أبجديّة

‏فاقده فقد الأراضي للسّحاب الّلي مصبّه ‏يحيي الجرد القواحل لين ما تجري المساقي ‏أدري إن الميّت المؤمن منعّم عند ربّه ‏وأدري إن ما باقي غير الله المعبود باقي ‏بس أنا من الفقد مثل الّلي غدا في وسط غبّه ‏إنطفى نجم ونزف جرحٍ عطيب وجف ساقي ‏أذكره وأشتاق وأبكي وأحتضن قبره وأحبّه ‏والله إن ما أعظم منه ياكود فقده وإشتياقي

جيت تحت أهداب عينك يا حبيبي آتفيّا ‏عن شموس وعن ليالٍ بردها يوجع مهبّه ‏ما يهم إن جارت ظروفي ولو عرّت يديّا ‏أنت من ترعاه عينك؟ أشهد إن الله حبّه

‏«معه السوالف بين تمره .. و فنجال ‏تسوى السوالف فـ الفلل و الأراضي» ‏— سعد بن لويبه

‏حنا بسيطين وادنى مايفرّحنا ‏رشة مطر ممكن تبيّح خوافينا ‏مع المطر كنها تزهر ملامحنا ‏وكنه مايسقي عروق النبت .. يسقينا

اموت ولا اشرب الباقي من المايح ‏رزقي على الله وشرهاتي على يميني ‏مهما اتعلم من الجاي ومن الرايح ‏القاعده ثابته مثل " اسمي و ديني " ‏لا طحت من عين غيري ماني بطايح ‏بطيح والله لامني طحت من عيني

‏لا تعلّم غافي القلب عن خضر الطعون ‏هاتها والله كفيل بمرار إحساسها ‏فدوتك قلبٍ على كل عرقٍ به تمون ‏والطعون اللي من ايديك يسلم راسها ‏فيك ماطعت السوالف وصدّقت الظنون ‏سيرتك يحرم على خاطري دنّاسها ‏من عرفتك والقصايد تحت فيّ الغصون ‏جعل مايزعل مطرها .. على نسناسها

‏« ما كساك إلا شعاع الشمس يالغصن الطروب ‏وما فرحْت الا وردّ الليل — صوت و ذكريات ‏لو تساورْك الوجيه العابسه من كل صوب ‏لا تخيّبك الظنون اللي — تعلمك الثبات ‏يا حبيبي لا تورّيني — تبلاّد القلوب ‏و أنت غيثٍ يحيي اموات المشاعر و النبات »

اشوفك ملاذي في حضوري وفي منفاي ‏ماودي تغيب ولا تقصر فـ ماجوبي ‏يعيش الغلا لاصار طيفك على مسعاي ‏ويموت الغلا لاغاب طيفك عن دروبي ‏لو اني ماهيب ايات حاجه تجيب اقصاي ‏خطفني غلاك وجيت لك يا اجمل ذنوبي

‏«أحبَّك و أختلي في جفن عينك و الحقوق كثار ‏معاك أعذب مسافات الهوى و أحلى مشاويري»

تبادل نشر @iiiurq https://t.me/fllr3

@xihsI7i https://t.me/psyzs

للتبادل نشر @shoo11z . https://t.me/sho11z

لـ تبادل نشر @ey0_s https://t.me/khilodd

للتبادل @sjurxi https://t.me/Sjurxi1