🎶❤سکوت_عشق❤🎶

یار ، یار اولسا نه حاجت میه میخانه لره ساغر و باده نه لازیم ، گله پیمانه لره یار الی الده اولا ، مست ائدر عالمده منی ناز ائدر بو دلی کونلوم هامی مستانه لره عطریوی آلسام اوزاقدان اولارام نئشه ی عشق وئرمرم تکجه اییین دهریده دوردانه لره دویاسان سوزلریمی درک ائده سن غملریمی دئمرم سیر سوزومی ، نیسگیلی بیگانه لره مهر روخسارین عجب ظلمتی سیلمیش گئجه دن گل محبت ایشیقین یای یینه غمخانه لره شمع الفت کیمی یان قوی باشیوا من دولانیم من اولان یرده نه حاجت دلی پروانه لره لیلی اول سن منه ، منده سنه مجنون تک اولوم کوی عشقینده منم باش ، هامی دیوانه لره زلفووه چوخدان اسیرم نئجه گور دامه سالیب بارماقیملا دارارام ، سالما اونی شانه لره بیر آغاج کولگه سی سنله منه جنتدی گوزل وئرمرم وصلیوی من خانه و کاشانه لره خوشدور عباس اورگین ائیلدی بتخانه سنه سنده اول کعبه ی عشق گئتمیه بتخانه لره @Sookote_eshgh