Concello de Ames

OBRADOIROS DE NADAL Prazas libres para obradoiro para adultos de galletas, que se desenvolve o 24 de decembro no Milladoiro, e no de linguaxe de signos, dirixido a un público infantil, do 28 de decembro. A inscrición pódese facer cubrindo o impreso de inscrición e enviándoo por correo electrónico ao enderezo promocioneconomica@concellodeames.gal. +INFO: bit.ly/2M3Agoc

CONMEMORACIÓNS Realizouse un acto de homenaxe a dúas traballadoras, Belén Santiago Campaña do departamento de Servizos sociais e Benestar social e Mónica Becerra Gómez de Oficinas xerais, que cumpriron 25 anos de servizo. Tamén se homenaxeou a José Pico, traballador da Brigada municipal de obras, que se xubilou este ano 2020. +INFO: bit.ly/2JdY9bw

TRANSPORTE METROPOLITANO O Concello de Ames informa de que a liña de transporte metropolitano entre Santiago e Ortoño deixará de ser prestada desde hoxe. Ames solicitará á Xunta a súa inclusión no Transporte metropolitano e retomará a solicitude da súa ampliación ata o centro de Bertamiráns. Convocarase unha xuntanza coas asociacións de veciños e veciñas de Ortoño, Bugallido e Biduído, para realizar un traballo conxunto entre a veciñanza e a Administración local co obxectivo de conseguir o restablecemento e mellora do servizo de transporte. +INFO: bit.ly/38sOExH

PROHIBICIÓN ESTACIONAMENTO Debido ás sesións de Autocine, prohíbese estacionar no aparcamento da Rúa Agro do Medio do Milladoiro, dende as 23.45 horas do 25 de decembro até as 23.45 horas do día 27 de decembro. 👉Reserva a túa entrada para o Autocine en bit.ly/2WH760g +INFO: bit.ly/3awm2q6

FELICITACIÓN NADAL O Concello de Ames quere desexarlle a todas as veciñas e veciños unhas boas festas de Nadal e un feliz 2021. Ademais, lembra que neste Nadal pódense agasallar detalles mercados no comercio local, saborear os produtos da nosa hostalería, e darlle vida ao concello de Ames participando, sempre con precaución, nas actividade organizadas na programación “Un Nadal diferente”. +INFO: bit.ly/34EZnUO

CULTURA A actividade de teatro-danza “EntreSoños”, da man de Fran Sieira - Compañía de danza, esgotou as entradas. Desenvolverase mañán, mércores 23 de decembro, ás 20.30 horas, na Casa da Cultura do Milladoiro. Non obstante, todavía se pode inscribir no espectáculo de teatro infantil de hoxe, o espectáculo “The Show Moscón”, na Casa da Cultura de Bertamiráns, ás 18.00 horas. O evento terá limitación de aforo e asignarase unha butaca, ben individual ou por agrupamento familiar, de forma automática na Billeteira electrónica do Concello de Ames. +INFO: bit.ly/37I9YQR

COMERCIO Repartíronse 1.200 carteis cos lemas de “Descontos” e “Rebaixas”. Dita campaña, que se enmarca no Plan Reactiva Ames, ten o obxectivo de fomentar as compras durante a época de Nadal e no período de rebaixas. Dita campaña, que se enmarca no Plan Reactiva Ames, ten o obxectivo de fomentar as compras durante a época de Nadal e no período de rebaixas. +INFO: bit.ly/3nIT36f

ORZAMENTOS PARTICIPATIVOS O Concello de Ames publica a listaxe de propostas máis votadas -referendadas pola veciñanza amesá- dos Orzamentos Participativos do 2020. +INFO: bit.ly/34CDq8J

A CASA DE PAPÁ NOEL Papá Noel estará este martes, 22 de decembro, na Biblioteca municipal do Milladoiro, en horario de 16.30 a 21.00 horas. O mércores 23 de decembro, A Casa de Papá Noel poderase visitar na Biblioteca do Milladoiro, de 11.30 a 14.00 horas, e ,de 16.30 a 21.00 horas, na Casa da Cultura de Bertamiráns. O xoves 24 de decembro Papá Noel volverá estar na Casa da Cultura de Bertamiráns, en horario de 11:30 a 14:00 horas. +INFO: bit.ly/3h6msVq

MENÚ NADAL LÚDICO Este ano o programa Nadal Lúdico desenvolverase os días 23, 24, 28, 29, 30 e 31 de decembro de 2020 e 4 ,5 e 7 de xaneiro de 2021. Xa están os menús publicados na web municipal. +INFO: bit.ly/2WBYE29

CONCURSO DE ESCAPARATES Aberto o prazo de inscrición para participar no XV Concurso de Escaparates de Nadal do Concello de Ames. As solicitudes de inscrición poderán presentarse ata o 23 de decembro, en horario de 9.00 a 14.00 horas, nos rexistros municipais da Casa do Concello e Oficinas municipais do Milladoiro, así como a través da Sede electrónica municipal. +INFO: bit.ly/3nGPddz

AUTOCINE Aberto o prazo para reservar entrada, gartuíta, nas seis sesións do programa Autocine dos días 26 e 27 de decembro no Milladoiro. Haberá que adxuntar un tícket dalgún establecemento de Ames por un importe mínimo de 10,00 euros. +INFO: bit.ly/37GeoaY

CORAL POLIFÓNICA DE BUGALLIDO Este pasado domingo, 20 de decembro, a parroquia de Bugallido lembrou a Antonio Santomil, cura, párroco e impulsor de iniciativas culturais na parroquia. Entre estas, destacou a formación da Coral Polifónica de Bugallido, que segue en activo na actualidade. +INFO: bit.ly/2LYFmlE

CAMPAMENTO DE NADAL A Aula da Natureza, organizou un campamento de Nadal para os días 28, 29 e 30 de decembro, en horario de 10.00 a 17.30 horas. A actividade está dirixida a rapaces e rapazas de 6 a 14 anos. Precísase inscrición previa e para anotarse é preciso cubrir a ficha de inscrición adxunta a esta nova e enviala ao enderezo de correo electrónico auladanatureza@concellodeames.gal. +INFO: bit.ly/2KIhBO2

PASARRÚAS DE NADAL A Concellaría de Promoción Económica informa de que, debido á previsión meteorolóxica (apuntan previsión de choiva para o día 23 de decembro), modifícanse as datas da actividade “Pasarrúas sorpresa de Nadal”. +INFO: http://bit.ly/3h7a1sh

GALETIKTOKERS O pasado 18 de decembro celebrouse a entrega dos premios da primeira edición do certame Galetiktokers. Repartíronse catro premios, dous en cada categoría, de 150 euros cada un deles. A concelleira de Mocidade e Normalización Lingüística, Escarlata Pampín, foi a encargada de facer a entrega dos premios. A dito acto tamén asistiron as técnicas de Normalización Lingüística, Rosa Moreiras, e de Mocidade, Pili Villaverde, así como os/as integrantes do xurado do certame: os youtubeiros, o Aquel-e e Olaxonmario, e maila presentadora do programa da TVG Dígocho Eu, Esther Estévez. +INFO: bit.ly/38m6Clz

OBRAS Invístese preto dun millón de euros durante o 2020 en actuacións relacionadas co Ciclo Integral da Auga. Ditos investimentos realizáronse a través de tres vías: fondos propios e do Ciclo Integral da Auga (256.176 euros); Plans provinciais da Deputación da Coruña (318.001 euros); e co canon correctivo derivado do contrato con Espina y Delfín (371.747 euros). +INFO: bit.ly/2KFitTA

ZOCOS E TRASNOS 187 trasnos repartirán os agasallos que pediron case 200 zocos e zocas (nenos e nenas). Os veciños e veciñas que se anotaron como voluntarios/as, actuarán como “paxes dos Reis Magos” achegando ese agasallo aos “dous puntos Trasnos”. Este ano, debido ás restricións, estes dous lugares de recollida serán na Casa da Cultura de Bertamiráns e do Milladoiro. +INFO: bit.ly/34xFnDm

OBRADOIROS DE NADAL Quedan prazas para o obradoiro infantil de linguaxe de signos e outros 4 dirixidos a persoas adultas. A inscrición pódese facer cubrindo o impreso de inscrición e enviándoo a promocioneconomica@concellodeames.gal. +INFO: bit.ly/3nmD6Cx

ASOCIACIÓN "O REGUIÑO" A asociación de veciños e veciñas “O Reguiño”, de Raíces e Casanova, colocou un buzón para que os nenos e nenas da parroquia de Biduído, incluídos os do Milladoiro, poidan depositar nel as cartas que lle envían a Papá Noel. Ademais das cartas tamén lle poden enviar debuxos e contos. +INFO: bit.ly/2WwzqCb