مدير عكاظ 📗

السلام عليكم حبايب ..غدا مستمرين بتسجيل طلاب الرابع وتوزيع كتب للصف السادس الادبي حسب الجدول تحياتي 🌸

اكرر النشر ..غدا ان شاء الله تسجيل طلاب الرابع وتوزيع الكتب حسب الجدول المعلن مسبقا تحياتي 🌸

تم استبدال القطعه الخارجيه التعريفيه للمدرسه لتناسب مكانة المدرسه وجمالها تحياتي 🌸🌸🌸

السلام عليكم ورحمة الله وبركاته الطلاب المدرجه اسمائهم ادناه من متوسطات سليم البصري //بوب الشام //حماة الوطن نجحوا من الدور الاول ووصلت وثائقهم إلى الاعدادية وسنبدأ باستقبالهم بتسجيلهم ابتداء من يوم الاحد من قبل اللجان المختصه المستمسكات المطلوبه // البطاقة الوطنيه للطالب مستنسخه ملونه نافذه وحديثه البطاقه الوطنيه للأب نافذه وحديثه البطاقة الوطنيه للام نافذه وحديثه بطاقة السكن اربع صور فايل كارتوني اي لون ***سنفتح باب التبرع عن طريق لجان وبشكل معلن ورسمي مع وصل بأسم الطالب ويعتبر تبرعك هذا نشاط لا صفي للطالب ليس لديك إمكانيه الكلمه الطيبه جميله واحنه واخوتك نسد بمكانك تحياتي 🌸🌸🌸

بدون براءة ذمه لا يوجد كتب تحياتي 🌸

شبابنا الحلوه للمره الاخيره انشر وانبهك اي طالب ما لابس ابيض يمنع دخوله إلى المدرسه ومشكلتك ترسب لو لا اني حذرت ونشرت إذا حزين وعندك عزاء بإمكانك لبس تيشرت ابيض تحت الاسود وتقوم بخلع الاسود وتبقى بالتي شيرت أثاء وجودك في المدرسه وعند خروجك البس الأسود مع احترامي وعزائي للجميع تحياتي 🌸🌸🌸

السلام عليكم ورحمة الله وبركاته…فكرت مليا قبل كتابة هذا المنشور ولكني لا استطيع التحمل اكثر اقسم من قوت جهالي اصرف اضافه إلى زكاتي وزكاة الخيرين …الطلاب واولياء الامور هلله هلله بالمدرسه عليكم بحث أبناءكم على المحافظه عليها اولا وثانيا الوقوف بجانبي للحفاظ على هذا الصرح الجميل … تخيل كل يوم يرتادها اكثر من ٢٠٠٠ طالب ل ٣ مدارس اجعل مقارنه بسيطه بينها وبين بيتك الذي يعيش فيه لا اكثر من ١٠ أشخاص وكمية الصرف عليه لادامته وبدون مقارنه لان مع الاسف ثقافة البعض تخريب الأموال العامه من الكتابة على الحائط والعبث بمرافئ المدرسه من صحبات وكهربائيات الحمدلله ولكم الكهرباء والمولده شغاله ما طولك بالدوام ويوميه لازم ١٠ لترات كاز وبهاي الأزمه وغلاء الكاز وإدامة المولده الحمامات صرفت عليها مبالغ طائله بسبب تخسفات الحائط وحفاظا على سلامتكم تصليح الطابعات كلفت اول امس ٢٠٠ الف ونحتاج الذهاب للمتنبي لشراء السجلات ولوازم بداية العام ما يكلف فوق ٥٠٠ الف وهناك رحلات ومصابيح وصبغ كل هذا والمدرسه ليس لديها دخل خارجي او حانوت لوازم تنظيف وماطورات مياه وتانكيات وحنفيات والقائمه لا تعد ولا تحصى انت في مدرسه تحسد عليها لا توجد فيها نقص مدرس او ماده ومنضبطه وتزهو ك جمالك لا استجدي منك ولكن انظر لمدرستك كأنما تنظر لبيتك الاخوه مدراء المدارس المشتركه لم يقصروا ولكن لا تسد الحاجه ساعدنا ولو بكلمه طيبه اشكر تعاونكم مسبقا واسف على الاطاله ملاحظه اخيره ///لا تكتب على الحائط رجاء رجاء رجاء لاني اقوم بتغيير مكان صفك عشوائيا في ايام الامتحانات فلا تستفيد من عملك هذا تحياتي 🌸🌸🌸

السلام عليكم حبايب وعساكم بخير ربي منشور يخص الجميع نحن على اعتاب عام جديد كلكم ولدي وأحبكم واعتز بيكم ..تلفوني شخصي وليس تلفون استعلامات لا تخابر وما اجاوب وراح اسوي بلوك لكل شخص يخابر ويستفسر …تخيل كل سنه اعداد الطلاب حوالي ١٠٠٠ يتخرج ٥٠٠ ويجي ٥٠٠ يعني ١٠٠٠ جديد تلفوني ما يسكت ..اني شخص طبيعي عندي نفسي وعائلتي الهم حق عليه ..عملي ينتهي بأنتهاء الدوام ..بإمكانك تتصل بأي صديق سبقك وتستفسر منه..((النوب اعاتبه يجاوبني جواب جواب ….)) المهم لحد يزعل احبكم كلكم ♥️♥️♥️

كل طالب خمسين الف لأربعة مواد غدا آخر يوم

ارسال اسماء ومبالغ الطلاب الراغبين بالامتحان بالدور الخاص مع المبالغ اليوم وغدا الخميس حصرا لارسالها الى اللجنة الفرعية تبليغ الطلاب لايحق لهم الامتحان بدون الدفع حاليا وستصدر الليبلات باسماء الدافعين فقط

السلام عليكم منشور خاص بالطلاب المشمولين بالدور الخاص أربعة دروس

وزارة التربية تعيد العمل بنظام المحاولات لطلبة السادس الإعدادي قررت وزارة التربية إعادة العمل بنظام المحاولات للطلبة الراسبين للعام الدراسي 2025–2026 بمادة أو مادتين في الصف السادس الإعدادي بفروعه كافة، على أن يؤدوا الامتحان بالمحاولات للعام الدراسي 2026–2027، باستثناء طلبة الامتحان الخارجي. وأوضحت الوزارة أن الطالب المشمول مخير بين الانتظام بالدوام أو المحاولات، ولا يطالب بالامتحانات الفصلية ونصف السنة، مع احتفاظه برقمه الامتحاني ودرجات المواد الناجحة، ويؤدي الامتحان في المادة أو المادتين الراسب بهما فقط. ولا يسمح للمشمول بالمحاولات بالانتقال من مدرسته الأصلية، فيما تعتمد آخر طبعة من المناهج المقررة في الامتحانات الوزارية. ولايشمل القرار الطلبة المستفيدين من نظام المحاولات في السنوات السابقة،علما ان آخر موعد للتقديم 1 كانون الأول 2026. ••••• المكتب الاعلامي لوزير التربية 7-ايلول-2026

حبايب جدول امتحانات الدور الثاني لنهاية السنة التوفيق للجميع 🌸🌸🌸