كلمات

اللي مطمني اوي وجدا والله .. هي جملة ( علي نياتكم ترزقون ) . يستحيل ربنا يضرك وعارف ان جوا قلبك خير و سلام

" ‏أنا مبسوط جدا إني بقيت سايب كل حاجه علي ربنا و راضي باي حاجه بتحصل عكس قبل كده كنت بضايق جدا و ازاي يحصل كده بس دلوقتي لا مهما يحصل الحمد لله و الحمد لله ع اللي حصل و اللي بيحصل و اللي هيحصل‏ وحقيقي لا شيء يعادل الشعور بالرضا .."

الشك اللي بيجيلك ان غيرك مش بيحبك زي ما أنت بتحبه، بيكون صح، مافيش حاجه بتلمس قلبك بتكون صدفه، كلها اشارات صحيحة حتى لو الطرف التاني بينكر ده.

حاول تلغي من دماغك فكرة هصلى الفجر لما أصحىٰ إللي هو الساعة 7 أو 8 أو 10، حسب التساهيل يعني صّلاة الفجر مُهمة لدرجة تخليك تقطع نومك، تؤديها وبعدين تشوف إللي وراك مش تعمل نفسك مش واخد بالك منها وتصليها وقت ما تصحىٰ حاول بس وربنّا هيوفقك "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا".

وَيَسِّر لِي أَمْرِي ♡゙

الحاجة الوحيدة إللي بتطمن الواحد إن ربنا سبحانه وتعالي قادر يعدل كل حاجة في لحظة واحدة ، قادر ينزل لطفه ، ويطيب الخاطر ، قادر يحول الخوف إللي جواك لأمان وطمأنينه ، قادر يغير كل شيء في ثانيه ، فاطمن ❤

الواحد محتاج يفكر نفسه كل شوية من فترة للتانية إن ربنا مش بيعمل حاجة وحشه المكان اللى أنا فيه دلوقت أنسب حاجة ليا فى الوقت ده ، المكان اللى هروحله لما ربنا يأذن هو برضه هيبقى أنسب حاجة ليا فاحمد ربنا علي كل حال وخليك راضي وعندك يقين بالله و باختياراته .♥️

أول ما الإنسان بيعرف قيمة نفسه وإيه اللي يستحقه بيرفض أي علاقة سواء عاطفية، شغل، أو صداقة مش بتديه اللي يستحقه.. بيلاقي عقله بيديه إنذار إنه ما يهلكش نفسه في حاجة مش من قيمته.. خليك عارف قيمتك علشان الناس ما بتصدق تلاقي شخص مهزوز تطلع فيه كل مشاكلها النفسية.

مش عملت اللي عليك؟ سيبها على الله عملت اللي عليك ومش ماشية؟ سيبها على الله عملت اللي عليك وناس فهمتك غلط؟ سيبها على الله عملت اللي عليك والابواب لسه مقفلة؟ سيبها على الله طول ما نيّتك نضيفة وسعيت سيبها على الله مهما عملت دلوقتي مش هتعرف اي المكسب الحقيقي ليك قدام، سيب حساباتك على جنب وسيبها على الله .

‏فيه معجزة ربانية قادمة إليك تحمل العوض والجبر والفرح لقلبك وكل ما رجوته اطمئن هناك فرحة تدبر لك في الخفاء ستأتيك في ايامك المقبلة بإذن الله اللهم اسعد قلب كل من كتب لا حول ولا قوة إلا بالله فإنها كنز من كنوز الجنة.

- ابقَ ثآبتا مَهما أهتَزت الأشياء مِن حَولك ، وَكُن قَوياً وَ عادلاً في حَق ذاتك ، عادلآ بِمعنى أن تَعتز بِنفسك بأقصى دَرجآت الثقة ، وَقويآ لأجلك 💚💪

بخاف من الناس اللى بتحط استورى على تيلجرام، بحس أنهم بيبعتوا رسايل غامضة عن طريقها لأشخاص معينة اللى هو أنت عاملى بلوك من كل الابلكشينز بس والله ما هحلك

انا راس مالى كان ١٠٠ج قررت اشتغل بيه ف التجاره روحت أشتريت بجزء منه xx ب ١٠ جنيه وبيعتها ب ١٢ج روحت اشتريتها تانى لقيتها ب ١٥ج ف بيعتها ب ١٧ج وروحت اشتريتها تانى ب ٢٠ج وبيعتها ب ٢٢ج ف روحت اشتريها لقيتها ب ١٠٠ج بسأل ليه ..قالولى هو كده عاجبك أشترى والعب معانا مش عاجبك فيي غيرك مكمل ومتسألش ليه … لحظه تفكير كده … انا راس مالى ال كان يجبلى ١٠ حاجات بقى يجبلى حاجه واحده وانا مكسبتش بس خسرت عمرى ووقتى ومجهودى انا كده مش بتاجر انا كده معنديش راس مال انا كده بضيع ..وبيضيع عمرى وبيضيع شقايا وتعبى فى منظومه فاشله انا كده بجرى وبينقطع نفسى وانا ف واقفه فى مكانى زى الطور ف الساقيه

ببص لصحابي دايمًا بلاقي نفسي محظوظ إن العيال النضيفة دي صحابي، ولاد الناس دول حبايبي أنا اللي ربنا حبني عشان بقيت وسطهم،ببص حواليا بلاقي نفسي محاط بحب و ود وأخوّة من ناس عظيمة وجدعة بجد فبقول لنفسي ما أنا لو وحش ماكنتش هبقى معاهم شكرًا لصديقي الذي لا يعرف كم هو صديقي..

مساء الخير، عايز أقولكم ٣ حاجات كنت أتمنى حد يقولهم ليا من بدري أوي ودول يُعتبروا من أهم الدروس اللي اتعلمتها الفترة اللي فاتت، ما تديش لحد مكانة في حياتك هو مش مديهالك. المُبالغة في حُب الناس وتقديرهم بيعلمهم الغرور والتكبُر، وأول شخص هيبدأو بيه هو انت. وحابب أفكركم بكلام الإمام الشافعي: ما رفعتُ أحدًا قطّ فوق قدره؛ إلا حطّ منّي مقدار ما رفعت منه.

المزعج في الموضوع كله انك بترجع لورا وفلوسك بتقل من غير ماتعمل حاجة غلط يعني مدخلتش مشروع وخسرت ولا رميت فلوسك علي رقاصة !! انت في شغلك عادي ومرتبك نزل النص ؟ والفلوس قيمتها نزلت النص ؟ تحس انك بتتعاقب علي حاجة انت معملتهاش ولا ليك ذنب فيها

... فعلا ...

(الشيخ الشعراوي) بيقول: "لا تندموا على حب أو معروفٍ أو خيرٍ قدمتموه لأحدهم ولم يكن يستحقـه، كونوا دائمًا مُعتزين بنقاء قلوبكم وإيَّاكم أن تلومُوا طهارتكُم".

كتبتُ: "أنا حزين للغاية" وذهبت للنوم فقرأها أصدقائي، وعائلتي، والشخص الذي أحبه، وفي الصباح..قراءة المزيد

من مغرب يوم السبت تبدأ أول ليلة من شهر رجب ♥️ شهر رجب سُمِّيَ بالشهر الأصبّ حيث يصبّ الله فيه الرزق والخير والرحمة صبًّا.. فقد كان الصحابة يجدون أرزاقهم تزيد في رجب، ومرضاهم تشفى في رجب، فكانوا يكثرون فيه من الدعاء لأن الله يصبّ فيه من بركته وقبوله للدعوات. اللهم صُبَّ علينا خيرك وفضلك وعافيتك صبًّا صبًّا اللهم بارك لنا في رجب وشعبان وبلِّغنا رمضان في أفضل حال.