Najmiddin Turon

*** Қон ва Сиёҳ Қон: —пақ этди, отилди ўқ. ҳақ, деган ул ўғлоннинг тешилган кўкрагидан бўй чўздим гул мисоли. Сиёҳ: —пақ этди, отилди ўқ. зирҳланган қўналғада қондан қўрққан қўлни ва кўрдим қоғоз висолин. Қон: —авлодим, эгилмагин, бошингни тик тут, дея жондан кечган ўғлоннинг исён тўла кўксидан Ватан дея тўкилдим. Сиёҳ: —келажакка солдим из: “Бош эгмади исёнчи, Хоин эди, отилди”. Йиллар ўтиб авлодинг Бошин эгиб ўқийди. Қон: —Ватан дея тўкилдим. Сиёҳ: —хоин дея ўқилгай. @Najmiddin_Ermatov

Қачон ва ким айтгани эсимда йўқ, қайсидир гурунгда бир акамиз: “Миллатнинг эрлари ёвга кўксини тутиб ҳалок бўлишган, биз қўрқоқлар—акобда, уйда пусиб қолганлар наслимиз”, деган эди. Аламли гап. 4 октябрь—қаро кун, миллат кўксини ерга босиб йиғлайдиган кун. Элнинг ойдинлари отилган кун. Агар тақвимнинг жони ва эси бўлганда, 4 октябрь ўзини аламдан, камида осарди. Воҳки, бу кунни унутмаймиз, ойдинларимизни отган, сотганларни тоабад ланатлаб ўтгаймиз, бу ланат уларнинг етти авлодига ургай. Тарих чархи айланаверади, айланаверади, элга эллик қилмаганлар мудом чиққай ва доим хоин саналгай. https://t.me/Najmiddin_Ermatov

Ҳақ йўлида ким сенга бир ҳарф ўқитмиш ранж ила, Айламак бўлмас адо, унинг ҳақин юз ганж ила. Кимгадир яхши нимадир ўргата олган барчага айём қутли бўлсин!

Сизга тақдим этаётган хотира-эссе шу пайтгача Рауф Парфи ҳақида ёзилган хотиралардан фарқ қилади деб ўйлайман.Чунки у Рауф Парфини жуда яхши билган, узоқ йиллар у билан ҳаммаслак, ҳам дўст, ҳам шогирд бўлган Сулаймон Раҳмон томонидан ёзилган. Яна фарқли жойи шундаки, агар Рауф Парфи ҳақидаги ёзилган хотираларнинг аксарият қисми муаллифлар томонидан ўзларини буюк шоир билан таниш бўлганларини дунёга билдириб қўйиш ниятида ёзилган бўлса,Сулаймон Раҳмон хотиралари теран ва ботиний самимият билан ёзилгани,улуғ шоирнинг сиймосини аниқ ва ёрқин тарзда кўз ўнгимизда намоён этиши билан ажралиб туради.Хотирада Рауф Парфи яшаган муҳит,унинг ўша йиллардаги ўйлари ва кечинмалари,шоирни ёнидаги одамлар ҳақида аниқ ва тиниқ ёзилгани ҳам диққатга сазовор. Эссенинг тўлиғи 👇👇👇 https://kh-davron.uz/kutubxona/uzbek/memuarlar/sulaymon-rahmon-suyuk-va-buyuk-shoir.html

#Rauf_Parfi https://t.me/Najmiddin_Ermatov

КОРРУПМАСАЛ Бир юртда Аҳраман дев яшар экан. Унинг юзлаб кўзи, минглаб оғзи, ўн минглаб қўл-оёғи бор экан. Иштаҳаси шу қадар катта эканки, дарёларни ичиб, ўрмонларни еб, тоғларни кемириб юбораркан. Миллионлаб одамлар унинг қули бўлиб, айтган хизматини қилар, қаҳридан қўрқиб, қалтираб, жон ховучлаб яшар экан. Минглаб малайлар эса Аҳраман атрофида урвоқдан умидвор бўлиб, лунжларидан томаётган сўлакни болга менгзаб ялар экан. Бироқ Аҳраман фақат дарёю ўрмон билан қониқмай, одамлар қонига-да ташна экан. Тунлари изғиб, мўрилардан, очиқ эшиклардан кириб, одамларнинг болаларини ўғирлаб кетар, ямламай ютар экан. Тонгда боласи йўқлигини сезган ота-оналар уввос солиб Аҳраман қошига келар, ундан нажот тиланар экан. Дев эса уларни юпатиб, боласини топишини айтар ва кечаси ўзларини ейиш учун қулфланган эшикларни бузиб, боласи учун қилтиллаб ўтирган ота-оналарни ғажир экан...

https://youtu.be/HxqVygh3qiI?si=JW5nVPHnlxSlYJgH Agar yodga qo'shilib, qondoshlar sotsa bizni...

Тушларда қушларга қўшилиб учдим, Гоҳо булутларга тўш уриб учдим, Ўнггим оғир келди, пойингга тушдим, Тийрамоҳ, титраб оҳ чеккани келдим. Сарбон йўл кўрсатди, ўзи кўр эди, Гўрўғли чиқмади , оғзим гўр эди, Жасорат унмади, манглай шўр эди, Бағрингга бир гиёҳ эккани келдим. Тақвим қашқирдайин умримга ўчми? Яширин бир титроқ бўғзимга кўчди, Кўзимда бир чироқ бор эди ўчди, Ўзимни мен сўроқ этгани келдим. Бир сулув қалбимга ўт қалаб ўтди, Ҳижронга кўнувчан жон тилаб ўтди, Лек руҳим ўтгунча ишқталаб ўтди, Ёшимни мен гувоҳ этгани келдим. Қабрлар қирларга туташиб борар, Йиллар бирин-кетин қир ошиб борар, Руҳим само сари тирмашиб борар, Қисматдан мен йироқ кетгани келдим. Ул туғмас қабрда сўзлар сурунгай, Қашқирдан қочиб тан бекор урунгай, Асли тириклигим ёлғон кўрингай, Дор келтир, мен гуноҳ этгани келдим. https://t.me/Najmiddin_Ermatov

* * * Аслан ёмғир эдим. Йўлин синдириб, нурни ташна этдим ёмғир бўлмоққа. Сандувоч кўзидан висол ўмариб, ёғмоққа шай бўлдик, фақат ёғмоққа. Зарафшон жисмимиз каҳкашон ичра, сочилган сомондан бир ошён ясар, ёғармиз, Исрофил суридан кейин, ёғмоққа арзирли дунё топилса. https://t.me/Najmiddin_Ermatov

TOP-10. Oʻtgan hafta davomida eng koʻp xarid qilingan kitoblar 1. Erkin Malik: Chumolilar saltanati 2. Baxtiyor Abdug‘afur: Azal muhri 3. Xulio Kortasar: Ishg‘ol qilingan uy 4. Najmiddin Ermatov: Turon sog‘inchi 5. Xurshid Abdurashid: Dardisar 6. Mukammal xotira-2 7. Hovlimizdagi voqea 8. Qobiljon Shermatov: Tolqonbotir 9. Mukammal xotira-1 10. Ilya Troyanov: Olamlar sohibi Xarid: t.me/akademsavdo

Manzil: Toshkent kitob markazi, Alisher Navoiy ko‘chasi, 40.

📚 @akademnashr

Yozuvchi, shoir, tarjimonlarning ijodiy kanali. Marhamat, a’zo bo‘ling: https://t.me/addlist/JETsMcDbXOFkMGQy

📚 Izlam — 457 000 so‘m 370 000 so‘m

* * * Наҳот шеърлар айтдим бўшлиққа қараб, наҳотки соврилди олов сўзларим, наҳотки ҳақ бўлса, элу юрт асли қуруқ сўзлар, деган гумроҳ дўстларим?! Наҳот, бекор ўтди гулдай умримнинг минг йилга татирлик олтин чоқлари, наҳот бирор руҳни уйғотолмади шоир юрагимнинг қалдироқлари?! Наҳотки, бирорта дилга етолмай, беҳуда сарфланиб қанча куч-чидам, келиб кетаверар ёруғ дунёга, келиб кетаверар мендай куйчилар?! **** Ҳаммамиз қуёшда куйган жиззамиз, қачон тиз чўкувдик, ҳамон иззамиз, сирқираб оғрийди шишган тиззамиз, ўриндан озгина турсак майлиму? Ўтганлар бари бек, қолган жавдирар, гарданда кўринмас ғуллар шалдирар, меҳнатдан ёрилган қўллар қалтирар, ўз беким ерида юрсак майлиму? Насимлар гулламиш озод тоғларда, озодлик муждаси сўлу соғларда, боболар қийналиб тиккан боғларда ағанаб бир хаёл сурсак майлиму? Неча минг аллома, жўмардлар ўлган, тафаккур сасиган, руҳлари сўлган, уруғлар айниган тап-тақир чўлда ўз беким давлатин қурсак майлиму? Юз эллик йилдирки мана шу ҳолат, ҳануз давом этар маккор тижорат, билмадим, қаердан ушбу жаҳолат, нега сиз бўлмайсиз сира хижолат? Нега мен сўрайман сиздан ижозат?! Шавкат Раҳмон

Бугун зулфиқор руҳли, Ҳақ, халқ ва ҳақиқат тарафида турган шоир — ШАВКАТ РАҲМОН туғилган кун!!! https://t.me/Najmiddin_Ermatov

Bu g‘arib dahrda uchrashsak yana, Yo‘llaring oxiri chopsa ko‘zima, Ashklaring nahridan kechib o‘tmasam, O‘ksima. Darz ketgan kosada may ichib tursam, Sanasang, qovurg‘am biri bo‘lsa kam. Qarasang, jismimda kam bo‘lsam men ham, Ichikma. Ko‘zlarim kadardan kiyinsa kafan, Puflasang, qaqnuslar chiqmasa kuldan, Kuyug‘ ko‘kayima kuldon qidirib, Kuyunma. Qushlarsiz uyaday ezg‘inlik hokim umrima sochsa gar umidlar hokin, Qayta butlamoqqa haddimiz sig‘mas, Yig‘inma. Ikkimiz bir dunda ikki yon ketsak, Qismat kishanida gar tanho ketsak, Joning omon bo‘lsin, faqat bu jonga Ko‘nikma. Joning omon bo‘lgur, mensiz bu jonga, Ko‘nikma... @Najmiddin_Ermatov iyun, 2019

ЭРТАК Фалон мамлакатнинг фалон шаҳрида, Фалончи кимсалар этганда базм, Қизлари қалтираб қаттол қаҳридан, Эрлари эшилиб этаркан таъзим. Фуқаро бирдайин отсиз фалончи, Номдор шиорларга тамшаниб шодон— Ортиб борар эмиш фалон ишончи, Қотиб борар эмиш кўксида иймон... Фалон замонларга фалон режалар тузганда, шукуҳдан тўлғаниб омма, Атоқли ўйларнинг отин нечалар Қордайин курармиш тинимсиз онгдан. Фалон йиллар ўтиб, армон ўтида, Топ дебон, авлодлар урганида дўқ— Фалон бир эртакнинг фалон бетида Шоирлар тирилган варақ эмиш йўқ... https://t.me/Najmiddin_Ermatov

Bugun ishxonamizga yosh adiba, “Zulfiyachi” Mohira Eshpo‘latova va yozuvchi, jurnalist Dadaxon Muhammadiy aka dasta kitoblar bilan yo‘qlab keldi. Yo‘qlanganlar qatorida bir binoda ishlaydiganimiz, millat shoiri Najmiddin Ermatov ham bor ekan. Sovg‘alarni u bilan qabul qilib oldik. Mohiraning aytishicha, adabiyot jonkuyari Laziz Rahmatov akamiz homiyligidagi “Dastxat” loyihasida taniqli va yosh ijodkorlarning kitoblari ularning o‘zi yoki oila a’zolari tomonidan tushirilgan dastxatlar bilan bir guruh o‘qirmanlarga tarqatilayotgan ekan. Menga sovg‘a qilingan to‘plamda O‘zbekiston xalq shoiri Abdulla Oripovning “Buyuk soddalik”, ijodini doim kuzatib boradiganim, shoira Kumush Abdusalomovaning yaqindagina taqdimoti o‘tgan “Chalg‘ima” nomli sara she’rlar to‘plami, bugungi adabiy jarayonda o‘zining tarjimalari, mistik hikoyalari bilan mustahkam o‘rniga ega bo‘lib borayotgan va endilikda Anif taxallusi bilan nazm maydonida ham qalam tebratayotgan ijodkor – Nodira Ibrohimovaning “Oqdan qizilga” kitobi, Mohiraning “Qirq birinchi kun” va marhum ijodkor, tarjimon Mansur Jumayevning “Hazrati ishq” nomli kitoblari chiqdi. Buncha xazinani bir vaqtda qo‘lga kiritganidan o‘zida yo‘q xursand kishi sifatida loyiha mualliflari va unda mehnat qilayotganlarga rahmat deyman. Kitoblarni qabul qilib olarkanmiz, endi esdalik uchun umumiy suratga tushib qo‘yishni reja qilib turgandik hamki, yonimizdan o‘tib ketayotgan bir kishi to‘xtadi va xushchaqchaqlik bilan bizga salom berib, rasmga olib qo‘yish kerakmi, deya so‘radi. Ayni muddao, qo‘liga darrov telefonimni tutqazdim. “Fotograf” rasmga olayotganda ham boyagi xushchaqchaqligini yo‘qotmagan ko‘yi bir nimalar deya hazil qilgan bo‘ldi. Mohira buni ozroq kayfi taroqlikka yo‘ydi, biz esa ishonmadik. Ammo telefon qo‘limga qayta tutqazilib, rasmlarni ko‘rarkanman, Mohiraga dedim: Mohira, adashmabsiz, faqat mast odam bunaqa rasm oladi. Hazildan kulishdik. Xullas, postni mast yo mastmasligi noma’lum akamiz olgan shu surat bilan bo‘lishyapman. @haqiqatdailyos

Хазондай ёйилган эркак ҳасратин Супуриб оларда мазлум аёллар Тандирга ёққанча кўзи ачишиб Нон ёпиб беради болаларига. Эркак кетган йўлни саваб сабовда Урчуқда ийириб ёлғиз тунлари Жуволдиз қадалган қўллари билан Кийим тўқиб берар болаларига. Эркак айтган сўзни исирға мисол Тақиб олганича қулоқларига Тилига кўчириб узоқ тунларда Овутиб чиқади болаларини. Шундайин улғаяр болалар кейин Егани ҳасрату кийгани соғинч Овунчоғи зўрға ёнаётган шам. Бир кун ҳайрон бўлар ота-оналар Болаларнинг мискин кўзига боқиб —нега кул деганда йиғлайди булар? —нега юр деганда қақшар юраги?.. Н.Э. Август, 2025