БАШАНД КИТОБЕН

Исм ва шўҳрати ҳаким Носири Хусрав дар пеши фузало ва удабои Фаранг ва Эрон бештар аз он аст, ки мо дар ин ҷо дар он боб шарҳе тоза нависем. Чи худи ҷаноби профессор Браун дар китоби «Таърихи адабиѐти Эрон» ва маъсуф алайҳи Рю дар феҳристи нусхаҳои форсии Бритиш Мюзейм ва профессор Эте дар китоби мавсум ба асоси «Фиқҳ-ул-луға»-и эрони дар таърихи ҳаёти ин ҳакими азимушшаън тадқиқоти фозилона кардаву ба англисӣ ва олмонӣ ва фаронса фусули кофие навишта ва ба форсӣ ҳам адиби фозил оқои Мирзо Маҳмуд Ғанизода дар муқаддимаи «Сафарнома»-и Носири Хусрав натиҷаи таҳқиқоту татаббуоти худро ба беҳтарин услубе дар ин мавзўъ марқум доштаанд. Ва лиҳозо дидам, ки агар муҷаддадан дар ин боб чизе навишта шавад, такрори молоялзам хоҳад буд. Зод ул -мусофирин

Бандаи туркон шуданд боз ба макр, Наҷми Хуросон наҳсу махбун шуд. Чокари Қипчоқ шуд шариф зи дил, Ҳурраи ў пешкори хотун шуд. Лоҷарам, ар ноқисон амир шуданд, Фазл ба нуқсону нуқс б-афзун шуд…

Чунки накў нангари, ҷаҳон чун шуд? Хайру салоҳ аз замона берун шуд. Ҳеҷ дигаргун нашуд ҷаҳони ҷаҳон, Сироти халқи ҷаҳон дигаргун шуд. Ҷисми ту фарзанди табъи гардун аст, Хокаш гардон ба зери гардун шуд. Ту, ки латифи, ба ҷисм дун чи шави? Ҳикмати гардуни дун агар дун шуд. Чун алифе буд мардумї ба масал, Чун алифи мардуми кунун нун шуд. Чокари нонпора гашт фазлу адаб, Илм ба макру ба зарқ маъҷун шуд. Зўҳду адолат сафол гашту хаҷар Ҷаҳлу сафаҳ зарру дурри макнун шуд… Феъли ҳама ҷавр гашту макру ҷафо, Қавли ҳама зарқу ваъда афсун шуд. Мулки ҷаҳон гар ба дасти девон буд, Боз кунун ҳолҳо ҳам-эдун шуд… Сар ба фалак баркашид бехиради, Мардумиву сарвари дар оҳун шуд. Боди фурўмояги вазиду аз ў Сурати некӣ нажанду маҳзун шуд. Хоки Хуросон, ки буд ҷои адаб, Маъдани девони нокас акнун шуд. Носири Хусрав

Канал для изучения английского языка:https://t.me/TasmimEnglishAcademy