Oltinxontura

Аёлларнинг юзини беркитишга динимиз буюрмаган! Шайх Доктор Юсуф Қарзовий раҳимаҳуллоҳ, Халқаро мусулмон уламолари кенгаши собиқ раиси, буюк фақиҳ Ўзбекистон мусулмонлари идораси Матбуот хизмати Muslim.uz @muslimuzportal | @shayx_nuriddinxoliqnazar | @mp3muslim | @diniysavollar

Юз аврат эмас, ҳажда ҳам аёл кишининг юзи очиқ бўлиши шарт қилинган! Айюбхон домла Супиев https://t.me/MuslimShosh

Аёл кишининг юзи, икки кафти ва қадами аврат эмас – фиқҳий манбалар Ҳасан домла Қодиров 🔗 Улашинг: @diniysavollar

🕌 Шариатда ҳар бир ишнинг чегараси бор! ▶️ Салоҳиддин домла Шарипов Muslim.uz @muslimuzportal | @mp3muslim | @diniysavollar

Инсоннинг ҳаддидан ошиши ҳалокатдир! Шайх Нуриддин Холиқназар Muslim.uz @muslimuzportal | @shayx_nuriddinxoliqnazar  | @mp3muslim | @diniysavollar

Шариатимизда диний либос йўқ! – Тошкент шаҳар бош имом-хатиби Абдуқаҳҳор домла Юнусов Muslim.uz @muslimuzportal | @mp3muslim | @diniysavollar

Ассалому алайкум хурматли каналимиз обуначилари. Ушбу каналимиз вақтинчалик фаолиятини тўхтатиб туради. Каналимиз обуначиларидан узилиш учун узр сўраймиз. Ассалому алайкум ва рахматуллоҳи ва баракатуҳ.

Али Тантовий Дамашқ масжидидаги маърузаларидан бирида шундай деган экан: "Бу масжиднинг номи "Тавба" бўлиб, эндиликда файзли маскан ҳисобланади. Масжиднинг номи нега "Тавба" дерсиз? Сабаби шундаки, илгари бу ер турли гуноҳ ишлар қилинадиган жой бўлган. Ҳижрий еттинчи асрда бир подшоҳ уни сотиб олади. Сўнг бинони бузиб ташлаб, ўрнига шу масжидни қурдиради. Бу масжидда Шайх Салим Суютий исмли олим етмиш йил имомлик қилдилар. Қишлоқ аҳли имомга қаттиқ ишонар, диний ва дунёвий ишларида унга кўп мурожаат қилишарди. Масжидда фақирлик ва нафсини сақлашда зарбулмасал бўлган бир талаба яшар эди. Талаба икки кун туз тотмади: егулиги тамом бўлган, сотиб олишга пули йўқ... Очлик забтига олавергач, талаба чидамабди: "Жон сақлаш учун ўлимтик ейишим ёки бирон егулик ўғирлашим мумкин", деган хаёлга бориб, иккинчи фикрида тўхталибди... Масжид жойлашган кўчадаги уйларнинг томи бир-бирига туташиб кетганди. Кўчанинг бу бошидаги уй томига чиққан одам нариги бошигача худди ерда юргандек кетиши мумкин эди. Талаба ҳам масжид томига чиқиб, ундан қўшни ҳовлига ўтди. Қўшни ҳовлида аёллар бор экан, уларга назари тушмаслиги учун кўзини юмдида, наригисига ўтди. Қейинги ҳовлида ҳечса йўқ, боз устига пишаётган таом ҳиди келарди. Талаба бир сакраб айвонга тушди. Ошхонага кириб кўрдики, қозонда бақлажон пишмоқда! Шартта биттисини олиб, қайноқ эканига ҳам қарамай тишлади. Тишлаганини ютиб улгурмасидан ақли жойига келди: "Толиби илм бўла туриб, ўғирликка қўл уряпманми-а? Аллоҳим, Сендан паноҳ сўрайман... Ўзинг кечир..." Қилиб қўйган ишидан надомат чекиб, истиғфор айтди. Қўлидаги бақлажонни қозонга ташлаб, ортига қайтди. Масжидга келиб, Шайхнинг илм халқаси қўшилди. Қорни очлигидан сабоқ қулоғига кирмасди. Дарс тугаб, ҳамма тарқалгач, бир мастура аёл Шайхнинг ҳузурига кириб, биров эшитмайдиган даражада нималардир деди. Аёлнинг гапини эшитгач, Шайх ён- атрофига қаради. Талабадан бошқа ҳеч ким йўқ эди. Шунда Шайх талабани ёнига чорлади ва: Уйланганмисан? деди. Талаба йўқ, деб жавоб берди. Шайх: "Уйланишни ҳоҳлайсанми?" Талаба: "Эй хожам, менда пул йўқ, нимамга уйланаман?" Шайх айтди: Бу аёлнинг эри вафот этибди. Қари амакисидан бошқа ҳеч кими йўқ экан. Эрининг уйи ва молу давлати аёлга мерос қолибди. Аллоҳ ва Расулининг суннатига мувофиқ турмушга чиқиш ниятида келибди. Ёлғизликдан ўзига зарар етиши эҳтимолидан қаттиқ хавотирда экан... Хўш, унга уйланасанми? Талаба "Ха", деб жавоб берди. Шайх аёлга юзланди. Сенчи, шу йигитга турмушга чиқишга розимисан? Аёл ҳам розилигини билдирди. Шайх аёлнинг амакисини чақирди ва икки инсон гувоҳлигида никоҳ ўқиди. Никоҳдан сўнг талаба аёл билан унинг уйига келди. Уйга киргач, аёл юзини очди. Талаба жуда гўзал ёш бир аёлни кўрди. Аёлнинг чиройига маҳлиё бўлган йигитнинг кўнглига бирдан хавотир оралади. Негаки, бу уй боя ўзи ўғирликга кирган хонадон эдида. Аёл "Овқатланасизми?" деб сўради. Йигит "Ха" деди. Қозонни очган аёл ҳайратдан донг қотди. Ажаб, кимдир кириб бақалажонни тишлаб кетибди! Йигит йиғлаб юборди ва бўлган воқеани айтиб берди. Йигитнинг иқрорини тинглаган аёл шундай деди: Бу омонатдорликнинг мевасидир. Сиз ҳаромдан ўзингизни тийдингиз, бунинг эвазига эса Аллоҳ таоло мана шу уйни ҳам, эгасини ҳам сизга ато этди... "Кўҳна дунё ривоятлари" китобидан. https://t.me/oltinxontura

САВОЛ: Ассалому алайкум! Русларда Дари и получай деган тармоқли маркетинг чиққан ҳозирги кунда. Пул ташисиз ва одам чақирасиз у пулиз сизга кўпайиб қайтади. Бу ўйин ҳалолми ҳаромми? Кўплар буни эҳсондей қабул қилишяпти. ЖАВОБ: Ва алайкум ассалом! Ҳаром. Бу молиявий пирамида. Валлоҳу аълам! «Зикр аҳлидан сўранг» ҳайъати https://t.me/oltinxontura

CАВОЛ: Янги туғулган чақалоқ пешонасига қора куя суртиб қўйишга Динимизда қандай қаралади: шундай қилиш жоизми? 💬 ЖАВОБ: Бисмиллаҳир Роҳманир Роҳим. Динимизда ёш болани юзига қора суртиб қўйишга буюрилмаган. Бу иш динимизда йўқ. Тўғри, кўз тегиши бор нарса. Бир нечта ҳадиси шарифларда бу ҳақда очиқ айтилган. Саҳобалардан Усмон ибн Аффон розияллоҳу анҳу бир кўркам болани кўриб: "Бу боланинг юзига қора ранг суртиб қўйинглар, кўз тегиб қолмасин тағин", деган маъносида гапирган эканлар. Лекин ҳазрати Усмоннинг бу гаплари "Динимизда ҳар бир туғилган ёш боланинг юзига қора суртилиши керак", деган маънода эмас, балки тавсия маъносида айтилган. Шунинг учун ҳар бир туғилган чақалоқнинг юзига қора куя каби нарсаларни суртишга одатланиш яхши эмас. Валлоҳу аълам. Ўзбекистон мусулмонлари идораси Фатво маркази. https://t.me/oltinxontura

CАВОЛ: Исм ўзгартириш қандай тартибда бўлади ва шартлари қандай? 💬 ЖАВОБ: Бисмиллаҳир Роҳманир Роҳим. Шариатда исм ўзгартириш учун алоҳида маросим ёки қоидалар йўқ. Исмини ўзгартирган киши исмини ўзгартирганини ўзига яқин инсонларга эълон қилиб қўйса кифоя қилади. Валлоҳу аълам. Ўзбекистон мусулмонлари идораси Фатво маркази. https://t.me/oltinxontura

Агар ўз нафсингни яхши танисанг, сен ҳақингда айтилган гаплар сенга зарар бермайди. Суфён Саврий раҳимаҳуллоҳ  

Жобир ибн Абдуллоҳ розияллоҳу анҳудан ривоят қилинади: «Расулуллоҳ соллаллоҳу алайҳи васаллам дедилар: «Ким Қуръонни ўқиб чиқса (ёки «жамласа») унинг учун Аллоҳнинг ҳузурида мустажоб бўладиган дуо бордир. У Зот хоҳласа, уни бу дунёда беради, хоҳласа, охиратга қолдиради». Табароний ривоят қилган. https://t.me/oltinxontura

ИСЛОМНИНГ ИЛК ҲАЖ АМИРИ Ҳаж амри тушди. Йўлга қодир инсонлар улуғ Байтни зиёрат ва ҳаж қилишлари Аллоҳнинг бир ҳаққи сифатида билдирилди. Жаноби Расулуллоҳ соллаллоҳу алайҳи васаллам ҳажнинг фарз қилинганини билдирувчи оятни минбарда ўқиганларидан кейин: — Эй инсонлар, Аллоҳ сизларга ҳажни фарз қилди, шундай экан, ҳаж қилинглар, — деб хитоб этдилар. Бир киши ўрнидан турди: — Ҳар йили ҳаж қиламизми, эй Аллоҳнинг пайғамбари? — деб сўради. Бу киши Ақро ибн Хобис эди. Расулуллоҳ соллаллоҳу алайҳи васаллам жанобимиз жавоб қилмадилар. Ақро саволини такрорлади: — Ҳар йили ҳаж қиламизми? Бу гал ҳам индамадилар. Ақро эса, саволига жавоб берилмагаётганида бир хикмат бўлиши мумкинлигини ўйлаб кўрмасди. Натижада айни саволни учинчи марта сўради. Шунда Жанобимиз соллаллоҳу алайҳи васаллам Ақронинг тушунчасизлигидан куюнган бир охангда, дедилар: — Агар ҳа деганимда ҳар йили ҳаж қилиш вожиб бўларди. Сизларнинг эса бунга кучларинг етмасди. Сизлардан аввалгиларни кўп ва беҳуда савол сўрашлари ва натижада пайғамбарларига терс иш қилишлари ўлдирган. Мен сизларни ўз ҳолларингизга қўйиб берганим муддатча мени ҳам ўз ҳолимга қўйинглар (яъни, мен ўзим изоҳлаб бермагунимча, мендан қўшимча маълумот кутманглар). Кейинроқ бу мавзуда мўминларга бир амр келди: «Эй имон келтирганлар! (Аллоҳ сизларга кечиб юборган,) очилганида сизларга хуш келмайдиган нарсалар ҳақида сўраманглар! Қуръон (оятлари) нозил бўлаётганида у нарсалар ҳақида сўрасангиз, сизларга очиб берилади (яъни, зиммангизга юкланади). Ҳолбуки, Аллоҳ у нарсаларни кечиб юборган эди. Аллоҳ кечирувчи ва ҳалимдир. У нарсалар ҳақида сизлардан олдинги қавм сўраган эди. Сўнгра эса у нарсаларни инкор қилувчиларга айландилар»*. (* Моида, 101-102.) https://t.me/oltinxontura

Қай бир киши мансабини одамларга хизмат қилиш эмас, ўзига фойдаланиш воситаси қилса, ҳақиқат асосларини қарор топтиришга эмас, ҳавои нафсини қондиришга васила қилса, бу одам (қонунан) жиноятчи ва (шаръан) гуноҳкордир. Шайх Муҳаммад Ғаззолий https://t.me/oltinxontura

Абдуллоҳ ибн Аббос розияллоҳу анҳудан ота-онага оқ бўлиш ҳақида сўрашди. У зот жавоб қилдилар: "Агар фарзанд кийимини қоқса, унинг чанги отаси ё онасига тегса, бу фарзанд Аллоҳ ҳузурида оқ бўлган, дея ёзилади". https://t.me/oltinxontura

Ёлланма ёзувчи ё олим фикр пайдо қилмайди ва ватанни ҳимоя этмайди. Дўст орттирмайди ва душманни қўрқитмайди. Ваҳимага тушса ё умидвор бўлса, ёзади. Қорни тўйса ё хотиржам бўлса, ўзини тортади. Муҳаммад Мухтор Шинқитий https://t.me/oltinxontura

Биз уйимиз тўрида босқинга учрадик. Босқин ҳарбий босқин эмас. Фикрий-ақидавий. Энди мағлубиятимиз оғирлигини бошқаларга юкламайлик. Шайх Муҳаммад Ғаззолий https://t.me/oltinxontura