعي طويله ‏-صالح النشيرا.

أعمارنا كنها شموعٍ توقد بشمس النهار ‏تنقص بقدر ايامنا اللي مع مناكبنا تذوب النفس ينبتْه الثنا والصبر يشرى بالعمار ‏والحلم يخطب بالتعب والمجد يولد بالحروب اول طريقٍ للوداع . . آخر طريق الاعتذار ‏و اول مسارات الهدى فـ اخر محطات الذنوب الرجل لو غرّك بـ نقله لـ المهمات الكبار ‏تثقل عليه الكلمه المره ليا صار محسوب ‏أعمارنا كنها شموعٍ توقد بشمس النهار ‏تنقص بقدر ايامنا اللي مع مناكبنا تذوب ‏نسوق الارض ونرمي الاحلام ونعنّ الديار ‏وناخذ مكاسبنا من انياب الليالي والخطوب ‏من يشّبع الداب العمى اللي في طرف وادي وغار ‏ماهوب مهلكني وانا مبصر و اصلي له و اتوب ‏-محمد الرويبخ

أنت يانصّاب ياهوه يا حضرة جناب كل ما دار النظر فيك شيء لبّله ‏إعتراضة مهرة في غيادين الشباب ‏والتصفّح .. خيرة البل مع المتوبّله ‏لا نصبت لفاتناتٍ تحزّم بالثياب ‏ونرجسياتٍ تخلّي العقول مهبّله ‏لو حصل لي منك يا زين ما لذّ وطاب ‏احتفلت وجبت رقاصه ومطبّله . -سعد بن جدلان.

علمتنا عزة النفس والدرب النزيه ‏لاتردت شيمة اللي يقول ولا يطول كل ما حدّك زمانك على اللي ما تبيه ‏الله الله فالمواقف على حسب الاصول ‏لا تسوم الوجه الابيض ولا ترضى عليه ‏ما يقلل قيمته عند ذربين الفعول ‏الحياء لا قل فالارض ولا في الوجيه ‏قل مافيها من الجاذبيه .. والقبول! -مبارك بن رادعه.

يا ابن ادم الى عاكستك المقادير ارفع يدينك و اطلب الله و ناجه الى وقف دون المدير السكرتير اللي يعادي من يعكر .. مزاجه في كل مكتب باب خلفي و اصنصير ومن دونها باب طويل سياجه كثر المجامل ما يدلك على خير عد الصحيح وواجه اللي تواجه والى سمحت من الحظوظ المدابير خليت لك حاجه علشان حاجه. -جابر النشيرا.

مواصيلك لها قيمه ولو تبطي عداك اللوم ‏ما دامك تدري ان شوفك نهار العيد عيديه ‏تراني قبل اعرفك منحرم لو ماني بمحروم ‏”وبعدك نسبة الحرمان تحـت اثنين بالميه”. -سعيد ال نوره " قرينيس".

بنشدك وابي منك فتوه وتفسير ‏فتوة اهل اللحى والعمايم مكالماتك لاشقر سنه صغير ‏هي تجرح صيامك اذا صرت صايم ‏ لاصرت تكلم شخص مزيون وصغير ‏هو يجرح صيامك لاصرت صايم لاصمت لرضا اللي يسوق المزابير ‏لا تجرح صيامك بضعف العزايم ‏مكالماتك لشقر سنه صغير ‏تحرمك ب اخرتك كبار الغنايم ‏وان كانك ضعيف امام بيض الغنادير ‏عزي لبيك اللي ذبحلك تمايم. -عبد الله الحول.

لو تبدل تراحيبك بصمتٍ جهور ‏يقِرع اللوم و تخلا المشاريه حِيل ‏المشاريه يشطرها طويل الشبور ‏مثل ما يشطر المحتاج بيت البخيل ‏و السلام النبيه اللي حذفته عبور ‏ما انتظرتك ترده جعل حالك جميل ‏لنّي اعرفك انت و ساكنين القبور ‏هجركم ما يجوز و ردكم مستحيلّ! -عبد الله اللزيوح.

يا خليل القلب ماعاد يصلح له خليل ‏ غيرك الله يلعن اللي ليا عاهد يخون ‏ لاتجاملني ترا قلبي أحساسه ثقيل ‏ لو تقول أهلاً وسهلاً يحس انه يمون ‏أنت لوتدري بحبك طلبت المستحيل ‏مستحيل عندك وعندي أهون ما يكون' -مطحس بن حمد.

الحياه وما يضاهيها مع اللي فيهاا ‏ماتساوي فص في جيدك وفي اطرف عقدك ‏لا تسولف لي .. عن الازمه ولا تطريها ‏أنت لي بالنسبه ازمه جعلني فدا كبدك -عبد الله الحول.

يا اقرب من الما في غصون الرياحين ليتك عدوّي؛ بالجروح إنتجارى كان الهوى ما رَدّ لـ وْعودي الديَن خضر القلوب اللي تدوّر مْدارى يوم ألتقوا من خلف الأسوار الأثنين أنا على بابك .. جهارًا نهارا متأكد أن اللي حصل قبل يومين أرَى عيون الحب مثلي : سكارى لو ما تلحِّف عن [شعوري] البساتين يؤسفني أنه قبل أشوفك : توارى ما تاكل الورد الفقارى إلى ألحين.. صاروا يعرفون الورود : الفقارى -صالح بن حمد.

‎انا مدري وش صار لي مدة اسبوع و جاي ‏احس الأرض و فجوج الخلا ما عاد تاسعني ‌‎تقلّبني الروابع واحذف لي رأي و أبدي رأي ‌‎وانا عاقل و لي مبدا وسلمٍ ما يضيّعني ‌‎ما قد مرّيت لي دربٍ جديد الا واحسب خطاي ‌‎قبل لا امشيه عيني للطريق اللي يطلّعني تجارب عشتها و انهيتها وانا على مركاي حلاوتها وتمريرها ما عاد تخدعني ولا عاد التفت في رقصة الحيه وصوت الناي ولا في المغريات اللي على الواقع اطمعني لكنّي ذا السبوع محوّلٍ فالوادي من اقصاي ولا حوّل الا قلبي اللي كان يردعني. -جابر ال خجيم "العمده".