أبجديّة

‏"من يقول إن السعد مايبيّن بالوجيه ‏والله إن وجهك لحاله يبشر بالسعد"

‏"أحب الحياة اللي كذيّا بلا ترتيب ‏أنا حُرّ.. وأفكاري مثل نفسي الحُرّه" ‏- محمد أبن الذيب

ودي أمسك يدك وأمشي معك بين عْروقي ‏وأنتفرّج فـ المحبه .. والوفاء .. داخلها

ياللي عليك من الرضا والمشاريه ‏ما يختلف في حكمها كل قاضي ‏مرّه زعول ادناة حاجه تبكّيه ‏ومرّه تقول إنه على طول راضي ‏ارتاح من صوبي وقل ماتخفّيه ‏عمر الغلا ماهوب عمر افتراضي ‏قلبي لغيرك شي ماهوب ف ايديه ‏وأبعد عليه من السما للأراضي ‏أبطى وهو قبلك يخمّه ويخطيه ‏وأقنعته إن ما كل لاعب .. رياضي ‏الناس من بعدك هلا وأنت لبّيه ‏الحاضر أنت وماضي الناس ماضي ‏لا تنشغل في غيرك الله يخليه ‏واليا انشغلت ابنشغل معك .. راضي ‏فاضي وابحاتي معك من تحاتيه ‏حتى لو إني كنت مانيب فاضي

جابك الحظ .. و ايامي تسوق التحايا ‏انت طعم أنتصاري بعد طعم الهزيمه ‏جيت وكنّ احد موصيك عنّي .. وصايا ‏ أنجبتْك الليالي و احسب انها عقيمه

غاوي العقل حاول تستعين بصديق ‏الجهل ! بارقه من فوق راسك برق ‏تحسب ان معرفتك مدلّيتك الطريق ‏لكن العلم واقف بك "على مفترق" ‏ما قدرت إنّك تحوز الشغف والبريق ‏ولا سلم راسك المتكبّر من الارق ‏مشكلة من يسوّي نفسه إنّه عميق ‏لو حذفناه في بركة سباحة .. غرق :) ‏- عبدالله السراهيد

الامور اللي دوافع فعلها .. ماهيب لله ‏حايلٍ من دونها ضميري الحيّ وحيائي ‏ساوم الطيّب على عطفه واخذ صافيه كله ‏واحذر تساومني بـ حاجات تخدش كبريائي ‏- أنا إنسان احترم رقيبي الذاتي واجلّه - ‏جاب لي توفيق ربّي شي .. ماجابه دهائي لو قبلت اضحك على مسلم واغشه واستغله كيف ابستجري على الله يسمع ويقبل دعائي زاهدٍ في مجمل نجوم السماوات المطله ‏في كنف مشكات نورٍ ساطعٍ على سمائي ومعرضٍ عن مجتمع حقيقة أحكامه مُخلة ‏عنده الحب انتقائي وأيضاً الكُره انتقائي يا رحاب الخطّر المتسامحات المسفهله ما يضيّق شاسع المترامية غير استيائي ‏الشفاحه تورد النفس العزيزه لـ المذله ‏نفسك اليا ارخصتها مره بترخصها نهائي ‏ غالبًا يحكم سلوك المرء جينات وجبلة ‏شي تأباه المروءة .. صعب يأباه المُرائي! ‏لدّ عينك فالبشر وتشوف مضمون الأدلة ‏كل مصلحجي جريء ..وكل حسّاس انطوائي - محمد جار الله السهلي

‏"يارب الناس وهّاب الخلايق مهربي ملجاي ‏عظيمٍ كل ما جيت أرتجيك أجيك ملهوفه ‏أجيك ومغفرتك السرمديه مطلبي ورجاي ‏وألـوذ برحمةٍ فيها البنادم ينجلي خوفه ‏مادام إنك وكيل أمري ماخاف من الزمان الجاي ‏لو إني ما أعرف وش شايلٍ لي داخل كفوفه"

https://t.me/+aqRt8cZtg9A4ZjRk لتبادل : @iop_63

للتبادل : @mil21a https://t.me/millliiili