اراء وتقارير مشاكل وحلول RAV4 2019

تحديث في فئات الراف فور لدى الوكيل عبداللطيف جميل اصبحت ٧ فئات موضحة في الرابط اعلاه -------------------------------------------------------- توفر فئتين جديدة بدفع امامي 2×4 لمحرك ٢.٠ و الهجين(هايبرد) فئة جديدة GLE 4×4 بمحرك ٢.٥ وناقل حركة من ٨ سرعات لون جديد بمسمى أزرق رمادي

🛑 تحذير خاص لاصحاب الراف٤ العادية ( البنزين ) 🛑 - الجيل الجديد قيره CVT - الجيل القديم ( ٢٠١٨ فما قبل ) قيره اوتو ابو نمر الجيل الجديد يحتاج زيت نوعه ( CVT ) الجيل القديم يحتاج زيت نوعه ( WS ) الحاصل بالوكالة ان بعض الموظفين لا يفرقون بين الجيل القديم و الجديد فأحيانا يغيرون لواحد عنده راف٤ الجيل الجديد باستخدام زيت WS لانه متعود ان الراف٤ بالجيل القديم زيته WS و لا يتأكد من البيانات و احيانا بيانات الكمبيوتر تكون غير محدثة فيحدث اللغط

🛑 تحذير خاص لاصحاب الراف٤ الهجين ⚡ 🛑 القير عندك بنظام E-CVT و حسب تعليمات الكتيب مخصص له زيت WS و ليس CVT ايضا الدفرنس الكهربائي الخلفي يستخدم نفس زيت القير و هو WS و ليس زيوت الدفرنسات الثقيلة التي تستخدم بالسيارات العادية الحاصل بالوكالة احيانا يضعون لك زيت CVT لانهم يظنون ان قيرك CVT مثل المتواجد بالسيارات العادية لكن الاثنين تختلف عن بعض ميكانيكيا و تختلف بنوع الزيت المطلوب كذلك بيلخبطون مع زيت الدفرنس عندك و بيحطون لك زيت تروس ثقيل مثل السيارات العادية و هذا خطأ فادح

فلاتر بديلة لفلاتر الوكالة بتقييمات ممتازة واسعار رخيصة

انا ناوي على راف فور وجربت قيادة السعودي والخليجي وابعطي تجربتي ورأيي الشخصي مع احتراماتي للجميع السعودي (استاندر بنزين) داخل المدينة متعب جدا قير cvt وثقيل وصوت المكينة مرتفع.. مباشرة تذكرت اليارس والاكسنت.. نفس قيادتهم اما في الخطوط السريعة.. فكان ممتاز وراسي وصوت المكينة اخف وايضا عند تثبيت السرعة مايرد ويزعجك اما الخليجي (فل كامل) كان خفيف والقير والمكينة شايلين الموتر بالراحة ولا تسمع صوت المكينة الا في اول القومة فقط او في الطلوع وأيضاً في الخطوط السريعة العزل ممتاز واستجابة الدعسة سريعة ويفز معك الموتر عند التجاوز او زيادة السرعة بشكل سريع وايضا شغلت المثبت على سرعة ١٣٠ وكان مايرد نمر الا في الطلوع في الحقيقة بعد قيادة السعودي كنسلت موضوع الراف فور وبحثت عن بديل ولكن بعد قيادة الخليجي رجعت اعيد حساباتي

بعد تجربة الهايبرد سنه ونص. و٥٥٠٠٠ كيلو. مر على السيارة شتاء وصيف والان شتاء اقدر اعطيكم متوسط الاستهلاك حسب استخدامي بدقة الاسوأ في اكثر اوقات السنة حرارة في شهر ٧ و٨ يكون استهلاك البنزين ١٩ كيلو لكل لتر. الافضل طبعاً في درجة حرارة من ٨ الى ٢٥. “حسب تجربتي لان السيارة مامر عليها ابرد من ٨ يكون استهلاك البنزين ٢٢ كيلو لكل لتر

تسارع الراف فور الخليجي 2:5

تجربتي للراف فور خليجي ٢٥٠٠ سي سي بعد استخدام لمدة شهرين ونص الشاشة من مميزاته تقدر تتحكم في بعض الاعدادات مثل اعدادت قفل الابواب ومن سلبيات الشاشة ماتدعم كار بلاي والوصلة حقت كار بلاي ماتقدر تبرمجة على الشاشة صوت المكينة غير مزعج حساسات امامية ممتازة صرفية البنزين ممتازة العزم ممتاز حبيت افيدكم بنقاط الاختلاف بين الخليجي والسعودي عن تجربة

تجربتي للراف فور السعودي 2019 لمدة ١٠ شهور تقريبا والآن لي شهر مستخدم للخليجي الراف فور السعودي يتميز انه جبار في الصرفية والقير الcvt سريع جداً في الاستجابة لدعسة البنزين والسلاسة في التسارع وسيارة مدينة وطلعات خفيفة للخط السريع والمرتفعات بحكم ان اللي عندي كان ستاندرد 2000cc لكن الهايبرد اللي يجي 2500cc اعتقد انه يجمل مع الطلوع الراف الخليجي أفضل عزم المشكلة اللي لاحظتها وذكروها الشباب لما تخفف لمطب وتدعس بنزين تشعر أن القير يقوم ينزل لنمرة أنزل من المطلوب مع السرعة اللي انت ماشي معها كأنه قير عادي وحسب ما قرأت في أحد المواقع الأجنبية أنها مشكلة رقم واحد من مشاكل الراف فور الجديد بالعالم لكن مالها حل إلا التأقلم واللي هو حل أيضا للعزل السيء في الراف فور وغيره من موديلات تويوتا

ملخص رحلة على الراف فور (وارد عبداللطيف جميل-بنزين) للتعليق على الاداء مشيت من جدة الى ابها من الساحل وعقبة ضلع مسافة ٦٨٠ كيلو تقريبا بتانكي واحد السرعة بين ١٠٠ و١٢٠ وباقي فالتانكي ٣٠ كيلو وولعت لمبة البنزين (الاداء ممتاز) عبيت بنزين في بللحمر للمرة الثانية نزلت من عقبة برمة في تنومة الاداء طيب والسيارة ماسكة عمرها والفرامل طيبة طلعت من تهامة مع عقبة الصماء والشنطة محملة عزب و٣ اشخاص في السيارة والاداء جيد فيه ضعف في بعض الاماكن وهذا امر طبيعي على حجم المحرك (القير ١ و٢) والوضع (Sport) الحرارة ماتجاوزت النص وومن التعبية الثانية الى الثالثة مشيت مسافة ٦٢٠ كيلو وولعت اللمبة وعبيت في ابها مع التسعيرة الجديدة ب٧٢ وباقي ٥ لتر😬 الاداء في الطرق الوعرة جيد، تعلقت مرتين وطلعت بدون مساعدة على وضع Rock لكن اسفل الصدام صار خريطة من كثر الحكات تحتاج رفع ماتضايقت من المقاعد ومرتاح والاشخاص الي معي مرتاحين ايضا

السلام عليكم مساء الخير بعد مدة استخدام لاكثر من شهرين تتضمن دوام يومي مكة جدة ورحله الى الباحة بيشه ابها والعوده الى مكة حاب اقدم لكم تقييم بسيط ومختصر بالنظر الى فئه ال suv وقيمه السياره الاكثر من الرائعه استهلاك الوقود ١٠/١٠ الراحة من وجهة نظري ٩/١٠ العزل ٨/١٠ طلعت الجنوب تقريباً كامل معاي عائله ٥ اشخاص و٣ شنط متوسطه وعزبه كامله السياره على وضع ال normal ماوجهت اي مشكله مع اي طلوع او نزول او انزلاق مع المطر والاوديه يااخوان لازم تعرف سيارتك وامكانيتها عشان تستخدمها صح لا تتوقع انها جيب لكزس اوvxr عشان تمشي ١٤٠ مع لفه او تتوقع عزم جبار فالطلوع الشاهق ولا دبل بدفرنسات فالبر والاوديه اختصاراً السياره اكثر من رائعه دمتم بود

صبآح الخير .. سيارتي راف فور ٢٠ .. ولآحظت وجود صوت طقة بالامام مع المطبات ، فراجعت الوكالة وأفادوني بأن السيارة بها عيب مصنعي وهي تكمن بجلدة المساعد ع ماأظن ، والحمدلله وفرولي القطعة بخلال يومين وجاري تركيبها اليوم .. للفائدة 👍🏻

انا طلعت من الرياض الى شقراء وبقولكم الي شفته بالراف4 ٢٠٢٠ الي عندي بنزين ستاندر قوة 🤙🤙👍🏼👍🏼 اقتصاد بنزين 🤙🤙🤙🤙🤙🤙 مكيف 🤙🤙🤙🤙🤙 راحه في الخط🤙👍🏼👍🏼 عزل وصوت 👍🏼👍🏼 وضوح الانوار 🤙🤙👍🏼👍🏼 شاشة ترفيه 🤙🤙👍🏼👍🏼 مساحة كافية في الخلف للركاب والأغراض 🤙🏻🤙🏻🤙🏻👍🏻👍🏻 كنت أنا وأم العيال معي وطفلين في الخلف وأغراض في الشنطة اكثر شي اقتصاد البنزين وقوة المكينة واستغرب اللي يعيب في الماكينة أشوفها متوازنة بين القوة المعقولة والاقتصاد اتكلم عن خط سريع وزحمات ورحت بر ورمل قوي ويجمل المسافه تقريبا 450 كيلو انا اتكلم عن تجربتي قبل أربعة أيام والسيارة كما توقعتها والحمدلله ماخيبت ظني بحكم اني كنت استخدم سيارة ٨ سلندر سابقا وكانت تصرف كثير وحبيت انقل لكم فقط ولكم كل التقدير 🌹🌹

هذا جدول الصيانه من الشركه