أبجديّة

تسامح .. وعيش الحياه بمسرّه ‏قبل لا ياكل باقي عظامك الدود ‏ماهو بشرط : " الحب منه مبرّه " ‏وماهو بشرط الكره بالكره مردود ‏المبغض اللي ما يبي لك مضرّه : ‏افضل من محبٍ ما يبغي لك الزود

‏"لله دَرّي على الصبر، وعلى الإعتياد ‏أواجه الوقت صلب وخاطري ما حكى ‏أنا اكثر إنسان تشكي له قلوب العباد ‏وعلى كثر ما يواسيهم.. ما عمره شكى"

‏غير الليال اللي بقت عالية شان ‏ما عاد بك شيٍ يشد انتـباهي ‏متغيّر اسلوب ومشاعر ووجدان ‏سارح وشارد ذهن والطرف ساهي ‏أنا ما عاد أشره على كاينٍ كان ‏مات الكلام اللي على اطراف فاهي ‏حاولت آداري خاطرك لكن أحيان ‏لا بد من قول الحقيقة كما هي

‏يمر اسمه معاهم ما خطف لوني ‏نسيت أكثر تفاصيله بعَد بُعده .. ‏وجاء بَعده كثير أشخاص حبُّـوني ‏وأنا أحسب مايجي قبله ولا بَعده

‏انت لامنّك تكلّمت ياكثر القبول ‏سالفتكْ الدلّة اللي تقنّد روسنا ‏- محمد مبارك

‏درب المشاريه كم لي قاطعٍ فجّه ‏لا قاضب الناس فيه و لا مقيّدها ‏لا شفت ما عفت لا أنوّه و لا أوجّه ‏ما تقنع النفس لين الدار تبعدها ‏اللي عيونه مصدّه؟ يبهت الحجّه ‏لو إنها مثل عين الشمس يجحدها

يا الله إذا خارت القوّه وقلّ العتاد ‏وعيّت همومي على رجلي تسيّرني ‏واقْبلت مابين مكنون الأسى والمراد ‏تلْفظني دروبي ودمعي يذيّرني ‏لك وجهي اللي تقلّبه الظروف الشداد ‏لـْ وجهٍ تحبّه وترضاه غيّرني ‏وأوزعني أشكر نعمك ودِلّني للرشاد ‏واختار لي يا إلهي لا تخيّرني

ليا صد .. ماعاده مع الذكريات يلين ‏ لو إن الهوى غلاب ، ماتقدر تغلبه ‏ ولو حنّ له قلبه و رفّت عليك العين ‏ يده سكرت عينه ، و رجله وطت قلبه

معه لو إني بصحرا تهب بريحً اشهب لال ‏ أحس ان الرمث وردً حمر و السُحب صبابه

عساني خفيف حضور في كل قلبٍ أجيه ‏«وجعل ما يوالف قلبي .. إلا من يحبّه»

‏" و أنا عبدك اللي يحتويه الرجا و الخوف ‏ يقصر و يستغفر إليا شاف تقصيره ‏تحت كف غيثك مارتجي للبشر معروف ‏لو تنوشه صدوف الزمان و مقاديره "

آنا احب الحضور اللي «يعوّض كلّ زلاتي » ‏ولا آحب الغياب ولا أكون المنسي المفقود

"يارب لو خاب التعب ماقصّر حدود الطموح لا بُّد من يوم أنتهض وأجاور النجم بسماه"

‏"محتاج صوت المطر، والريف، والعزلة ‏والمبسم اللي له عيوني وترحَّابي ‏ما الله خلق من يساومني على الفرقا ‏من يأمن رضاي — لا يستأمن غيابي"

أشقى القلوب اللي ماتحتاج للمجهر ‏كثر ماتدفع ثمن ، طيبة نواياها ‏من سرع الأيام كن الناس ماتكبر ‏ياكثر مامرها الوقت ، وتعداها

‏فقدت الغوالي لين ملّتني الاوجاع ‏"وطواري المفارق عقبهم ما توّترني" ‏انا اخاف بكره لا دفنوني في بطن القاع ‏"عسى من سترني فوقها تحت يسترني"

‏لا تفتش فـ الصدور و لا تتبع كل عله ‏كل قلب و له ميول و كل عقلٍ و إتجاهه ‏و لا تكلف في قبولك و القبول اللي من الله ‏ ما تجيبه بـ الفلوس و لا تجيبه بـ الوجاهه

اعرف اصادق مثل ما اعرف اعادي ‏واعرف الضحكه مثل ماعرف الونه ‏ابشر اني دابل كبود حسادي ‏جعل فال كبود حسادي الجنه