الشاعر/ فهد القشانين

يوم ادنف النور توي ، واستبد السواد ثم لبست القاع ثوب الليل وستارته صارت لي الديره اضيق من عيون الجراد والصدر ضاق اتساعه واقبست غارته خليتها ،، والجديد اللي قزوزه ،، جـداد أبغى انتوي ،، طارته ياما حلاء طـارته دقيت سلفه يحمي ، قال ويش المراد ؟ قلـت ،، الحزن ، ياصحيبي راكزن شارته خذا له من الدقايق ، (عشر) يمكنه زاد لين ،، إنـها ،، روحت ،، مـ الصفر حـرارته خذيت به لفتينن في ،، ضواحي البلاد وسـريت به ،، مالبلاد ،، وثارت ،، غبـارته نطحته الشرق ،، كني ،، ساريٍ في جهاد قلت الوليف ،، المنزح ،، تاجب زيـارته قال اسري ،، كنه ،، حرن ، ينتوي للهداد وإلا المبشر ،، وكنه ،، معطي بشـارته امن ميتينه ،، نحيته ،، وان بغيتو الوكاد ما حظه بطيب اني وسط ،، غمارته من كثر جوري عليه ،، اليا نطحه البراد تقـول كن ،، البراد ،، يزيـد ،، شـرارته قزوزه ،، من الحراره ،، خطر تصبح رماد يمدي ، عليها ،، المدخن ،، يقدح زقارته طويت به طرقتن ،، يرتاب منها الفواد كم واحدن ،، جنبت فـ الخط سيارته ابغى وليفٍ ،، تسيّد ،، بالغلاء لين ساد اشفق ،، على جـيته وآخاف ،، دبارته الحب يبغى وصل والزرع ،، يبغاء حصاد والكسر ،، لامن ،، تكرر ،، تصعب جبارته واللي يصيد الفريده فالهوى ،، مايصاد والنفس ياعاذلي هي اللي ،، اختارته وانا ،، حليـف المساري ،، ياحليف الرقاد خلّك مع اللي يـدوّج في طرف حارته فهد القشانين

لي غابت الشمس ، وآنا مابعد ريته جريت من .. خافي المكنون ،، وناتي الغالي ، اللي جذبني لين ،، حبيته طاريه ،، لامرني ،، يستنزف ،، ابياتي فهد القشانين

على بساط القلب ياناعس الطرْف لك منزلٍ دون الخلايق ،، مطرِّف فيك أعتق الهزلات وأروّض الحرْف شاعر ، ولا يحتاج ، لإسمي معرِّف ما فادني في حبك النحو والصرْف الفود في ( درس الهوى ) لاتحرِّف ! من شوفتك ماردني يـالغلاء ظرْف هذا نظامي ، لين ،، عقلي يـخرِّف أصرف جنيهات الذهب فالغلا صرْف وإذا طلبت الوصل منك ( تصـرِّف إن جيت وإلا ، وصلك العلم في زرْف أخيَر لي من الهون ( موتن ،، يشرِّف فهد القشانين

ربيع العمر حان السفر وأنجبرت آبوح عن الكلمه اللي وصفها ( ماله نهـايه أغني بها ، والصدر ، من غيبتك مجروح ولا ينفعه ، راع الغناء ، لا عزف ، نايه نحسب المحبه ، كلنا ، تسليه ،، ومزوح وأثر كل خطوه ، في الغلاء خطوة بدايه بعد ما ألتقينا ، وأفترشنا ، بساط الروح عطيت المحبه ،تضحية ، عمر ، وعنايه يبـين الغلاء في ضحكتك والغلا مفضوح وأشوفك ( سواة البوصله في يد الـتايه أبا استاذنك وآصافح ( الحلم يامملوح طموح الفتى يحتاج له عـزم ،، ودرايـه خطام ، العزيمه في يدي والبروق تلوح وكسب التحدي يعتبر عندي ، هوايه خيوط الرجاء ، قدام عيني تجي وتروح وإذا شفتها تطري على خاطري ، غايـه إذا الله قسمها جبتها ، والعيون تشوح وإذا ،، الله منعها ( راضي بحكمه ورايه فهد القشانين

مافيه داعي للعتب والمناقيد ، ما جاء الزعل للحين لجل نتراضى بس الشعور اللي كوى خاطر فهيد خلاه ، ودموع المحاجر ، محاضى خليت لرضا خاطرك ( نادر ، الصيد وان عاش راسي ، والله ان اتقاضى . فهد القشانين .

ما هقيت ان المواثيق تاليها .. وداع سامح الله صاحبٍ حدّني لـ مفارقه باعني عقب الغلاء والغلاء ماهو يباع من فراقه حجرة العين دايم ، غارقه وابتدا فلم المفارق وضيقات الوساع والكرى لا هوَّد الليل .. كني سارقه ما دريت ان المحبه .. عواذلها جياع لين شفت ان شمس هجرك علينا شارقه ثم عرفت ان المحبه ضياعٍ في .. ضياع والحبايب لو يطول الزمن .. متفارقه أذكر ان برق المواصل شعاني له شعاع وذا المساء برق المفارق شعاني بارقه فهد القشانين