د.تَيسِير الصّادِق🔻|مُمكن نصلّ على الحبيب!

قال : الشـتاء الفات كنت راجـِع من الشغل بالليـل والوقت مُـتأخّـر . شفـتَ راجـل كبير في السـن واقـف يبيـع في مـوز ♥️ ومُـنتظر آخر كميـة عشان تتبـاع! قلـت خلاص أمـشي أشـتري منه الكميـة دي رغـم إنه عنـدي كتـير في البيت اللحظة اللي كنت بقطَـع في الشارع انتبهـتَ لـراجل تاني ماشي عليهُ عشان يشتـري فبقيت أمشـي أبـطَـأ شوية عشان أدّيـهُ فُـرصـة . اتلاقـينا في النص وعرفـتَ منه إنه ماشـي يشتـري من العَـم عشان يجبُـر خاطره ويـرحمه من وقفَـة البَـرِد ♡ اتعَـجّـبتَ وقلت : سُـبحان الله ربـنا رسّـل شخصين للعَـم ده في نفس اللحظة! الراجـل ده بيعمَـل شنو عشان ربنا يسخّـر ليهُ رحمَـة الناس وتعاطفـهم ؟ اليـوم التاني وأنا طالـع الشغل شفـتَ راجـل أكبـر في العُـمر شغال عامِـل نضافة بنضـف جنب عمّـنا بائع الفواكه العَـم بائع الفواكـه شـال من المـوز وختـاهُ في كيس للعَـم عامِـل النضافة 🥹 هنا عرفـتَ حقيـقة مُـهمة جـِـدًا إنه الله سبحانه وتعالى بيسخّـر للمُـحسنين ناس يُـحسـنوا ليـهـم ♡ ويجنـّـد ليهـم جـنود من عـنده وبـدون ما يعـرفوا كمان . فاللهمّ نسألك قلوباً لا تتعلّق إلا بك، ارزقنا الفرح و الخير والعـافية، وطَمئن نفوسنا بالتوكُّـل واليَـقين . ممكن نصلّ على الحبيب! ♥️ #الدعاء #تيسير_الصادق

هل أدلّك على سرٍّ لحفظ القرآن 🌸؟ اجعلـهُ أنيسك في الطريق، وصاحبكِ في الدرب، ورفيقك في كل حين. -لكن ، كيف ذلك؟ حدّد له موعدًا ثابتًا لا يتغيّر، ساعة من يومك لا يتسلّل إليها انشغال ولا يزاحمها شيء. اجلـس معه كجلسة روحٍ مع سكينتها، تردّد آياته، تدرّب لسانك على تلاوته، وتُهذّب روحك بترتيله. زيّن صوتك بالقرآن، واجعلـهُ زادك في الحزن والفرح فإنه إن صاحب قلبك أزهَر، وإن رافق دربك أنار ✨ جعلني الله وإياكُـم وذُرّيّـاتنا من أهل القُـرآن الكريم الذين هُـم أهل الله وخـاصّـته . ممكن نصلّ على الحبيب! ♥️ #القران #تيسير_الصادق

عارفين بُـكرة في شنو ؟♥️ بُـكرة هو يوم عاشُوراء = اللي صيامُه يكفّر ليك ذنوب سنة كاملة! ده اليوم اللي ربنا سبحانه وتعالى نجّى فيهُ سيدنا موسى عليه السلام وقومه من ظُلـم وطُغيـان فـرعون! وهو اليوم اللي سيدنا موسى في عِز إنقطاع الأسباب قال بِيقين : ( كَلَّا إِنَّ مَعِيَ رَبِّي سَيَهْدِين) 🌱 •الحصل شنو ؟! ربنا جلّ جلالُه شقّ ليهُ البحر ونجّاهُ ونصرُه وقال فيه سُـبحانه لسيدنا موسى عليه السلام : (قَد أوتيتَ سُؤلَكَ يا مُوسى) ♡ •حنصوم كيف ؟! نصومه ومعاهُ يوم قبله أو بـعده •ليه ؟ لمُخالفة اليهود . •ما قـدرتَ تصُـوم الليلة ؟ ممكن تـصوم بـُكرة الخمـيس واليوم اللي بعده يعني الجُـمعة •ما بتقدر تصُوم يومين ؟! صُوم يوم واحد اللي هو الخمـيس وما ننسى نذكّـر غيرنا ♡ فاللهم كما آتيت موسى سُؤله آتِنا سؤلنا ويسّر أمرنا واجبُر خواطرنا إنك على كل شيء قدير . ممكن نصلّ على الحبيب!♥️ #عاشوراء #تيسير_الصادق 🌿

يـوم ١ مُـحـرم السنة الفـاتت اتواصلـت معاي صحبـتي عشان تسألـني من التحفـيظ ♥️ قالت لي : بت خـالي بتفتـش على حلـقة أو شيـخة تـبدأ معاها رِحـلة حـفظ القُـرآن الكريم لأنـها قـرّرَت تختـم القـرآن في السنة الهجريـة دي بإذن الله تمّـينا كلامـنا و ونستنا في المُكالمـة ♡ وبعد ما قفلنا رسـلتَ ليها قـائمـة مراكِـز تحفـيظ حضـُـوري وأونلاين تاني يوم اتصلت بي : يا تيسير بت خالي دي دايـراك تحفّـظيها في الوقت المناسب معاك عندِك طريقة ؟ قلت ليها : أستخيـر وأرُد ليك إن شاءالله الحمـدُلله ربنا وفّــق و يسّـر وبـدينا الجمـيلة دي أذهَـلَـتني بـهِـمّـتها ونظـامها! ماشاءالله تبارك الله كانت حريصـة على محاولة إتـقـان الحِـفظ الأول وقالت إنها بتكـرّر الآية أقل حاجـة ٣٠ لـ ٤٠ مـرة ، و بتعـرِض حفـظها في الصـلاة بتصلـي بالحـفظ الجـديد في الفـرض وبتصلـي بالمُـراجعة في النـوافِـل ♡ اهتمّـت جـدًا بالـمُـراجعة القـريبة و البعيـدة وبالـتفسير بتذكُـر إنها بتـدعي بحِـفظ القـرآن في كل دُعـاء وصلاة وكُـنا بنعمل إختبار بعد كـُـل جـزء أو سورة! اللهم بارِك بتوفـيق الله تعالـى طالبـتي الحبيـبة أتمّـت اليـوم حِـفظ كتاب الله ♡ وانتـو خُـطّـتكُـم شنو للسنة الهجـريّـة دي ؟ أذاقكُـم الله حـلو ما أذاقها، وجمَـع كلامـه في قلوبكـم، وجعلنا وإياكـم من أهل القُـرآن الكريم الذين هم أهل الله وخاصّـته . ممكن نصلّ على الحبيب! ♥️ #القران #تيسير_الصادق

ينـعاد عليكـم جالسـين هنا مع الناس اللي بتحبّوها وتكونوا بتشربوا في زمـزم وقلوبكم مليانة جَـبر وسعادة وهناء . كُـل عام وأنتـم بخَـير ♥️ #الوتر #العيد

ننزل جدول ليوم عرفة ؟♥️ •قبل عرفة نستغفر ونتوب، نصحى للسحور ونصلّي ركعتين أو أكثر في الثلث الأخير من الليل مع الوِتر، ونكتّر الدعوات . •نقعُد نستغفر لحدّي ما الفجر يأذّن عشان نُكتَب من المُستغفرين بالأسحار! •بعد صلاة الفجر نقول أذكار الصباح، نقرأ وِرد القرآن الكريم ونسبّـح، ونهلّـل نكبّـر ونلبّـي لحدي ما الشمس تشرِق بعد الشروق برُبع ساعة نصلّي الضُّحى . •قعدنا من الفجر للشروق وصلّينا الضحى عشان تُكتَـب لينا : حجّة وعُمرة تامّة تامّة تامّة ♡ •بعد كده ممكن ناخد نومة صغيرونة أو نواصـِل وإذا بقينا صاحين لساننا ما يتوقّف عن ذِكر الله. •وأفضل الذكر يوم عرفة : لا إله إلا الله وحده لا شريك له، له المُلك وله الحَمد وهو على كل شيءٍ قدير ♡ لأنه رسولنا الكريم ﷺ قال : (خير الدعاء دُعاء يوم عرفة، وخير ما قلت أنا والنبيّون من قبلي : لا إله إلا الله وحده لا شريك له، له الملك وله الحمد وهو على كل شيء قدير ) 🌱 •نصلّي الظهر والعصر في وقتهم .. •بعد العصر نقرأ أذكار المساء ومقعد ندعي لحدّي المغرب = بإلحاح ويَقين . أدعي لنفسك ووالديك وذريتك وكل معارفك ولبلدنا وجميع المُسلمين بِخيرَي الدنيا والآخرة وما تنسى تسأل ربنا يجعلك من عُتقائه . •لمّن يأذّن المغرب اتذكّر تدعي كمان لأنّ للصائم دعوة لا تُرَد . ما تقولوا مُستحيل = ربنا قادر على كلّ شيء! وما ننسى نذكّـر غيرنا ♡ فاللهم بلّغنا عرفة وغلّف دعاءنا بـ إستجابتك، اعطِ كلاً منا سُؤله، وأكرِمنا بسعادة الدارين. ممكن نصلّ على الحبيب!♥️ #يوم_عرفة #تيسير_الصادق