Sivaprabu Study Circle

தமிழர் மரபு - சிவபிரபு மருத நிலத்தின் தெய்வம் இந்திரன் என்று நீங்கள் நம்புகிறீர்கள் உங்கள் பாட நூலிலும் அவ்வாறே உள்ளது. தொல்காப்பியர் இந்திரன் என்ற சொல்லை பயன்படுத்தவே இல்லை. மருத நிலத்தின் தெய்வமாக வேந்தன் என்ற சொல் தான் பதிவு செய்யப்பட்டது. ஏன் நீங்கள் இதை நம்புகிறீர்கள்? உரையாசிரியர்கள் வேண்டுமென்றே திட்டமிட்டு இந்திரன் என்ற சொல்லை பதிவு செய்துள்ளார்கள்.எவ்வளவு பெரிய திரிபு? தொல்காப்பியம் "வேந்தன் மேய தீம்புனல் உலகம்"என்று பதிவு செய்துள்ளது. யாராவது வேந்தனை வணங்குகிறோமா? இல்லையே! ஏனென்றால் வேந்தன் தான் இந்திரன் என்று நம்மிடம் கதையை கட்டி விட்டார்கள். இந்திரன் என்ற கதாபாத்திரம் வடகுலத்தார் (ஆரிய பிராமினர்கள்) நூல்களில் உள்ளது. விலங்குகளை தீயில் மூட்டுவது, கொள்ளையடிப்பது, சாராயம் காய்ச்சுவது ஆகியவை தான் அந்த கதாபாத்திரத்தின் குணங்களாக அவர்களின் வேதமே எழுதி வைத்திருக்கிறது. குறிப்பு:இந்திர விழா என்று சிலப்பதிகாரத்தில் கூறுவது வேறு, மருத நிலத்தின் வேந்தன் என்று தொல்காப்பியம் கூறுவது வேறு. தமிழர்கள் தங்கள் வரலாற்றை தன்னுடைய முன்னோர்களிடம் இருந்து மட்டுமே அறிய வேண்டும் மற்றவர்கள் என்ன கூறுவார்கள் என்று வாய் பார்த்துக் கொண்டிருக்கக் கூடாது.