ስልጤ ዞን ኮሚዩኒኬሽን - SILTIE ZONE COMMUNICATION

የማዕከላዊ ኢትዮጲያ ክልል የሴቶች ማህበር ጽህፈት ቤት በክረምት የበጎ ፍቃድ አገልግሎት በስልጤ ዞን በወራቤ ከተማ ያስገነበውን ቤት አስመርቆ አስረከበ! መስከረም 17/2019 ስልጤ ዞን ኮሙኒኬሽን የክልሉ የሴቶች ማህበር ጽህፈት ቤት "በጎነት ለኢትዮጵያ ከፍታ!" በሚል መሪ ቃል በክረምት የበጎ ፍቃድ አገልግሎት በስልጤ ዞን በወራቤ ከተማ ያስገነበውን የአቅመ ደካማ ቤት በማጠናቀቅ በዛሬው እለት አስመርቆ ቁልፍ አስረክቧል። በምረቃ ስነስርዓት ላይ መልዕክት ያስተላለፉት የክልሉ የሴቶች ማህበር ጽህፈት ቤት ፕሬዝዳንት ወ/ሮ ፎዚያ መሀመድ "በጎነት ለኢትዮጵያ ከፍታ!" በሚል መሪ ቃል እየተከናወነ በሚገኘው የበጎ ፍቃድ ስራ በርካታ ስራዎች እየተሰሩ እንደሚገኙ ገልፀዋል። የክልሉ የሴቶች ማህበር ጽህፈት ቤት ልዩ ልዩ አካላትን በማስተባበር ሰፋፊ የበጎ ተግባር ስራዎችን ማከናወን ተችሏል ያሉት ፕሬዝዳንቷ የተቸገሩ ወገኖችን ችግር ለማቃለል የሚያስችል ቤት በወራቤ ከተማ አስተዳደር በአልባዘር ቀበሌ መገንባት መቻሉን ገልፀዋል። የቤቱ ግንባታ የቤተሰቡን ችግር የሚፈታና ከፍተኛ የህሊና እርካታ የሚያስገኝ ተግባር መሆኑን ገልፀው በቀጣይም በየደረጃው ይበልጥ ተጠናክሮ እንደለበት አመላክተዋል። የክልሉ የሴቶች ማህበር ስራ አስፈፃሚዎች የማህበሩ አባላትና ደጋፊዎች እንዲሁም የዞኑ የሴቶች ማህበርና የከተማ አስተዳደሩ አመራሮች ቤቱ በፍጥነት ተገንብቶ እንዲጠናቀቅ በመከታተል ላደረጉት ክትትልና ትብብር በጽህፈት ቤቱ ስም አመስግነዋል። የስልጤ ዞን የዲሞክራሲ ባህል ግንባታ ዘርፍ ኃላፊ አቶ አማን ከድር ባደረጉት የክልሉ የሴቶች ማህበር ጽህፈት ቤት በአጭር ወቅት ለአቅመ ደካማ ቤተሰብ ቤት በመገንባት ሙሉ የቤት እቃ በመሟለት አስመርቆ በማስረከቡ በዞኑ ስም አመስግነዋል። በክረምት የበጎ ፍቃድ በዞኑ ከ605 በላይ ቤቶች እየተገነቡ መሆኑን ጠቁመው የቤቶቹ ግንባታ የአቅመ ደካማ ቤተሰቦችን ችግር የሚያቀልሉ እንደሆነም ገልፀዋል። የክልሉ የሴቶች ማህበር ጽህፈት ቤት በወራቤ ከተማ በአልባዘር ቀበሌ ገንብቶ ያስረከበው ቤት በብዙ ችግር ያሰልፉ የነበሩ ቤተሰቦችን እንባ ያበሰ ነው ብለዋል። የወራቤ ከተማ አስተዳደር የሴቶችና ህፃናት ጉዳይ ጽህፈት ቤት ኃላፊ ወ/ሮ ለይላ ጀማል በከተማ አስተዳደሩ በችግር ውስጥ ያሉ ወገኖችን ለማገዝ የሚያስችል በርካታ ስራ እየተሰራ እንደሆነ ገልፀው የክልሉ ሴቶች ማህበር ላደረገው በጎ ተግባር አመስግነዋል። ቤት የተገነበላቸው እናት ወ/ሮ ሀቢባ ነስሬ እንዳሉት ከዚህ ቀደም ይኖሩበት የነበረው ጎጆ ቤት ከማርጀቱ የተነሳ ዝናብና ፀሃይ ይፈራረቅባቸው እንደነበር አስታውሰው የተገነበላቸው አዲስ ቤት ከነበሩበት ችግር ያለቀቃቸው በመሆኑ እጅግ መደሰታቸውን ተናግረዋል። በምረቃ መርሃ ግብሩ ላይ ከተራጂነት ወደ ምርታማነት ለማሸጋገር በሚከናወነው እንቅስቃሴ ላይ የቤት ግንባታ ባስጀመሩበት ቀን በቤቱ ዙሪያ መሬት ላይ የተከሉዋቸውን ማንጎ፣ ቡናና አቮካዶ ፣ጎመን፣ ካሮት፣ ነጭ ሽንኩርትና ቀይ ሥር የመሳሰሉ አትክልቶችን በማልማት ወደ ምርት እየተሸጋገረ ያለበትን ሂደት ተዛዙረው ምልከታ አድርገዋል። በምረቀው ስነ ስርዓት የክልሉ የሴቶች ማህበር ጽህፈት ቤት ፕሬዝዳንት ወ/ሮ ፎዚያ መሀመድና የማህበሩ ስራ አስፈፃሚ ወ/ሮ ብርቱካን ነጋሽ፣ የስልጤ ዞንና የወራቤ ከተማ አስተዳደር አመራሮችና የአካባቢው ነዋሪዎች ተገኝተዋል።

የህዝብ ትጋትን ከጠንካራ አመራር ጋር አዋህዳ በፈጣን የዕድገት ጎዳና ላይ የምትገኘው የዳሎቻ ከተማ....

የ2018 ባጀት አይዶ የዞን መትንዳደሬ ክትበት ጋር አይደኜ ቡልሻነክ ባሶት ደር ኢትረከባን። ሂዳር 30/1448 የስልጤ ዞን መትራከባት የስልጤ ዞን መትንዳደሬ ክትበት ጋር የወረደዋ ከተመ መትንዳደርቸ ዮ2018 በጀት ዘማን ተረሻት ዞፎፎዋ የ2019 በጀት ዘማን የውጥን ሙሻሀረ ዴረ በትረሶት ደር ኢትረከባን። ቡልሻነይ በኩፋቾ አሳወ ያጄመሩይ የስልጤ ዞን መትንዳደሬ ክትበት ጋር ወሻይብ የሙክታር ረሻድ የቡልሻኒ ቡር ቀስድክ በዞነ የጀመሩ የላቶ ዮገሬት መትንዳደሬዋ የሪፎርም ብልቸ የጄግቡይ መቃም ባዙፎትዋ የቄጣይ ዙተ ባድጉብሎት የኡመተነ ተፈያጅነት የጠቀለ አትሪግጦትን ባሎን፡፡ የዞኒ መትንዳደሬ ክትበት ጋር ሂነይ የሮሬ ወሻይብነትዋ አማነ ቴትከ ላጂጎት በቡርነት በሼሽት ቁልፍ የሴክተሪ ጌዳዶ ተጅጋኛኔ ቡርኩት ብልቸ በከውኖት ደር እትረከባን ቲሉ የሙክታር ረሻድ አዘሀሮን። በሉላሉሌ ወክትቸ በአመሰቢ ሊቀርቦን ዮገሬት መትንዳደሬ ምካትቸዋ ኤቾትቸ በስናጄይ ፎርማት አሰነት ቴትከ በትቂበሎት ትዬድበያነይ ቃም ግነ ባትባዶትዋ በቻበሮት ፋጡል ክንባየ ዋቦት ኢትጌባነኮ አትፈሀሞን። ልዬድበይማን ቃምቸ ቦገሬት መትንዳደሬ ውርት ጡርት ያለይ ተጅሪብ እነብረይማነኮ ሰንጠለ ዋቦት ፤ ሂንኩም ዮገሬት መትንዳደሬ ምካትቸ ቢበዝቢማን ጂጋኛኞዋ ቀበላልቸ ኤተይ ጃንጎ በሂዶት ኡግዠዋ ተክታተላት ባሶት ቡርኩት ቢልቸ ተረሶን ባሎን። በዞኒ በትከወኖት ደር ያሉ ሉላሉሌ የሽፐት ላቶ ፕሮጀክትቸ ፋይደኒሙ ባጥሮት ኡግዠዋ ተክታተላት ታሶት አዘርም በለፈይ ዘማን በፈየ ሃለት ቲትረሻ መጣን ባሎን። የሮሬይ የኢቶጵየ የህዳሴ ጉዱብ ገቤ ጭም ላሶት ወጡ የቀሩ ደረሰኛኞ (ቢሊታቶ) ቴትከ ጭም ባሶት ኡግዠዋ ተክታተላት አሶት ያትኬሻነምኮ ነቀሎን። ባድ ኡንቁፍ ፋይደ ያለይ የ'ፋይዳ' የዲጂታል መቻዬ መዝገበ ብል በቡርነት እትፈጀነኮ ሁሉም ዮድበይማን ቃምቸ ጃድ አሶት ኢነብርብናነኮ አቻሎን። የስነ-አህላቅዋ የዙልም ናስ መትክታተዬ ጎልጌ የኡመተነ ዱኒየ ተትበሎትዋ ተትብሳሞት በቂሮትዋ ሱተኜ ድጋየ ባቦት ወደል ወሻይብነት ኢነብርቢናን ባሎን። ባኩይ ሰአት የስልጤ ዞን መትንዳደሬ ክትበት ጋር የ2028 በጀት አይዶ የትረሻት ሪፓርት በክትበት ጋሪ የህዳሴ ግድብ ተክታተላት ዳይሬክቶሬት ዳይሬክተር በሆኑይ በሹክሬ ሱልጣን ባቅረቦት ደር ኢትረከባን።

ለስልጤ ልማት ማህበር የቢዝነስና የባህል ማዕከል ግንባታ ማጠናቀቂያ 70 ሚሊየን ብር ድጋፍ ተደረገ! ወራቤ፣ መስከረም 8/2018 (ስልጤ ዞን መንግስት ኮሙኒኬሽን) በስልጤ ዞን ዋና አስተዳዳሪ ክቡር አቶ ዘይኔ ቢልካ የተመራ የዞን የወረዳና የከተማ አስተዳደር የስራ ሀላፊዎች ቡድን በአዲስ አበባ እየተገነባ ያለውን የቢዝነስና የባህል ማዕከል በመጎብኘት ለማዕከሉ ግንባታ ማጠናቀቂያ የ70 ሚሊየን ብር ድጋፍ አድርገዋል። የዞን ማዕከል ካቢኔ አባላት እንዲሁም የወረዳና ከተማ አስተዳደር የፊት አመራሮች በተገኙበት መርሃ ግብር ላይ በአዲስ አበባ መርካቶ እየተገነባ የሚገኘው የስልጤ የቢዝነስና የባህል ማዕከል ግንባታ የደረሰበት ደረጃ ተጎብኝቷል። በዚህም የአመራር ቡድኑ የማዕከሉን የመኪና ማቆሚያ ቤዝመንትን ጨምሮ አጠቃላይ የግንባታ ሂደቱንና ውጫዊ የፊኒሺንግ ስራዎቹን ተዛዙሮ ተመልክቷል። በጉብኝቱ ወቅት የስልጤ ልማት ማህበር ዋና ስራ አስፈጻሚ አቶ ሸምሴ ኑሪ የማዕከሉ አጠቃላይ ግንባታ ያለበትን ደረጃ አስመልክተው ገለና ማብራሪያ ሰጥተዋል። በዚህም ማዕከሉ ሁለት ቤዝመንት ያለው G+9 ግንባታ መሆኑን አቶ ሸምሴ ገልጸው አሁን ላይ ግንባታው ሙሉ በሙሉ ተጠናቆ ከ98 ሚሊየን ብር በላይ በሆነ ወጪ ውጫዊ የፊኒሺንግ ስራዎች እየተከናወኑ መሆኑን አስረድተዋል። ከአንድ ዓመት በፊት የወረዳና የከተማ አስተዳደር የስራ ሀላፊዎች ግንባታውን ጎብኝተው እንደነበር ያስታወሱት አቶ ሸምሴ በወቅቱ ህዝብና ወጣቶችን በማስተባበር ባደረጉት ድጋፍ የግንባታውን ቀሪ ስራዎች ማጠናቀቅ መቻሉን ተናግረዋል። የማዕከሉን ውጫዊ የፊኒሺንግ ስራዎች የያዘው ኮንትራክተር ተወካዮችና የግንባታ አማካሪዎች ስራው በጥሩ ሁኔታ እየተከናወነ መሆኑን በመግለጽ ከአንድ ወር ባልበለጠ ጊዜ የማዕከሉን ቤዝመንትና የተወሰኑ ክፍሎች ወደ ስራ ማስገባት እንደሚቻል አስረድተዋል። ከጉብኝቱ በኋላ በዞኑ ዋና አስተዳዳሪ ክቡር አቶ ዘይኔ ቢልካ መሪነት በተደረገው ውይይት የወረዳና የከተማ አስተዳደር መሪዎች በማዕከሉ አሁናዊ አፈጻጸም ደስተኛ መሆናቸውን በመግለጽ እስከ ግንባታው ፍጻሜ ድጋፋቸውን አጠናክረው እንደሚቀጥሉ አረጋግጠዋል። በውይይቱ ወቅት ለማዕከሉ የውጫዊ ፊኒሺንግ ስራዎች ማስፈጸሚያ በዞኑ አስተዳደር እንዲሁም በወረዳዎችና ከተማ አስተዳደሮች የሚሸፈን የ 70 ሚሊየን ብር ድጋፍ ተደርጓል። የስልጤ ዞን ዋና አስተዳዳሪ ክቡር አቶ ዘይኔ ቢልካ ወረዳና ከተማ አስተዳደሮች ለማዕከሉ ግንባታ ላደረጉትና ሲያደርጉ ለቆዩት ድጋፍ ልባዊ ምስጋናቸውን አቅርበው መላው ህዝብና ልማት ወዳድ አካላት በሙሉ ሁለንተናዊ ድጋፋቸውን አጠናክረው እንዲያስቀጥሉ ጥሪያቸውን አቅርበዋል።

የስልጤ ዞን ወጣቶችና ስፖርት መምሪያ የክረምት ወራት የበጎ ተግባራት ቴክኒክ ኮሚቴ መድረክ አካሄደ! ወራቤ፣ መስከረም 8/ 2019 ስልጤ ዞን ኮሙኒኬሽን በስልጤ ዞን በዘንድሮው የክረምት የበጎ አድራጎት የልማት እንቅስቃሴ ከጅምሩ መልካም የሚባል ውጤቶች እየተመዘገቡ መሆናቸው በዞኑ ቴክኒክ ኮሚቴ የግምገማ መድረክ ተገለጸ። ለመድረኩ መወያያ የሚሆን የበጎ ተግባራት የእስከአሁኑ የአፈፃፀም ሪፖርት የያዘ ሰነድ በስልጤ ዞን ወጣቶችና ስፖርት መምሪያ ምክትልና የወጣት ዘርፍ ኃላፊ አቶ ሹክረቶ አባቢያ አቅርበው ሰፋ ያለ ውይይት ተደርጎበታል። በዞኑ በየደረጃው ተጀምረው እያለቁ ያሉ የአቅመ ደካማ ወገኖች ቤት ግንባታ፣የተደረጉ የደም ልገሳ ተግባራት፣ በከተማ ልማት የተሰሩ ስራዎችና ሌሎች የበጎ ተግባራት በህብረተሰቡ፣ በወጣቶች በሴቶች አደረጃጀቶችና በአመራሩ ንቁ ተሳትፎ በመሰራት በመገባደድ ላይ ይገኛል ሲሉም የቴክኒክ ኮሚቴ ሰብሳቢው የስልጤ ዞን ብልፅግና ፓርቲ የዲሞክራሲ ዘርፍ ኃላፊ አቶ አማን ከድር ገልፀዋል። ከወረዳ ጀምሮ እስከ ታችኛው መዋቅር ድረስ ተግባራትን በባለቤትነት የመፈጸም አቅምን ማሳደግ እንዲሁም የቴክኒክ ኮሚቴዎች መጠናከር በየተቋሙ ያሉ ጠንካራና ደካማ ጎኖችን በመለየት ለቀጣይ ስራዎች ግብዓት መውሰድ እንደሚገባ አቅጣጫ በማስቀመጥ መድረኩ ተጠናቋል።

እንኳን ደስ አላችሁ፤ እንኳን ደስ አለን! ​የወራቤ ፖሊ ቴክኒክ ኮሌጅ በክልላችን የላቀ አፈፃፀም በማስመዝገብ የ1ኛ ደረጃን በመያዝ ተሸላሚ ሆነ!! ​የወራቤ ፖሊ ቴክኒክ ኮሌጅ በ2018 በጀት ዓመት ባሳየው የላቀ አፈፃፀም በክልሉ ከሚገኙ 38 የቴክኒክና ሙያ ኮሌጆች መካከል በግንባር ቀደምትነት 1ኛ ደረጃን በመያዝ በበላይነት አጠናቋል! ​የማዕከላዊ ኢትዮጵያ ክልል ቴክኒክና ሙያ ቢሮ በዱራሜ ከተማ ባካሄደው የ2018 በጀት ዓመት ሴክተሪያል ጉባኤ ላይ የወራቤ ፖሊ ቴክኒክ ኮሌጅ ለስመዘገበው ስኬት የማትጊያ እና የእውቅና ሽልማት በጉባሄው ተበርክቶለታል። ​የወራቤ ፖሊ ቴክኒክ ኮሌጅ በዘመናዊ የዲጂታላይዜሽን ትግበራና በበይነ-መረብ የርቀት ስራ ስልጠና (Remote Job Training) አዳዲስ እድሎችን በመፍጠር፣ በስልጠና ዘርፍ፣ በቴክኒክና ሙያ ኢንቮቲቮች ትግበራ፣ በውጭ ሀገር የሥራ ስምሪትና አካቶ ስልጠናዎች ግንባር ቀደም ና ሞዴል ሆኖ ተገኝቷል። በተጨማሪም ተቋሙን ኢንተርፕረነር በማድረግና የካይዘን (Kaizen) ፍልስፍናን በተግባር በመተርጎም አሰራሩን ያዘመነ ሲሆን፣ በሰፊ የማህበረሰብ አገልግሎት ተሳትፎው ግንባር ቀደም መሆኑ ተገልጿል።

እንኳን ደስ አላችሁ ! እንኳን ደስ አለን! የስልጤ ዞን ቴክኒክና ሙያ ትምህርት ስልጠና መምሪያ 1ኛ ደረጃ በመያዝ ተሸላሚ ሆነ። የማዕከላዊ ኢትዮጵያ ክልል ቴክኒክና ሙያ ትምህርት ስልጠና ቢሮ ባዘጋጀው የ2018 አመታዊ ጉባኤ የስልጤ ዞን ቴክኒክና ሙያ ትምህርት ስልጠና መምሪያ 1ኛ ደረጃ በመያዝ ተሸላሚ ሆኗል። ወራቤ ፖሊ ቴክኒክ ኮሌጅ... 1ኛ የሳንኩራ ኮንስትራክሽን ኢንዱስቱሪያል ኮሌጅ.....2ኛ የሁልበራግ ኮንስትራክሽን ኢንዱስቱሪያል ኮሌጅ...3ኛ በመሆን የለፕቶፕ የዴስክ ቶፕ ፕሪንተር ተሻለሚ ሆነዋል። በድጋሚ እንኳን ደስ አላችሁ ! እንኳን ደስ አለን!

በመብራትና በቴሌኮሙኒኬሽን አገልግሎት አሰጣጥ ላይ ያተኮረ 7ኛ ዙር ዞናዊ የባለድርሻ አካላት የጋራ የምክክር መድረክ ተካሄደ! ወራቤ፣ መስከረም 6/2019 ስልጤ ዞን ኮሙኒኬሽን የኤሌክትሪክ ሀይልና የኢትዮ ቴሌኮም የስራ ሀላፊዎች እንዲሁም የስልጤ ዞን አመራሮች የተሳተፉበት በመብራትና ቴሌኮሙኒኬሽን አገልግሎት አሰጣጥ ላይ ያተኮረ የባለድርሻ አካላት የጋራ የውይይት መድረክ በወራቤ ከተማ ተካሂዷል። በውይይት መድረኩ የተቋማቱ አገልግሎት የህዝቡን የልማትና የለውጥ ፍላጎት ያማከለና ጊዜውን ወቅቱን የሚመጥን እንዲሆን ተጠይቋል። በመድረኩ ላይ ዞናዊ የመብራትና የቴሌኮሙኒኬሽን አገልግሎት አሁናዊ ሁኔታ በስልጤ ዞን አስተዳደር የዋና አስተዳደሪው ልዩ አማካሪ በሆኑት በአቶ ሲራጅ ከድር እንዲሁም በክልል ዲስትሪክት እና በኢትዮ ቴሌኮም ኃላፊዎች በኩል ቀርቦ ሰፋ ያለውይይት ተደርጓል። በዚህም በዋናነት በዞኑ በርካታ ከተሞችና የገጠር አከባቢዎች ከፍተኛ የሆነ የመብራት መቆራረጥ ችግሮች መኖራቸው ተነስቷል። ከሀይል መቆራረጥ ባሻገር የሀይል እጥረትና ተደራሽ ያለመሆን ችግሮች መኖራቸው ተመላክቷል። የወራቤ የሀይል ማከፋፈያ ጣቢያ መገንባት በዋናነት የከተማዋን የሀይል ችግር መቅረፉ የተገለጸ ሲሆን አልፎ አልፎ የሚስተዋለው የሀይል መዋዠቅ ሊፈታ እንደሚገባ ተመላክቷል። በሌላም በኩል በዞኑ ያሉ ሌሎች ከተሞች ከወራቤ የሀይል መስመር በማገናኘት የሀይል እጥረትና መቆራረጥ ችግሮች መፍታት ያስፈልጋል ተብሏል። ከቴሌኮሙኒኬሽን አገልግሎት ጋር ተያይዞ በስልጤ ዞን በርካታ የገጠር ቀበሌያት ውስጥ የኔትወርክ ተደራሽነትና ጥራት ችግር መኖሩን በማንሳት ትኩረት እንዲሰጥ ተጠይቋል። በከተሞችም በብዙ ቦታዎች የሚስተዋሉ የጥራትና የፍጥነት ጉድለቶች እንዲሻሻሉ ለስራ ሀላፊዎች ጥያቄዎች ተነስተዋል። የኃይል አቅርቦት ተደራሽነትን ማሳደግ የመሰረተ ልማት ጥገናዎችን ማፋጠንና ለአዳዲስ አካባቢዎች የኤሌክትሪክ መስመር ዝርጋታዎችን ማጠናቀቅ ላይ በትኩረት ሊሰራ እንደሚገባ ተወያዮች ገልፀዋል። ​የኔትወርክ ሽፋንና ጥራትን ማሻሻል ኢንተርኔት አገልግሎትን ማስፋፋት እና እንደ ቴሌ ብር ያሉ የዲጂታል ክፍያ ስርአቶችን ተደራሽ ማድረግ ይገባልም ብለዋል። የህብረተሰቡን ማህበራዊና ኢኮኖሚያዊ እንስቃሴ ለማፋጠን መሰረታዊ አገልግሎቶችን በሙሉ አቅም ማቅረብ ይጠበቃልም ተብሏል። የማዕከላዊ ኢትዮጵያ ክልል የርዕሰ መስተዳደሩ ልዩ አማካሪ ንጉሴ አስረስ (ዶ/ር) የመድረኩ ዋና ዓላማ በአገልግሎት አሰጣጥ ላይ የሚታዩ ጉድለቶችንና ችግሮችን ህዝቡ፣ መንግስት እና ባለድርሻ ተቋማት በጋራ በመገንዘብ ዘላቂ መፍትሄ ለማስቀመጥ ያለመ መሆኑን አንስተዋል። ለኃይል አቅርቦት እጥረቱ፣ የትራንስፎርመር ኦቨርሎድና ብልሽት፣ ያረጁ ፖሎች፣ የኮሪደር ልማት፣ የክፍያ ማዕከላትና የገጠር ኤሌክትሪክ ችግሮች ተለይተዋል። በአጭር፣ በመካከለኛና በረጅም ጊዜ በሚል በየ ደረጃ ሊፈቱ የሚችሉ ጉዳዮች ቅድሚያ የሚሰጣቸው ሲሆን ቀሪዎቹ ከፌደራል ተቋማትና ከኢትዮጵያ ኤሌክትሪክ ኃይል ማኔጅመንት ጋር በመቀናጀት የሚፈቱ ይሆናል ብለዋል። ​ ማህበረሰቡ የአካባቢው መዋቅርና የፀጥታ አካላት የመንግስትና የህዝብ ሀብት የሆኑትን የመብራት፣ የውሃ፣ የትምህርት ቤትና የጤና ተቋማት ንብረቶችን ከውድመት የመጠበቅ ኃላፊነታቸውን ሊወጡ እንደሚገባ አሳስበዋል። አገልግሎቶቹን የበለጠ ለማሻሻልና የሚስተዋሉ ክፍተቶችን በዘላቂነት ለመፍታት ከህብረተሰቡ ጋር የሚደረገው ቅንጅት ተጠናክሮ እንደሚቀጥል አማካሪው አስገንዝበዋል። የስልጤ ዞን ዋና አስተዳደሪ አቶ ዘይኔ ቢልካ በበኩላቸው በኤሌክትሪክ፣ በቴሌኮም እና በንጹህ መጠጥ ውሃ መሰረተ ልማት ዝርጋታ ላይ የዞናችን የህብረተሰቡ ተሳትፎ ከፍተኛ ሚና እየተጫወተ ይገኛል ብለዋል። በህብረተሰቡ ንቁ ተሳትፎ በመሰረተ ልማት ዘርፍ አበረታች ውጤቶች ተመዝግበዋል ሲሉም ዋና አስተዳደሪው አንስተዋል። በተጨማሪም በውሃና በኤሌክትሪክ መስመሮች ላይ የሚከሰቱ የመቆራረጥ ችግሮችን ለመፍታት የነዳጅና የጥገና ወጪዎችን በመሸፈን የጋራ ንብረቱን በመንከባከብ ላይ ይገኛል ብለዋል። የመሰረተ ልማት አውታሮችን ከስርቆትና ከጉዳት ለመጠበቅም ህብረተሰቡ ከፖሊስና ከአካባቢው የጸጥታ መዋቅር ጋር በመቀናጀት እየሰራ መሆኑን በመግለፅ ቀጣይም የተቀናጀ ስራ ይቀጥላል ብለዋል። የውይይት መድረኩ ቀጣይም በክልሉ በሚገኙ ሰባቱም የክላስተር ከተሞችና በየወረዳውና ከተማ አስተዳደሩ ተጠናክሮ የሚቀጥል ይሆናል ተብሏል። በውይይቱ ላይ የኢትዮጵያ ኤሌክትሪክ አገልግሎት፣ የኢትዮ ቴሌኮም፣ የክልል የዞን፣ የወረዳና ከተማ አስተዳደር አመራሮች ተገኝተዋል።