Najmiddin Turon

Бир юпанч бор эди айтарли, Бир ишонч бор эди идраган. Битта йўл бор эди қайтарли, Битта гул бор эди қайтмаган. Оппоқ қор ёққанда гупуриб, Оҳ-зорлар оғдирди эсимдан. Оқшомга юз бурдим тонг туриб, Оҳ, Соғинч, сен кимнинг исмисан?.. Бу қисқа кўринган кунмиди, Бу қистаб жон олар тундир-а? Май тусаб турибман тўлдиру, Ҳа, истаб юрибман ўлдира... Ютганда энг сўнгги ютумни, Чиққанда оғринчнинг измидан, Айтқани, унутган отимни, Айт, Соғинч, сен кимнинг исмисан?..

2017 йиллар чамаси, ё 2018 оёқлаб қолганмиди... Тенгқур ижодкор жўралар адабий чойхона ташкил қилмоқчи, гурунглашмоқчи бўлдик. Бу биздан бир мучал, ярим мучал катта—85 ларнинг адабий даврасига ҳавасдан бошланган эди. Талабалар шаҳарчасидаги “Оқибат” отли чойхонани манзил тутдик. Шу-шу чойхона оти даврага кўчди—Оқибат атандик. Ҳар йиғинда икки китоб ўқиб келиш, янги шоирларни кашф этиш, муҳокама қилиш, ўқтин-ўқтинда улуғларни таклиф қилиб, суҳбатини олиш муддао эди. Хуллас, даврадошларнинг деярли ҳаммасини аввалдан танир, билар эдим. Биргина Ислом Қўчқоров билан “Оқибат”да кўришдим. Очиғини айтганда, унча хушламадим, оғзи полвонлар типидан кўринди. Аввалига каттаю кичик йиғинлардагина гурунг қилганмиз, юзма-юз суҳбатларга эҳтиёж сезилмагандир. Бора-бора жисмию руҳи-да половнлиги аёлнаша борди. Ўша дамларнинг ғамнок кунларида қисмат бизни бир дарёга улоқтириб юборди. Дарддош, сирдошга айландик. Деярли ҳар куни ишдан чиқибоқ бирор манзилда нўш этардик. Шу-шу энг кеч таниган даврадошим, энг яқин жигаримларидан бирига айланди-қолди. Ўша ғамнок кунлар бизга яқин жигарликдан бошқа ҳеч нарса бермади, иккимиз-да улоқторилганимиз—ҳижрон наҳридан омон чиқолмадик. Биз суйган сулув дарёлар қақраган ўзанни қолдириб оқди-кетди. Биз қўнғиротларда бир гап бор: Жигитти узангижўлдоши бўлсин! Бу гап бошқа жойларда ҳам бордир, мен шундай айтишни хуш кўраман)) Ислом Қўчқоров ана шундай—узангижўдошликка арзийдиган, юкинг бўлса кўтаришадиган, ҳолдан тойсанг елка тутатиган йигит. Бугун шу жигитти тувилди куни. Ватаннинг, миллатнинг ана шундай ўғлонлари кўпаяверса, элнинг йўли ўнг келади! https://t.me/islomjon_ijodi

Берёғи Какликлар қиқирлаб қирда, Қулунлар қувлашиб ўйнаган гўша. Оқ ўтов ёнида чувоқда эриб, Сибизға чалётган мен эдим ўша. Нарёғи фарёд. Берёғи Оқ кийиз устида ўзим, Парилар оборар булоқ бошига. Малика айёрнинг кўзгусин олиб, Ўрлаб бўладурман Чингиз қошига. Нарёғи имдод. Берёғи Осмонлар энгашгай ерга, Юлдузларни териб ясарман совут. Темурнинг яроғин тақарман белга, Энди сори ўпқон ўзингни овут. Нарёғи войдод. Берёғи Қайинлар кўтарар урҳо, Қочарлар ялмоғиз тароғин ташлаб. Этил дарёсидан гавҳар тергайман, Атилла айғири чиқадир кишнаб. Нарёғи беот. Берёғи, Берёқда қолгани боқий, Гўрўғли имлайди қошига томон. Кўҳна дараларнинг арвоҳи бўлиб, Шовқинлаб борурман мен тирик, омон. Нарёғи ҳаёт. Январ, 2026

#xushxabar O‘zbekiston Yozuvchilar uyushmasida Vatan himoyachilari kuniga bag‘ishlangan “Posboniman muqaddas yurtning” insholar, hikoyalar va sheʼrlar tanlovida "Til va adabiyot ta'limi" jurnali bosh muharrir o'rinbosari Najmiddin Ermatov g'olib bo'ldi. Aytgancha, "Shoir kim?" ruknining galdagi qahramoni ham aynan Najmiddin Turon. Uning er yigitlar va er qizlarga atalgan bayram tabrigini o‘qing. * * * QO‘RBOSHILAR QO‘SHIGʻI Shimoldan yog‘iy kelar Talab qilib Turonni, Ming asr esh bo‘lsak ham Bizga qo‘shilmas qoni, O‘rningdan qo‘zg‘al endi, Turkiy elning o‘g‘loni, Tulporingga qamchi ur Selday qalqi, bovurim, Bizlardan shon so‘rmoqqa Vatan haqli, bovurim. Turonning er-u qizi To azaldan mard kelar, Turklar dunyo so‘rar deb Qadimdan bir shart kelar, Dushmanga qul bo‘lganning Avlodi nomard kelar, To abad tinmasin-a Meros charxi, bovurim, Bizlardan or so‘rmoqqa Vatan haqli, bovurim. To‘tiga oshno bulbul Chamanga arzimaydi, Dushmandan qochib o‘lgan Kafanga arzimaydi, Mustabidga qul elat Vatanga arzimaydi, Balki ko‘rar umrning Keldi gashti, bovurim, Bizlardan hol so‘rmoqqa Vatan haqli, bovurim. Turkiy elat boshida Begona taxt ko‘rmasin, Bosh egar omonlikni O‘ziga baxt ko‘rmasin, Kun kelib farzandini Yovga ulfat ko‘rmasin, O‘zliging ko‘rsatmoqning Keldi vaqti, bovurim, Bizlardan kor so‘rmoqqa Vatan haqli, bovurim. Bobomdan meros vatan Bolamga meros o‘tsin, Shuuriga mangulik Uyg‘otar ovoz o‘tsin, Yovga qahri qattiqlik Turkiylarga xos o‘tsin, Ko‘zlardan olov o‘tsin, O‘tsin shaxti, bovurim, Bizlardan yurt so‘rmoqqa, Avlod haqli, bovurim. Yurt deb yo‘lga otladik Buyukroq safar qayda, Shu yo‘lda shahid ketsak Boshqa bir zafar qayda, Qul bo‘lgan tiriklikdan Ortiqroq xatar qayda, Otlangan har yigitning Shudir axdi, bovurim, Bizlardan qon so‘rmoqqa Vatan haqli, bovurim. Agar yotga qo‘shilib Qondoshlar sotsa bizni, Nomimizga tupurib Xoindek otsa bizni, O‘tmishidan yuz burib Bir kun unutsa bizni, Yashamoqdan mani ne, Bu jon nadir, bovurim?.. Bizlardan jon so‘rmoqqa Vatan haqli, bovurim. Foto: Ernest Kurtveliyev, Orzu A’zam 🌐 Sayt  ✈️  Telegram ✅Murojaat  ♾Muhokama 🌐Instagram

Эр йигитлар ва эр қизларга #БАЙРАМ_МУБОРАК бўдчин!!! ҚЎРБОШИЛАР ҚЎШИҒИ Шимолдан ёғий келар Талаб қилиб Туронни, Минг аср эш бўлсак ҳам Бизга қўшилмас қони, Ўрнингдан қўзғал энди, Туркий элнинг ўғлони, Тулпорингга қамчи ур Селдай қалқи, бовурим, Бизлардан шон сўрмоққа Ватан ҳақли, бовурим. Туроннинг эр-у қизи То азалдан мард келар, Турклар дунё сўрар деб Қадимдан бир шарт келар, Душманга қул бўлганнинг Авлоди номард келар, То абад тинмасин-а Мерос чархи, бовурим, Бизлардан ор сўрмоққа Ватан ҳақли, бовурим. Тўтига ошно булбул Чаманга арзимайди, Душмандан қочиб ўлган Кафанга арзимайди, Мустабидга қул элат Ватанга арзимайди, Балки кўрар умрнинг Келди гашти, бовурим, Бизлардан ҳол сўрмоққа Ватан ҳақли, бовурим. Туркий элат бошида Бегона тахт кўрмасин, Бош эгар омонликни Ўзига бахт кўрмасин, Кун келиб фарзандини Ёвга улфат кўрмасин, Ўзлигинг кўрсатмоқнинг Келди вақти, бовурим, Бизлардан кор сўрмоққа Ватан ҳақли, бовурим. Бобомдан мерос ватан Боламга мерос ўтсин, Шуурига мангулик Уйғотар овоз ўтсин, Ёвга қаҳри қаттиқлик Туркийларга хос ўтсин, Кўзлардан олов ўтсин, Ўтсин шахти, бовурим, Бизлардан юрт сўрмоққа, Авлод ҳақли, бовурим. Юрт деб йўлга отладик Буюкроқ сафар қайда, Шу йўлда шаҳид кетсак Бошқа бир зафар қайда, Қул бўлган тирикликдан Ортиқроқ хатар қайда, Отланган ҳар йигитнинг Шудир ахди, бовурим, Бизлардан қон сўрмоққа Ватан ҳақли, бовурим. Агар ётга қўшилиб Қондошлар сотса бизни, Номимизга тупуриб Хоиндек отса бизни, Ўтмишидан юз буриб Бир кун унутса бизни, Яшамоқдан мани не, Бу жон надир, бовурим?.. Бизлардан жон сўрмоққа Ватан ҳақли, бовурим. https://t.me/NajmiddinTURON

Кузак боғларида дилгир дарахтлар Эроний қизлардай ечганда рўмол, Кафтим чизиғига монанд турналар Ортидан кетурман, боғларим, хуш қол. Ҳижроннинг сояси майсани қоплаб, Сарғарган хазондай ёйилган чоғда, Кўрар тушларини ҳушида оқлаб, Бир сулув келади ҳали бу боғга. Дарахтлар соясин тирқишларидан Кўзига ботганда идраган ёғду, Гўёки бегона — юз йил наридан Исмини пичирлаб сўрагайдир у. Хазонлар ёяди хотирдан раста, Ғоваклар бўғриқиб чалади бурғу: “Бу боғлар баҳорги боғлар эмасда, Исмини барибир эслолмайди у...” Эгик мажнунтолнинг баланд шохидан Энг сўнги япроқлар тупроққа энса— Йўлакка тўшалган хазон оҳидан Синиққан сас чиқар: “бу ахир сенсан”! Шамоллар хас ила сўз ёзар кўлга, Тошларга тўш уриб пичирлайди сув. Измини унутиб ботади ўйга, Исмини кўнглимга жойлаган сулув. Қисматдай орқага йўл бошлайди йўл, Эслатар фурсати етганлигини. Бир умр билмайди, яноқлари ҳўл — Исмининг мен билан кетганлигини. https://t.me/NajmiddinTURON

Бўйинбоғга бандилар келиб, Ёзишсин, дедилар, барча баробар. Ёза бошладилар деворга ўйиб, Кишанлари ила махбуслар. Сўнгра термулдилар ўшал ёзиққа, Тамшаниб, энтикиб, бўлганича шод. Барча банди эди бу юртда, фақат "Озодлик" ёзилган деворлар озод. Тўрт томонни ҳайқириқ босди, Юрак унутганди юраклигини. Ҳеч ким тушунмасди деворга эмас, Озодлик одамга кераклигини. @Najmiddin_Ermatov

ТУРКИСТОН БОЛАЛАРИНИ ИЛМСИЗ ҚЎЙМАНГИЗЛАР!!! Маҳмудхўжа Беҳбудий

Тил бу танглайингдан чиққан ортиғинг, Тумшуғинг тилингни тийиш-чун бешак. Юрагинг қўрқувни ҳис этмоқ учун, Қанотинг шунчаки ҳуснингга безак. Сайрамоқ? Нима у? Телбалар йўли, Англамоқ - ахлоққа тескари ғоят. Осмон бу қонунга зид бўлган маскан, Учишга уриниш оғир жиноят. Тухумдан чиққандан шундай дедилар: Қафасдан ташқари - жиноят буткул. Фақат ичкарини ҳақ йўл деб билди, Энди ҳеч жиноят қилмайди булбул. https://t.me/Najmiddin_Ermatov

ЭРТАК Фалон мамлакатнинг фалон шаҳрида, Фалончи кимсалар этганда базм, Қизлари қалтираб қаттол қаҳридан, Эрлари эшилиб этаркан тазим. Фуқаро бирдайин отсиз фалончи, Номдор шиорларга тамшаниб шодон— Ортиб борар эмиш фалон ишончи, Қотиб борар эмиш кўксида иймон... Фалон замонларга фалон режалар тузганда, шукуҳдан тўлғаниб омма, Атоқли ўйларнинг отин нечалар Қордайин курармиш тинимсиз онгдан. Фалон йиллар ўтиб, армон ўтида, Топ дебон, авлодлар урганида дўқ— Фалон бир эртакнинг фалон бетида Шоирлар тирилган варақ эмиш йўқ... https://t.me/Najmiddin_Ermatov

G‘ujuri-yu zaboni o‘zgarganlar ko‘ringay... https://t.me/NajmiddinTURON

"Yo el uchun ALP tuqqan, faqat mozormi, jo‘ra?.." Diyarova Sevinch Koson tumani 89-maktabning 4-sinf o‘quvchisi. https://t.me/NajmiddinTURON

Diyarov Shahriyor Ruslan oʻgʻli Koson tuman Pudina mahallasidan. Kelgusi yili maktabga chiqarkan. https://t.me/NajmiddinTURON

Бир ёқда суйгулинг кўзингдан ғойиб, Бир ёқда ватанинг ғарларга талош. Бир ёқда андуҳинг бормоқда бойиб, Бир ёқда қароққа тўлқин урар ёш. Бир ёқда шимолга сургун йигитлар, Бир ёқда жувонлар жамиятга қул. Бир ёқда ялоғи тиллодан итлар, Бир ёқда танглайи тешилган булбул. Бир ёқда Оролдай шўрлаган манглай, Бир ёқда адашган йўлчидай авом. Бир ёқда ёлғонни айтишар чиндай, Бир ёқда алданиш этади давом. Бир ёқда қулликни тусар кексалар, Бир ёқда ёшанглар фарқи йўқ ҳар ёқ. Бир ёқда келажак ҳиссиз ингранар, Бир ёқда қабрлар ҳайқирар узоқ. Бир ёқда бемалол қиш келаётир, Бир ёқда кўчини тўплар тийрамоҳ. Бир ёқда бемажол дил йиғлаётир, Бир ёқда самога ўрлаётир оҳ. Бир ёқда ҳаммаси ўткинчи гўё, Бир ёқда ҳар бири жон беришга тенг. Бир ёқда измидан қўймайди дунё, Бир ёқда бир ёққа кетгинг келар сен. https://t.me/Najmiddin_Ermatov

“Izlam” turkumidagi kitoblarga 30% chegirma taqdim etamiz! Chegirmadan foydalanish uchun ushbu turkumdan 5+ kitoblar xarid qilishingiz kerak.

1. Shahriyor Shavkat “Ham” — 31 000 so‘m 21 700 so‘m 2. Nozima Habibullayeva “Nafas” — 27 000 so‘m 18 900 so‘m 3. Mansur Jumayev “Biz kutgan fasl” — 27 000 so‘m 18 900 so‘m 4. Najmiddin Ermatov “Turon sog'inchi” — 31 000 so‘m 21 700 so‘m 5. Furqat Alimardon “Qorakuya” — 27 000 so‘m 18 900 so‘m 6. Suhrob Ziyo “Daryo” — 31 000 so‘m 21 700 so‘m 7. Muhammadxon Yusupov “Deraza ortida” — 31 000 so‘m 21 700 so‘m 8. Bayram Ali “Bosiriq” — 35 000 so‘m 24 500 so‘m 9. MohiRa “Qirq birinchi kun” — 35 000 so‘m 24 500 so‘m 10. Gulrang “Gulqaychi” — 27 000 so‘m 18 900 so‘m 11. Jaloliddin Sayyid “Huqqaboz” — 31 000 so‘m 21 700 so‘m 12. Jumanazar Yo'ldosh “Sir” — 31 000 so‘m 21 700 so‘m 13. Rahmat Bobojon “Ro‘baro‘” — 35 000 so‘m 24 500 so‘m 14. Gulhayo Anorova “Avron” — 27 000 so‘m 18 900 so‘m 15. Sevara Alijonova “Mahkum sayohati” — 31 000 so‘m 21 700 so‘m

Xarid: t.me/akademsavdo | +998994331677 📘 @akademnashr | #izlam

Бугун бир эмас икки катта ижодкор, аввалига қўнғирот, сўнг Ўзбекистон, энди эса Туркий олам билан бўйлашаётган шоирларнинг тувилди куни. Дунё билан юзлашиш, отини мингйиллик саҳифаларга муҳрлаш ҳар иккисига ҳам насиб қилсин! Шодмонқул Салом ҲАЛИ... Ҳали сенинг юзларингдан доғлар кетар, Кетар менинг кўксимдаги ғуборлар ҳам. Ҳали сенинг тушларингни ой ёритар, Оқ турнадек учиб келар хабарлар ҳам. Ахир ҳали осмон борин айтгани йўқ, Замин ҳали бергани йўқ бор меҳрини. Ҳали офтоб ўз сўзидан қайтгани йўқ, Шоир ҳали ёзолмади зўр шеърини. Ҳали дунё киприк қоқмай жим турибди, Ҳали меҳмон бўлолмаган туйғулар бор. Болаликнинг тушларида яшаётган, Адолатли кўзёшлар бор, кулгулар бор. Жангга кетган ботир каби бўз тўлқинлар, Дарё гувоҳ соҳилига қайтгани йўқ. Соғинч ҳали бу дийдорга тайёр эмас, Интиқ кутган лекин буни кутгани йўқ. Ҳали умид йўл четида ўлтирибди, Мен бу йўлнинг ҳар бир тошин шарҳлаганман. Ғаму шодлик тенглашганда кўкка учган, Юлдузларни юрагимда чархлаганман. Кўрдим, сенинг кипригингнинг соясида, Қирқта малак кокил тарар нигоҳи чўғ. Шеър келяпти изтироблар воясида Энди ёнгин, яшамоқнинг иложи йўқ. Зўр сукунат Парвардигор ҳузурида, Юрак вулқон еру само бир титрайди. Англаб қолдим, шу лаҳзада англаб қолдим, Қиёматда шоирлардан шеър сўрайди. Элёр Мурод Олтой Икки бошли қуш кўрдим, Қўрқдим, ёмон туш кўрдим. Елиб борарди тулпор, Эгарини бўш кўрдим. Тоғлар кўрдим тиши йўқ, Ватан деган киши йўқ. Қорин ғамидан бўлак, Ўйлайдиган иши йўқ. Дарё кўрдим саноқсиз, Уйлар кўрдим қўноқсиз. Ватанини ғанимлар, Пайхон қилар сўроқсиз. Бия кўрдим, от кўрдим, Мен ўзимни ёт кўрдим. Биз бирмиз деб келгандим, Ўзгача ҳаёт кўрдим. Бошим ё сўнгим қолди, Тушим ё ўнгим қолди, Мен Олтойдан кетяпман, Олтойда кўнглим қолди. Икки бошли қуш кўрдим, Қўрқдим, ёмон туш кўрдим. Елиб борарди тулпор, Эгарини бўш кўрдим. https://t.me/NajmiddinTURON

Qor misoli kaftingga qo'ndim, Kuyib ketdi kafting taftimdan. Tisarilding, axir bilmasding, Qorning cho'g'dek yonishin, erkam. Men yonardim, sen hayron eding, Hadik ichra yumding ko'zingni. Ko'z o'rgangan, yurilgan o'sha, Yo'llar tomon burding yuzingni. Ketayapsan, yonayapman men, Ortingda qor- oppoq alanga. Olding sovuq- yog'ayapti qor... Ishonch bilan boqding o'shanga. Ranjimagin, yonarkan deya, Ketavergin sen o'sha izdan. Ranjimayman, dunyoning sovuq Qorlariga ko'nikkan qizdan. https://t.me/Najmiddin_Ermatov

Кузак боғларида дилгир дарахтлар Эроний қизлардай ечганда рўмол, Кафтим чизиғига монанд турналар Ортидан кетурман, боғларим, хуш қол. Ҳижроннинг сояси майсани қоплаб, Сарғарган хазондай ёйилган чоғда, Кўрар тушларини ҳушида оқлаб, Бир сулув келади ҳали бу боғга. Дарахтлар соясин тирқишларидан Кўзига ботганда идраган ёғду, Гўёки бегона — юз йил наридан Исмини пичирлаб сўрагайдир у. Хазонлар ёяди хотирдан раста, Ғоваклар бўғриқиб чалади бурғу: “Бу боғлар баҳорги боғлар эмасда, Исмини барибир эслолмайди у...” Эгик мажнунтолнинг баланд шохидан Энг сўнги япроқлар тупроққа энса— Йўлакка тўшалган хазон оҳидан Синиққан сас чиқар: “бу ахир сенсан”! Шамоллар хас ила сўз ёзар кўлга, Тошларга тўш уриб пичирлайди сув. Измини унутиб ботади ўйга, Исмини кўнглимга жойлаган сулув. Қисматдай орқага йўл бошлайди йўл, Эслатар фурсати етганлигини. Бир умр билмайди, яноқлари ҳўл — Исмининг мен билан кетганлигини. https://t.me/Najmiddin_Ermatov